خبریں
رہبر معظم انقلاب اسلامی حضرت آیت اللہ العظمی خامنہ ای نے آج وزارت خارجہ کے اہلکاروں ،دوسرے ممالک میں ایرانی سفراء اور نمائندہ دفاتر کے ڈائریکٹروں اور ان کے اہل خانہ سے ملاقات میں اسلامی نظام کے مقام اور اس کی آگے کی سمت پیشرفت و حرکت ، قانون پر عمل اور اسی طرح خارجہ پالیسی میں آگاہانہ ، شجاعانہ اور ذمہ دارانہ حرکت کو ضروری قراردیتے ہوئے فرمایا: وزارت خارجہ کو اسلامی نظام کے بڑھتے ہوئے اقتدار اور اس کی عزت و عظمت کو درست منعکس کرنے کے ساتھ اس سے ملک کے مفادات کے لئے بھی استفادہ کرنا چاہیے۔
رہبر معظم سے قرآن کریم کے بین الاقوامی مقابلوں میں شرکت کرنے والے حافظوں اور قاریوں کی ملاقات
رہبر معظم انقلاب اسلامی حضرت آیت اللہ العظمی خامنہ ای نے کل رات قرآن کریم کے پچیسویں بین الاقوامی مقابلوں میں شریک حافظوں اور قاریوں سے ملاقات میں قرآن کریم سے تمسک کو امت اسلامی کی نجات کا واحد راستہ قراردیتے ہوئے فرمایا: امت اسلامی میں قرآن کریم کے ساتھ انس ، اس میں تدبر اور اس کو سمجھنےکے لئے اس قسم کے مقابلے کافی مؤثر ہیں۔
انقلاب اسلامی کے سرافراز جانبازوں کی فداکاری پر انکی ستائش و قدردانی
حضرت ابوالفضل العباس علیہ السلام کی ولادت باسعادت اور یوم جانباز کی مناسبت سے رہبر معظم انقلاب اسلامی حضرت آیت اللہ العظمی خمانہ ای کی طرف سے حجج اسلام والمسلمین تقوی اور موسوی کاشانی کی سرپرستی میں دو وفود نے ہسپتال اور جانبازوں کی نگہداشت کے مراکز میں ان کی عیادت اور احوال پرسی کی ۔ وفود نے جانبازوں کی زندگی ، کام اور مشکلات کے بارے معلومات فراہم کیں اور انقلاب اسلامی کے سرافراز جانبازوں کی فداکاری و جاں نثاری پر ان کی قدردانی اور شکریہ ادا کیا ۔
رہبر معظم کے قول کو نقل کرنے سے متعلق رہبر معظم انقلاب اسلامی کے دفترکی طرف سے توضیحات
بسم اللہ الرحمن الرحیم
رہبر معظم کے دفتر کے ایک باخبر اہلکار اور مسؤل نے اعلان کیا ہے:
رہبر معظم کے ساتھ صدر جمہوریہ کی ملاقاتیں مکمل طور پر خصوصی ہوتی ہیں اور قدرتی طور پر ان ملاقاتوں کے دوران جن مسائل پر بحث و گفتگو اور تبادلہ خیال کیا جاتا ہے وہ خصوصی ملاقات سے متعلق حکم کے تابع ہے اور کوئی شخص اس کو نقل یا اس میں تحریف نہیں کرسکتا اورصرف خاص شرائط کے علاوہ ان کے بارے میں دسترسی ممکن نہیں ہوتی ۔۔۔
رہبر معظم نے حسینیہ امام خمینی(رہ) میں برگزیدہ اختراعات و ٹیکنالوجی نمائشگاہ کا مشاہدہ کیا
رہبر معظم انقلاب اسلامی حضرت آیت اللہ العظمی خامنہ ای نے آج صبح تین گھنٹے تک مختلف شعبوں میں ملک کےماہرین کی جدید علمی و ٹیکنالوجی اختراعات کا مشاہدہ کیا۔
حسینیہ امام خمینی (رہ) میں ملک کے ماہرین اور دانشوروں کی پچاس برگزیدہ تخلیقات کو پیش کیا گیا ہے جن میں نانو ٹیکنالوجی، بایولوجیک ٹیکنالوجی، میکروالیکٹرانک ، کمیونیکیشن ٹیکنالوجی، جدید انرجی، بنیادی سل ، فضائی، ایرانی طب اور طبی دوائیں اور ایٹمی علوم و فنون شامل ہیں۔
فوجی ، انقلابی ، تعزیراتی اور عام عدالتوں سے سزا یافتہ افراد کی سزاؤں میں تخفیف اور بخشش
رہبر معظم انقلاب اسلامی حضرت آیت اللہ العظمی خامنہ ای نے پیغمبر عظيم الشان (ص) کی بعثت کی مناسبت سے فوجی ، انقلابی ، تعزیراتی اور عام عدالتوں سے تین ہزار چوراسی سزا یافتہ افراد کی سزاؤں میں تخفیف اور بخشش یا سزا تبدیل کرنے کی درخواست سے موافقت کی ہے۔
رہبر معظم سے شام کے صدر بشار اسد اور اس کے ہمراہ وفد کی ملاقات
رہبر معظم انقلاب اسلامی حضرت آیت اللہ العظمی خامنہ ای نے آج شام کے صدر بشار اسد اور اس کے ہمراہ وفد سے ملاقات میں دونوں ممالک کے باہمی روابط کو مضبوط و مستحکم قراردیتے ہوئے فرمایا: مرحوم حافظ اسد نے ایران اور شام کے روابط کو اتنی اچھی اورمضبوط بنیادوں پر استوار کیا کہ ان میں خلل پیدا کرنے کی بہت سی کوششوں کے باوجود دونوں ممالک کے اچھے روابط کا سلسلہ جاری ہے۔
رہبر معظم سےعید بعثت کے موقع پر اعلی حکام کی ملاقات
رہبر معظم انقلاب اسلامی حضرت آیت اللہ العظمی خامنہ ای نے آج ملک کے اعلی حکام ، عوام کے مختلف طبقات اور اسلامی ممالک کے سفراء سے ملاقات میں " تمام حالات وشرائط میں استقامت" کو پیغمبر اسلام (ص) کی بعثت کا عظیم درس قراردیتے ہوئے فرمایا: ایران کی عظيم قوم پیغبمراسلام (ص) کے عظیم درس کو سرمشق قراردیکر اور " میدان میں اپنے مضبوط و مستحکم حضور کے ذریعہ مقابلہ یا مذاکرات و گفتگو" کے ساتھ اپنے روشن و تابناک راستے پر گامزن رہےگی۔
رہبر معظم سےحضرت علی (ع)کی ولادت کی مناسبت سے عوام کے مختلف طبقات کی ملاقات
رہبر معظم انقلاب اسلامی حضرت آیت اللہ العظمی خامنہ ای نے تیرہ رجب المرجب حضرت علی علیہ السلام کے یوم ولادت با سعادت کے موقع پر عوام کے مختلف طبقات سے ملاقات میں مختلف اسلامی مذاہب کے درمیان حضرت علی علیہ السلام کی بے مثال اورعظيم شخصیت کے اہم مقام کی طرف اشارہ کیا اور انھیں مسلمانوں کے درمیان اتحاد کا اہم محور قراردیا اور ایران کے ایٹمی پروگرام کی اہمیت اور یورپ و ایران کے درمیان آئندہ ہونے والے مذاکرات پر بھی اہم نکات بیان کئے ہیں ۔
رہبر معظم کا آیت اللہ اشتہاردی کی رحلت پر تعزیتی پیغام
رہبر معظم انقلاب اسلامی حضرت آیت اللہ العظمی خامنہ ای نے اپنے پغام میں عالم ربانی اور معلم اخلاق آیت اللہ شیخ علی پناہ اشتہاردی کی رحلت پر تعزیت اور تسلیت پیش کی ہے۔
پیغام کا متن حسب ذيل ہے:
رہبر معظم کے اعلی مشیر اور اعلی قومی سلامتی کونسل میں نمائندے کا تقرر
رہبر معظم انقلاب اسلامی حضرت آیت اللہ العظمی خامنہ ای نے جناب ڈاکٹر غلام علی حداد عادل کو اپنا اعلی مشیر اور ڈاکٹر سعید جلیلی کو اعلی قومی سلامتی کونسل میں اپنا نمائندہ مقرر کیا ہے۔
جناب آقای حداد عادل کے نام رہبر معظم کے حکم کا متن حسب ذیل ہے:
رہبر معظم سے عدلیہ کے سربراہ بعض ججوں اور اہلکاوں کی ملاقات
رہبر معظم انقلاب اسلامی حضرت آیت اللہ العظمی خامنہ ای نے آج عدلیہ کےسربراہ ، بعض ججوں اور اہلکاروں اور ساتویں تیر کے شہداء کے خاندان والوں سے ملاقات میں عدلیہ کو عام طور مظلوموں کی پناہگاہ کے عنوان سے دیکھنے کو عدلیہ کے قیام کا اصلی مقصد قراردیا اور عدالت کے اجراء کے سلسلے میں عدلیہ کے اہم کردار اور سنگین ذمہ داری کی طرف اشارہ کرتے ہوئے فرمایا: تینوں قوا کے سربراہان سے اقتصادی بد عنوانیوں کے بارے میں سخت اقدامات پر مبنی سات سالہ پرانا مطالبہ آج بھی باقی ہے۔
رہبر معظم کی موجودگي میں حضرت فاطمہ زہراء (س) کی ولادت باسعادت کی مناسبت سے محفل کا انعقاد
رہبر معظم انقلاب اسلامی حضرت آیت اللہ العظمی خامنہ ای کی موجودگی میں بی بی دوعالم ، ام الآئمہ حضرت فاطمہ زہرا سلام اللہ علیہا اور ان کے فرزند برومند حضرت امام خمینی(رہ) کی ولادت باسعادت کی مناسبت سے محفل منعقد ہوئی جس میں شعراء نےبی بی دوعالم(س) کے فضائل و مناقب میں اشعارپیش کئے۔
رہبر معظم کی کومر کے صدر احمد عبداللہ محمد سامبی سے ملاقات
رہبر معظم انقلاب اسلامی حضرت آیت اللہ العظمی سید علی خامنہ ای نے آج تہران میں کومر کے صدر احمد عبداللہ محمد سامبی سے ملاقات میں اتحاد کو عالم اسلام کی سب سے اہم ضرورت قرار دیا اور اسلامی ممالک کے گرانقدراور اہم قدرتی وسائل کی جانب اشارہ کرتے ہوئے فرمایا: عالم اسلام کے پاس وسیع قدرتی ذخائر اور مادی وانسانی وسائل موجود ہیں اسلامی ممالک کا محل وقوع دنیا کےاہم اور حساس ، وسیع اور زرخیز جغرافیائی علاقہ پر مشتمل ہے جس کے پیش نظر عالم اسلام ایک بڑی طاقت میں تبدیل ہو سکتا ہے لیکن دنیا کی روایتی طاقتیں اس کے خلاف ہیں۔
رہبر معظم سے آٹھویں پارلیمنٹ کے نمائندوں کی ملاقات
رہبر معظم انقلاب اسلامی آیت اللہ العظمی سید علی خامنہ ای نے آج صبح آٹھویں پارلیمنٹ کے نمائندوں سے ملاقات میں دینی عوامی حکومت کو اللہ تعالی کی ولایت اور الہی اقتدار پر استوار قراردیا اور پارلیمنٹ کے دو اہم ترین فرائض یعنی قانون سازی اور نگرانی کو خوش اسلوبی کے ساتھ انجام دینے اور تینوں قوا کے درمیان مکمل ہمآہنگی پیدا کرنےکی ضرورت پر تاکید کرتے ہوئے فرمایا۔ پارلیمنٹ کے نمائندوں کو عوام کے درمیان اور عوام کے ساتھ رہنا چاہیے۔
رہبر معظم سے عراقی وزیر اعظم نوری مالکی اور اس کے ہمراہ وفد کی ملاقات
رہبر معظم انقلاب اسلامی حضرت آیت اللہ العظمی خامنہ ای نے آج عراقی وزیر اعظم نوری المالکی اور اس کے ہمراہ وفد کے ساتھ ملاقات میں عراق کی موجودہ اہم اور اصلی مشکل غیرملکی غاصب افواج کی موجودگی کو قراردیتے ہوئے فرمایا: ہمیں یقین ہے کہ عراقی عوام اپنی ہمت اور اتحاد کے ذریعہ ان دشوار شرائط سے عبور کرکے اپنے اچھے اور شائستہ مقام تک پہنچ جائیں گے اور قطعی طور پر عراق کے لئے امریکیوں کا خواب شرمندہ تعبیر نہیں ہوگا۔
رہبر معظم کی موجودگی میںحضرت فاطمہ زہراء (س)کی شہادت کی مناسبت سےمجلس شام غریباں
حسینیہ امام خمینی(رہ) میں رہبر معظم انقلاب اسلامی حضرت آیت اللہ العظمی خامنہ ای کی امامت میں نماز مغرب و عشاء ادا کی گئی اور اس کے بعد صدیقہ طاہرہ حضرت فاطمہ زہراء سلام اللہ علیہا کی شہادت کی مناسبت سےمجلس شام غریباں منعقد ہوئی۔
رہبر معظم کی موجودگی میں ام الآئمہ حضرت فاطمہ زہراء(س) کی شہادت کی مناسبت سے مجلس عزا
حسینیہ امام خمینی(رہ) میں رہبر معظم انقلاب اسلامی حضرت آیت اللہ العظمی خامنہ ای کی موجودگی میں نماز مغرب و عشاء کے بعد صدیقہ طاہرہ حضرت فاطمہ زہراء سلام اللہ علیہا کی شب شہادت کی مناسبت سےمجلس عزا منعقد ہوئی۔
رہبر معظم کا امام خمینی(رہ) کی انیسویں برسی کے موقع پر خطاب
ایران کی فرض شناس اور قدرداں قوم نے آج امام خمینی (رہ)کی انیسویں برسی کو انقلاب اسلامی اور امام خمینی (رہ)کے اصولوں کے ساتھ قومی وفاداری کے بے مثال و لاجواب جلوؤں میں بدل دیا۔
رہبر معظم انقلاب اسلامی حضرت آیت اللہ العظمی خامنہ ای نےامام خمینی (رہ) کے حرم مبارک میں عوام کے ایک عظيم اور شاندار اجتماع سے خطاب کرتے ہوئے فرمایا: حضرت امام خمینی(رہ) کی فرمائش کے مطابق ایران کا اسلامی انقلاب ، ایران کی تمام موجودہ اور آئندہ نسلوں سے متعلق ہے اور ایران کی عظيم قوم اس سنگین اور گراں امانت کو امام خمینی (رہ)کے حلاّل وصیت نامہ پر عمل ، انقلاب اسلامی کے" اقدار ، نعروں اور اصولوں کی" پاسداری اور خلاقیت و پیشرفت کے سائے میں رہ کرحفاظت کرے گی۔
