خبریں
رہبر معظم کا پارس جنوبی میں تیل صنعت کے انجینئروں،متخصصین، ماہرین سے خطاب
رہبر معظم انقلاب اسلامی حضرت آیت اللہ العظمی خامنہ ای نے آج سہ پہر کو پارس جنوبی میں تیل صنعت کے انجینئروں،متخصصین، ماہرین ، اہلکاروں اور اس علاقہ کے بعض معظم شہیدوں کے اہلخانہ سے ملاقات میں نئے سال کو اقتصادی جہاد کے نام سے موسوم کرنے کی طرف اشارہ کرتے ہوئےفرمایا: ایرانی قوم نے 32 سال تک عالمی منہ زور طاقتوں کے سامنے استقامت اور پائداری کا مظاہرہ کیاہے اور اقتصادی میدان میں بھی بہت ہی حساس، عمیق اور پیچیدہ شکل و صورت میں یہ جد وجہد اور مقابلہ جاری رہےگا۔
رہبر معظم کا امام رضا (ع) کے حرم میں نئے سال 1390 کے موقع پر لاکھوں زائرین اور مجاورین سے خطاب
رہبر معظم انقلاب اسلامی حضرت آیت اللہ العظمی خامنہ ای نے عید نوروز اور نئے سال (1390ہجری شمسی ) کے پہلے دن حرم مبارک حضرت علی بن موسی الرضا علیہ اسلام کے امام خمینی (رہ) شبستان اور دیگر ہالوں میں موجودلاکھوں زائرین اور مجاورین سے اپنے اہم خطاب میں گذشتہ سال ( 1389 ہجری شمسی ) میں ملک کی مجموعی پیشرفت ، بالخصوص ہمت اور دگنی تلاش و کوشش و عمل کے نعرے کے مختلف شعبوں منجملہ سائنس و ٹیکنالوجی میں پیشرفت ، سبسیڈی کو بامقصد بنانے اور مغربی ممالک کی طرف سے عائد اقتصادی پابندیوں کا ہمت سے مقابلہ کرنے، اسی طرح موجودہ سال (1390) میں اقتصادی جہاد کے نعرے کے مختلف پہلوؤں کی تشریح کی اور اس کےمعیاروں اور عظیم اقتصادی حرکت کے شرائط کا تفصیل سے جائزہ لیا اور آخر میں علاقہ میں جاری عوامی تحریکوں کے بارے میں اسلامی جمہوریہ ایران کے مؤقف اور امریکہ و مغربی ممالک کے مکر و فریب کے بارے میں تشریح فرمائی ۔
رہبر معظم کامؤثر ، اسٹراٹیجک اور پیشرفتہ ٹیکنالوجی کی نمائشگاہ کا مشاہدہ
رہبر معظم انقلاب اسلامی حضرت آیت اللہ العظمی خامنہ ای نےآج پانچ گھنٹے سے زیادہ عرصہ تک مؤثر ، اسٹراٹیجک اورپیشرفتہ ٹیکنالوجی کی نمائشگاہ کا قریب سے مشاہدہ کیا اور متعلقہ حکام کی راہنمائی میں ایران کے ممتاز محققین اور سائنسدانوں کی علمی و ٹیکنالوجی شعبہ میں کاوشوں اور تحقیقی کوششوں کے نتائج کا مختلف اطاقوں میں قریب سے جائزہ لیا اور ملک کے سائنس و ٹیکنالوجی کے شعبہ میں سرگرم سائنسدانوں کی کاوشوں کے بارے میں مزید آگاہی حاصل کی۔
رہبر معظم کی خبرگان کونسل کے سربراہ اور ارکان سے ملاقات
رہبر معظم انقلاب اسلامی حضرت آیت اللہ العظمی خامنہ ای نے آج صبح خبرگان رہبری کونسل کے سربراہ اور ارکان سے ملاقات میں ، خبرگان کونسل کے نئے سربراہ اور نئی سربراہ کمیٹی کے انتخاب میں خبرگان کونسل کے ارکان کی مدبرانہ رفتار وگفتار پر شکریہ ادا کیا اور اسلامی جمہوریہ ایران کی پیشرفت و ترقی کو علاقائی قوموں کی اسلامی بیداری کی عظیم لہرکے لئے نمونہ عمل قراردیا اور اپنے اہم اور صریح خطاب میں موجودہ حساس شرائط میں سیاستدانوں ،حکام بالخصوص جوانوں کی اہم اور عظیم ذمہ داریوں کی طرف اشارہ کرتے ہوئے فرمایا: ہر قسم کی حرمت شکنی، توہین ، غیر اخلاقی و غیر اسلامی رفتار" اسلام وشرع اور سیاسی عقل و خرد کے خلاف اور اسلامی جمہوریہ ایران پر ایک مہلک ضرب ہے جو اللہ تعالی کے خشم و غضب کا موجب بنتی ہے"۔
رہبر معظم سےتبریز کی اسلامی ہنر یونیورسٹی کے سربراہ کی ملاقات
رہبر معظم انقلاب اسلامی حضرت آیت اللہ العظمی خامنہ ای کے ساتھ آج صبح تبریز کی اسلامی ہنر یونیورسٹی کے سربراہ ، بعض معاونین، علمی کونسل کے ارکان، اس یونیورسٹی کے کالجوں کے سربراہوں اور ہنرمندوں نے ملاقات کی۔اس ملاقات میں قرآن مجید کے قالین پر بنے گئے عمدہ اور نفیس نسخہ کی رونمائی کی گئی ۔
رہبر معظم کا اعلی حکام اور اسلامی ممالک کے سفیروں سے خطاب
رہبر معظم انقلاب اسلامی حضرت آیت اللہ العظمی خامنہ ای نے آج صبح حکومت کے اعلی عہدیداروں ، اہلکاروں ، اسلامی ممالک کے سفراء اور عوام کے مختلف طبقات سے ملاقات میں پیغمبر اکرم صلی اللہ علیہ و آلہ وسلم اور صادق آل محمد (ص) کی میلاد مسعود کی مناسبت سے مبارک باد پیش کی اور علاقہ میں بعض اقوام کی بیداری کو اسلام اور پیغمبر اسلام صلی اللہ علیہ وآلہ وسلم کے حیات بخش خورشید سے بہرہ مند ہونے کے لئے انسانی ظرفیت میں اضافہ کا مظہر قراردیتے ہوئے فرمایا: علاقائی ممالک اور قوموں کی سرنوشت اور تقدیر کے بارے میں بڑے شیطان امریکہ کے ہاتھ کاٹنے اورعلاقہ میں اس کے اثر و رسوخ کو ختم کرنے سے علاقائی قوموں کے دردوں اورغموں کا علاج ہوجائے گا۔
رہبر معظم سےچوبیسویں عالمی اسلامی وحدت کانفرنس کے شرکاء کی ملاقات
رہبر معظم انقلاب اسلامی حضرت آیت اللہ العظمی خامنہ ای نے آج چوبیسویں عالمی اسلامی وحدت کانفرنس کے شرکاء، مہمانوں اوراسلامی دانشوروں و مفکرین سے ملاقات میں عالم اسلام کو بہت ہی حساس مرحلے اور تاریخی موڑ پر قراردیتے ہوئے فرمایا: اس حساس مرحلےکی صحیح شناخت ، عوام کے دینی ایمان کی تقویت، اتحاد کی حفاظت ، امریکی طاقت کے مقابلے میں مرعوب نہ ہونا، اللہ تعالی کی طرف سے نصرت اور مدد کےوعدے پر حسن ظن رکھنا اور عالم اسلام میں عوام کی کئي ملین پر مشتمل بے مثال و کم نظیرحرکت ، کامیابی اور کامرانی کی راہیں ہموار کرنے کا شاندار مظہر ہے۔
رہبر معظم انقلاب اسلامی کی آذربائیجان کےہزاروں افراد سے ملاقات:
رہبر معظم انقلاب اسلامی حضرت آیت اللہ العظمی خامنہ ای نے آذربائیجان کے ہزاروں افراد کے پرجوش اجتماع سے خطاب میں ، عالم اسلامی میں بڑھتی ہوئی اسلامی بیداری کو گذشتہ 33 برسوں میں ایرانی قوم کی استقامت اور پائداری کا شیریں اور عمدہ نتیجہ قراردیتے ہوئے فرمایا: آج اسلام اور ایمان کی برکت سے اسلامی جمہوریہ ایران کی عزت و عظمت اور پیشرفت وترقی پہلے سے کہیں زيادہ درخشاں اور ایرانی قوم آج عظیم اور بلند چوٹیوں تک پہنچنے کے لئے پہلے سے کہيں زیادہ پر عزم اور مصمم ہے۔
رہبر معظم کی ترکی کے صدر عبد اللہ گل اور اس کے ہمراہ وفد سے ملاقات
رہبر معظم انقلاب اسلامی حضرت آیت اللہ العظمی خامنہ ای نے آج ترکی کے صدر عبد اللہ گل اور اس کے ہمراہ وفد سے ملاقات میں اسلامی جمہوریہ ایران اور ترکی کو دو برادر اور دوست مسلمان ممالک قراردیتے ہوئے فرمایا: اسلامی جمہوریہ ایران اور ترکی کے سیاسی اور اقتصادی شعبوں میں باہمی روابط گذشتہ کئی سالوں کی نسبت بے مثال اور بے نظیر ہیں اوراس تاریخی موقع سے فائدہ اٹھاتے ہوئے دونوں ممالک کو اپنی تمام اور بیشمارظرفیتوں سے استفادہ کرنا چاہیے۔
رہبر معظم کی فضائیہ کے سربراہ ، کمانڈروں اوراعلی افسروں سے ملاقات
رہبر معظم انقلاب اسلامی حضرت آيت اللہ العظمی سید علی خامنہ ای نے آج فضائیہ کے سربراہ ، کمانڈروں، اعلی افسروں اور اہلکاروں کے عظیم الشان اجتماع سے خطاب میں اصولوں، اقدار اور خاص طور پر اسلام پر ایرانی قوم کی ثابت قدمی، پائداری اوراستقامت کو اسلامی جمہوریہ ایران کے دوام و استحکام اور دوسری قوموں کے لئے نمونہ عمل بننے کا باعث قرار دیتے ہوئےفرمایا : دنیا کے بعض ممالک میں قوموں کی عظیم تحریکیں اور علاقائی سطح پر اسلامی بیداری ، یقینی طور پر 32 سال قبل کی ایرانی عوام کی تحریک سے متاثر ہے اور اب بڑی طاقتوں اور تسلط پسند سامراجی طاقتوں کے تدریجی زوال کا زمانہ قریب پہنچ گياہے۔
رہبر معظم کا تہران میں نماز جمعہ میں نمازیوں سے خطاب
رہبر معظم انقلاب اسلامی حضرت آیت اللہ العظمی خامنہ ای نے تہران یونیورسٹی میں نماز جمعہ کے خطبوں میں تہران کے مؤمن اور انقلابی عوام کے ایک عظیم اور شاندار اجتماع سے خطاب میں اس سال عشرہ فجر اور 22 بہمن کو جوش و جذبہ کے لحاظ سے مختلف اور متفاوت قراردیا اور انقلاب اسلامی کی کامیابی کے بعد ملک میں عمیق، اساسی اور بنیادی تبدیلیوں کی طرف اشارہ کرتے ہوئے فرمایا: ایرانی قوم کی استقامت و پائداری کی برکت سے حالیہ 32 برسوں میں ان تبدیلیوں کا سلسلہ مسلسل و پیہم جاری رہا ہے اور اب ایرانی عوام کئی برسوں کی مجاہدت اور تلاش و کوشش کےبعد اپنی مظلومانہ لیکن قدرتمندانہ آوازکی گونج شمال افریقہ بالخصوص تیونس اور مصرکے عوام کی اسلامی بیداری میں مشاہدہ کررہے ہیں۔
ہبر معظم کی حضرت امام خمینی (رہ) کے مزار پر حاضری
رہبر معظم انقلاب اسلامی حضرت آیت اللہ العظمی خامنہ ای آج عشرہ فجر کے پہلے دن اور رہبر کبیر انقلاب اسلامی حضرت امام خمینی (رہ) کی اسلامی وطن میں واپسی کی سالگرہ کی مناسبت سے حضرت امام خمینی (رہ) کے مزار پر ہوئے اور ان کی قبر پر فاتحہ خوانی کی اور ان کے درجات کی بلندی کے لئے دعا فرمائي۔
رہبر معظم کی شہید شہریاری اور شہید علیمحمدی کے اہلخانہ سے ملاقات
رہبر معظم انقلاب اسلامی حضرت آیت اللہ العظمی خامنہ ای نےجمعرات کی شب شہید ڈاکٹر مجید شہریاری اور شہید ڈاکٹر مسعود علی محمدی کے گھروں پر حاضر ہوکر ان شہیدوں کے اہلخانہ کے گرم اور مہر و محبت سے سرشار ماحول میں ان سے ملاقات اور گفتگو کی اور ان شہیدوں کے پسماندگان اور شہدای علم ودین کی یادگاروں کی استقامت و پائداری پر ان کی تجلیل اور قدردانی کی۔
رہبر معظم سے 19 دی کی مناسبت سے قم کے عوام کی ملاقات
رہبر معظم انقلاب اسلامی حضرت آیت اللہ العظمی خامنہ ای نے آج قم کے عوام کے ہزاروں افراد کے شاندار اجتماع میں بصیرت ، شرائط کی صحیح تشخیص ، ذمہ داری کا احساس اور وقت پر میدان میں موجودگی کو الہی امتحانات میں کامیابی اور مادی و معنوی پیشرفت کے تین اصلی عوامل قراردیتے ہوئے فرمایا: گذشتہ 32 برسوں میں ایرانی عوام نے مختلف اور گوناگوں امتحانات کے مراحل کو بڑی کامیابی کے ساتھ عبور کیا اور ایرانی قوم آج ہر دور کی نسبت کہیں زیادہ مضبوط و مقتدر ہے اور پختہ عزم و قوی ارادہ ،ہوشیاری اوراتحاد و یکجہتی کے ساتھ دنیا و آخرت کی پاکیزہ زندگی اورکمال و سعادت کی بلندیوں تک پہنچنے کے لئے اپنے راستہ پر گامزن رہےگي۔
رہبر معظم کا گیلان کے عوام کے مختلف طبقات سے خطاب
رہبر معظم انقلاب اسلامی حضرت آیت اللہ العظمی خامنہ ای نے آج صبح صوبہ گیلان کے عوام کے مختلف طبقات کے ہزاروں افراد سے ملاقات میں مسلسل وپیہم ہمت، ہوشیاری ، آگاہی اور بصیرت کو بلند چوٹیوں کی جانب قوم کی پیشرفت و ترقی کے اصلی عوامل قراردیتے ہوئے فرمایا: ایرانی عوام نے جس طرح آٹھ سالہ مسلط کردہ جنگ میں قداکاری ، شجاعت، خلاقیت اور میدان میں موجود رہ کر دشمن پر فتح اور غلبہ حاصل کیا اسی طرح آٹھ مہینے کی نرم اور سافٹ ویئر جنگ میں بھی اللہ تعالی کے فضل و کرم کے ساتھ بہترین مہارت کا مظاہرہ کیا اور گذشتہ برس 9 دی (30 دسمبر) کے دن سید الشہداء علیہ السلام کے ذکر کی یاد و برکت اور عوام کی ہمت، شجاعت، بصیرت اور آگاہی کی وجہ سے فتنہ پروروں کی بساط جمع ہوگئی۔
رہبر معظم انقلاب اسلامی کی طرف سےممتاز کھلاڑیوں کے خط کا جواب
رہبر معظم انقلاب اسلامی حضرت آیت اللہ العظمی خامنہ ای کو ملکی اور بین الاقوامی سطح پر 13ممتاز کھلاڑیوں نے اپنے میڈلز ہدیہ کے طور پر پیش کئے تھے، رہبر معظم انقلاب اسلامی نے کھلاڑیوں کے خط کے جواب میں ان کے اس اقدام کا شکریہ ادا کرتے ہوئے ان کی طرف سے ہدیہ کردہ میڈلز کو حضرت امام رضا علیہ السلام کے حرم میں ہدیہ کردیا ہے۔
رہبر معظم سے قطر کے امیر اور اس کے ہمراہ وفد کی ملاقات
رہبر معظم انقلاب اسلامی حضرت آیت اللہ العظمی خامنہ ای نے آج صبح قطر کے امیر شیخ حمد بن خلیفہ آل ثانی اور اس کے ہمراہ وفد کے ساتھ ملاقات میں علاقہ بالخصوص خلیج فارس کے امن و اماں اور سلامتی کی اہمیت کی جانب اشارہ کرتے ہوئے فرمایا: خلیج فارس کے علاقہ میں امن و سلامتی کے حوالےسے تبعیض کا تصورممکن نہیں ہے کیونکہ اگرخطے میں امن و سلامتی ہوگی تو اس سے تمام ممالک کو فائدہ پہنچےگا لیکن اگر علاقہ کی سلامتی کو کوئی خطرہ لاحق ہوا تو اس سے پورے علاقہ کےامن و اماں کو نقصان پہنچےگا۔
رہبر معظم سے حج ادارے کی انتظامیہ اور اہلکاروں کی ملاقات
رہبر معظم انقلاب اسلامی حضرت آیت اللہ العظمی خامنہ ای نے حج ادارے کی انتظامیہ اور اہلکاروں سے ملاقات میں اس سال حج کے مناسک اور اعمال کو اچھے اور بہتر انداز میں منعقد کرنے کی طرف اشارہ کرتے ہوئے فرمایا: گذشتہ افراد کی زحمات کے پیش نظر اس سال حج کے دوران جو مؤثر اور مفید اقدامات انجام پائے ہیں ان کو مزید مضبوط و مستحکم بنانا چاہیے ۔
