Xəbərlər
İslam İnqilabının Ali Rəhbəri Korona ilə Milli Mübarizə Qərargahı ilə canlı əlaqə yaratdı
İslam İnqilabının Ali Rəhbəri Həzrət Ayətullah Xamenei bu gün (bazar günü) səhər Korona ilə Milli Mübarizə Qərargahının üzvləri və 21 əyalətin rəhbərinin iştirakı ilə təşkil edilmiş iclasa birbaşa internet üzərindən canlı qoşuldu.
İnqilabın Ali Rəhbəri yeddi istehsal kompleksi ilə 3 saatlıq canlı bağlantı yaratdı
İslam İnqilabının Ali Rəhbəri Həzrət Ayətullah Xamenei bu gün (çərşənbə) səhər iş və zəhmətkeşlər həftəsi münasibətilə yeddi istehsal kompleksi ilə 3 saatlıq canlı əlaqə yaratdı. O, istehsalın keyfiyyəti və kəmiyyətinin artımı və sağlam bir iqtisadiyyat sistemində sərvət yaradılması istiqamətində işçlənin yeri, işçi ilə sahibkar arasındakı qarşılıqlı vəzifələrin rolu və əhəmiyyətini vurğulayaraq bu ilin istehsal sıçrayışı adlandırılmasının səbəbi, bu şüarın gerçəkləşdirilməsinin zəruri şərtləri və onlar üzərində təmərküzləşmiş sahələrlə bağlı bir neçə nüansa aydınlıq gətirdikdən sonra bu sahənin məsul şəxslərinin vəzifələrindən danışdı.
İslam İnqilabının Ali Rəhbəri həkim və tibb işçilərinə təşəkkür etdi
İslam İnqilabının Ali Rəhbəri bu gün (cümə axşamı) səhər həkim və tibb işçilərinə ünvanladığı müraciətdə koronavirusla mübarizə aparan Səhiyyə Nazirliyi, nazirliyin əməkdaşları, həkimlər, tibb işçiləri, tibbi heyətlər və ölkənin tibb sahəsinin bütün əməkdaşlarına səmimi qəlbdən təşəkkür etdi: “Bu çox qiymətli zəhmətləriniz həkim və tibb işçilərinin cəmiyyətdəki mövqeyini daha da yüksəldir, daha doğrusu, yüksəltmiş, eyni zamanda da ilahi savab və mükafata səbəb olacaq”.
Ali Rəhbər 1356-cı il 29 bəhmən qiyamının ildönümü münasibətilə Təbriz əhalisi ilə görüşdü
İslam İnqilabının Ali Rəhbəri Həzrət Ayətullah Xamenei bu gün (çərşənbə) səhər Şərqi-Azərbaycan əhalisinin minlərlə nümayəndəsi ilə görüşdə Parlament seçkilərindəki iştirakı xalqın hər tək-tək fərdinin şəri, milli, inqilabi vəzifəsi və mülki hüququ olduğunu bildirərək iki mühüm sütun olan izdihamlı iştirak və yaxşı seçkidən danışdı: “Seçkilər ümumi bir cihad, ilahi nemət və imtahandır. Əgər xalqın maksimum iştirakı ilə müşayiət olunsa, İslam dövlətinin abrı, ölkənin güclənməsi və məkrli planlara qarşı mühafizəsinə və İranın güclənməsinə səbəb olacaq”.
İslam İnqilabının Ali Rəhbəri minlərlə Əhli-beyt (ə) məddahı ilə görüşdü
Həzrət Fatimeyi-Zəhranın (s.ə) mübarək mövlud ildönümü günü İmam Xomeyni (r.ə) adına hüseyniyənin salonu Böyük Peyğəmbərin (s) əziz qızının adı və xatirəsinin rayihəsi ilə ətirləndi. Əhli-beyt (ə) şair və məddahları İslamın o böyük xanımına həsr etdikləri şeirlərini oxudular.
İnqilabın Rəhbəri Hava Hücumundan Müdafiə Qüvvələrinin bir qrup komandanı ilə görüşdü
Ali Baş Komandan Həzrət Ayətullah Xamenei bu gün (şənbə) səhər Hərbi Hava Qüvvələri və Hava Hücumundan Müdafiə Qüvvələrinin komandanları və şəxsi heyətindən bir qrupu ilə görüşdə qeyd etdi ki, 1357-ci il 19 bəhmən (08.02.1979) hadisəsi İmam Xomeyni (r.ə) və mübarizlərin ilahi vədə inamının nəticəsidir: “Əgər Allahın öz vədinə xilaf çıxmayacağı fikri cəmiyyətə hakim olmasa və məsul şəxslər ayıqcasına əməl etsələr, təhdidlər fürsətə çevriləcək və sanksiya ölkənin neft asılılığından xilas amili və bir çox problemlərin həlli ola bilər”.
Ali Rəhbər əhalinin müxtəlif təbəqələrindən olan minlərlə nümayəndəsi ilə görüşdü
İslam İnqilabının Ali Rəhbəri Həzrət Ayətullah Xamenei bu gün (çərşənbə) səhər əhalinin ayrı-ayrı təbəqələrindən olan minlərlə nümayəndəsi ilə görüşdə qeyd etdi ki, 22 bəhmən yürüşü və İslam Şurası Məclisinə seçkilər İran xalqının iki böyük sınağıdır.
İslam İnqilabının Rəhbəri Elmi-Teoloji Mərkəzlərin Ali Şurasının üzvləri ilə görüşdü
İslam İnqilabının Ali Rəhbəri Həzrət Ayətullah Xamenei bu gün (bazar ertəsi) səhər Elmi-Teoloji Mərkəzlərin Ali Şurasının üzvləri ilə görüşdə gənc tələbələr arasında daha yüksək intellektual istedadların öyrənilməsi və onlardan istifadə edilməsi üçün proqram hazırlanmasının zəruri olduğunu vurğuladı.
İslam İnqilabının Ali Rəhbəri Həcc ziyarəti üzrə məsul şəxslərlə görüşdü
İslam İnqilabının Ali Rəhbəri Həzrət Ayətullah Xamenei bu gün (bazar ertəsi) səhər Həcc ziyarəti üzrə məsul şəxslərlə görüşdə vurğuladı ki, İslam Respublikasının yeni sözünü, yəni dini demokratiya modelini dünyaya çatdırmaq üçün həcc fürsətindən istifadə etmək lazımdır: “İran İslam Respublikasının ABŞ-a müqavimət göstərməsi və İran xalqının zorakılığı qəbul etməməsi dünya üçün cəzbedici bir həqiqətdir. Bu cazibədən İslam və İran xalqının həqiqətlərini yaymaq üçün isitfadə etmək lazımdır”.
İnqilabın Ali Rəhbəri Qətərin əmiri və onu müşayiət edən nümayəndə heyəti ilə görüşdü
İslam İnqilabının Ali Rəhbəri Həzrət Ayətullah Xamenei bu gecə (bazar günü) Qətərin əmiri Şeyx Təmim ibn Həməd Ali-Sani və onu müşayiət edən nümayəndə heyətinə dedi: “Regionun mövcud şəraiti əvvəlkindən daha çox region ölkələrinin bir-birləri ilə olan əlaqələrini gücləndirməsinə və yadların təlqinlərini qəbul etməmlərinə ehtiyacı var”.
İnqilabın Rəhbəri Qum şəhərinin minlərlə sakini ilə görüşdü
İslam İnqilabının Ali Rəhbəri Həzrət Ayətullah Xamenei bu gün (çərşənbə günü) səhər Qum şəhərinin minlərlə sakini ilə görüşdə qeyd etdi ki, bu gün səhər ABŞ-ın İraqdakı iki hərbi bazasına edilən raket hücumları bir sillə idi.
Ali Rəhbər ölkənin dörd bir tərəfindən gəlmiş minlərlə kiçik tibb işçisi ilə görüşdü
İslam İnqilabının Ali Rəhbəri Həzrət Ayətullah Xamenei bu gün (çərşənbə) səhər ölkənin dörd bir tərəfindən gəlmiş minlərlə kiçik tibb işçisi ilə görüşdə sanitar işinin əxlaqi dəyərlər və insani keyfiyyətlərdən ibarət bir kompleks olduğunu dedi.
İslam İnqilabının Ali Rəhbəri minlərlə bəsici ilə görüşdü
İslam İnqilabının Ali Rəhbəri Həzrət Ayətullah Xamenei bu gün (çərşənbə) səhər minlərlə bəzici ilə görüşdə Bəsicin təhdidləri fürsətlərə çevirən bir təşkilat olaraq yaradılmasının əsaslarından, pak Bəsic ağacının yumşaq və sərt müharibənin ayrı-ayrı sahələrindəki geniş fəaliyyətləri və xidmətlərindən danışaraq böyük İran xalqının keçən həftə nümayiş etdirdiyi əzəmətli hərəkətinə işarə edərək bu qüdrətli hərəkətə görə xalqa dərin təşəkkürünü bildirdi: “İran xalqı bu genişmiqyaslı hərəkətlə düşmənin çox təhlükəli və proqramlaşdırılmış genişmiqyaslı planını iflasa uğratdı”.
İslam İnqilabının Ali Rəhbəri istehsalçılar, sahibkarlar və iqtisadi fəallarla görüşdü
İslam İnqilabının Ali Rəhbəri Həzrət Ayətullah Xamenei bu gecə (çərşənbə axşamı) iki min beş yüz nəfər istehsalçı, sahibkar və iqtisadi fəalla görüşdə milli sərvətin əhəmiyyəti, İslam dövlətində ümumi rifahın yaxşılaşdırılması və ölkə xaricinə ümid bəslənilməməsinin zəruriliyi məsələlərinə toxunaraq dedi: “Əsas işimiz və strategiyamız daxili istehsalın gücləndirilməsi və yaxşılaşdırılması vasitəsilə iqtisadiyyatın sanksiyalardan qorunmasını təmin etməkdir. Mən bu işin arxasındayam və ölkənin həqiqi inkişafını tam müdafiə edirəm”.
Ali Rəhbər dövlət rəsmiləri, “Vəhdət konfransı”nın qonaqları və səfirlərlə görüşdü
İslam İnqilabının Ali Rəhbəri Həzrət Ayətullah Xamenei bu gün (cümə) səhər dövlət rəsmiləri, “İslami vəhdət” konrfansının iştirakçıları, İslam ölkələrinin səfirləri və xalqın ayrı-ayrı siniflərdən olan bir qrup nümayəndəsi ilə görüşdə bildirdi ki, İslam dünyasının hal-hazırki müsibətləri, xüsusilə Fələstinin təəssüf doğuran vəziyyətinin səbəbi islami vəhdətin zəifliyidir.
İslam İnqilabının Ali Rəhbəri minlərlə tələbə və şagirdlə görüşdü
İslam İnqilabının Ali Rəhbəri Həzrət Ayətullah Xamenei 13 aban beynəlxalq imperializmlə mübarizə günü ərəfəsində bu gün (bazar günü) səhər respublikasının dörd bir tərəfindən gəlmiş minlərlə tələbə və şagirdlə görüşündə güclü, yüksək əhval-ruhiyyəli və motivasiyalı gənc nəslin İran üçün böyük bir nemət və qiymətli bir xəzinə olduğunu dedi və 1332-ci il çevrilişindən bu günə qədər ABŞ-ın İran xalqı ilə olan dərin düşmənçiliyinin davam etdiyini vurğuladı: “Canavar xislətli ABŞ zəifləsə də, daha vəhşi və həyasız olub. Əvəzində isə İran İslam Respublikası qüdrətli müdafiəsi ilə, habelə müzakirələrdən ağlabatan arqumentlərlə imtina etməklə ABŞ-ın ölkəyə təkrar nüfuz və giriş yoluna sədd çəkmişdir”.
İslam İnqilabının Ali Rəhbəri Pakistanın baş naziri və onu müşayiət edən heyətlə görüşdü
İslam İnqilabının Ali Rəhbəri Həzrət Ayətullah Xamenei bu gün (bazar günü) günortadan sonra Pakistanın baş naziri Cənab İmran Xan və onu müşayiət edən nümayəndə heyəti ilə görüşdə İranla Pakistan arasındakı əlaqələrin çox dərin və xalqlar səviyyəsində olduğunu qeyd etdi və vurğuladı ki, iki dövlət arasındakı əməkdaşlıqların artırılması üçün bu imkandan istifadə etmək lazımdır:
İnqilabın Ali Rəhbəri elit gənclər və yüksək elmi istedadı olan insanlarla görüşdü
İslam İnqilabının Ali Rəhbəri Həzrət Ayətullah Xamenei bu gün (çərşənbə) səhər iki min elit gənc və yüksək elmi istedadı olan insanla görüşdə qeyd etdi ki, ölkənin elmi inkişafının dünyanın çox sürətlə cərəyan edən elmi hərəkətindəki iştirakı zəruridir.
