خبریں
رہبر معظم کا فوج کے تربیت یافتہ جوانوں کی حلف برداری کی تقریب سے خطاب
رہبر معظم انقلاب اسلامی حضرت آیت اللہ العظمی خامنہ ای کی موجودگي میں آج صبح (بروزپیر) امام علی (ع) فوجی یونیورسٹی میں اسلامی جمہوریہ ایران کی فوجی یونیورسٹیوں کے تربیت یافتہ جوانوں کی مشترکہ آٹھویں حلف برداری اور نشان اعطا کرنے کی تقریب منعقد ہوئی۔
رہبر معظم کی عراق کے نائب صدر نوری مالکی کے ساتھ ملاقات
رہبر معظم انقلاب اسلامی حضرت آیت اللہ العظمی خامنہ ای نے آج صبح (بروز پیر) عراق کے نائب صدر جناب نوری مالکی کے ساتھ ملاقات میں عراق کے وزیر اعظم کے عہدے پر فائز رہنے کے دوران جناب مالکی کی انتظامی صلاحیت ، اقتدار اور شجاعت کی تعریف اور عراق کے استقلال ، پیشرفت و ترقی اور استحکام و ثبات کے سلسلے میں ان کی عظیم خدمات کو سراہا اور انھیں مخاطب کرتے ہوئے فرمایا: جنابعالی نےعراق میں اقتدار منتقل کرنے کے دوران عراق کو بحران اور عدم استحکام سے بچآنے کے لئے بہت ہی اہم کام انجام دیا، اور یہ کام عراق کی تاریخ میں ہمیشہ یاد کیا جائے گا ۔
رہبر معظم نےانجینئر ضرغامی کو ثقافتی انقلاب کی اعلی کونسل اور مجازی فضا کی اعلی کونسل کا رکن مقرر کیا
رہبر معظم انقلاب اسلامی حضرت آیت اللہ العظمی خامنہ ای نے ایک حکم میں انجینئر ضرغامی کو ثقافتی انقلاب کی اعلی کونسل اور مجازی فضا کی اعلی کونسل کا رکن مقررکیا ہے۔
رہبر معظم سے امسال حج کے حکام اور اہلکاروں کی ملاقات
رہبر معظم انقلاب اسلامی حضرت آیت اللہ العظمی خامنہ ای نے آج صبح (بروز منگل) رواں برس حج کے اہلکاروں اور حکام کے ساتھ ملاقات میں مخاطبین کی فکری اور معنوی ضروریات کے جواب کے سلسلے میں انقلابی اور خلاقانہ نگاہ کے پیش نظر حج کی کارکردگي کو مزید بہتر اور کارآمد بنانے کے لئے منصوبہ بندی اور اسی طرح دشمنان اسلام کی جانب سے پیش کئے جانے والے شبہات کا مقابلہ کرنے کی ضرورت پر تاکید کرتے ہوئے فرمایا: اسلامی جمہوریہ ایران اور عالم اسلام کے درمیان دیوار کھینچنا امت مسلمہ کے دشمنوں کے تکنیکی منصوبوں کا حصہ ہے اور حج کے عظيم اجتماع میں امت اسلامی کے خلاف جھوٹی تبلیغات کی وجہ سے غلط اور نادرست تصورات اور شبہات کو دور کرنے اور مصنوعی دیوار کو ختم کرنے کے سلسلے میں بہترین انداز میں استفادہ کرنا چاہیے۔
رہبر معظم کی مرحوم عسگر اولادی کے اہلخانہ اور دوستوں سے ملاقات
رہبر معظم انقلاب اسلامی حضرت آیت اللہ العظمی خامنہ ای نے انقلاب کے وفادار ساتھی اور سچے مجاہد مرحوم حبیب اللہ عسگر اولادی کے اہلخانہ اور ان کی یاد منعقد کرنے والے بعض اہلکاروں سے بتاریخ 17/10/1392 ملاقات کی اور اس ملاقات میں رہبر معظم انقلاب اسلامی نے مرحوم عسگر اولادی کو تین ممتاز خصوصیات تدین، تخلق اور تفکر کا حامل قراردیتے ہوئے فرمایا: مرحوم عسگر اولادی کی سبق آموز خصوصیات میں ان کی تلاش و کوشش ، پیہم سیاسی تحرک اس حقیقت کا مظہر ہے کہ انسان کو جد وجہد اور جہاد کے میدان میں کبھی بھی ضعف ، سستی، کاہلی ، غفلت کا احساس اور گوشہ نشینی اختیار نہیں کرنی چاہیے۔
رہبر معظم انقلاب اسلامی کا ایشیئن پیرا گیمز میں ایرانی کھلاڑيوں کی کامیابی پر تہنیتی پیغام
اسلامی جمہوریہ ایران کے جانباز اور معذورکھلاڑیوں کے قافلہ کی جنوبی کوریا کے اینچئون کے ایشین پیرا گیمز میں شاندار کامیابی کے پیش نظر قومی پیرا اولمپک کمیٹی کے سربراہ جناب خسروی وفا نے جنوبی کوریا میں 2014 کےایشین پیرا مقابلوں میں ایرانی کھلاڑیوں کی جانب سے شاندار کامیابی اور 120 میڈل حاصل کرنے پررہبر معظم انقلاب اسلامی حضرت آیت اللہ العظمی خامنہ ای کو ایک خط میں مبارک باد پیش کی ہے۔
رہبر معظم کی طرف سے مرحوم حضرت آیت اللہ مہدوی کنی کی یاد میں مجلس ترحیم
حسینیہ امام خمینی (رہ) رہبر معظم انقلاب اسلامی حضرت آیت اللہ العظمی خامنہ ای کی جانب سے عالم مجاہد اور پرہیزگار مرحوم حضرت آیت اللہ مہدوی کنی کی یاد میں مجلس ترحیم میں منعقد ہوئی۔
رہبر معظم نے آیت اللہ مہدوی کنی کے پیکر پاک پر نمازجنازہ ادا کی
رہبر معظم انقلاب اسلامی حضرت آیت اللہ العظمی خامنہ ای آج صبح (بروز جمعرات) عالم مجاہد و پرہیزگارمرحوم آیت اللہ مہدوی کنی (رضوان اللہ تعالی علیہ ) کی تشییع جنازہ کے لئے تہران یونیورسٹی میں حاضر ہوئے ۔اس مراسم میں تینوں قوا کے سربراہان ، اعلی سول اور فوجی حکام کے علاوہ قدر شناس عوام نے بڑی تعداد میں شرکت کی ، فضا غم اور سوگواری میں ڈوبی ہوئی تھی۔ رہبر معظم انقلاب اسلامی نے انقلاب کے دیرینہ دوست اور ساتھی کے پیکر پاک پر نماز جنازہ ادا کی۔
رہبر معظم کی ملکی یونیورسٹیوں کے ممتاز طلباء سے ملاقات
رہبر معظم انقلاب اسلامی حضرت آیت اللہ العظمی خامنہ ای نے آج صبح (بروز بدھ) بین الاقوامی اور داخلی اولمپکس کے ممتاز طلباء اور یونیورسٹیوں کے سیکڑوں طلباء کے ساتھ ملاقات میں علمی تحقیقاتی مراکز اور یونیورسٹیوں میں علمی پیداوار کے عظیم اور کامل نیٹ ورک کے قیام پر تاکید کرتے ہوئے فرمایا: ایران کو ملک کے جوانوں کی استعداد اور صلاحیتوں نیز ایرانی زمین کے اوپر موجود وسائل پر تکیہ کرتے ہوئے ادارہ کرنا چاہیے اور زمین کے اندر موجود تیل کی درآمد اور دوسرے زیر زمین وسائل پر تکیہ نہیں کرنا چاہیے۔
رہبر معظم کی عراقی وزير اعظم حیدر العبادی اور اس کے ہمراہ وفد سے ملاقات
رہبر معظم انقلاب اسلامی حضرت آیت اللہ العظمی خامنہ ای نے آج سہ پہر کو عراق کے وزير اعظم جناب حیدر العبادی اور ان کے ہمراہ وفد کے ساتھ ملاقات میں علاقہ کے اہم ملک کے عنوان سےعراق میں امن و سلامتی،رفاہ و فلاح اور عزت اور اقتدار کو اسلامی جمہوریہ ایران کے لئے بہت بڑی اہمیت کا حامل قراردیا اور ایران کی طرف سےعراق کی نئی حکومت کی بھر پور حمایت کا اعلان کرتے ہوئے فرمایا: عراق اور علاقہ کی موجودہ صورتحال شام میں بعض علاقائي اور غیر علاقائي ممالک کی غلط اور غیر ذمہ دارانہ پالیسیوں کا نتیجہ ہے اور ہمارا اس بات پر یقین ہے کہ عراقی عوام، حکومت اور عراقی جوان ملک میں امن برقرار کرنے اور دہشت گردوں کا بھر پور مقابلہ کرنے کی بھر پور صلاحیت رکھتے ہیں اور غیر ملکیوں کی عراق کو کوئي ضرورت نہیں ہے۔
رہبر معظم کا کرمان کے امام جمعہ کے فرزند کے انتقال پر تعزیتی پیغام
رہبر معظم انقلاب اسلامی حضرت آیت اللہ العظمی خامنہ ای نے اپنے ایک پیغام میں کرمان کے امام جمعہ کے فرزند کے انتقال پر تعزیت پیش کی ہے۔
رہبر معظم کا آیت اللہ مہدوی کنی کے انتقال پر تعزيتی پیغام
رہبر معظم انقلاب اسلامی حضرت آیت اللہ العظمی خامنہ ای نے پرہیزگار عالم مجاہد،حضرت آیت اللہ مہدوی کنی رضوان اللہ علیہ کے انتقال پر اپنے تعزیتی پیغام میں ملک کے تمام اہم میدانوں میں حضرت امام خمینی (رہ) کے وفادار اور سچے دوست کے شجاعانہ نقش و کردار کی طرف اشارہ کرتے ہوئے فرمایا: یہ پرہیزگار عالم دین ہر جگہ اور ہر وقت ایک عالم دین ، ایک سچے سیاستداں اور ایک انقلابی کی حیثیت سے ظاہر ہوئے اور حالیہ برسوں کے تمام واقعات میں اپنے تمام بھاری اور سنگين وزن کو حق اور حقیقت کے پلڑے میں قراردیا۔
رہبر معظم کا نجف آباد کے شہداء کی یاد میں منعقد کانگریس کے نام بیان کا متن
قومی کانگریس کے کمانڈروں اور ضلع نجف آباد کے 2500 شہیدوں کی یاد منعقد کرنے والے اہلکاروں نے بتاریخ 10/4/1393 ہجری شمسی میں رہبر معظم انقلاب اسلامی حضرت آیت اللہ العظمی خامنہ ای کے ساتھ ملاقات کی ،اس ملاقات میں رہبر معظم انقلاب اسلامی کے بیانات کے متن کو آج اس کانگریس میں پش کیا گیا۔
رہبر معظم انقلاب اسلامی کا آیت اللہ سید محمد ابطحی کاشانی کےانتقال پر تعزیتی پیغام
رہبر معظم انقلاب اسلامی حضرت آیت اللہ العظمی خامنہ ای نے اپنے ایک پیغام میں آیت اللہ سید محمد ابطحی کاشانی کےانتقال پر تعزیت پیش کی ہے۔
رہبر معظم کا قرآن مجید کی تجوید اور قرائت کے ممتاز استاد کی رحلت پر تعزیتی پیغام
رہبر معظم انقلاب اسلامی حضرت آیت اللہ العظمی خامنہ ای نے قرآن مجید کی تجوید اور قرائت کے ممتاز استاد جناب ابراہیم پورفرزیب کی رحلت پر تعزیتی پیغام ارسال کیا ہے۔
رہبر معظم کا اپنے حکم میں ثقافتی انقلاب کی اعلی کونسل میں تین حقوقی ارکان کا اضافہ
رہبر معظم انقلاب اسلامی حضرت آیت اللہ العظمی خامنہ ای نےثقافتی انقلاب کی اعلی کونسل کے نئے دور کے آغاز کے موقع پر اپنے حکم میں ثقافت کے شعبہ میں اسٹراٹیجک چیلنجوں کی مدیریت کے سلسلے میں تمام مواقع اور ظرفیتوں سے بھر پور اور مکمل استفادہ کرنے ، حکیمانہ اور معقول نگاہ کے ساتھ خطرات اور نقصانات کو مہار اور کنٹرول کرنے، اور دشمنوں کی یلغار کا ہوشیاری کے ساتھ مقابلہ کرنے کو ثقافتی انقلاب کی اعلی کونسل کی اصلی تکالیف اور ذمہ داریوں میں قراردیا ہے۔
رہبر معظم سے فلسطینی تنظیم جہاد اسلامی کے سربراہ رمضان عبد اللہ کی ملاقات
رہبر معظم انقلاب اسلامی حضرت آیت اللہ العظمی خامنہ ای نے آج صبح بروز جمعرات فلسطینی تنظیم جہاد اسلامی کے سکریٹری جنرل رمضان عبد اللہ اور اس کے ہمراہ وفد کے ساتھ ملاقات میں غزہ کی 51 روزہ جنگ میں فلسطینیوں کی فتح اور غزہ کے محاصرہ شدہ عوام کے سامنے غاصب صہیونی حکومت کی ناتوانی اور عجز پر مسرت اور خوشی کا اظہار کیا اور اس عظيم فتح و کامیابی کو اللہ تعالی کی مدد و نصرت کے وعدوں کے پوراہونے اور اس سے بڑی کامیابیوں کی بشارت اور خوشخبر دینے کا مظہر قراردیا۔
رہبر معظم کا حجۃ الاسلام تقوی کی بیٹی کے انتقال پر تعزیتی پیغام
رہبر معظم انقلاب اسلامی حضرت آیت اللہ العظمی خامنہ ای نے حجۃ الاسلام سید رضا تقوی کی بیٹی کے انتقال پر تعزیتی پیغام ارسال کیا ہے۔
