خبریں
رہبر معظم انقلاب اسلامی حضرت آیت اللہ العظمی خامنہ ای نے آج صبح ثقافت وارشاد اسلامی کے وزير اوردیگر ممالک میں اسلامی جمہوریہ ایران کے ثقافتی نمائندوں سے ملاقات میں ملک کے حقیقی اقتدار کو ثقافتی اقتدار قراردیتے ہوئے فرمایا: اسلامی جمہوری نظام کی درست و صحیح تصویر ، حقائق اور آج کےایران کی ترقیات کو بیان کرنا، فارسی ادبیات و زبان کے فروغ ساتھ اسلامی جمہوریہ ایران کے ثقافتی سفیروں کی اہم اور سنگين ذمہ داریوں میں شامل ہے۔
رہبر معظم سے وزیر خارجہ اور دوسرے ممالک میں تعینات سفیروں کی ملاقات
رہبر معظم انقلاب اسلامی حضرت آیت اللہ العظمی خامنہ ای نے وزیر خارجہ ، وزارت خارجہ کے اہلکاروں اور دیگر ممالک میں تعینات ایرانی سفیروں اور اسلامی جمہوریہ ایران کے نمائندوں سے ملاقات میں انقلاب اسلامی کو تسلط پسند نظام کے خلاف تعامل کے عنوان سے بین الاقوامی روابط میں ایک نئی منطق و نئي پالیسی کا مظہر قراردیتے ہوئے فرمایا: اسلامی جمہوریہ ایران کے سفیروں اور نمائندوں کی ذمہ داری ہے کہ وہ تسلط پسند نظام کے خلاف قوی ، مضبوط ،مفید اور کارآمد سفارتی اقدام عمل میں لائیں اور اس اہم کام کو انجام دینےکے لئے ضروری ہے کہ وہ اسلامی اور شرعی اصولوں پرعمل پیرا رہیں۔
رہبر معظم سے فلسطینی جہادی تنظیموں کے سربراہوں کی ملاقات
رہبر معظم انقلاب اسلامی حضرت آیت اللہ العظمی خامنہ ای نے پیغمبر اسلام حضرت محمد مصطفی (ص)کی ولادت با سعادت کے مبارک ایام اور ہفتہ وحدت کے پہلے دن " فلسطین کے مستقبل کے بارے میں اسلامی و قومی یکجہتی سمینار " میں فلسطین کی جہادی تنظیموں کے سربراہوں سے ملاقات میں تاکید کرتے ہوئے فرمایا: فلسطین اور بیت المقدس " مقاومت ، پائداری اور جہاد کے سائے امت اسلام کی آغو ش میں واپس آجائیں گے اور غاصب اسرائیل کو شکست اور نابودی کے سوا کچھ نصیب نہیں ہوگا۔
رہبر معظم سے خبرگان کونسل کے سربراہ اور اراکین کی ملاقات
رہبر معظم انقلاب اسلامی حضرت آیت اللہ العظمی خامنہ ای نے آج صبح خبرگان کونسل کے سربراہ اور اراکین کے ساتھ ملاقات اور اپنے اہم خطاب میں اسلامی نظام کو اللہ تعالی کی اطاعت اور الہی نقشہ پر استوار قراردیتے ہوئے فرمایا: اسلامی نظام کے تشخص، اس کی سرحدوں اور معیاروں کی حفاظت ایک بنیادی مسئلہ ہے اور جولوگ بنیادی آئین کی روشنی میں حکمیت ، قانون اورنظام کے تشخص کو قبول کرتے ہیں وہ نظام کے مجموعہ کا حصہ ہیں۔
رہبرمعظم کی صوبہ آذربائیجان کے عوام سے ملاقات
رہبرمعظم انقلاب اسلامی حضرت آيت اللہ العظمی سید علی خامنہ ای نے آج صوبہ آذربائیجان کے عوام کے ایک عظیم الشان اجتماع سے خطاب کرتے ہوئے 22 بہمن (گيارہ فروری) کو جشن انقلاب کی بے مثال ریلیوں میں عوام کی حیرت انگیز اور وسیع شرکت کو معجزہ الہی قرار دیتے ہوئےفرمایا: ملت ایران نے گیارہ فروری کے دن آگاہی، بصیرت، بلند ہمت اور توفیق الہی کے ذریعہ اسلامی جمہوری نظام کے تمام مخالفین کو دنداں شکن جواب دیا اور اپنی حجت کوسب پر تمام کر دیا۔
رہبر معظم سے فضائیہ کے اعلی کمانڈروں اور اہلکاروں کی ملاقات
ایرانی فضائیہ کے اعلی کمانڈروں ، افسروں ، پائلٹوں اور کارکنوں کی ایک کثیر تعداد کی رہبر معظم انقلاب اسلامی سے ملاقات
رہبر معظم سے جہاد اسلامی فلسطین کے جنرل سکریٹری رمضان عبداللہ کی ملاقات
رہبر معظم انقلاب اسلامی حضرت آیۃ اللہ العظمی خامنہ ای نے، " جھاد اسلامی فلسطین " کے جنرل سیکریٹری جناب ڈاکٹر رمضان عبد اللہ اور ان کے ہمراہ آئے ہوئے وفد سے ملاقات میں فرمایا: فلسطین ، عالمی سامراجی طاقتوں پر مستضعفین کے غلبے اور کامیابی کے خدائی ارادے و مشیّت کو جامہ عمل پہنانے کے میدان میں تبدیل ہو چکا ہے۔
سیاسی میدان میں غفلت برتنے کا نتیجہ کبھی کبھی خیانت کی صورت میں ظاہر ہوتا ہے
رہبر معظّم انقلاب اسلامی نے آج صبح ، تہران یونیورسٹی اور اس کی مختلف فیکلٹیوں کے سینکڑوں اساتذہ ، علمی کمیٹیوں کے اراکین اور دیگر عھدیداروں کے ایک اجتماع سے اپنے خطاب میں علم و دانش کو ایران کی ترقی و اقتدار کی اصلی بنیاد اور تکیہ گاہ قراردیا اور اس بات پر زور دیا : کہ ہمیں اس علمی سفر (جس کاآغاز ہو چکا ہے ) کو پوری توانائی اور سرعت کے ساتھ جاری رکھنا چاہئیے ۔
رہبر معظم سے وزیر داخلہ اور ادارہ ثبت اسناد کے اہلکاروں کی ملاقات
عشرہ فجر کی آمد کے موقع پر رہبر معظم انقلاب اسلامی حضرت آیت اللہ العظمی خامنہ ای کے نام نئے شناختی کارڈ کے اجراء سے ملک میں نئے شناختی کارڈز جاری کرنے کا آغازہوگیا ہے۔
سکیورٹی کے لحاظ سےنئے شناختی کارڈز بڑی اہمیت کے حامل ہیں جو اس سے قبل پندرہ سال سے کم عمر افراد کے لئے صادر کئے جاتے تھے وزارت داخلہ کی اطلاعات کے مطابق آئندہ 3 برسوں میں یہ شناختی کارڈز 70 ملین ایرانیوں کے لئے صادر کئے جائیں گے۔
رہبر معظم سے رویان ریسرچ سینٹر کے بعض محققین اور اہلکاروں کی ملاقات
رہبر معظم انقلاب اسلامی حضرت آیت اللہ العظمی خامنہ ای نے رویان ریسرچ سینٹر کے بعض محققین اور اہلکاروں سے ملاقات میں مسئلہ کےدقیق انتخاب اور اس کے حل کے لئے ایمان کے سائے میں تلاش و کوشش اور علم و دانش سے استفادہ کو اس رویان علمی مرکز کی کامیابی کی رمز قراردیا۔
رہبر معظم سے موریتانیہ کے صدر اور اس کے ہمراہ وفدکی ملاقات
رہبر معظم انقلاب اسلامی حضرت آیت اللہ العظمی خامنہ ای نے موریتانیہ کے صدر محمد ولد عبد العزیز اور اس کے ہمراہ وفد سےملاقات میں اسلامی ممالک کے ساتھ تعاون اور روابط کو اسلامی جمہوریہ ایران کی خارجہ پالیسی کی اہم بنیاد قراردیتے ہوئے فرمایا: مختلف شعبوں میں دونوں ممالک کے باہمی تعاون کو فروغ دینے کے لئے یہ سفر اچھا اور مبارک ثابت ہوگا۔
رہبر معظم سے صوبہ مازندران کے ہزاروں افراد کی ملاقات
رہبر معظم انقلاب اسلامی حضرت آیت اللہ العظمی خامنہ ای نے صوبہ مازندران و شہر آمل کے ہزاروں افراد، صوبہ کے علماء اور حکام سے ملاقات میں تاریخی حوادث و واقعات کو مستقبل کی جانب گامزن رہنے کے لئے عبرت آموز اور سبق آموز قراردیا اور گذشتہ تیس برسوں میں عوام کی میدان میں موجودگی اور ان کے حضور کی وجہ سے سازشوں کے غیر مؤثر ہونے کی طرف اشارہ کرتے ہوئے فرمایا: آج بھی قوم کے ہر فرد بالخصوص جوانوں اور مؤثر افراد کی ذمہ داری ہے کہ وہ میدان میں موجود رہیں اسلامی نظام اور انقلاب کا دفاع کریں اور حکام پر اعتمادقائم رکھیں۔
رہبر معظم سے گویان کے صدر اور اس کے ہمراہ وفد کی ملاقات
رہبر معظم انقلاب اسلامی حضرت آیت اللہ العظمی خامنہ ای نےآج سہ پہر گویان کے صدر بہارت جگدؤ اور اس کے ہمراہ وفد سے ملاقات میں گویان کی مستقل خارجہ پالیسی کی طرف اشارہ کرتے ہوئے فرمایا: دنیا میں سب سے بڑا ظلم و ستم تسلط پسند طاقتوں کا قبضہ اور عالمی ممالک کا تسلط پسند اور تسلط پذیر ممالک میں تقسیم ہوناہے اور اسی وجہ سے اسلامی جمہوریہ ایران کی پالیسی ابتداء ہی سے تسلط پسند نظام کی مخالفت پر استوار ہے۔
رہبر معظم سے تبلیغات کی اعلی کونسل اور عشرہ فجر کے اہلکاروں کی ملاقات
رہبر معظم انقلاب اسلامی حضرت آیت اللہ العظمی خامنہ ای نے آج ملک بھر کی عشرہ فجر کی کمیٹیوں کے سربراہوں اور تبلیغات اسلامی کی اعلی کونسل کے اہلکاروں سے ملاقات میں ، گذشتہ تیس برسوں میں عوام کی انقلاب اسلامی کے ساتھ والہانہ محبت و دلبستگی ، عوامی اتحاد وانسجام اور ان کے حضور کو انقلاب اسلامی اور اسکی سالگرہ کی تقریب کی اہم خصوصیت قراردیتے ہوئے فرمایا: غبار آلود فضا اور فتنہ پروری کے موقع پر ہر ایک انسان بالخصوص خواص کی اہم ذمہ داری ہے کہ وہ صاف و شفاف مؤقف بیان کریں اور دو پہلو بات کرنے سے پرہیز کریں۔
رہبر معظم کے ساتھ قم کے ہزاروں افراد کی 19 دی کی مناسبت سے ملاقات
رہبر معظم انقلاب اسلامی حضرت آیت اللہ العظمی خامنہ ای نے آج قم کے ہزاروں افراد سے ملاقات میں اس سال 9 دی (مطابق30 دسمبر) کے موقع پر ملک بھر میں ہونے والی ریلیوں میں ایران کے مؤمن ، غیور اور بصیر عوام کے عظیم الشان حضور کو فیصلہ کن ، اللہ تعالی کی قدرت کا مظہر اور انقلاب اسلامی کی تاریخ میں یادگار حرکت قراردیتے ہوئے فرمایا: دین مخالف اور تسلط پسند گروہ جو آج کے غبار آلودہ شرائط میں انقلاب اوراسلامی نظام کے خلاف نعرے لگا رہے ہیں یہ وہی لوگ ہیں جنھوں نے کئی سال تک امام (رہ) اور انقلاب اسلامی کا مقابلہ کیا اور ایرانی عوام نے بھی اسی حقیقت کو درک کرتے ہوئے ایک بار پھر ثابت کردیا کہ وہ انقلاب اور اسلامی نظام کی حفاظت و حمایت میں آج بھی میدان میں موجود ہیں۔
رہبر معظم کی یورپ میں اسلامی انجمنوں کے طلباء سے ملاقات
رہبر معظم انقلاب اسلامی حضرت آیت اللہ العظمی خامنہ ای نے آج یورپ میں طلباء کی اسلامی انجمنوں کی یونین کے اراکین سے ملاقات میں ملک میں علمی فعالیت وحرکت کوفوری اور ضروری قراردیتے ہوئے فرمایا: جوانوں کے دوش پر ایک عظیم تاریخی مرحلے سے عبور کرنے کے لئےعلم کے حصول اور خدا کی راہ میں تلاش و کوشش کی سنگین اور اہم ذمہ داری عائدہے۔
رہبر معظم سے حج کے انتظامی امور کے اہلکاروں کی ملاقات
رہبر معظم انقلاب اسلامی حضرت آیت اللہ العظمی خامنہ ای نے ادارہ حج کے انتظامی امور کے اہلکاروں سے ملاقات میں حج کی عظیم ظرفیت کی طرف اشارہ کرتے ہوئے فرمایا: حج کے اعمال اور مناسک کا ہر حصہ انسان کی روحی تربیت کے علاوہ تبلیع اور عام افکار کی تنویر کے لئے بڑی اہمیت کا حامل ہے ۔
رہبر معظم سے حماس کے سیاسی شعبہ کے سربراہ خالد مشعل کی ملاقات
رہبر معظم انقلاب اسلامی حضرت آیت اللہ العظمی خامنہ ای نے آج سہ پہر کو حماس کے سیاسی شعبہ کے سربراہ جناب خالد مشعل اور اس کے ہمراہ وفد سے ملاقات میں فلسطینی عوام اور جہادی گروہوں منجملہ حماس کی مزاحمت و مقاومت کی تعریف و تجلیل کرتے ہوئے فرمایا: فلسطینی عوام کی نجات کا واحد راستہ مقاومت ، پائداری و استقامت اور خدا پر توکل کے ساتھ ساتھ عمل اور اقدام پر موقوف ہے۔
رہبر معظم کا طلباء ، فضلاء اور علماء سے خطاب
رہبر معظم انقلاب اسلامی حضرت آیت اللہ العظمی خامنہ ای نے آج محرم الحرام کی آمد سے قبل ملک بھر کے حوزات علمیہ کے ہزاروں طلاب ، فضلاء ،علماء اور تہران کے آئمہ جماعات کے ساتھ ملاقات میں اپنے اہم خطاب میں فتنہ کے موجودہ دور میں صحیح تبلیغ کو لوگوں کے اذہان کی تنویر کا محور قراردیا ہے۔
