صدر حسن روحانی نے رہبر معظم انقلاب اسلامی کی عام حالت کو بانشاط، شاداب اور بہت بہتر قراردیتے ہوئے کہا: آپریشن کے بعد کے عوارض مکمل طور پر قدرتی ہیں اور طبی ٹیم بڑی باتجربہ ٹیم ہے جس نے بہترین اور دقیق طور پر آپریشن کیا اور آپریشن کے بعد بھی اسی طرح بڑی حفاظت کی ضرورت ہے۔

صدر جمہوریہ نے رہبر معظم انقلاب اسلامی کے لئے قوم کی دعا کو مسلسل اور دائمی دعا قراردیتے ہوئے کہا: رہبر معظم انقلاب اسلامی کی حالت بالکل ٹھیک ہے لہذا عوام کو پریشان ہونے کی بالکل ضرورت نہیں  اور رہبر معظم کے لئے دعا کرنے کے ساتھ ساتھ ان کے وجود ذی جود پر اللہ تعالی کا شکر و سپاس ادا کرنا چاہیے۔

صدر حسن روحانی نے اپنے پہلے سے طے شدہ غیر ملکی سفر کی طرف اشارہ کرتے ہوئےکہا : رہبر معظم انقلاب اسلامی نے انھیں غیر ملکی سفر جاری رکھنے کی تاکید کی ہے اور وہ ان کی اجازت سے آج سہ پہر کو غیر ملکی دورے پر ر وانہ ہورہے ہیں۔