خبریں
13 ویں صدارتی مدت کی حکم تنفیذ کی تقریب
13 ویں صدارتی مدت کی حکم تنفیذ کی تقریب آج صبح امام خمینی کے حسینیہ میں منعقد ہوئی ، اور رہبر معظم انقلاب اسلامی نے عوام آراء کی توثیق کرتے ہوئے ، حجت الاسلام سید ابراہیم رئیسی کو اسلامی جمہوریہ ایران کا صدر مقرر کیا۔
کورونا کی بیماری کی صورتحال اور یکدم اضافے پر ٹیلی ویژن بیان
رہبر معظم انقلاب اسلامی نے آج صبح (بدھ) ٹیلی ویژن پرکورونا کی بیماری کی صورتحال اور اس کے یکدم اضافے کو ملک کا اہم ترین اور فوری مسئلہ قرار دیا۔
آیت اللہ خامنہ ای نے وائرس کی نوعیت کی تبدیلی اور تغیر سے نمٹنے کیلئے محکم جدید طریقوں اور طرز عمل کی ضرورت پر زور دیا اور کہا: ایک دن میں 500 سے زائد افراد کی موت اور ان کے گھرانوں کا داغدار ہونا اور اسی طرح دسیوں ہزاروں لوگوں کا اس بیماری اور طبی مشکلات میں گرفتار ہونا واقعی بہت تکلیف دہ ہے اور ہر مسلمان اور ہم وطن کے دل اس صورتحال سے غمگین ہے، اس لیے اس صورتحال سے نمٹنے کے لیے ہم پر کچھ فرائض لاگو ہوتے ہیں۔
بارہویں حکومت سے آخری ملاقات
رہبر معظم انقلاب اسلامی نے آج صبح (بدھ) صدر اور ان کے ساتھ بارہویں حکومت سے آخری ملاقات میں تمام مسلمانوں بالخصوص ایرانی قوم کو عید سعید غدیر کی مبارکباد پیش کرتے ہوئے لوگوں کی خدمت کرنے کے موقع کو الہی نعمت گردانا اور کہا: اس نعمت کا شکر گزار رہنے کیلئے انقلاب کے مقاصد کو آگے بڑھانے کے لیے ہر ممکن کوشش لازمی ہے۔
جہاں بھی مغرب پر بھروسہ کیا ناکامی ملی، اور جہاں بھی آمغرب پر بھروسہ کیے بغیر فعالیت کی ا کامیاب رہے ۔
ایرانی برکت ویکسین کی دوسری ڈوز لگوانے پر گفتگو
ایرانی برکت ویکسین کی اپنی دوسری ڈوز لگوانے کے بعد ، جمعہ، 23 جولائی 2021 کو ، رہبر اسلامی انقلاب ، نے اس مرض کے مقابلے کیلئے ملکی ویکسین تیار کرنے کی کوششوں پر ادارہ صحت کے حکام، سائنس دانوں اور محققین کا خصوصی شکریہ ادا کیا۔ انہوں نے وائرس کے پھیلاؤ کو روکنے کے لئے کوویڈ 19 سے متعلق پروٹوکولز کی مکمل مراعات کے تسلسل پر زور دیا۔ صوبہ خوزستان کے وفادار لوگوں کے پانی کے مسئلے کا ذکر کرتے ہوئے ، انہوں نے سرکاری اور غیر سرکاری تنظیموں کے عہدیداروں کو ہدایت کی کہ وہ خوزستان کے عوام کے مسائل کو سنجیدگی سے دیکھیں اور انہیں مزید تاخیر کے بغیر حل کریں۔
رہبر معظم انقلاب اسلامی کا پیغامِ حج ۲۰۲۱
آیت اللہ خامنہ ای نے حج کے موقع پر دنیا کے مسلمانوں کے نام ایک پیغام میں بیت اللہ کی مہمانی میں شرکت کے مشاتق دلوں کی حسرت کو گذر جانے والا امتحان قرار دیتے ہوئے حج کے پیغامات کے بوجھل نہ ہونے کی ضرورت پر زور دیتے ہوئے جارح قوتوں خاص طور پر امریکہ کے خلاف مزاحمت کو ان بلند پیغامات کا حصہ قرار دیا۔
انہوں نے عالم اسلام کی مشکلات اور بدحالی کا ذکر کرتے ہوئے خاص طور پر فلسطین ، یمن اور عراق کے خطے میں مزاحمتی اور بیداری کے عناصر کی مضبوطی کو، امید افزا حقیقتوں سے تعبیر کیا اور اس بات پر زور دیا: خدا کا سچا وعدہ مجاہدین کی فتح ہے اور اس جدوجہد کا پہلا اثر امریکہ اور دیگر بین الاقوامی جابروں کو اسلامی ممالک میں مداخلت اور شرارت سے روکنا ہے۔
عوامی محاذ برائے آزادی فلسطین کے سکریٹری جنرل احمد جبرائیل کے انتقال پر رہبر انقلاب اسلامی نے تعزیتی پیغام جاری کیا
عوامی محاذ برائے آزادی فلسطین کے سکریٹری جنرل احمد جبرائیل کے انتقال پر رہبر انقلاب اسلامی نے تعزیتی پیغام جاری کیا جو حسب ذیل ہے؛
حجت الاسلام والمسلمین محسنی اژهای کو عدلیہ کا سربراہ مقرر کردیا گیا
رہبر معظم انقلاب اسلامی نے اپنے جاری کردہ ایک فرمان میں حجت الاسلام والمسلمین محسنی اژهای کو عدلیہ کا سربراہ مقرر کیا۔
اس حکم میں آیت اللہ خامنہ ای نے آئین میں عدلیہ کے وظائف پر سنجیدہ توجہ دینے کے ساتھ ساتھ تبدیلی کے عمل کو جاری رکھنے اور تبدیلی کی موجودہ دستاویز پر عمل درآمد ، "نظامِ عدلیہ میں جدید ٹیکنالوجی کا استعمال" ، "موثر اور جہادی افرادی قوت کی تقرری" پر زور دیا۔
رہبر انقلاب اسلامی کی عدلیہ کے سربراہ اور عہدیداروں سے ملاقات
رہبر معظم انقلاب اسلامی نے آج (پیر) صبح آیت اللہ بہشتی کے یوم شہادت اور یوم عدلیہ کے موقع پر ، عدلیہ کے سربراہ اور عہدیداروں سے ملاقات میں ، آخری دو سال میں امید افزا اور امید دہندہ راہ اورعدلیہ کے نظام میں آنے والی نئی مدت میں تبدیلی کے دستاویز پر عملدرآمد میں تسلسل کا مطالبہ کیا، اسی طرح آپ نے 19 جون کو ہونے والے انتخابات میں عوام کی طرف سے پر جوش شرکت کی قدردانی کرتے ہوئے فرمایا: "کورونا کے حالات اور معاشی اور کچھ دیگر مشکلات کی شرائط میں عوام نے استکباری دنیا کی کئی مہینوں پر محیط منصوبہ بندی کو تحس نحس کردیا اور انتخابات کے اصل فاتح کی حیثیت سے ایران کے دشمنوں اور ان سے وابستہ افراد کو شکست اور ناکامی کا منہ دیکھنا پڑا۔"
آیت اللہ خامنہ ای کو ایران برکت کوو ویکسین کی پہلی ڈوز لگائی گئی
آج (جمعہ) صبح ، آیت اللہ خامنہ ای کو ایران برکت کوو ویکسین کی پہلی ڈوز لگائی گئی۔ ویکسین کوو برکت، جو نوجوان ایرانی محققین اور سائنس دانوں کی کاوشوں کی پیداوار ہے ، کو حال ہی میں ملکی سائنس و علم پر انحصار کرتے ہوئے لائسنس ملا ، اور ایران ان چھ ممالک میں شامل ہوگیا جو دنیا میں کورونا ویکسین تیار کر رہے ہیں۔
۱۳ویں صدارتی انتخابات کے نتائج کے اعلان کے بعد ایرانی عوام کیلئے پیغام
۱۸جون کو ہونے والے انتخابات میں ایران کی عظیم قوم کی حماسی اور ولولہ انگیز شرکت کے بعد رہبر انقلاب اسلامی نے اپنے پیغامِ تبریک میں انتخابات کا سب سے بڑا فاتح ایرانی قوم کو قرار دیا۔
۱۳ویں صدارتی انتخابات کے دن خصوصی گفتگو
رہبر معظم انقلاب اسلامی نے آج (جمعہ) صبح 7 بجے امام خمینی حسینیہ میں شمارہ 110 موبائل بیلٹ باکس پر حاضر ہوکرتیرہویں صدارتی ، چھٹے شہر اور دیہاتی اسلامی کونسل، ماہرین کونسل کی پانچویں میعاد کے وسط مدتی اور اسلامی مشاورتی پارلیمنٹ کی 11 ویں میعاد کے وسط مدتی انتخابات میں حصہ لیا اور اپنا ووٹ کاسٹ کیا۔
رہبر معظم انقلاب اسلامی کا ایران کے تیرہویں صدارتی انتخابات سے قبل خطاب
رہبر معظم انقلاب اسلامی نے بدھ کے روز شام کے موقع پر ایرانی قوم کے لئے ایک ٹیلی ویژن تقریر میں جمعہ کے انتخابات کو تمام اہم معاشی اور غیر معاشی امور میں فیصلہ کن اور موثر موقع قرار دیا ، جس میں ایران کو کمزور کرنے کیلئے انتخابات میں عوامی شرکت کو کم کرنے، اور پھر ایران میں سیاسی ، معاشی اور دہشت گردی کے دباؤ اور مداخلتوں میں اضافے کیلئے دشمنوں کی انتھک کوششوں کا حوالہ دیا۔ ان کا کہنا تھا: "لوگوں خاص طور پر محروم طبقے کی روزمرہ کے مسائل کی دیکھ بھال نہ ہونے کے بارے میں افراد کا گلہ جائز ہے ، لیکن ان مشکلات کو ایک مضبوط ، محنتی اور انتھک شخص کا انتخاب کرکے حل کرنا ہوگا۔ اور جمعے کے دن انشاءاللہ ایران کی عوام دشمن کی خواہش کے برخلاف ایران اور اسلامی جمہوریہ کو ایک بار پھر عزت بخشیں گے اور تمام طبقات مختلف سیاسی ذوق کے ساتھ سامنے آئیں گے ، اور حج قاسم سلیمانی کے جنازے کی طرح انتخابات میں سیاسی تفکر سے بالاتر ہوکر شرکت کریںگے۔
امام خمینیؒ کی بتیسویں برسی کے موقع پر رہبر معظم انقلاب اسلامی کا خطاب
امام خمینی (رح) کی بتیسویں برسی کے موقع پر قوم سے اپنے نشری خطاب میں رہبر معظم انقلاب اسلامی حضرت آیت اللہ العظمی خامنہ ای نے فرمایا کہ ہمارے عظیم امام کا سب سے بڑا کارنامہ یہ ہے کہ آپ نے اسلامی جمہوریہ کی فکری اور نظریاتی اساس کا تعین کیا اور اسے مختلف النوع سیاسی نظریات کے مقابلے میں پیش کرنے کے بعد عملی طور پرنافذ کر کے دکھایا۔ رہبر معظم انقلاب اسلامی نے فرمایا: حضرت امام خمینی (رہ) نے بہت سے اہم اقدامات انجام دیئے لیکن اسلامی جمہوریت ان کی سب سے اہم خلاقیت ، جدت اور نوآوری ہے ، یہی دینی اور مذہبی جمہوریت ہے۔ امام خمینی (رہ) کے اس یادگار اقدام کی دور حاضر اور مستقبل میں حفاظت اور نگہبانی ضروری ہے۔
اراکین پارلیمنٹ سے آن لائن خطاب
جمعرات کی صبح اراکین پارلیمنٹ سے آن لائن خطاب کرتے ہوئے رہبر انقلاب اسلامی آیت اللہ العظمی سید علی خامنہ ای نے آئندہ انتخابات کے حوالے سے اہم ترین مسائل پر روشنی ڈالی اور عوام سے انتخابات میں بھرپور حصہ لینے کی اپیل کی۔
آپ نے فرمایا کہ نامزد امیدواروں کی جانب سے اپنے انتخابی منشور میں عوام کی اقتصادی اور معاشی مشکلات کے حقیقی راہ حل کی نشاندہی، انتخابات میں عوامی مشارکت یا ٹرن آوٹ میں اضافے کا باعث بنے گی۔ اجلاس کے آغاز میں اسپیکر محمد باقر قالی باف نے پارلیمنٹ کے ایک سال کی کارکردگی کے بارے میں ایک رپورٹ بھی پیش۔
12 روزہ جنگ میں فلسطینی مزاحمت کی فتح کے بعد رہبر انقلاب اسلامی کا پیغام
آیت اللہ خامنہ ای نے صیہونی ریاست کے ساتھ ۱۲ روزہ جنگ میں فلسطینی مزاحمت کو فتح پر مبارکباد پیش کی۔
حماس اور اسلامی جہاد موومنٹ کے خطوط کے جواب
رہبر انقلاب آیت اللہ العظمیٰ خامنہ ای نے فلسطین اسلامی مزاحمتی تحریک (حماس) کے سیاسی شعبے کے سربراہ جناب اسماعیل ہنیہ اور فلسطینی اسلامی جہاد موومنٹ کے سکریٹری جنرل زیاد نخلیح کے خطوط کے جواب میں ، فلسطین کے غاصبوں کے خلاف جدوجہد کو ظلم کے خلاف مزاحمت قرار دیا اور تاکید کرتے ہوئے فرمایا: "ہمارے دل آپ کی جدوجہد کے میدان میں حاضر ہیں اور ہماری دعائیں آپ کی فتوحات کے تسلسل کے لئے ہمیشہ آپ کے ساتھ ہیں۔"
عالمی یوم القدس ۲۰۲۱ کے موقع پر رہبرانقلاب اسلامی کا خطاب
عالمی یوم القدس کے موقع پر رہبرانقلاب اسلامی آیت اللہ العظمی سید علی خامنہ ای نے ایرانی عوام اور پوری دنیا کے مسلمانوں سے ٹیلی ویژن کے ذریعے براہ راست خطاب کرتے ہوئے فرمایا کہ فلسطین کا معاملہ بدستور امت اسلامیہ کا سب سے اہم مسئلہ ہے آپ نے فرمایا کہ ظالم اور سفاک سرمایہ دارانہ نظام کی پالیسیوں نے ایک پوری قوم کو اس کے گھر، وطن اور آبائی سرزمین سے محروم و بے دخل کرکے وہاں ایک دہشت گرد حکومت قائم کی اور غیروں کو لاکر بسادیا -
رہبر انقلاب اسلامی ایام شہادت کی امام علیؑ کی مناسبت سے ٹیلی ویژن تقریر
رہبر انقلاب اسلامی نے ایک براہ راست ٹیلی ویژن تقریر میں آج دوپہر (اتوار) کو ایران کی عظیم قوم سے خطاب کیا۔ انہوں نے ملک کی تعمیر و ترقی میں اساتذہ اور کارکنوں کے اہم کردار کا حوالہ دیا۔ انہوں نے کہا ، "یقینا، انتخابات ایران کے لیے ایک اہم موقع ہیں اور نظام کی بنیادوں کو مضبوط کرنے کیلئے ایک ایسا عنصر ہیں جس کا کوئی متبادل نہیں"۔ رہبر انقلاب نے انتخابات کی طرف لوگوں کی حوصلہ شکنی کی کوششوں کو بھی تنقید کا نشانہ بنایا اور یہ کہتے ہوئے زور دیا کہ "امیدواروں کو لوگوں سے غلط اور بے بنیاد وعدے کرنے سے دور رہنا چاہیے اور اپنے اصل منصوبے عوام کے سامنے پیش کرنا چاہیے"۔
