ویب سائٹ دفتر رہبر معظم انقلاب اسلامی
دریافت:

استفتاآت کے جوابات

  • تقلید
  • طہا رت
  • احکام نماز
  • احکام روزہ
  • کتاب خمس
  • جہاد
  • امر بالمعروف و نہی عن المنکر
  • حرام معاملات
  • شطرنج اور آلات قمار
  • موسیقی اور غنا
  • رقص
  • تالی بجانا
  • نامحرم کی تصویر اور فلم
  • ڈش ا نٹینا
  • تھیٹر اور سینما
  • مصوری اور مجسمہ سازی
  • جادو، شعبدہ بازی اور روح و جن کا حاضر کرنا
  • قسمت آزمائی
  • رشوت
  • طبی مسائل
  • تعلیم و تعلم اور ان کے آداب
  • حقِ طباعت ، تالیف اور ہنر
  • غیر مسلموں کے ساتھ تجارت
  • ظالم حکومت میں کام کرنا
  • لباس کے احکام
  • مغربی ثقافت کی پیروی
  • جاسوسی، چغلخوری اور اسرار کا فاش کرنا
  • سگریٹ نوشی اور نشہ آور اشیاء کا استعمال
  • داڑھی مونڈنا
  • محفل گناہ میں شرکت کرنا
  • دعا لکھنا اور استخارہ
  • دینی رسومات کا احیاء
  • ذخیرہ اندوزی اور اسراف
  • تجارت و معاملات
  • سود کے احکام
  • حقِ شفعہ
    پرنٹ  ;  PDF
     
    حقِ شفعہ
     
    س١٦33:کیا دو اشخاص پر وقف شدہ چیز میں حق شفعہ ثابت ہوتا ہے جب ان میں سے ایک اپنا حصہ تیسرے شخص کو فروخت کر دے البتہ جب اسے اسکے فروخت کرنے کا حق ہو ؟ اسی طرح اگر دو شخص کسی ملک یا موقوفہ جائیداد کو کرایہ پر لیں پھر ان میں سے ایک اپنا حق صلح یا اجارے کے ساتھ تیسرے شخص کو منتقل کر دے تو کیا کرائے والی جائیداد میں حق شفعہ ثابت ہوگا؟
    ج: حق شفعہ وہاں ہوتا ہے جہاں عین کی ملکیت میں شراکت ہو اور دو میں سے ایک شریک اپنا حصہ کسی تیسرے شخص کو فروخت کر دے۔ لہذا اگر دو اشخاص کیلئے وقف ہو اور ایک شخص اپنا حصہ تیسرے شخص کو فروخت کر دے جبکہ اس کا فروخت کرنا جائز ہو تو اس صورت میں حق شفعہ نہیں ہے اوراسی طرح کرایہ پر لی ہوئی عین میں اگر ایک شخص اپنا حق کسی تیسرے شخص کو منتقل کر دے تو بھی شفعہ کا حق نہیں ہے۔
     
    س١٦34:شفعہ کے باب میں فقہی متون کی عبارتوں اور ملکی قوانین سے معلوم ہوتا ہے کہ اگر دو میں سے ایک شریک اپنا حصہ کسی تیسرے شخص کو فروخت کر دے تو دوسرے شریک کو شفعہ کا حق ہے بنابرایں اگر ایک شریک کسی خریدار کو اس بات پر ابھارے کہ وہ دوسرے شریک کا حصہ خرید لے اور یہ کہ وہ اپنا حق شفعہ استعمال نہیں کر ے گا تو کیا یہ عمل حق شفعہ کا اسقاط شمار ہوگا؟
    ج: صرف ایک شریک کا کسی تیسرے شخص کو اپنے شریک کا حصہ خریدنے کی تشویق دلانا اس کیلئے حق شفعہ کے ثابت رہنے سے منافات نہیں رکھتا۔بلکہ اگروہ وعدہ کرے کہ اسکے شریک اور اس شخص کے درمیان معاملہ ہوجانے کی صورت میں وہ حق شفعہ استعمال نہیں کریگا تو اس سے بھی معاملے کے انجام پانے کے بعد حق شفعہ ساقط نہیں ہوتا۔
     
    س١٦35:کیا شریک کے اپنا حصہ فروخت کرنے سے پہلے حق شفعہ کو ساقط کرنا صحیح ہے کیونکہ یہ ایسی چیز کا اسقاط ہے جو ابھی ثابت نہیں ہوئی "استقاط ما لم یجب" ہے۔
    ج: جب تک حق شفعہ ثابت نہ ہوجائے اور دو میں سے ایک شریک کے اپنا حصہ کسی تیسرے شخص کو فروخت کرنے کے ساتھ یہ مرحلہ فعلیت کو نہ پہنچ جائے اسے ساقط کرنا صحیح نہیں ہے۔ ہاں اگر ایک شریک عقد لازم کے ضمن میں اپنے آپ کو اس بات کا پابند بنائے کہ اگر اسکے شریک نے اپنا حصہ کسی تیسرے شخص کو فروخت کیا تو وہ شفعہ نہیں کریگا تو اشکال نہیں ہے۔
     
    س١٦36: ایک شخص نے ایک ایسے دو منزلہ گھر کی ایک منزل کرایہ پرلی کہ جس کے مالک دو بھائی ہیں اور وہ کرایہ دار کے مقروض ہیں اور دو سال سے مسلسل اصرار کے باوجود اس کا قرض ادانہیں کر رہے تھے اس طرح کہ یہ عمل کرایہ دار کے لئے حق تقاص کے ثبوت کا باعث بنتا ہے۔ گھر کی قیمت قرض کی رقم سے زیادہ ہے ۔اب اگر وہ اپنے قرض کی مقدار اس گھر کو اپنی ملکیت میں لے لے اور ان کے ساتھ گھر میں شریک ہوجائے تو کیا باقیماندہ مقدار کی نسبت اسے حق شفعہ حاصل ہوگا ؟
    ج: سوال کی مفروضہ صورت میں شفعہ کا موضوع نہیں ہے۔ اس لئے کہ حق شفعہ اس جگہ ہوتا ہے جہاں کسی شریک نے اپنا حصہ ایک تیسرے شخص کو فروخت کیا ہو اورخرید و فروخت سے پہلے شراکت ہونہ اس شخص کو جو دو میں سے ایک کا حصہ خرید کر یا تقاص کی وجہ سے اس کا مالک بن کر دوسرے کے ساتھ شریک ہو جائے۔ علاوہ از ین اگر ایک شریک اپنا حصہ بیچ دے تو اس صورت میں حق شفعہ ثابت ہوتا ہے کہ جب اس ملک میں صرف دوشخص شریک ہوں نہ زیادہ۔
     
    س١٦٣7: ایک جائیدا د دو افراد کے درمیان مشترک ہے اور ہر ایک آدھے حصے کا مالک ہے اور اسکی رجسٹری بھی دونوں کے نام ہے تقسیم کے ایک سادہ وثیقے کی بنیاد پر کہ جو انکے اپنے ہاتھوں کے ساتھ تحریر کیا گیا ہے مذکورہ ملک معین حدود کے ساتھ ان کے درمیان دو حصوں میں تقسیم ہوچکی ہے تو اگر ایک شریک تقسیم اور اپنا حصہ علیحدہ کر لینے کے بعد اپنا حصہ تیسرے شحص کو فروخت کر دے تو کیادوسرے شریک کوصرف اس بنیاد پر حق شفعہ حاصل ہے کہ اس جائیداد کی رجسٹری ان کے درمیان مشترک ہے۔
    ج: فروخت کیا گیا حصہ اگر معاملے کے وقت دوسرے شریک کے حصے سے علیحدہ اور معین حدود کے ساتھ جدا کردیا گیا ہو تو صرف دو زمینوں کا ایک دوسرے کے ساتھ ہونا یا سابقہ شراکت یا رجسٹری کا مشترک ہونا حق شفعہ کے ثبوت کا باعث نہیں ہوگا۔
  • اجارہ
  • ضمانت
  • رہن
  • شراکت
  • دین و قرض
  • صلح
  • وکالت
  • صدقہ
  • عاریہ اور ودیعہ
  • وصیّت
  • غصب
  • بالغ ہونے کے علائم اور حَجر
  • مضاربہ
  • بینک
  • بیمہ (انشورنس)
  • سرکاری اموال
  • وقف
  • قبرستان کے احکام
700 /