خبریں
ملک بھر کے اساتذہ اور معلمین سے ملاقات
رہبر معظم انقلاب اسلامی نے آج صبح ملک بھر کے اساتذہ اور معلمین کی ایک بڑی تعداد سے ملاقات میں اساتذہ کو مستقبل کے معماروں اور "نوجوان اور نوجوان نسل" کے قیمتی اثاثے کی پرورش کرنے والا قرار دیا۔ تعلیمی نظام کے اصول و قواعد کی وضاحت کرتے ہوئے، انہوں نے کہا: نظام کو اساتذہ سے اپنی توقعات کے مقابلے میں، اساتذہ کے مختلف مسائل کے سلسلے میں خود کو واقعی طور سے ذمہ دار محسوس کرنا چاہیے۔
عراق کے صدر جناب عبداللطیف راشد اور انکے وفد کے ساتھ ملاقات
رہبر معظم انقلاب اسلامی حضرت آیت اللہ العظمی خامنہ ای نے آج شام عراق کے صدر جناب عبداللطیف راشد اور انکے وفد کے ساتھ ملاقات میں اس بات پر تاکید کی کہ عراق کی ترقی، خوشحالی، آزادی اور سربلندی اسلامی جمہوریہ ایران کے لیے بہت ضروری ہے۔ انھوں نے کہا: دوطرفہ تعاون کی توسیع اور معاہدوں پر عمل درآمد دونوں ممالک کے مفاد میں ہے۔
یوم مزدور پر محنت کش طبقے، مزدور تنظیموں اور وزارت سماجی بہبود کے حکام سے ملاقات
رہبر معظم انقلاب اسلامی نے آج صبح ایک ہزار سے زائد محنت کش، مزدور تنظیموں کے ارکان اور وزارت تعاون، محنت اور سماجی بہبود کے عہدیداروں سے ملاقات میں محنت کشوں، مزدور برادری کے معیار زندگی کو بہتر بنانے کے لیے ٹھوس اقدام کرنے کی ضرورت پر تاکید کی۔
نماز عید الفطر کے خطبوں میں رہبر انقلاب کآ خطاب
تہران کے مصلائے امام خمینی میں ہفتے کی صبح عید الفطر کی نماز رہبر انقلاب اسلامی کی امامت میں ادا کی گئی۔ رہبر انقلاب اسلامی آیت اللہ العظمی سید علی خامنہ ای نے عید کے خطبوں کے آخر میں زور دے کر کہا کہ ایران کی ذہین اور باصلاحیت قوم، جس نے آج تک اپنے دشمنوں کی سازشوں کو ہمیشہ شکست دی ہے، اللہ کی مدد و نصرت سے آگے بھی انھیں ناکام بناتی اور شکست دیتی رہے گی ۔
اسٹوڈنٹس اور طلبا یونین کے اراکین سے ملاقات
رہبر انقلاب اسلامی نے منگل کی شام کو ملک کے ایک ہزار سے زائد اسٹوڈنٹس اور طلبا یونین کے اراکین سے ایک طویل ملاقات کی۔
تقریبا ڈھائی گھنٹے تک چلنے والی اس ملاقات میں آیت اللہ العظمی سید علی خامنہ ای نے اسٹوڈینٹس کے مطالبات کو ملک کے لیے ایک موقع قرار دیا۔ انھوں نے ایرانی قوم کو اپنے آپ سے اور اپنی توانائيوں کی طرف سے بدگمانی میں مبتلا کرنے کی دشمن کی چالوں کی طرف اشارہ کرتے ہوئے کہا کہ دشمن کی خواہش کے برخلاف اسٹوڈینٹ سوسائٹی کو ایرانی معاشرے کے ذہن اور حقیقت میں تبدیلی لا کر اور پھر اس کے بعد دنیا کے ذہن اور حقیقت میں تبدیلی لا کر دنیا کو اپنی نگاہ اور کوششوں کے طویل المیعاد افق کے سامنے لے آنا چاہیے۔
مسلح فورسز کے کمانڈروں اور سینیئر عہدیداروں سے ملاقات
رہبر انقلاب اسلامی اور مسلح فورسز کے سپریم کمانڈر آیت اللہ العظمی سید علی خامنہ ای نے اتوار کی دوپہر کو مسلح فورسز کے کچھ کمانڈروں اور سینیئر عہدیداروں سے ملاقات میں، ان فورسز کو امیر المومنین علیہ السلام کے حوالے سے ملک و قوم کی مضبوط دیواریں قرار دیا اور کہا کہ یہ عظیم پوزیشن، بھاری ذمہ داریاں بھی عائد کرتی ہے اور بحمد اللہ مسلح فورسز اس پرافتخار پوزیشن کی قدر سمجھتے ہوئے، اپنی ذمہ داریوں پر عمل کر رہی ہیں۔
فارسی شعر و ادب کی اہم شخصیات اور شعراء سے ملاقات
کریم اہلبیت، نواسۂ رسول حضرت امام حسن مجتبی علیہ السلام کی شب ولادت با سعادت پر فارسی شعر و ادب کی اہم شخصیات اور شعراء نے رہبر انقلاب اسلامی آيت اللہ العظمی سید علی خامنہ ای سے ملاقات کی۔
ملک کے حکام اور اعلی عہدیداروں سے ملاقات
رہبر انقلاب اسلامی آيت اللہ العظمی خامنہ ای نے منگل کی شام کو ملک کے حکام اور اعلی عہدیداروں سے ملاقات کی۔ اس ملاقات میں انھوں نے دنیا کی سیاسی تبدیلیوں کو بہت تیز رفتار اور ساتھ ہی اسلامی جمہوریہ کے دشمنوں کے محاذ کو کمزور کرنے والا بتایا اور کہا کہ اس موقع سے فائدہ اٹھانے کے لیے ہمیں اپنی خارجہ پالیسی کو زیادہ متحرک کرنا چاہیے اور اپنی جدت عمل اور کوششوں کو بڑھا دینا چاہیے۔
ممتاز قاریوں، قرآن کے اساتذہ اور قرآنی شعبے میں فعال عناصر سے ملاقات
رہبر انقلاب اسلامی آيت اللہ العظمی سید علی خامنہ ای نے جمعرات کی شام ماہ مبارک رمضان کے پہلے دن اور قرآن مجید سے انس کی نورانی محفل میں جو ملک کے کچھ ممتاز قاریوں، قرآن کے اساتذہ اور قرآن کے سلسلے میں کام کرنے والے افراد کی شرکت سے منعقد ہوئی، قرآنی مفاہیم و مضامین کو سامعین تک منتقل کرنے اور ان پر اثر ڈالنے کے لیے قرآن کی تلاوت کی محفلوں میں آيتوں کے ترجمے اور تفسیر کو پیش کیے جانے پر زور دیا اور قرآن کے ماہرین اور قرآن کے سلسلے میں کام کرنے والوں کو اس اہم مسئلے کی مختلف راہیں تلاش کرنے کے لیے کوشش کرنے کی سفارش کی۔
نئے شمسی سال کی مناسبت سے امام رضا علیہ السلام کے روضۂ اقدس میں زائرین سے خطاب
رہبر انقلاب اسلامی آيت اللہ العظمی سید علی خامنہ ای نے نئے ہجری شمسی سال کے پہلے دن مشہد مقدس میں امام رضا علیہ السلام کے روضۂ اقدس میں زائرین اور مقامی لوگوں کے ایک بڑے اجتماع سے خطاب کرتے ہوئے مضبوط پہلوؤں کی تقویت اور کمزور پہلوؤں اور خامیوں کے خاتمے جیسی تبدیلی کو ملک کی بنیادی ضرورت بتایا۔
نوروز کے عالمی تہوار اور نئے ایرانی سال کے موقع پر پیغام
رہبر معظم انقلاب اسلامی حضرت آیت اللہ العظمی خامنہ ای نے سنہ 1402 ہجری شمسی کے آغاز کے موقع پر اپنے ایک پیغام میں ایران کے عوام اور نوروز منانے والی تمام اقوام کو مبارکباد پیش کی اور گزشتہ سال میں معیشت اور لوگوں کی معاش کو ملک کا سب سے اہم مسئلہ قرار دیتے ہوئے اس سال بھی معیشت اور لوگوں کی معاش کو ملک کا سب سے اہم مسئلہ قرار دیا اور سال 1402 کا نعرہ ’’مہنگائی پر قابو اور پیداوار میں اضافہ‘‘ قرار دیا گیا کیونکہ اس سال بھی ملک کا بنیادی مسئلہ معیشت ہے۔
یوم شجرکاری کی مناسبت سے ۳ پودوں کی کاشت
رہبر معظم انقلاب اسلامی حضرت آیت اللہ العظمی خامنہ ای نے آج صبح شجر کاری کے دن کی مناسبت سے تین پودے لگائے۔
رہبر معظم انقلاب اسلامی نے شجرکاری کے اس سال کے یوم شجرکاری کے نعرے "ہر ایرانی، تین پودے" کا ذکر کرتے ہوئے فرمایا: اگر ہر ایرانی منتخب نعرے کی بنیاد پر تین پودے لگائے تو حکومت کا ایک ارب پودے لگانے کا منصوبہ 1402 سے چار سالوں میں مکمل ہوجائے گا۔
ماہرین اسمبلی کے ارکان سے ملاقات میں خطاب
رہبر معظم انقلاب اسلامی نے آج (جمعرات) ماہرین اسمبلی کے ارکان سے ملاقات میں اس بلند و بالا مقام کی حامل اہم اسمبلی کو "جمہوریت" اور "اسلامیت" کے امتزاج قرار دیا اور مختلف مواقع پر عوام کی اہم اور مسلسل موجودگی کا تذکرہ کرتے ہوئے کہا: نظام کی مضبوط عوامی بنیاد ایک قومی دولت ہے جس سے اللہ تعالیٰ نے علمائے کرام اور نظام کے تمام ذمہ داروں پر ہجت تمام کردی ہے اور ہم سب کو اس بڑے سرمائے کو بچانے اور ترقی دینے کے لیے انتھک محنت کرنی چاہیے۔
عید مبعث کے موقع پر ملک کے عہدیداروں، اسلامی ممالک کے نمائندوں اور سفیروں سے ملاقات
حضرت آیت اللہ العظمی خامنہ ای نے آج صبح عید مبعث کے موقع پر مملکت کے عہدیداروں، اسلامی ممالک کے نمائندوں اور سفیروں اور بین الاقوامی قرآنی مقابلوں کے مہمانوں اور اس میں شرکت کرنے والوں سے ملاقات میں رسول اللہ ص کے عظیم اور انمول خزانوں سے استفادے کو امت اسلامیہ کے تمام مسائل کا حل اور دنیا اور آخرت کی سعادت تک پہنچنے کا راستہ قرار دیا اور مزید کہا: اگر اسلامی ممالک پیغمبر اسلام کی تعلیمات پر عمل کرتے تو غاصب صیہونی حکومت ملت اسلامیہ کی آنکھوں کے سامنے مظلوم فلسطینیوں کے خلاف مظالم اور جرائم کا ارتکاب کرنے کے قابل نہ ہوتی۔ اور ایران اس حوالے سے اپنی ذمہ داریوں کو اسی طرح ادا کرتا رہے گا۔
مشرقی آذربائیجان کے تاریخی قیام کی سالگرہ پر لوگوں سے ملاقات
آیت اللہ خامنہ ای نے آج صبح (بدھ) مشرقی آذربائیجان کے لوگوں سے ملاقات میں آذربائیجان کے عوام کو ایران کی وحدت اور آزادی کا علمبردار قرار دیا اور ایران کی عظیم قوم کو اس سال تاریخی 22 بہمن کی تخلیق پر خراج تحسین پیش کرتے ہوئے فرمایا: یہ حقیقی، پرجوش اور بامعنی حماسہ قوم کے انقلاب کی راہ سے نہ ہٹنے اور اس پر ثابت قدم رہنے کا نتیجہ ہے اور ترقی و اقتدار کا یہ راستہ، قومی اتحاد و یکجہتی اور مسائل کو انقلابی نگاہ سے دیکھتے ہوئے نہ رجعت پسندانہ نگاہ سے، یعنی اسی عزم پر بھروسہ کرتے ہوئے کہ جس نے ان کامیابیوں کو ثمر بخشا، جاری رہے گا۔ اور تمام حکام کی ملکی مشکلات کے حل اور معاشی ترقی کیلئے جہادی اور شب و روز کی سرگرمیاں، اس کا پیش خیمہ ثابت ہوں گی۔
فضائیہ کے سینکڑوں کمانڈروں اور ارکان کی کمانڈر ان چیف سے ملاقات
19 بہمن 1357 کو فضائیہ کے کمانڈروں کے ایک گروہ کی جانب سے امام خمینی (رہ) سے تاریخی بیعت کی سالگرہ کے موقع پر آج (بدھ کو) فضائیہ کے سینکڑوں کمانڈروں اور ارکان نے کمانڈر ان چیف سے ملاقات کی۔
امام المتقین امیرالمومنین علی علیہ السلام کی شب ولادت پر
امام المتقین امیر المومنین علی علیہ السلام کی شب ولادت باسعادت کو "فرشتوں کی محفل" کی روحانی اور فرحت بخش تقریب کا انعقاد کیا گیا جس میں سینکڑوں سکول کی طالبات نے شرکت کی جو بلوغت کی عمر کو پہنچ چکی ہیں، امام خمینی (رہ) حسینیہ میں رہبر معظم انقلاب اسلامی کی امامت میں نماز مغرب اور عشاء کے کے ساتھ منعقد ہوئی۔
اس تقریب میں جو ایک روحانی اور خوش گوار ماحول میں منعقد ہوئی، طالبات نے اپنی عبادت اور بندگی کے سن کے آغاز کا جشن منایا۔
اسلامی تبلیغاتی ادارے کے سربراہ اور منتظمین سے ملاقات
رہبر معظم انقلاب اسلامی نے آج دوپہر کو ادارہ اسلامی تبلیغات اور ادارہ فنون کے سربراہ اور منتظمین کے ایک گروہ سے ملاقات میں، نئی فکر پر مبنی ممتاز کاموں اور فن پاروں کی تیاری و پیشکش اور سماجی و ثقافتی تبلیغ کے تقاضوں کو خدا کی بارگاہ میں خضوع کو مکمل طور پر مدنظر رکھتے ہوئے پورا کرنے کو، ثقافتی و تبلیغی اداروں کی دو اہم ذمہ داریاں قرار دیا۔
