Oxu / Yüklə:
Böyük Dini Rəhbərin həyat və fəaliyyəti
- BÖYÜK DİNİ RƏHBƏRİN HƏYAT VƏ FƏALİYYƏTİ
- Ön sözHəsən Sədri MazandaraniBÖYÜK DİNİ RƏHBƏRİN HƏYAT VƏ FƏALİYYƏTİHəzrət Zəhranın (s) sülaləsinə mənsub olan
Ayətullah Xameneyinin
tərcümeyi-halıBakı – 2008
Tərcümə edən: Seyid Əliəsgər Behbudlu
Ön sözHüseyn (ə) iftixar və izzət ilidir. Hazırda bu qiyamın bayraqdarı olan Seyid Əli Hüseyni Xameneyi Hüseynin qüdrət bayrağını öz əlində tutub. Onun qəlbində Hüseyn eşqi, əməllərində daim İmam Hüseyn (ə) məramı, dilində “Hüseyn” sözü əzbərdir. O, eşqinin sübutunu göstərən yaralı əlləri ilə inqilab bayrağını İmam Hüseynin (ə) qanının qisasçısı olan Mehdi Sahibəzzamana (ə) təhvil verməyə doğru gedir.
Əzizlərim, dövrün Seyid Əli Hüseynisini yaxşıca öyrənməsək, bu ilahi şəxsiyyəti onun layiq olduğu şəkildə müdafiə edə bilmərik. Çünki eşq dərk etmək, tanımaq tələb edir, əlbəttə ki, məşuqu dərk etmək və tanımaq çox çətindir.
Buna görə də biz çalışdıq ki, böyük dini rəhbərin həyatı ilə bağlı xatirələri toplayaq və öz həyatımızı bu əziz insanın xoş xatirələri ilə daha da gözəlləşdirək. Ola bilsin ki, Allahın müqəddəs vücudunun razılığı ilə qarşılansın, o böyük müəllim və qüdrətli filosof İmam Xomeyninin (r) əziz ruhunu şad etsin. Bizim İslam cəmiyyəti inqilabın banisinin müdrik rəhbərliyi və müəyyən etdiyi normalar əsasında bərqərar olmuşdur. Bu cəmiyyət böyük dini rəhbərin rəhbərliyi ilə çox sürətli inkişaf yolu keçmişdir. İmam (r) da onu çox yaxşı tanıyırdı və onu yüksəklərə qaldırmışdı. Həzrət (r) həmçinin onu çox müdrik, sağlam mütəfəkkir və ağıllı bir şəxs kimi qəbul edirdi.
Həqiqətən də böyük və yaddan çıxarılması mümkün olmayan günləri artıq arxada qoymuşuq və çox hörmətli rəhbərimiz İmamın (r) rəhmətə getməsindən sonra həmin təhlükəli və ağır zamanlarda öz ağlı, gücü, dərin dünyagörüşü sayəsində İslam inqilabının sükanı arxasına keçərək onu nicat yoluna tərəf istiqamətləndirmişdir. Məhz o, Həzrət İmamın (r) dünya müsəlmanlarının, xüsusilə böyük İran İslam Respublikasının millətinin qəlbində alovlandırdığı ümid qığılcımını daha da qüvvətləndirdi.
“Həzrət Zəhranın (s) sülaləsinə mənsub olan Ayətullah Xameneyinin tərcümeyi-halı” adı altında sizlərə təqdim olunan bu kitabı da məhz böyük dini rəhbər, müdrik və ağıllı şəxsiyyət olan Həzrət Ayətullah Xameneyinin bütün özünəməxsus keyfiyyətlərinin öyrənilməsində əsas mənbə hesab etmək olar.
Həzrət İmam (r) bu ilahi insanı çox gözəl vəsf etmişdir: “İslam, din və siyasət aləmində yorulmaz mübariz, islama və ölkəsinə xidmət edən, cəbhədə və müharibədə fədakar əsgər, mehrabda öyrədici müəllim, cəmiyyətdə və camaat arasında bacarıqlı natiq və İslam inqilabı meydanlarında özünü fəda edən rəhbər”.
Mən də öz imkanım daxilində istədim ki, həzrəti lazımi səviyyədə tanımayan bugünkü nəslin nümayəndələrinə onun xatirələrindən, hekayətlərindən söz açım. “İkinci Xomeyninin”, İslam inqilabının böyük rəhbərinin əsl simasının təsvir edilməsində öz gücsüzlüyümü qəbul etsəm də, əziz oxucularımızın diqqətinə aşağıdakı məqamları çatdırmağı özümə borc bilirəm:
1. “Həzrət Zəhranın (s) sülaləsinə mənsub olan Ayətullah Xameneyinin tərcümeyi-halı” adlı bu kitab altı fəsildən ibarətdir.
Birinci fəsil: “Günəşin doğması” – Burada həzrətin anadan olduğu vaxtdan 1357-ci hicri şəmsi ilinədək davam edən siyasi mübarizəsindən bəhs edilir.
İkinci fəsil: “İdrakın açarı” – Burada həzrətin mənəvi və ictimai keyfiyyətlərindən söz açılır.
Üçüncü fəsil: “Günəş cəbhədədir” – Bu fəsildə böyük dini rəhbərin dilindən müharibə haqqında deyilməmiş fikirlər oxuculara təqdim edilir.
Dördüncü fəsil: “Dost sözü” – Həzrət İmamın (r) böyük dini rəhbər haqqında söylədiyi fikirlər açıqlanır.
Beşinci fəsil: “Ustadın hüzurunda” – Burada böyük dini rəhbərin Həzrət İmam (r) haqqında dediklərindən bəhs edilir.
Altıncı fəsil: “Şəriət elmində yüksək səviyyəyə çatma” – Bu fəsildə böyük dini rəhbərin fəaliyyəti və şəriət elmi sahəsində məqamı Həzrət İmamın (r) silahdaşlarının dilindən açıqlanır.
2. Bu kitabda qeyd olunan bütün məsələlər etibarlı sənədlərə əsaslanır və onlar şərh və qeydlərdə öz əksini tapmışdır.
3. Məsələlərin açıqlanması zamanı heç bir müdaxilələrə yol verilməmiş və hər şey olduğu kimi çatdırılmışdır.
4. Kitabın yazılmasında yol verilə biləcək səhvlərin çox cüzi olacağına baxmayaraq, sizdən üzr istəyir və deyirik ki, əgər hər hansı bir yanlışlıqla qarşılaşsanız, naşirin ünvanına göndərin. İnşaallah, kitabın yeni çaplarında həmin səhvləri aradan qaldırarıq.Həsən Sədri Mazandarani,
Qum şəhəri, 1381-ci hicri şəmsi ilinin baharı - BİRİNCİ FƏSİL – GÜNƏŞİN DOĞMASI
- İKİNCİ FƏSİL – İDRAKIN AÇARI
- ÜÇÜNCÜ FƏSİL – DOST SÖZÜ
- DÖRDÜNCÜ FƏSİL – USTADIN HÜZURUNDA
- Ustadın hüzurundaUstadın hüzurundaBurada biz çalışacağıq ki, inqilabın əziz rəhbərinin milyonlarla insanın sevimlisi Həzrət İmam Xomeyni haqqında və onun Məhəmməd Peyğəmbərin (s) yaratdığı İslam dininin daha da canlandırılması sahəsindəki bəzi xüsusiyyətləri barədə söz açaq.
- Aram ruh və pak kəlməAram ruh və pak kəlməMülk hicablarını yararaq baxış quşunu mələkuta qədər pərvazlandıra bilən nüfuzedici gözlər o Xomeyni aşurası günündə bəlkə də daha heyrətləndirici və görməli səhnələr gördü! Aram bir ruhun Allahın lütf və rəhmət məqamına qalxmasınımı, pak kəlmənin, razı və razı salan bir nəfsin Haqqa doğru pərvazınımı, bir çayın dəryaya, bir aşiqin məşuqa qovuşmasınımı, əzəmətli şəhidlər izdihamının o pak ruhu qarşılamasınımı, övliyanın pak ruhlarının o təzə qonağa xoş gəldin deməsinimi... Yoxsa rəhmət mələklərinin qanadları üzərində qərar tutmuş pak bir canın səadət və izzətinimi, saysız-hesabsız gözəllikləri ilə mələkləri və Haqqın nemət dolu behiştinə təhkim olunanları ətirləndirməsinimi, nurani bir əbaya çevrilərək o mücərrəd ruha geyindirilmiş, İlahi səxavət və məğfirət yağışına çevrilərək o saleh bəndəni bürüyən, əbədi Darussəlama dönərək Haqqın razılığına müştaq olan o vücudu özündə yerləşdirən saleh əmələmi?!1
1 “Comhuriye İslami” qəzeti, 28/3-1372, “Kövsər nəsli”ndən iqtibas olunub, səh.134 - Məhəmməd Peyğəmbərin (s) pak İslam dininə hörmət gətirən şəxsMəhəmməd Peyğəmbərin (s) pak İslam dininə hörmət gətirən şəxsO, İslama şərəf gətirdi və bütün dünyada Quranın bayrağını göylərə qaldırdı. O, İran xalqını yadellilərin əsarətindən xilas edib, onlara qürur, şəxsiyyətlilik, özünə inam bəxş edib. O, bütün siyasi hakimiyyətlərin dini özünə qapılma kimi təlqin etdikləri bir əsrdə din, mənəviyyat və əxlaqi dəyərlərə əsaslanan bir sistem yaratdı.1
1 “Comhuriye İslami” qəzeti, 28/3-1372 - Zəmanənin böyük xilaskarıZəmanənin böyük xilaskarıİranda İslam hərəkatı zəmanənin böyük xilaskarı Həzrət İmam Xomeyninin (r) rəhbərliyi ilə böyük və sonuncu peyğəmbər Həzrət Məhəmməd Mustafanın (s) müəyyənləşdirdiyi yola sadiq qalaraq böyük bir inqilab kimi özünü büruzə verdi. İnqilaba xas olan keyfiyyətlərdən biri budur ki, əgər inqilab doğru-dürüst və məntiqli bir əsasa söykənirsə, onda o, sanki bir alov və ya zəlzələ kimi həyatın bütün sahələrini bürüyür, hər bir kəsi, hər bir şeyi və hər bir yeri öz təsiri altına salır.1
1 Böyük dini rəhbərin İmamın (r) vəfatı ilə əlaqədar müraciəti, 10/3-1369 - Böyük islahatçıBöyük islahatçıÇağdaş əsrimiz böyük islahatçıların meydana gəldiyi əsrdir. Ötən əsrin ortalarından bu günədək xeyli islahatçı, inqilabçı və görkəmli siyasətçi meydana gəlmişdir və onlar dünyada, yaxud bölgədə çox böyük işlər görmüşlər. Ancaq bütün bunlara baxmayaraq, həmin görülən işlər bu hərəkatla, yəni dünyanın mənəvi baxımdan intibahı kimi tanınan belə bir hərəkatla müqayisə oluna bilməz.1
1 Mühafizəçilər Şurası üzvlərinin böyük dini rəhbərə beyəti mərasimində həzrətin bəyanatı, 21/3-1368 - Xidmətçi yox, rəhbərXidmətçi yox, rəhbərBizə məlum olan başqa bir cəhət budur ki, İmamı dünyaya gətirən bu əsr insani dəyərlərə, haqq-ədalətə, hürriyyətə, insani prinsiplərə, insanların azad seçiminə, eləcə də insanlara ehtiram əsridir.
Bu şəxsiyyətin düşmənləri də onun böyüklüyünü çəkinmədən etiraf edirdilər və Həzrət özü də deyirdi: “Əgər mənə xidmətçi deyirlərsə, bu, mənə rəhbər demələrindən daha yaxşıdır”.
Düz deyirdi, rəsmiyyətçilik etmirdi, özünü göstərmirdi.1
1 Polis və jandarm idarəsi işçilərinin böyük dini rəhbərlə görüşündə həzrətin bəyanatı, 28/2-1369 - Mömin və həqiqi imanlı böyük insanMömin və həqiqi imanlı böyük insanBu ilin, yəni 1378-ci ilin ən mühüm xüsusiyyətlərindən biri budur ki, bu il möhtərəm İmamımızın anadan olmasının yüzüncü ildönümünə təsadüf edir. Bununla əlaqədar olaraq bu ili İmam Xomeyni (r) ili kimi qəbul etməyimiz və adlandırmağımız yerinə düşərdi. Ancaq bu da kifayət deyil. İnşallah, hamı çalışmalıdır ki, böyük insan olan İmam Xomeyninin şəxsiyyətini mükəmməl şəkildə öyrənsinlər, bu keyfiyyətləri öz həyatlarında və millətin həyatında, ölkənin mənəvi həyatında istifadə etsinlər.
Mənim fikrimcə, möhtərəm İmamımız öz aydın fikri və ağıllı xarakteri ilə, öz güclü iradəsi və qətiliyi ilə, öz yüksək insani xüsusiyyətləri və daxili aləmi ilə, öz möminliyi və həqiqi imanlı olması ilə, bütövlükdə bütün bu yüksək keyfiyyətləri ilə xalqın arzularının tərənnümçüsünə çevrilə bildi və insanların fəryad və istəklərini təcəssüm etdirə bildi.1
1 “Keyhan” qəzeti, 14/1-1378 - Munacat və təhəccüdMunacat və təhəccüdO, minacat, təhəccüd və səmimi bir xahişlə “Ola bilsin ki, Rəbbin səni bəyənilən bir məqama çatdırsın” kateqoriyasına daxil oldu.1
1 “Ettelaat” qəzeti, 24/4-1368 - Böyük insanBöyük insanBizim İmamımızın, o böyük insanın, azad düşünən müsəlmanın şəxsiyyətini müəyyən etmək üçün ən yaxşı yol Qurana müraciət etməkdir. Onu yaxşı olar ki, Allah-Təalanın saf bəndələrini vəsf edən həmin yol göstərən ayələr arasında axtaraq. O, cihadla və möminləri müqəddəs rəhbərliyin çərçivəsində saxlayan hicrətlə “Bəqərə” surəsi, ayə 218 – “İman gətirənlər və hicrət edib Allah yolunda cihad edənlər”in nümunəsi oldu. O, təhlükələri qəbul etməklə və Allah yolunda öz canından keçməklə elə bir zümrəyə daxil oldu ki, onları vəsf edərkən “Bəqərə” surəsi, ayə 207 – “İnsanlardan eləsi də var ki, Allahın razılığını qazanmaq yolunda öz canını satar” müqəddəs tərifi söylənilmişdir.1
1 Böyük dini rəhbərin İmamın (r) vəfatının qırxıncı günü münasibətilə müraciəti, 23/4-1368 - Həyatda Qurana əməl etməkHəyatda Qurana əməl etməkGünlərini, saatlarını və anlarını insanların qayğısına həsr edən bu şəxs Quranın sədaqətli, mömin və saf insanları xarakterizə edən yüzlərlə ayəsini təcəssüm etdirdi. O, Quranı nəinki cəmiyyətin həyatında və ya İslam cəmiyyətinin yaradıldığı mühitdə, eləcə də öz ruhunda və öz həyatında həyata keçirdi.1
1 “Ettelaat” qəzeti, 24/4-1368 - Mərhum İmamın (r) böyük şəxsiyyətiMərhum İmamın (r) böyük şəxsiyyətiİmam çox böyük və yüksək fərdi keyfiyyətlərə malik olmuşdur, ancaq onun əldə etdiyi uğurlar adi bir insanın fərdi keyfiyyətləri çərçivəsinə sığışmır.
Şücaət, məlumatlılıq, ağıl, tədbirlilik, uzaqgörənlik və s. İmama xas olan yüksək keyfiyyətlər idi və burada heç bir şəkk-şübhə ola bilməz. Bununla belə, o böyük şəxsiyyətin həyatda qazandığı nailiyyətlər elə yüksək səviyyədə idi ki, hər hansı bir insanın səviyyəsi ilə müqayisə olunması mümkün deyildir. Əksinə bu müvəffəqiyyətlər tamamilə başqa amillərin nəticəsi idi.
İmamın bu uğurları ilk növbədə onun səmimiyyətindən irəli gəlirdi, yəni həqiqətən də Allah-Təalanın sadiq dostu idi və bütün işlərini Allah xatirinə görürdü.
Ona görə də əgər bütün dünya belə ona qarşı çıxsaydı və ondan Allah-Təalanın istəmədiyi bir şeyi tələb etsəydilər, o, yenə də bu işdən boyun qaçırardı.1
1 “Comhuriye İslami” qəzeti, 24/4-1368
- O, bizi yaşatdıO, bizi yaşatdıO, sanki bir günəş idi ki, öz parlaqlığı ilə əşyanı aşkar edir və sanki bir ruh kimi insan bədəninə nüfuz edərək onun orqanlarını yaşadırdı. O, bizi yaşatdı və bizi hərəkətə gətirdi.1
1 “Nurun gözəllikləri”, səh.24 - Onun varlığında Allahla əlaqənin əlamətləriOnun varlığında Allahla əlaqənin əlamətləriTəsadüfən təbiətin bahar fəsli Quran və duanın baharı ilə eyni bir zamana düşür, bir neçə gündən sonra özünü təzələmə, insanın özünü yenidən qurması və Allahla ünsiyyətin yaranması kimi özünü göstərən mübarək ramazan ayı başlayacaqdır və işin bu cəhətini unutmaq olmaz. Çünki bütün xatalar və səhvlər işin bu cəhətini nəzərə almaqdan irəli gəlir.
Səhvləri az olan, qəlbi mərifət nuru və Allahın göstərişləri ilə parlayan, bizə, millətimizə və İslamın aşiqlərinə tapşırıqlar verən o şəxs hər birimiz üçün bir yolgöstərən, yolaçan idi. Yəni bizim İmamızın dinə yanaşması bu cür idi, onun varlığında Allah-Təala ilə ünsiyyət tam təmin olunmuşdur. - Həqiqi möminHəqiqi möminİmam həqiqi mömin idi. Bir baxın, o, dünya ilə, siyasətlə, hadisələrlə və yaradanla necə münasibət yaradırdı? Bu, dinin təsiri idi.1
1 Həzrətin bir qrup insanın ona beyəti mərasimində çıxışı, 20/3-1369 - Səmimi etiqad və imanSəmimi etiqad və imanSəmimi etiqad və iman ordunun möhkəmləndirilməsində mühüm əhəmiyyət kəsb edir. Bu tendensiyanın canlı sübutu İmamdır. O, bir mömin idi və bu, onu qüdrətləndirən bir vasitə idi. Qeyd olunan sözlərin əleyhinə olaraq din ağrısızlaşdırıcıdır, İslam dini canlandıran və yenidən quran dindir. İnşallah, uğurlar qazanacaqsınız və Allah-Təala sizə güc verəcəkdir ki, İmamın yolunu davam etdirəsiniz.1
1 Həzrətin ordunun ona beyəti mərasimində çıxışı, 18/2-1368
- Müdrik dini rəhbərMüdrik dini rəhbərO, bizim xalqımız üçün nəinki bir rəhbər idi, bəlkə də böyük bir müəllim, mehriban bir ata və müdrik bir rəhbər hesab olunurdu.
- Xeyirxahlıq nişanəsiXeyirxahlıq nişanəsiHeç bir gün bəhmən ayının 12-si kimi deyildi, həmin gün peyğəmbərlər nəslindən olan bir kişi onların üsulu ilə və möcüzəli bir əllə, xeyirxahlıq nişanəsi kimi aşağı endi və onları mələklərin qanadına alaraq böyüklük və yüksəklik səmasına apardı.
- Xeyirxah insanXeyirxah insanO, xeyirxah insan və sözün həqiqi mənasında Allah bəndəsi idi. Mən İmam üçün bundan, yəni “xeyirxah insan” ifadəsindən daha yaxşı, daha gözəl başqa bir ifadə tapa bilmirəm.1
1 Həzrətin İslam İnqilab Komitəsi üzvlərinin ona beyəti mərasimində çıxışı,18/3-1368 - Qeybdən gələn ilhamlarQeybdən gələn ilhamlarBizim əziz İmamımız həqiqətən də bəzi hallarda qeybdən gələn ilhamlardan ruhlanırdı və onun sözləri sanki bəzən vəhylərə söykənən sözləri xatırladırdı.1
1 “Nurun gözəllikləri”, səh.24 - Həqiqi mənada müdrik insanHəqiqi mənada müdrik insanİmam həqiqi mənada müdrik bir insan idi. Allah-Təala həqiqətən də bu böyük insana sözün həqiqi mənasında müdriklik bəxş etmişdi və o, elə bir bəsirətə malik idi ki, bizim diqqətlə baxıb görə bilmədiklərimizi o, adi bir baxışla sezə bilirdi. Onun kəlmələri də hikmətlə dolu olan bir insan qəlbinin məhsulu idi.
- Ağıllı və ehtiyatlı bir insanAğıllı və ehtiyatlı bir insanİmam çox ağıllı insanlardan biri idi və mən öz həyatımda bu ağıllılıqda bir insan görmədim. O, çox ağıllı, uzaqgörən, müdrik və adamları yaxşı tanıyan bir insan idi, o cümlədən də aldanmırdı. İmamın malik olduğu xüsusiyyətlər nəinki adi adamlarda çox az olur, əgər birisi həmin keyfiyyətlərdən hər hansı birinə malik olsa, o, böyük bir insandır.
- İmamın uzaqgörənliyiİmamın uzaqgörənliyiƏgər İmamın uzaqgörənliyi və gələcək barədə ehtimalları hər hansı bir adamda olsaydı, o, böyük bir insan olardı. İmamın ağlı, əqli güc və qabiliyyəti, mətanəti, təmkinliliyi və helmi yalnız onun özünə məxsus idi.
- Böyük qurucuBöyük qurucuİmam Allah-Təalanın o ruhlarından idi ki, Musanın əsası və möcüzələr yaradan əli ilə, habelə Peyğəmbərin (s) buyurduqları ilə məzlumların nicatına başladı. O, dünyanın istibdad rejimlərini lərzəyə salaraq, insanların qəlbini ümid nuru ilə işıqlandırdı.1
1 “Ettelaat” qəzeti, 24/4-1368 - Mənəvi möhkəmlik və ruhi şücaətMənəvi möhkəmlik və ruhi şücaətBelə bir qüdrətə, mənəvi möhkəmliyə, ruhi və əxlaqi şücaətə malik olan insan İslam və müsəlmanlar naminə elə bir mövqe tuturdu ki, bütün dünya onun qarşısında qalırdı. Dünyada öz əməllərində və davranışlarında bu qədər bacarıqlı olan rəhbərlər çox azdır.1
1 “Comhuriye İslami”, 31/4-1368 - Seçilən, tərbiyə olunmuş və riyazət çəkmiş bir varlıqSeçilən, tərbiyə olunmuş və riyazət çəkmiş bir varlıqBizim hər birimizin öz mənəviyyatımızda və əxlaqi keyfiyyətlərimizdə dəyişikliklər etməyə ehtiyacımız vardır. Bu bir neçə il ərzində mən dəfələrlə düşünmüşəm ki, bizim qələbəmizin mühüm bir hissəsi məhz Həzrət İmamın şəxsi keyfiyyətləri ilə bağlıdır.Yəni o böyük insan həqiqətən və insafən də yüksək səviyyəli bir insan olmaqdan əlavə, həm də əvvəldən onu tanıyanların bildirdiyinə görə, çox yüksək səviyyəli, savadlı və riyazət çəkmiş bir şəxs idi. Bu insan həmişə öz üzərində işləyirdi və həmin inqilab dövründə də daim inkişaf və təkamül şəraitində yaşayırdı. Necə ki, vaxtilə Peyğəmbərimiz (s), imamlar müqəddəs şəxslər də həmişə, yəni son anlarınadək inkişaf və təkamül fikrində olmuşlar.
Yəni İslam Peyğəmbəri (s) peyğəmbərlik anlarında o dünyaya köçmə anlarında olduğu kimi olmamışdır və o, bu 23 il müddətində elə inkişaf və tərəqqi etmişdir ki, biz adi adamlardan ötrü son dərəcə heyrətamizdir. Həqiqətən mömin şəxs məhz bu cür olmalı və daim irəliyə doğru addımlamalıdır. İmam da elə bu cür olmuşdur, xüsusilə mübarək ramazan ayında tam şəkildə özünə qapılaraq, özü ilə məşğul olmuşdur. Çünki ramazan ayından sonra onunla görüşənlər hiss edirdilər ki, o, daha da nuraniləşmiş, mənəviyyatca daha da zənginləşmişdir. Çox güman ki, bu inqilabın, bu millətin əksər uğurları məhz həmin anlarla əlaqədar idi.1
1 Böyük dini rəhbərin çıxışı, 26/7-1368 - Dindarlığın qorunub saxlanılmasıDindarlığın qorunub saxlanılmasıBizim böyük imamımız bir sıra məsələlərlə əlaqədar çoxlu öyrədici tövsiyələr vermişdir. O cümlədən ruhaniyyət ləyaqətinin qorunub saxlanılması, adamlarla həmin adi və əvvəlki əlaqələrin qorunub saxlanılması, insanlarda iman və dindarlığa bağlılığın daha da möhkəmləndirilməsi naminə atılan addımların və əməllərin qorunub saxlanılması, həmçinin ona zərər vuran hər bir şeydən imtina etməkdir ki, daim diqqət mərkəzində saxlanılmalıdır.1
1 Böyük dini rəhbərin ruhanilərlə görüşündə həzrətin çıxışı, 11/7-1360 - Allaha diqqət yetirmə və ondan kömək ummaqAllaha diqqət yetirmə və ondan kömək ummaqBurada bir məqam vardır ki, İmamın həyatında da həmin məqam əsas yerlərdən birini tuturdu və bu, Allah-Təalaya diqqət yetirmə və ondan kömək ummaq idi.1
1 Böyük dini rəhbərin yaradıcı adamlarla görüşündə çıxışı, 30/3-1368 - Həqiqi şükür etmə və Allaha rəğbətHəqiqi şükür etmə və Allaha rəğbətOnda həqiqətən də həqiqi şükür etmə və Allaha rəğbət var idi və onun fikirlərində heç bir şey Allah-Təalanın qüdrətindən kənarda deyildi.
O, nə Şərq, nə də Qərb siyasətini irəli sürəndə çox az adam inanırdı ki, Şərqə və Qərbə arxalanmadan hər hansı bir hökuməti qurmaq və onu idarə etmək mümkündür.
O, Amerika heç bir qələt eliyə bilməz dediyi zaman, həqiqətən də Amerikanın İmama və onun ümmətinə heç bir şey edə bilməyəcəyinə inananlar çox az idi.
O, bütün bu böyük işləri həyata keçirdi və bilirdi ki, Allaha şükür etdiyinə görə edə biləcəkdir. Bu işləri həyata keçirmək onun üçün başlıca məqsəd olmasa da, o, yalnız öz vəzifəsini yerinə yetirməkdə idi.1
1 “Comhuriye İslami” qəzeti, 24/4-1368 - Onun Allahla əlaqə yaratmasıOnun Allahla əlaqə yaratmasıİmamın Allah-Təala ilə əlaqə yaratması, ona daim diqqət yetirməsi və şükürlü olması bu millətə və bu inqilaba rəhbərlik edə bilməsinə imkan yaratdı.
- “Allahın əli onun əlinin üstündə idi”“Allahın əli onun əlinin üstündə idi”İmam Xomeyni (r) müdrik, dəqiq və yüksək zəkaya malik bir şəxs kimi hadisələrin böyük əksəriyyətini öncədən görməyə qadir idi və o, inanırdı ki, hərəkatın başlandığı ilk gündən Allah-Təalanın köməyi ilə inqilab və İslam irəli getmişdir.1
1 “Comhuriye İslami” qəzeti, 2/11-1368 - Rəhmani baxış və nurani bir simaRəhmani baxış və nurani bir simaİmam həqiqətən də müdrik bir şəxs idi və bu hikmət onun mələksima və ilahi bir insan olduğunu sübut edirdi. İnsan hiss edirdi ki, bütün həqiqətlər onun vücudunda öz əksini tapırdı və o, bəzi şeyləri elə rahat, elə asanlıqla və bəlkə də öz müdrikliyi və nuraniliyi ilə elə sadə bir şəkildə başa düşürdü ki, adam həmin məsələləri anlamaqdan ötrü çox böyük əziyyətlər çəkirdi. Necə deyərlər əsa vura-vura və korkoranə gəlib çıxdığın bir yerə onun rəhmani və nurani bir baxışla gəlib çatdığını görürsən. Həqiqətən də o, ilahiyyatçı bir insan idi və bu müdrik şəxs on il müddətində bu cəmiyyəti idarə etmişdi.1
1 Böyük dini rəhbərin ölkə cümə imamları ilə görüşdə çıxışı, 12/4-1368
- Sədaqət və səmimilikSədaqət və səmimilikKimin İmam üçün nə deyəcəyi müzakirəyə çıxarılmır və o, Allah xatirinə iş gördüyündən, Allah-Təala da ondan ötrü bütün hazırlıq işlərini görür. İmamın sözləri insanların könüllərini ələ alır və dünənədək “Müharibə, müharibə” deyən həmin adamlara İmamın sədaqəti, səmimiliyi və ürəyiaçıqlığı o qədər təsir göstərir ki, onlar qayıdırlar, yürüş edirlər və “Atəşkəs” şüarı ilə çıxış edirlər. Bu, səmimiliyin nişanəsidir. Bu hadisədə də həmin cürdür.
- Əmirəl-mömininə (ə) iqtidaƏmirəl-mömininə (ə) iqtidaBizim əziz İmamımız bu qətilik xüsusiyyətini əksər hallarda büruzə vermişdir və bu, dünya səviyyəsində bütün dostların və düşmənlərin marağına, heyrətinə və həyəcanına səbəb olmuşdur. Müharibə ilə bağlı hadisələrdə, qətnamə hadisəsində, ölkənin müxtəlif siyasi məsələlərində İmamın ən başlıca xüsusiyyəti olan həmin qətiliyi qarşıya qoyulan vəzifələrin yerinə yetirilməsində mühüm rol oynayır. Bu, əlbəttə, Əmirəl-möminin (ə) həmin üsuludur.1
1 “Comhuriye İslami” qəzeti, 4/1-1369 - İlahinin əbədi mənbəyinə qovuşmaİlahinin əbədi mənbəyinə qovuşmaHəmin qüdrətli şəxsdən başqa heç bir kəs İran millətini hərəkətə gətirə bilməzdi və bütün bunlar yenə də onun şəxsiyyəti ilə bağlıdır. O və onun şəxsiyyəti bütün xüsusiyyətləri və sifətləri ilə istisna təşkil edir ki, mənim fikrimcə, onun ən mühüm və ən təyinedici müvəffəqiyyəti yenə də Allah-Təalaya diqqət və sədaqətdir. Bu keyfiyyətlər onu Allah-Təala ilə qovuşdura bildi və o, öz əməllərində “səndən kömək istəyirik” ifadəsini təcəssüm etdirdi, yəni o, özünü İlahinin əbədi mənbəyinə qovuşdurdu.1
1 Həzrətin Mühafizəçilər Şurasının üzvləri ilə görüş mərasimində çıxışı, 21/3-1368 - Qətilik və sarsılmazlıqQətilik və sarsılmazlıqVallah, əgər İmam müxtəlif məsələlərin həllində bu qətiliyindən, sarsılmazlığından və çəkinməməzliyindən bəhrələnməsəydi, inqilab indiyə kimi yeddi kəfən çürütmüşdü. Əslində əgər İmam həmin qətiliyə malik olmasaydı, inqilab qalib gələ bilməzdi və İslam respublikası yaradılmazdı.
- Ünsiyyət və qəlblərin birləşdirilməsiÜnsiyyət və qəlblərin birləşdirilməsiO böyük insanın ilahi sədaqəti onun rəhmətə getməsindən sonra da bu cəmiyyətdə müəyyən təsirə malik idi və qəlbləri bir-biri ilə birləşdirmişdi, əlaqələri daha da qüvvətləndirmişdi.1
1 Böyük dini rəhbərin bir qrup adamla görüşdə çıxışı, 27/3-1368 - İmam təvəkkül edənlərdən idiİmam təvəkkül edənlərdən idiİmam belə idi, o, həm də Allaha təvəkkül edənlərdən idi, İmam eyni zamanda Allah-Təala ilə ünsiyyəti xatirinə ilahi mərhəmət hissinə malik idi. Gəlin, biz də həmin təvəkküllə, həmin sədaqətlə, həmin səy və həmin qərarla yolumuzu davam etdirək.1
1 Böyük dini rəhbərin bir qrup nümayəndənin ona beyəti mərasimində çıxışı, 23/3-1368 - Mənəviyyat meyarıMənəviyyat meyarıBu yeniyetmələr və şəhid uşaqları bilməlidirlər ki, onların ataları İslamın dünyadakı şeytanların və iblislərin gözündə möhtəşəmlik əldə etməsinə imkan yaratdılar. Bir vaxtlar müsəlmanların cəmiyyətinə çox az adam əhəmiyyət verirdi, onları fikir, düşüncə adamı hesab etmirdilər. Lakin bu gün onlar başa düşüblər ki, İslam dünyanın hər bir yerində şeytana məxsus olan iqtisadi sarayları silkələməkdədir. Adı, adının xatırlanması və ruhu şeytan qüvvələrinin ürəyində qorxu hissi yaradan bu böyük İmamın əzəməti onların saraylarını yerindən oynatdı və bütün bunlar İslam xatirinə idi. Çünki o, özünü İslamın və müsəlmanların xidmətçisi adlandırırdı. Onun və millətinin əqidə uğrunda mübarizəsi İslama möhtəşəmlik bəxş etmiş olsa da, İmamın əzəməti eyni zamanda İslamın əzəməti idi. Bu gün həmin şəhidlərin və onların tökülən qanları sayəsində bizim millətimiz başı uca və ləyaqətli bir millətdir ki, digər xalqlar ləyaqət və izzəti bu cür əldə etməlidirlər.1
1 Böyük dini rəhbərin ən yaxşı məktəblərin nümayəndələri ilə görüşdə çıxışı, 25/5-1369 - Yorulmazlıq və alicənablıqYorulmazlıq və alicənablıqBizim əziz və böyük rəhbərimizin əsas xüsusiyyətlərindən biri odur ki, o, böyük comərdliklə adi adamların təsəvvür belə edə bilmədiyi çox nəhəng hədəfləri seçirdi.Adi adamlar öz hesabları ilə həmin hədəflərin artıq seçildiyini görəndə təəccüb edirdilər ki, bu hədəflərə çatmaq mümkündürmü? Sanki həmin alicənab insan öz imanı, təvəkkülü və yorulmazlığı ilə yanaşı, hərəkətlərində və fəaliyyətində malik olduğu bütün imkanlarını da işə salaraq, həmin hədəflərə doğru irəli gedirdi. Gözlənilmədən hamı görürdü ki, nəzərdə tutulan hədəfə yetişmək mümkündür. Mübarizənin başladığı ilk gündən də belə olmuşdur.1
1 Böyük dini rəhbərin dövlət nümayəndələrinin ona beyəti mərasimində çıxışı, 17/3-1368
- Zahid, dindar və dünya malına tamah göstərməməkZahid, dindar və dünya malına tamah göstərməməkİmam (r) özü çox yaxşı bir adam olduğundan onun belə yaxşı adam olması təsir dairəsində olanlara da çox yaxşı təsir göstərmişdi. Əgər bir şəxs yaxşıdırsa, ətrafında olan adamlar da onun təsiri altına düşürlər, öz evlərində də bu cür yaxşı olurlar və dostlarına da yaxşı təsir göstərirlər. Sonra öz ölkəsini yaxşılaşdırır, daha sonra isə bütün dünyanı gözəlləşdirir. İmam özü sanki hər bir yeri nurlandıran bir çıraq idi. Çünki özü də işıqlı adam idi, qara fikirli adam deyildi. Əslində biz hər bir kəsi gördük, hətta İmamın düşmənləri də zahidlik, dindarlıq və dünya malına tamah göstərməmək baxımından onun şəxsiyyətinə sitayiş edirdilər.1
1 Böyük dini rəhbərin ordunun məsul nümayəndələri ilə görüşdə çıxışı, 9/11-1368 - Bütün söz və fikirləri Quran və İslamla bağlı idiBütün söz və fikirləri Quran və İslamla bağlı idiBiz İran xalqı inqilabdan sonrakı bu on il ərzində mövcud olan bütün çətinliklərə baxmayaraq, düşmənin cürbəcür hücumları qarşısında tab gətirə bildik. Ancaq onların bizə bütün hücumları zamanı bizdən çox onlar zərər gördülər. Bunun səbəbi isə o idi ki, bizim xalqımız daha çox inqilabi əhval-ruhiyyəyə malik idi. Həmçinin onların arasında inqilabi bir dindarlıq və söz birliyi hakim idi. Dinin, inqilaba olan inamın, İslamın və bütün söz və fikirləri İslamla bağlı olan o böyük şəxsiyyətin bərəkəti sayəsində bizim böyük İmamımızın rəhbərliyi ilə millətimiz ötən on il ərzində düşmənin qarşısında tab gətirə bildi və düşmən bizə hücumundan heç bir qazanc əldə edə bilmədi.
- Rəhbərlik nuru və müdriklikRəhbərlik nuru və müdriklikHazırkı Məclisin ən böyük çatışmazlığı budur ki, o, Allahın mərhəmət hissi canına və qəlbinə hopmuş, müdriklik və rəhbərlik nurunu xüsusi və ümumi dairələrdə alovlandıran Həzrət İmam Xomeyninin (r) müdrik təlimatlarından, onun müqəddəs ruhundan məhrumdur. Bu çatışmazlığı Allah-Təalaya təvəkkül və Həzrət İmam Zamanın (r) lütfünə arxalanaraq davam etdirərək, cəmiyyətin bütün məsul nümayəndələri, xüsusilə möhtəşəm və həssas bir mərkəz olan Dini İşlər üzrə Ali Mütəxəssislər Məclisi gündəlik səy və təlaşların məsuliyyətini hiss etməklə aradan qaldırmalıdır.1
1 Böyük dini rəhbərin müraciəti, 1/12-1369 - Parlayan və işıq saçan cövhərParlayan və işıq saçan cövhərƏksəriyyət onu görsə də tanımırdı, onu adi adamlara oxşadırdılar. Amma onun parlayan və işıq saçan cövhəri Allah-Təalanın köməyi və Allaha mütilik sayəsində aşkar oldu. 1
1 Böyük dini rəhbərin Məşhəd sənətkarları ilə görüşündə çıxışı, 30/3-1368 - İslam aşiqləri üçün böyük bələdçiİslam aşiqləri üçün böyük bələdçiBu il təsadüfən təbiətin baharı dua və Quranın baharı ilə üst-üstə düşür. Artıq bir neçə gündən sonra mübarək ramazan ayı - insanın özünü yenidən qurma baharı, Allah-Təala ilə ünsiyyət baharı başlayır. Bu işlərdən kənarda qalmaq olmaz. Çünki bütün xatalar və səhvlər bu cür işlərə başlamamaqdan irəli gəlir.
Səhvləri az olan və qəlbi Allah-Təalanın rəhbərlik nuru və müdrikliklə işıqlanan, habelə işarələri bizim üçün, millətimiz üçün və İslamın dünyadakı aşiqlərindən ötrü bələdçi olan bir şəxs, yəni bizim böyük və mərhum İmamımız ona görə belə idi ki, Allahla belə bir əlaqə onun artıq vücudunda təmin olunmuşdu.11 Böyük dini rəhbərin bir qrup məsul işçi ilə görüşündə çıxışı, 1/1-1369 - Rövzəxanlığı və zikri-müsibəti yaşadan şəxsRövzəxanlığı və zikri-müsibəti yaşadan şəxsİmam çox incəliklə inqilabdan öncə bir zaman geniş yayılmış ziyalınüma, amma yanlış bir fikri aradan qaldıraraq, inqilabın mütərəqqi siyasi mövqeyi ilə aşura hadisəsindəki həssas mövqe arasında bir bağlılıq yaratdı.
Rövzəxanlığı və zikri-müsibəti ehya edərək bildirdi ki, bu, bizim cəmiyyətimizdə ləğv olunmuş, qədim, dəbdəbəli və lazımsız bir şey deyildir. Bu, çox gərəkli bir məslədir, yəni İmam Hüseyn (ə) və o Həzrətin başına gətirilən müsubətin xatırlanmasını, eləcə də o böyük şəxsiyyətin üstün keyfiyyətlərinin, o böyük insanla bağlı faciələrin adi və ya geniş formada, həs-saslıqla və daha təsirli formada açıqlanmasını, habelə insanların bizim millətin arasında olması üçün həmin hadisənin rövzəxanlıq, yaxud müxtəlif matəm mərasimləri formasında, həm də əvvəlkindən daha təsirli şəkildə keçirilməsini dəfələrlə təkid etmiş, özü də praktik olaraq bu tədbirlərə qatılmışdır.1
1 Böyük dini rəhbərin bir qrup ruhani ilə görüşdə çıxışı, 11/7-1360 - Allahsızlıqdan təmizlənməAllahsızlıqdan təmizlənməƏgər o böyük şəxsiyyət bütün bu müsbət keyfiyyətlərəelmə, qətiliyə, ayıq-sayıqlığa, şücaətə, iradəyə və ondan açıq şəkildə özünü büruzə verən bu kimi xüsusiyyətlərə malik olub, ixlasa malik olmasaydı, Allah-Təala ilə ünsiyyəti də olmazdı, həmin dövrdə öz istəklərindən yayınma mənasında Allahsızlıqdan xilas olmaz və qeyd olunan uğurlara da çata bilməzdi.1
1 Böyük dini rəhbərin Mühafizəçilər Şurası üzvlərinin beyəti mənasında çıxışı, 21/3-1368 - Ramazan ayının gün və saatlarının qədrini bilməRamazan ayının gün və saatlarının qədrini bilməHəqiqətən, Allah-Təalanın böyük İmamımız kimi ləyaqətli bəndələri ramazan ayının gün və saatlarının qədrini bilirdilər və ondan lazımınca istifadə edirdilər.1
1 Böyük dini rəhbərin fətir bayramı mərasimində çıxışı, 7/2-1369 - Öz nəfsani istəklərinin hakimiÖz nəfsani istəklərinin hakimiO, öz nəfsani istəklərinin hakimi idi və eyni zamanda son dərəcə təvazökar və sadə, səbrli və təmkinli olduğuna görə ən böyük, ağır hadisələr belə onu özündən çıxara bilmirdi. Dəfələrlə biz-ölkənin məsul şəxsləri işlərin çətinliyindən, ağırlığından məhz ona pənah aparırdıq.1
1 Böyük dini rəhbərin camaatın ona beyəti mərasimində çıxışı, 20/3-1368 - Mənəviyyatlı, müqəddəs və bilikli bir insanMənəviyyatlı, müqəddəs və bilikli bir insanO, Allah-Təala ilə daimi və səmimi bir əlaqəyə malik idi. O, mənəviyyatlı, müqəddəs, ağıllı bir insan idi. O, dünyada ən zərif hisslərə malik bir insan olmaqla yanaşı, həm də son dərəcə qətiyyətli və sarsılmaz bir şəxs idi. Dünyanın ən məşhur hərbi komandanlarının çox az bir hissəsi belə keyfiyyətlərə malik olmuşdur.1
1 Böyük dini rəhbərin Tehranda cümə namazında çıxışı, 23/4-1368 - İmamın (r) qiyam və hərəkatının təsiriİmamın (r) qiyam və hərəkatının təsiriBöyük dini rəhbər 1368-ci ildə Tehran Cümə məscidindəki birinci xütbəsində Həzrət İmamın (r) hərəkatının təsirinin on formasına toxunaraq, bunu aşağıdakı kimi şərh etmişdir:
– 1. İslama hazırlıq; 2. Müsəlmanlara böyüklük ruhunun qaytarılması; 3. Dünyada İslam ümmətinin müzakirəyə çıxarılması; 4. Dünyada və regionda ən mürtəce, ən alçaq və ən asılı olan rejimlərdən birinin aradan götürülməsi; 5. İslama əsaslanan bir hökumətin yaradılması; 6. Dünyada İslam hərəkatının yaradılması; 7. Şiəlikdə yeni bir baxışın meydana gəlməsi; 8. Hakimlərin fərdi əxlaqı fəslində yanlış inamların dəyişdirilməsi; 9. İran millətində qürur və özünə inam əhval-ruhiyyəsinin yaradılması; 10. “Nə Şərq, nə də Qərb” prinsipinin real və praktik bir prinsip kimi təsdiq olunması.1
1 Böyük dini rəhbərin Tehranda cümə namazında çıxışı, 23/4-1368 - Peyğəmbər geyimli, sözlü və əxlaqlı imamPeyğəmbər geyimli, sözlü və əxlaqlı imamİmam sübut etdi ki, bir millətin əziz və sevimli rəhbəri, dünya müsəlmanlarının böyük rəhbəri bir zahid kimi həyat sürə bilər, dəbdəbəli saraylar əvəzinə hər hansı bir Hüseyniyyədə onun yanına gələnləri qəbul edə bilər, peyğəmbər geyimi, peyğəmbər danışığı və əxlaqı ilə camaatı qarşılaya bilər.
Dəbdəbələr, mərasimlər, izafi xərclər, çoxsaylı görüşlər, təkəbbür, mənəmlik hakimlər və başcılar üçün zəruri olan cəhətlər deyildir, onların qəlbləri müdriklik nuru və həqiqətlə işıqlanmalıdır. İmam öz həyatında və qurduğu strukturda belə bir şey də yaratdı ki, Allah-Təalanın mərhəməti sayəsində özünü büruzə verdi. Bu, o böyük şəxsiyyətin ən böyük möcuzələrindən biri idi.1
1 Böyük dini rəhbərin Tehranda cümə namazında çıxışı, 23/4-1368 - Müstəmləkəçilik qalalarının məhv edilməsiMüstəmləkəçilik qalalarının məhv edilməsiİranda şah hökumətinin devrilməsi İmamın gördüyü ən böyük işlərdən biri idi və bu qala Fars körfəzi regionunda, Orta Şərqdə və İranda mövcud olan müstəmləkəçilik qalası idi.1
1 Böyük dini rəhbərin Tehranda cümə namazında çıxışı, 23/4-1368 - İmamın işi bir möcüzə idiİmamın işi bir möcüzə idiMüsəlmanların və qeyri-müsəlmanların ağlına gəlməyən şey o idi ki, İmam bir dinin – İslam dininin əsasında bütün strukturlara malik olan siyasi sistem, bir cəmiyyət yaratdı.
Bu, sadəlövh müsəlmanların əsla təsəvvür edə bilmədikləri və görmədikləri xoş bir yuxu idi. İmam həmin xəyalı, yəni möcüzə kimi görünən bir əfsanəni gerçəkləşdirdi.1
1 Böyük dini rəhbərin Tehranda cümə namazında çıxışı, 23/4-1368 - Fiqhin əhatə dairəsinin genişləndirilməsiFiqhin əhatə dairəsinin genişləndirilməsiBizim müsəlman qanunvericiliyinin çox möhkəm dayaqları olmuşdur və indi də var. Şiəlik baxımından müsəlman qanunvericiliyi ən mühüm fiqhlərdən biri olub, çox böyük qaydalara və prinsiplərə söykənir. Bizim əziz imanımız bu mükəmməl fiqhə geniş bir dairədə dünya və hökumətin baxışı ilə diqqətləri yönəltdi və bu fiqhin sütunlarını bizə açıqladı. Halbuki əvvəllər bizə aydın deyildi.11 Böyük dini rəhbərin Tehranda cümə namazında çıxışı, 23/4-1368
- İmam (r) millətdə milli qürur və iftixar ruhunu bərpa etdiİmam (r) millətdə milli qürur və iftixar ruhunu bərpa etdiMillətimizin milli qürur və iftixar ruhunu öldürmüşdülər. İmam İran millətinin milli qürur və iftixar ruhunu dirçəltdi. Millətimiz təkəbbürlü qüvvələrin həmişə istədiyi kimi, millətçilərin yersiz lovğalıqları ilə dolu olduğu, artıq keçmişdə qalan mənhus rejimin İran xalqını zəlil qoyduğu və onlarda yalnış millətçilik hissləri yaratdığı bir şəraitdə bütün bunlar baş verdi. İndi Allaha şükürlər olsun ki, millətimiz bu hisslərdən uzaqdır və hazırda onlarda böyüklük, iftixar və qüdrət hissləri yaşayır.
Xalqımız bu gün nəinki ötür-ötürdən, Şərq və Qərbin, habelə mürtəce qüvvələrin sui-qəsdlərindən çəkinmir, yaxud özünü zəif hiss etmir, əksinə bizim gənclərimiz hiss edirlər ki, özləri öz ölkələrini ayaq üstünə qoya bilərlər. Adamlarımız hiss edirlər ki, Şərq və Qərbin zorakılıqları qarşısında dayana bilmək qüdrətindədirlər.
İmam böyüklük, özünəinam, milli qürur və iftixar ruhunu millətimizdə bərpa etdi.1
1 Böyük dini rəhbərin Azərbaycan xalqının ona beyəti mərasimində çıxışı, 30/3-1368 - İmam – arzu və istəklərimizin simvoluİmam – arzu və istəklərimizin simvoluBizim İslam inqilabı dünyada yaşayan bütün müsəlmanlara gələcəyə ümid bəxş etmişdir. Siz özünüz də görürsünüz ki, Şərqdə və Qərbdə, Asiya, Afrika və Avropada müsəlmanlar İmamın vəfat etməsi ilə əlaqədar olaraq kədərlənirlər və İran xalqı kimi matəm saxlayırlar. Bəs, bu nə ilə bağlıdır?
Bu, İmamın rəhbərliyi altında İran xalqının hərəkatının insanların qəlbində doğurduğu ümiddən irəli gəlir. Onlar bizim böyük imamızı öz arzu və istəklərinin simvolu hesab edirlər. Ona görə də ona yas saxlayırlar.1
1 Böyük dini rəhbərin Azərbaycan xalqının ona beyəti mərasimində çıxışı, 30/3-1368 - İmamın (r) siyasi kursunun özünəməxsus xüsusiyyətləriİmamın (r) siyasi kursunun özünəməxsus xüsusiyyətləriBöyük dini rəhbərin mərhum İmamın səmərəli həyatının on ili müddətində İslam sisteminin fəaliyyətinin xarakterizə edən onun siyasi xəttinin özünəməxsus xüsusiyyətləri barədə qısaca olaraq belə buyurur:
– Xarici dövlətlərin güc və zorakılıqları qarşısında dayanıb, həmin fövqəl dövlətlərlə sövdələşmələrə gedilməməsi;
– Dindarlığa, fərdi hərəkətlərə, şeytani hakimiyyətlərə şeytani hiss və şəkk-şübhələrə qarşı müqavimət göstərilməsinə çalışma;
– Millətlərin qabiliyyət və bacarıqlarına əhəmiyyət verilməsi;
– Müsəlmanların birliyə çağırılması və fövqəl dövlətlərin ayrı-seçkilik salması ilə mübarizə aparılması;
– Dövlətlərlə sağlam və dostluq münasibətlərinin yaradılması (bu cür münasibətlərin yaradılmasının qeyri-mümkünlüyü barədə qüvvətli dəlillərin gətirildiyi hallar istisna olmaqla);
– İslami düşüncə və əməllərdə daşlaşmış hasarların sındırılması və seçmələrin aparılması pak İslam üçün öhdəlikdir;
– İmkansız insanlara kömək göstərilməsi və ictimai ədalətin təmin olunması;
– Qəsbkar sionist rejimi və işğalçı Qüds rejimi ilə mübarizəyə diqqət yetirilməsi;
– İran milləti arasında milli birliyin qorunub saxlanılması və bütövlüyün yaradılması, ayrı-seçkilik salan hər bir şüarla mübarizə aparılması;
– Hökumətin xəlqiliyinin qorunub saxlanılması və insanlarla əlaqələrin yaradılması;
– Ölkədə quruculuğa çağırış bütün dünyaya praktik bir nümunənun göstərilməsidir və İmamın həyatının son aylarında bu məsələ onun diqqət mərkəzində olmuşdur.1
1 Böyük dini rəhbərin İmamın (r) vəfatının ildönümü mərasimində çıxışı, 14/3-1371
-
- BEŞİNCİ FƏSİL – ŞƏRİƏT ELMİNDƏ YÜKSƏK SƏVİYYƏYƏ ÇATMA
- İstifadə olunan ədəbiyyatİstifadə olunan ədəbiyyat1. Müsahibələr (cildlər) – Həzrət Ayətullah Xameneyinin İİR-in prezidenti olduğu illərdə verdiyi müsahibələr. Tərtib edən: İslam inqilabının Mədəniyyət Sənədləri Təşkilatının nəşriyyatı, 1370-ci il
2. “Həzrət Ayətullah Xameneyinin mərcəiyyəti haqda fəqihlərin və görkəmli şəxslərin fikirləri” kitabı. Tərtib edənlər: Qun Elmi Mərkəzinin ruhani alimləri. Naşir: Qum Elmi Mərkəzinin İslami Təbliğat Şöbəsi. Çap tarixi –13 rəcəb 1415 h. q
3. “Hədise vilayət”. Həzrətin İran İslam İnqilabının müdrik rəhbəri seçilməsindən sonra göstərişlərinin toplusu (cildlər)
4. “Rəhbərin siması”, Böyük dini rəhbər Həzrət Ayətullah Xameneyinin həyatından xatirələr. Savadsızlığın aradan qaldırılması hərəkatı. Tədqiqatlar şöbəsi. Təhsil vasitələrinin planlaşdırılması və istehsalı – 1377
5. “Ba nəvaye karevan”. Yeniyetmələr və uşaqlar üçün. Müqəddəs müdafiə həftəsinin keçirilməsi münasibətilə, “Canbaz”aylıq jurnalının əlavəsi. 1377-ci ilin şəhrivər ayı
6. “Comhuriye İslami” qəzeti
7. “Keyhan” qəzeti
8. “Resalət” qəzeti
9. Xatirələr və hekayətlər (cildlər). Naşir: “Ğədre vilayət” Mədəniyyət Müəssisəsi
10. “Cəbhə məktəbində”, üçüncü cild
11. “Pəyame enqelab” jurnalı. İslam inqilabı mühafizəçilər korpusunun orqanı.
12. “Həmaseye moqavemət”, ikinci cild
13. “Pasdare İslam”, 153-cü nömrə
14. “Səhifeye nur”, Həzrət İmamın (r) müraciətləri və çıxışlarının toplusu
15. “Ettelaat” qəzeti
16. “Celvehaye nur”
17. “Rəhbərin cavablarında faydalı dürrlər” – Ayətullah Xameneyi
18. “Bəsirətin əlaməti”. Həzrət Ayətullah Bəhaəddinin tərcümeyi-halı
19. “Böyük dini rəhbərin həyat və fəaliyyəti”. “Ğədre vilayət”Mədəniyyət Müəssisəsi
20. “Houzə və ruhaniyyət”. Tərtib edən: Böyük dini rəhbərin bürosu. I və II cildlər
21. “Kövsər nəslindən müdrik rəhbər”. İslami Təhqiqatlar Mərkəzi
22. “Əxlaq dərsi” haqda kitabça. 1371-ci ilin xordad ayı
23. “Aşna” jurnalı. İslam inqilabı mühafizəçilər korpusunun orqanı
24. “Tarix yaradan insanlar və anlar”. I cild
25. “Canbaz” jurnalı. № 22-23. 1379-cu il
26. “Günəşin kölgəsində”. Həzrət İmamın (r) haqqında qeydlər və xatirələr. Höccətülislam vəl-Müslimin Rəhimian. Cəbhə gündəliyi. Nəşrin birinci nömrəsi
-