Tovuti ya Habari ya Ofisi ya Kiongozi Muadhamu wa Mapinduzi ya Kiislamu Ayatullahil Udhmaa Sayyid Ali Khamenei

Habari

Matatizo yote ya M/Kati yanasababishwa na Marekani
Matatizo yote ya M/Kati yanasababishwa na Marekani
Kiongozi Muadhamu wa Mapinduzi ya Kiislamu alasiri ya leo (Jumamosi) amemkaribisha ofisi kwake Waziri Mkuu wa Sweden Stefan Lofven aliyeko safari hapa mjini Tehram
Katika mazungumzo hayo Ayatullah Khamenei ameashiria uwezo mkubwa wa nchi mbili za Iran na Sweden kwa ajili ya kuimarisha ushirikiano na kusema kuwa: Iran inakaribisha suala la kustawisha ushirikiano wa pande mbili katika nyanja zote na ina matarajio kwamba, mazungumzo na makubaliano yaliyofikiwa yatatekelezwa kivitendo.
Marekani ni ile ile ya siku zote, Iran itasimama imara
Marekani ni ile ile ya siku zote, Iran itasimama imara
Kiongozi Muadhamu wa Mapinduzi ya Kiislamu Ayatullah Ali Khamenei, leo asubuhi (Jumatano) ameonana na maelfu ya wananchi wa Isfahan na kusema kuwa, mkoa wa Isfahan ni mkoa wa watu walioko mstari wa mbele kwa ajili ya kujitolea kufa shahidi katika njia ya haki, watu wa istikama na kusimama kidete, watu wa elimu na utamaduni, watu wa dini na kushikamana na Wilaya na watu wabunifu wa wanachapa kazi.
Matatizo ya nchi yatatuliwe kwa moyo na fikra za kimapinduzi
Matatizo ya nchi yatatuliwe kwa moyo na fikra za kimapinduzi
Kiongozi Muadhamu wa Mapinduzi ya Kiislamu Ayatullah Ali Khamenei leo asubuhi (Jumatano) ambayo imesadifiana na kipindi hiki cha kukaribia tarehe 13 Aban (Novemba 3) ambayo ni Siku ya Mwanafunzi na Siku ya Taifa ya Kupambana na Uistakbari wa Dunia nchini Iran, ameonana na maelfu ya wanafunzi wa shule za msingi, sekondari na vyuo vikuu na huku akitahadharisha kuhusiana na baadhi ya harakati hatari za kupotosha ukweli na mantiki ya kusimama imara ya Imam Khomeini (Mwenyezi Mungu amrehemu) na kusimama kidete taifa la Iran mbele ya Marekani katika fikra za vijana na vilevile kujaribu kupandikiza fikra potofu kuwa njia pekee ya kutatua matatizo ya nchi ni kufanya mazungumzo na kufikia mapatano na Marekani.
Mauaji ya Saudia dhidi ya Wayemen ndio aina mbaya zaidi ya ugaidi
Mauaji ya Saudia dhidi ya Wayemen ndio aina mbaya zaidi ya ugaidi
Kiongozi Muadhamu wa Mapinduzi ya Kiislamu amesema kuwa ugaidi ni miongoni mwa masaibu yanayoiumiza sana jamii ya mwanadamu.
Ayatullah Khamenei aliyasema hayo jana jioni katika mazungumzo yake na Rais Sauli Niinistö wa Finland hapa mjini Tehran na kuongeza kuwa, mauaji ya halaiki kama yale yanayofanywa na serikali ya Saudi Arabia dhidi ya watu wa Yemen ndio aina mbaya zaidi ya ugaidi.
Muungano wa Magharibi dhidi ya ugaidi si wa kweli, ni hadaa
Muungano wa Magharibi dhidi ya ugaidi si wa kweli, ni hadaa
Ayatullah Udhma Sayyid Ali Khamenei, Kiongozi Muadhamu wa Mapinduzi ya Kiislamu, leo alasiri (Jumanne) ameonana na Bakir Izetbegović, Mwenyekiti wa Baraza la Urais la Bosnia Herzegovina na huku akitilia mkazo ulazima wa kukabiliana na siasa za kupenda vita na za kulea ugaidi za baadhi ya nchi za Magharibi amesema: Nchi huru duniani zinapaswa kuimarisha uhusiano wao na zisikubai kuathiriwa na siasa za madola ya kibeberu bali ziungane kuzima moto wa mizozo na mapigano.
Ndoto kwamba Marekani haishindwi ni makosa makubwa
Ndoto kwamba Marekani haishindwi ni makosa makubwa
Kiongozi Muadhamu wa Mapinduzi ya Kiislamu Ayatullah Ali Khamenei amefnya mazungumzo na Rais Nicolas Maduro wa Venezuela na huku akiashiria namna zilivyoshindwa njama na siasa za Marekani katika eneo la magharibi mwa Asia, amesema kuwa, suala la kupunguza bei ya mafuta ni wenzo unaotumiwa na Marekani kwa ajili ya kuzishinikiza nchi huru duniani. Amesisitiza pia kuwa: Bila ya shaka yoyote ushindi ndiyo matunda ya mapambano na kusimama imara kwa hekima na tadibiri mbele ya mashinikizo.
Iran yenye maendeleo inahitajia vijana wasomi na wanamapinduzi
Iran yenye maendeleo inahitajia vijana wasomi na wanamapinduzi
Kiongozi Muadhamu wa Mapinduzi ya Kiislamu Ayatullah Ali Khamenei leo asubuhi (Jumatano) ameonana na zaidi ya vijana elfu moja wenye vipaji na vipawa mbalimbali vya kielimu na kusema kuwa, vijana hao ni zawadi yenye thamani kubwa kutoka kwa Mwenyezi Mungu na ni amana mikononi mwa viongozi wa Jamhuri ya Kiislamu ya Iran. Vilevile amewasisitizia wajibu wa kutodharau hata kwa sekunde moja kuilinda na kuihami jamii ya watu wenye elimu na wenye vipawa nchini na kusema: Kwa kutegemea watu wenye hekima na wenye vipaji chini ya kivuli cha kulea kizazi cha vijana wenye jitihada kubwa, taifa kubwa la Iran litakuwa nchi yenye maendeleo makubwa, yenye nguvu, yenye heshima, azizi na yenye kupeperusha juu bendera ya ustaarabu mpya wa Kiislamu.
Usalama ni nguzo muhimu ya maendeleo ya nchi
Usalama ni nguzo muhimu ya maendeleo ya nchi
Kiongozi Muadhamu wa Mapinduzi ya Kiislamu Ayatullah Ali Khamenei leo adhuhuri (Jumanne) ameonana na makamanda na maafisa wa Jeshi la Polisi la Jamhuri ya Kiislamu ya Iran kwa mnasaba wa siku ya jeshi hilo na kusema kuwa, usalama ni moja ya nguzo kuu na za kimsingi za maendeleo ya nchi. Amesisitiza nafasi muhimu ya jeshi la polisi katika kuleta na kudumisha amani na kuongeza kuwa, kuna ulazima wa kuongezwa siku baada ya siku uwezo na utayarifu wa jeshi la polisi na azma na imani ya wafanyakazi wake.
Hauza inapaswa kubuni mpango wa mabadiliko
Hauza inapaswa kubuni mpango wa mabadiliko
Kiongozi Muadhamu wa Mapinduzi ya Kiislamu Ayatullah Ali Khamenei leo asubuhi (Jumapili) ameonana na kuzungumza na wajumbe wa Baraza Kuu la Hawza (vyuo vikuu vya kidini) ambapo amesisitiza kuwa, Hawza haziwezi kutenganishwa kabisa na masuala ya serikali ya Kiislamu. Ameongeza kuwa, serikali ya Kiislamu inaihitajia Hawza yenye watu makini, walioiva kielimu, wasafi, wabunifu na wanaojua mahitaji ya zama kwa ajili ya kueneza mafundisho na sheria za Kiislamu katika pande zote maisha ya mwanadamu.
Jeshi la Iran linapaswa kuwa tayari wakati wowote
Jeshi la Iran linapaswa kuwa tayari wakati wowote
Kiongozi Muadhamu wa Mapinduzi ya Kiislamu Ayatullah Ali Khamenei leo asubuhi (Jumatano) amehudhuria sherehe za kuhitimu masomo, kula viapo na kupandishwa cheo wanachuo wa vyuo vikuu vya maafisa wa kijeshi vya Jamhuri ya Kiislamu ya Iran zilizofanyika katika chuo Kikuu cha Sayansi ya Anga cha Shahid Sattari.
Vijana wetu wengi ni waumini na wako taayari kwa jihadi
Vijana wetu wengi ni waumini na wako taayari kwa jihadi
Sambamba na maadhimisho ya sikukuu ya Ghadir, idi ya Uimamu na Wilaya, na sikukuu kubwa zaidi ya Mwenyezi Mungu, leo asubuhi (Jumanne), Kiongozi Muadhamu wa Mapinduzi ya Kiislamu, Ayatullah Ali Khamenei ameonana na kuhutubia maelfu ya wananchi wa matabaka tofauti katika Husainia ya Imam Khomeini Mwenyezi Mungu amrehemu mjini Tehran.
Ujumbe kwa Mahujaji wa Nyumba tukufu ya Allah
Ujumbe kwa Mahujaji wa Nyumba tukufu ya Allah
Katika kuwadia msimu wa ibada tukufu ya Hija, Ayatullah Ali Khamenei, Kiongozi Muadhamu wa Mapinduzi ya Kiislamu ametoa ujumbu muhimu kwa mnasaba huu kwa Waislamu wote duniani na hasa kwa Mahujaji wanaozuru Nyumba ya Mwenyezi Mungu, al-Kaaba huko katika mji mtakatifu wa Makka. Amesema Hija ya Nabii Ibrahim (as) ni dhihirisho la izza na utukufu wa Umma wa Kiislamu katika kukabiliana na madhalimu wa kimataifa. Huku akiashiria matukio machungu ya maafa ya Mina mwaka uliopita, amezihutubu serikali na mataifa ya Kiislamu kwa kusisitiza kuwa ulimwengu wa Kiislamu zikiwemo serikali na mataifa ya Waislamu unapasa kuwafahamu vyema watawala wa Saudia na kuwawajibisha kutokana na jinai ambazo wamezieneza katika ulimwengu wa Kiislamu, na wakati huohuo kufikiria juu ya njia za msingi za kusimamia Haram Mbili Takatifu na suala zima la Hija. Ufuatao ni ujumbe kamili wa Kiongozi Muadhamu wa Mapinduzi ya Kiislamu.
Mti habithi uliolaaniwa wa Aal Saud haustahiki kusimamia Hija
Mti habithi uliolaaniwa wa Aal Saud haustahiki kusimamia Hija
Kiongozi Muadhamu wa Mapinduzi ya Kiislamu Ayatullah Ali Khamenei leo asubuhi (Jumatano) ameonana na familia za mashahidi wa Mina na wa Msikiti Mtakatifu wa Makka na kusema kuwa, kutokuwa na uwezo wa kusimamia Hija kwa ukoo wa Aal Saud kulikopelekea kutokea tukio hilo, kwa mara nyingine tena kumethibitisha namna mti huo habithi uliolaaniwa usivyo na ustahiki wa kusimamia na kuendesha Haram Mbili Tukufu za Makka na Madina. Amesisitiza kuwa: Kama Aal Saud wanasema kweli ya kwamba hawakuwa na makosa katika tukio hilo, basi waruhusu kuundwe tume ya kutafuta ukweli ya Kiislamu na kimataifa, ili iweze kuchunguza kwa karibu jambo hilo na kuwaonesha walimwengu uhakika wake.
Zidisheni uwezo wa jeshi ili madhalimu watishike
Zidisheni uwezo wa jeshi ili madhalimu watishike
Husainia ya Imam Khomeini (Mwenyezi Mungu amrehemu) mjini Tehran leo (Jumatano) ilikuwa mwenyeji wa maonyesho ya mafanikio ya sekta ya ulinzi ya Wizara ya Ulinzi wa Jamhuri ya Kiislamu ya Iran. Ayatullah Ali Khamenei ambaye ni Amirijeshi Mkuu wa vikosi vyote vya ulinzi vya Iran ametembelea maonyesho hayo kwa muda wa zaidi ya masaa mawili na kuona kwa karibu teknolojia za kisasa na za ndani ya Iran za taasisi za elimu za kimsingi ambayo ni matunda ya jitihada, ubunifu, maarifa na utafiti wa wataalamu wa ndani ya nchi na ambayo yana taathira ya moja kwa moja katika kuzidisha uwezo wa kijeshi wa vikosi vya ulinzi vya Iran.
Adui atambue kuwa, akishambulia atapata kipigo kikali
Adui atambue kuwa, akishambulia atapata kipigo kikali
Kiongozi Muadhamu wa Mapinduzi ya Kiislamu Ayatullah Ali Khamenei, adhuhuri ya leo (Jumapili) amehutubia hadhara ya makamanda na maafisa wa Kituo cha Ulinzi wa Anga cha Jeshi la Jamhuri ya Kiislamu ya Iran ambapo amesisitiza umuhimu wa ulinzi huo na kuutaja kuwa ni mstari wa mbele katika mapambano ya kukabiliana na mashambulizi yoyote. Amesema kuwa, kambi inayokabiliana na Jamhuri ya Kiislamu ni kambi ya watu makhabithi, walaghai na wapinzani wa uhuru na kujitawala taifa la Iran.
Wizara ya Usalama ni handaki muhimu na jicho la Jamhuri ya Kiislamu
Wizara ya Usalama ni handaki muhimu na jicho la Jamhuri ya Kiislamu
Kiongozi Muadhamu wa Mapinduzi ya Kiislamu Ayatullah Ali Khamenei leo jioni ameonana na Waziri na manaibu na wakurugenzi wa Wizara ya Usalama wa Taifa ya Jamhuri ya Kiislamu ya Iran na kusema kuwa, wizara hiyo ni ngao muhimu mno na nyeti na ni jicho linaloangalia mbali na lililomacho la mfumo wa Jamhuri ya Kiislamu. Amesisitiza kuwa: Wizara ya Usalama wa Taifa ya Iran ni tabaka lililoundwa na mfumo wa Kiislamu na haipasi kuruhusiwa lipatwe na madhara ya aina yoyote.

Anwani zilizochaguliwa