خبریں
رہبر معظم سے ملک بھر کے بعض شعراء کی ملاقات
پیغمبر اسلام (ص) کے نواسے اور کریم اہل بیت حضرت امام حسن مجتبی علیہ السلام کی شب ولادت با سعادت کی مناسبت سے مشّاق اور نوجوان شعرا اور ادبی و ثقافتی حلقوں سے تعلق رکھنے والے افراد کل رات رہبر معظم انقلاب اسلامی حضرت آیت اللہ العظمی خامنہ ای کے ہاں مہمان تھے ،اس ملاقات میں 30 شعرا نے دینی، ثقافتی ، سماجی، اخلاقی اور رزمیہ موضوعات پر اپنے اپنے اشعار پیش کئے۔
رہبر معظم سے یونیورسٹیوں کے طلباء کی ملاقات
رہبر معظم انقلاب اسلامی حضرت آیت اللہ العظمی خامنہ ای نے حسینیہ امام خمینی (رہ) میں یونیورسٹیوں کے ہزاروں پر جوش طلباء کے ساتھ دوستانہ اور مخلصانہ ماحول میں ملاقات کی۔یہ ملاقات تین گھنٹے تک جاری رہی جس میں یونیورسٹیوں کے طلباء کی انجمنوں کے 12 نمائندوں نے رہبر معظم انقلاب اسلامی کی موجودگی میں ملک کےسیاسی ، اقتصادی، سماجی، ثقافتی ، علمی اور یونیورسٹیوں کے متعلق اہم مسائل کے بارے میں اپنے اپنے خیالات پیش کئے۔
رہبر معظم سے اعلی حکام اور اہلکاروں کی ملاقات
رہبر معظم انقلاب اسلامی حضرت آیت اللہ العظمی خامنہ ای نے آج سہ پہر کو اعلی سول اور فوجی حکام اور اہلکاروں سے ملاقات میں داخلی اور خارجی اہم مسائل میں اسلامی جمہوریہ ایران کی پالیسیوں کی تشریح کی اور رمضان المبارک کے مہینے کو سیاسی اور سماجی پہلوؤں پر توجہ ،خلوص، طہارت ، پاکیزگی اور توبہ و انابہ کا اہم مہینہ قراردیا اور باہمی ہمدردی و اتحاد کی ضرورت پر تاکید کرتے ہوئے فرمایا: حکام کے درمیان اتحاد و یکجہتی ایک اہم فریضہ اور سنگین ذمہ داری ہے جان بوجھ کر اتحاد و یکجہتی کو پارہ پارہ کرنا غیر شرعی عمل ہے۔
رہبر معظم سے رمضان کے پہلے دن ملک بھر کے بہت سے قاریوں اور حافظوں کی ملاقات
رمضان المبارک اور اللہ تعالی کی ضیافت ،رحمت اور برکت کے مہینے کے پہلے دن ملک بھر کے بہت سےممتاز قاری، حافظ اور اساتذہ ، رہبر معظم انقلاب اسلامی حضرت آیت اللہ العظمی خامنہ ای کے ہاں مہمان تھے۔اس معنوی محفل اور تقریب کا سلسلہ چار گھنٹے تک جاری رہا جس میں قرآن مجید کے بعض قاریوں نے قرآن مجید کی انفرادی اور گروہی طور پر تلاوت کا شرف حاصل کیا ۔
رہبر معظم سے گینہ بیساؤ کے صدر اور اسکے ہمراہ وفد کی ملاقات
رہبر معظم انقلاب اسلامی حضرت آیت اللہ العظمی خامنہ ای نے آج صبح گینہ بیساؤ کے صدر اور اس کے ہمراہ وفد سے ملاقات میں اسلامی جمہوریہ ایران کی جانب سے اسلامی ممالک کے ساتھ باہمی روابط کے فروغ کے استقبال کی جانب اشارہ کرتے ہوئے فرمایا: امت مسلمہ کا ایک عظیم اور صلاحیتوں سے سرشار مجموعہ ہے اور دنیا کے ہر گوشہ میں انھیں آپس میں دوستی اور اتحاد کا ہاتھ ایک دوسرے کے ہاتھ میں دینا چاہیے۔
رہبر معظم سے حضرت معصومہ (سلام اللہ علیھا) کے روضہ کے متولی کی ملاقات
حضرت معصومہ (سلام اللہ علیھا) کے روضہ کے متولی حجۃ الاسلام والمسلمین مسعودی خمینی نے آج صبح رہبر معظم انقلاب اسلامی حضرت آیت اللہ العظمی خامنہ ای سے ملاقات کی۔
رہبر معظم سے تاجیکستان اور افغانستان کے صدور کی ملاقات
رہبر معظم انقلاب اسلامی حضرت آیت اللہ العظمی خامنہ ای نے آج سہ پہر کو تاجیکستان ، افغانستان اوراسلامی جمہوریہ ایران کے صدور سے ملاقات میں تینوں ممالک کے درمیان کثیر اور فراواں مشترکہ شرائط کی جانب اشارہ کرتے ہوئے فرمایا: اسلامی جمہوریہ ایران، تاجیکستان اور افغانستان قرابتدار ممالک ہیں اور تینوں ممالک کے باہمی مفادات کا تعلق بہت ہی قریبی تعاون اور باہمی معاہدوں کو عملی جامہ پہنانے پر منحصر ہیں۔
رہبر معظم سے قرآن کریم کے ستائیسویں بین الاقوامی مقابلوں کے شرکاء کی ملاقات
رہبر معظم انقلاب اسلامی حضرت آیت اللہ العظمی خامنہ ای نے حسینیہ امام خمینی (رہ) میں حضرت امام حسین علیہ السلام کی ولادت باسعادت اور قرآن کریم کی تلاوت کے ستائیسویں بین الاقوامی مقابلوں میں حصہ لینے والےافراد ، جج صاحبان اور اساتذہ کے ساتھ ملاقات میں قرآن کریم کو اللہ تعالی کی مضبوط اور مستحکم رسی قراردیتے ہوئے فرمایا: قرآن کریم نے حیات طیبہ کا وعدہ کیا ہے اور یہ حیات طیبہ وہی حیات ہے جس میں عزت ،سلامتی، رفاہ ، آسائش، فلاح و بہبود، استقلال ، اخلاق ، حلم و بردباری اور عفو و بخشش جیسی اعلی صفات موجود ہیں اورحیات طیبہ قرآن کے ساتھ انس و لگاؤ اور اللہ تعالی کی رسی مضبوط تھامنے سےحاصل ہوجاتی ہے.
رہبر معظم سے سپاہ کے اعلی کمانڈروں اور اہلکاروں کی ملاقات
رہبر معظم انقلاب اسلامی حضرت آیت اللہ العظمی خامنہ ای نے آج تیسری شعبان کی آمد ، سید الشہداء حضرت امام حسین(ع) کی ولادت باسعادت اور یوم پاسدار کی مناسبت سے سپاہ پاسداران انقلاب اسلامی کے ہزاروں اہلکاروں اور کمانڈروں سے ملاقات میں سپاہ کے معنوی تشخص کو گذشتہ تین دہائیوں کے گونا گوں شرائط اور مختلف میدانوں میں سپاہ کےانقلابی اور عوامی ادارے کی شاندار رفتار ، قابل تحسین عمل اور نمایاں کارکردگی کا اصلی عامل قراردیا،
رہبر معظم سے یونیورسٹیوں میں نمائندگی ولی فقیہ کے دفاتر کے سربراہ اور اہلکاروں کی ملاقات
رہبر معظم انقلاب اسلامی حضرت آیت اللہ العظمی خامنہ ای نے آج یونیورسٹیوں میں نمائندگی ولی فقیہ کے دفاتر کے اعلی حکام اور معاونین سے ملاقات میں یونیورسٹیوں کے موجودہ ماحول اور موجودہ فضا کو مختلف جہات اور مختلف لحاظ سےسازگار، مساعد، مناسب اورممتاز ماحول قراردیتے ہوئے فرمایا: یونیورسٹیوں کی علمی حرکت و پیشرفت ،سائنسی ترقی، طلباء کے بے مثال جہادی سیاحتی سفر، یونیورسٹیوں کے طلباء اور اہلکاروں کی سیاسی بصیرت و دقت، حساس مواقع پر ان کی میدان میں بھر پور موجودگی، طلباء پر دینی فضا اور دینی ماحول کے اثرات اور ملک کی سرنوشت میں دلچسپی رکھنے والے مؤمن اساتذہ کی کثیر تعداد، ملک کی یونیورسٹیوں میں موجود درخشاں اور تابناک حقائق ہیں۔
رہبر معظم سے عید سعید بعثت کے موقع پر اعلی حکام اور اسلامی ممالک کے سفیروں کی ملاقات
رہبر معظم انقلاب اسلامی حضرت آیت اللہ العظمی خامنہ ای نے آج پیغمبر اعظم اسلام حضرت محمد صلی اللہ علیہ وآلہ وسلم کی بعثت کے موقع پر اسلامی نظام کے اعلی حکام، تہران میں مقیم اسلامی ممالک کے سفیروں اور عوام کے بعض مختلف طبقات کے ساتھ ملاقات میں بعثت کے زمانہ کو بہت ہی حساس اور انسانوں کی فلاح و بہبود و سعادت اور انسان کے تاریخی و فطری مطالبات کو پورا کرنے کا آغاز قراردیتے ہوئے فرمایا: پیغمبر اسلام (ص) کی بعثت اور آئین اسلام ،انسانوں کے لئے امن و صلح و سلامتی ، آرام و سکون اور عدل و انصاف کا پیغام آورہےاور اس توحیدی راستہ کا سرانجام ، اللہ تعالی کے سچھے وعدے کے مطابق اس راستہ پر گامزن رہنے والوں کے لئے فتح و کامیابی اور فلاح و نجات پر منتج ہوگا۔
رہبر معظم سے قومی ٹی وی اور ریڈیو کے سربراہ اور ڈائریکٹروں کی ملاقات
رہبر معظم انقلاب اسلامی حضرت آیت اللہ العظمی خامنہ ای نے آج صبح قومی ٹی وی اور ریڈيو ادارے کے سربراہ ، بعض اہلکاروں ، ڈائریکٹروں ، پروگرام نویسوں ، ہنرمندوں اور ریڈيو ٹی وی کے نمائشی شعبوں کے کارکنوں سے ملاقات میں قومی میڈيا کے اہم مقام، بالخصوص نمائشی ہنر، فلم اور سیریل شعبوں کو ماضی کی نسبت کہیں زيادہ اہم قراردیا اور اس سلسلے میں قومی ٹی وی کے ہنرمندوں اور ڈائریکٹروں کی گرانقدر کوششوں پر شکریہ ادا کرتے ہوئے فرمایا: سافٹ ویئر اور ہارڈ ویئر کے وسائل منجملہ ایران کی نشیب و فراز سے بھری تاریخ و ثقافت سے استفادہ کرتے ہوئے موجودہ حالت کے درمیان اور مطلوب حالت کے درمیان فاصلہ کو کم کیا جاسکتا ہے۔
رہبر معظم کی عدلیہ کے اعلی حکام سے ملاقات
رہبر معظم انقلاب اسلامی حضرت آیت اللہ العظمی خامنہ ای نےآج عدلیہ کے اہلکاروں سے ملاقات میں عدلیہ کو اسلامی نظام کا حساس اور اہم رکن قراردیا اور عدلیہ کی حمایت کے سلسلے میں ملک کے تمام اداروں پر زوردیتے ہوئے فرمایا: عدلیہ کی سب سے اہم ذمہ داری یہ ہے کہ اسے عدل و انصاف کے راستے پرگامزن رہنا چاہیے اور احکام کے صادر کرنے اور فیصلے سنانے میں حب و بغض اور سیاسی حالات سے متاثر نہیں ہونا چاہیے۔
رہبر معظم سے بوشہر کے عوام کے بعض طبقات کی ملاقات
رہبر معظم انقلاب اسلامی حضرت آیت اللہ العظمی خامنہ ای نے حضرت علی علیہ السلام کے یوم ولادت با سعادت کے موقع پر صوبہ بوشہر کے عوام کے ایک عظیم اجتماع سے خطاب میں امیر المؤمنین حضرت علی بن ابی طالب علیہما السلام کو علمی، اخلاقی، معنوی ، انسانی اور الہی لحاظ سے عظیم المرتبت اور بے مثال شخصیت قراردیتے ہوئے فرمایا:
رہبر معظم کی ملک بھر کی یونیورسٹیوں کے رضاکار دستوں سے ملاقات
رہبر معظم انقلاب اسلامی حضرت آیت اللہ العظمی خامنہ ای نے آج صبح ملک بھر کے اعلی تعلیمی اداروں اور یونیورسٹیوں کے رضاکار دستوں کے بعض ارکان سے ملاقات میں اپنے اہم خطاب میں موجودہ دور کو حساس دور قراردیتے ہوئے اسلامی جمہوریہ ایران کے اسلامی نظام کودنیا میں اسلامی تحریکوں کا مظہر قراردیا اور اسلامی نظام کے مقابلے میں طاغوتی و استکباری نظام کے انفعال و انحلال کی جانب اشارہ کرتے ہوئے فرمایا: آج ملک میں اتحاد و یکجہتی کی سب سے اہم ضرورت ہےاور ہر قسم کی ایسی رفتار وگفتار اورعمل سے پرہیز کرنا چاہیے جو معاشرے میں اختلاف ، انتشار ، شگاف اور دیگر افراد پر ظلم کا سبب ہو ایسی رفتار اور عمل اگر چہ حسن نیت پر بھی مبنی ہو پھر بھی ملک اور اسلامی نظام کے مفادات کے سراسر خلاف ہے۔
رہبر معظم سے پارلیمنٹ کے اسپیکر اور نمائندوں کی ملاقات
رہبر معظم انقلاب اسلامی حضرت آیت اللہ العظمی خامنہ ای نے آج پارلیمنٹ کے اسپیکر ،پارلیمنٹ کی سربراہ کمیٹی اور پارلیمنٹ ممبران کے ساتھ ملاقات میں بین الاقوامی سطح پر رونما ہونے والےحساس شرائط ، عالمی سطح پر ہونے والی تبدیلی اور اندرونی شرائط بالخصوص باہمی انسجام و اتحاد، ایرانی قوم کی ہوشیاری اور امام خمینی(رہ) اور ان کے اصولوں کے ساتھ عوام کے والہانہ لگاؤ پر شکریہ ادا کیا اور ان موضوعات پر ایک جامع تجزیہ پیش کرتے ہوئے فرمایا: حقائق کے ساتھ اصولوں کی حفاظت، حکومت اور پارلیمنٹ کا مخلصانہ تعاون اور مختلف کمیشنوں میں مسائل کا دقیق جائزہ پارلیمنٹ کی اہم ذمہ داریوں میں شامل ہے اور ملک کی برق رفتاری کے ساتھ آگے کی سمت پیشرفت و ترقی کا سلسلہ جاری و ساری رہنا چاہیے۔
رہبر معظم کی حضرت زہرا (س) کی ولادت کے موقع پرشعراء اور ذاکرین اہلبیت (ع) سے ملاقات
آج پیغمبر اسلام حضرت محمد مصطفی (ص) کی لخت جگر صدیقہ کبری حضرت فاطمہ زہرا(سلام اللہ علیہا) اور ان کے عزیزفرزند حضرت امام خمینی (رہ) کی ولادت با سعادت کے موقع پر حسینیہ امام خمینی (رہ) میں رہبر معظم انقلاب اسلامی حضرت آیت اللہ العظمی خامنہ ای کی موجودگی میں بعض شعراء اور ذاکرین اہلبیت علیہم السلام نے نبی کریم کی جگر گوشہ ،بی بی دو عالم حضرت فاطمہ زہرا (س) کی شان و منزلت اور سماجی اور انقلابی مضامین پرمشتمل اشعار پیش کئے۔
رہبر معظم سے الجزائر کے صدر عبد العزیز بوتفلیقہ اوراس کے ہمراہ وفدکی ملاقات
رہبر معظم انقلاب اسلامی حضرت آیت اللہ العظمی خامنہ ای نے آج سہ پہر کو الجزائر کے صدر عبد العزیز بوتفلیقہ اوراس کے ہمراہ وفد کے ساتھ ملاقات میں الجزائر کے عوام کو شجاع،دلیر اور باشعور قراردیا اور استعمار کے خلاف الجزائر کے عوام کی جد وجہد، انقلاب اور مقابلے کی جانب اشارہ کرتے ہوئے فرمایا: ایران اور الجزائر کی حکومتوں کے باہمی روابط کبھی بھی مطلوب سطح پر نہیں رہے لیکن اب دونوں ممالک کے باہمی روابط اچھی سطح پر اور استثنائی شرائط کے حامل ہیں۔
