خبریں
رہبر معظم سے عالمی سیاسی و مذہبی رہنماؤں کی ملاقات
رہبر معظم انقلاب اسلامی حضرت آیت اللہ العظمی خامنہ ای نے بعض بین الاقوامی سیاسی اور مذہبی رہنماؤں سے ملاقات میں باہمی تفاہم تک پہنچنے اور ابہامات کو دور کرنے کے لئے گفتگو اور مذاکرات کو ضروری اور مؤثر قراردیتے ہوئے فرمایا: آج دنیا کو درپیش جنگ ، بھوک اور انسانی حقوق کی پامالی جیسےتلخ حقائق کا سامنا ہے جنکی جڑیں جبر و استبداد اور قدرت و جاہ طلبی جیسے عوامل پر استوارہیں اور عالمی مشکلات کو دور کرنے کے سلسلے میں کی جانے والی ہر کوشش و جد وجہد میں عدل و انصاف کے نعرے اور ظلم کے ساتھ مقابلہ کو اصل معیارقراردینا چاہیے۔
رہبر معظم کی ملک بھر کے آئمہ جمعہ سے ملاقات
رہبر معظم انقلاب اسلامی حضرت آیت اللہ العظمی خامنہ ای نے آج ملک بھر کے آئمہ جمعہ سے ملاقات میں انقلاب اسلامی کے اصولوں و اہداف پرایرانی عوام کی پائداری و استقامت کے جذبہ کی حفاظت و استحکام کو انقلاب اسلامی کی بقا کا راز قراردیتے ہوئے فرمایا: اب جبکہ مارکسیزم کا مکتب اپنی بساط لپیٹ چکا ہے اور مغربی لیبرل ڈیموکریسی کے مکتب کی کراہٹ و اضمحلال کی صدائیں بھی کانوں میں پہنچ رہی ہیں اسلامی تحریک میں روز بروز نشاط پیدا ہورہی ہے اور انقلاب اسلامی کو اس عظیم فکری مکتب کے محرک انجن کی حیثیت سے اپنی پیشرفت اور استقامت کے عوامل کو مزید مضبوط بنانا چاہیے۔
رہبر معظم سے عید فطر کے موقع پر اعلی حکام اور عوام کے مختلف طبقات کی ملاقات
رہبر معظم انقلاب اسلامی حضرت آیت اللہ العظمی خامنہ ای نے آج اسلامی نظام کے اعلی حکام اور عوام کے مختلف طبقات سے ملاقات میں ماضی کے مقابلے میں عالم اسلام کے افق کو بہت روشن و تابناک ، امید افزا اور امت اسلامی کی ترقی و پیشرفت کو ناقابل انکار حقیقت قراردیتے ہوئےفرمایا: اس ترقی وپیشرفت اور مستقبل کی روشنی میں روز بروز اضافہ ہوتاجائے گا اور عالم اسلام اسلامی عزت و شکوہ کا مشاہدہ کرےگا۔
رہبر معظم سے یونیورسٹیوں کے سیکڑوں طلباء کی ملاقات
رہبر معظم انقلاب اسلامی حضرت آیت اللہ العظمی خامنہ ای نے آج سہ پہر کو یونیورسٹیوں کے ممتاز اور برگزیدہ طلباء سے ملاقات میں جوان نسل بالخصوص طلباء کی فعال اور با نشاط جد وجہد کو عقل و شعور کے ہمراہ انقلاب اسلامی کے چوتھے عشرے میں عدل و انصاف اور پیشرفت کے تحقق کے لئے سب سے بڑی اور اہم ذمہ داری قراردیتے ہوئے فرمایا: مسلم جوان نسل کو ہمت اور امید سے سرشار نگاہ اور صحیح پروگرام اور درست اصولوں کی بنیاد پر مسلسل جد رجہد کے ذریعہ نئی فکر اور ایسے اسلامی معاشرے تک پہنچنے کے لئے قدم اٹھانا چاہیے جو مادی اور معنوی پیشرفت کا آئینہ دار ہو۔
رہبر معظم کی یونورسٹیوں کے اساتذہ اور ممتاز علمی شخصیات سے ملاقات
رہبر معظم انقلاب اسلامی حضرت آیت اللہ العظمی خامنہ ای نے آج سہ پہر کو یونیورسٹیوں کے اساتذہ اور ممتاز علمی شخصیات سے ملاقات میں علمی پیشرفت و ترقی کو ملک کی حیات کے لئے لازمی قراردیتے ہوئے فرمایا: علمی پیشرفت کو مقامی سطح پرعلم کی پیداوار، خود اعتمادی، کامیابی کی امید اور جہادی حرکت پر استوار ہونا چاہیے ۔
رہبر معظم کا پیرا اولمپیک کھیلوں میں ایرانی کھلاڑیوں کی کامیابی پر مبارک باد کا پیغام
رہبر معظم انقلاب اسلامی حضرت آیت اللہ العظمی خامنہ ای نے ایک پیغام میں پیرا اولمپیک کھیلوں میں ایرانی کھلاڑیوں کی کامیابی پر انھیں مبارک باد پیش کی ہے۔
رہبر معظم کی امام حسن (ع) کی ولادت کی مناسبت سے شعراء سے ملاقات
رہبر معظم انقلاب اسلامی حضرت آیت اللہ العظمی خامنہ ای کی موجودگی میں کریم اہلبیت حضرت امام حسن مجتبی (ع) کی ولادت کی شب میں ملک کے بعض جوان اور ممتاز شعراء نے دینی ، ثقافتی ، سماجی اور اخلاقی مضامین پر مشتمل اشعار پیش کئے۔
رہبر معظم کا تینوں قوا کے سربراہوں اور اعلی حکام سے خطاب
رہبر معظم انقلاب اسلامی حضرت آیت اللہ العظمی خامنہ ای نےآج سہ پہر تینوں قوا کے سربراہوں ، اعلی حکام اور نظام اسلامی کے مختلف شعبوں کے اہلکاروں سے ملاقات میں اسلام اور انقلاب کے بنیادی اصولوں پر صبر و پائداری کو مختلف میدانوں میں مزید پیشرفت کا سبب قراردیا اور ارکان نظام پر سنجیدہ حاکمیت کی طرف اشارہ کرتے ہوئے فرمایا: اسلامی اور انقلابی اہداف و مقاصد کے تحقق کی تلاش و کوشش کے لئے یہ سنجیدگي بہترین ثابت ہوگی۔
رہبر معظم کی بولیویا کے صدر سے ملاقات
رہبر معظم انقلاب اسلامی حضرت آیت اللہ العظمی خامنہ ای نے آج بولیویا کے صدر ایوو ( EVO) مورالیز اور ان کے ہمراہ وفد سے ملاقات میں بولیویا میں حالیہ رفرینڈم میں عوام کی طرف سے ان کے دوبارہ انتخاب کی طرف اشارہ کرتے ہوئےفرمایا: آپ کا عوامی جذبہ اور محروم و فقیر طبقات کے پیش نظر ، عوام کی خدمت کے لئے تلاش و کوشش بہت ہی گرانقدر قدم ہے اور یہی جذبہ قوموں کی سرافرازی و سربلندی کا موجب بن سکتا ہے۔
رہبر معظم کی خبرگان کونسل کے سربراہ اور نمائندوں سے ملاقات
رہبر معظم انقلاب اسلامی حضرت آیت اللہ العظمی خامنہ ای نے آج خبرگان کونسل کے سربراہ اور نمائندوں سے ملاقات میں خبرگان کونسل کے مقام کو عوام اور اسلامی نظام کے لئے قابل اطیمنان اوربہت ہی اہم مقام قراردیا اور صحیح سمت میں حرکت کے اصلی معیاروں کے عنوان سے انقلاب اسلامی کے اصولوں کی یاد دلاتے ہوئے فرمایا: خبرگان کونسل کی سب سے اہم ذمہ داری اسلامی نظام کی اصلی اور صحیح سمت میں ہدایت ، بنیادی نعروں اور اصولوں کی تقویت اور حفاظت پر مبنی ہے۔
رہبر معظم کی ملک کی یونیورسٹیوں کے ممتاز طلباء سے ملاقات
رہبر معظم انقلاب اسلامی حضرت آیت اللہ العظمی خامنہ ای نے آج یونیورسٹیوں کے ایک ہزار ممتاز طلباء سے ملاقات میں علم کو قومی ثروت و اقتدار تک پہنچنے کا ایک گرانقدر اور اہم وسیلہ قراردیتے ہوئے فرمایا: آج ملک کی بنیادی فکر، علم و ٹیکنالوجی کی فکر پر استوارہونی چاہیے۔
رہبر معظم کی صدر اور کابینہ کے اراکین سے ملاقات
رہبر معظم انقلاب اسلامی حضرت آیت اللہ العظمی خامنہ ای نے آج صبح صدر اور ان کی کابینہ کے اراکین سے ملاقات میں عوامی خدمت میں نشاط و جد وجہد، امام (رہ) اور انقلاب کے کلام و نعروں کو نمایاں کرنا اور عوام کے ساتھ انس و محبت اورعوامی جذبہ کو نویں حکومت کی تین گرانقدر خصوصیات قراردیتے ہوئے فرمایا: انقلاب کا چوتھا عشرہ ، عدل وانصاف و پیشرفت کا عشرہ ہے اور تمام منصوبوں اور کوششوں کو اس سمت میں انجام پاناچاہیے۔
رہبر معظم کی بیرون ملک ثقافتی ڈائریکٹروں، وزیر تعلیم اور وزارت تعلیم کے بعض اہلکاروں سے ملاقات
رہبر معظم انقلاب اسلامی حضرت آیت اللہ العظمی خامنہ ای نے حضرت ولی عصر امام زمانہ (عج) کی ولادت باسعادت کے موقع پر بیرون ملک ثقافتی ڈائریکٹروں، وزیر تعلیم اور وزارت تعلیم کے بعض اہلکاروں اور عوام کے مختلف طبقات سے ملاقات میں 15 شعبان المعظم کو انسان کی حقیقی امید اورعدل و انصاف سے سرشار و تابناک مستقبل قراردیتے ہوئے فرمایا: فرج کا انتظار یعنی فردی ،اجتماعی ہرلحاظ سے آمادہ و تیاررہنا ، عدل و انصاف قائم کرنے کے لئے تلاش و کوشش کرنا اور ایسے افراد سے مکمل طور پر ہوشیاراور دور رہنا جو امام زمانہ (عج)کے ساتھ اپنے رابطے کے جھوٹے اور شرم آور دعوؤں کی بنیاد پراپنی دکان کھولے ہوئے ہیں۔
رہبر معظم کی وزارت انٹیلیجنس کے وزیر اور اہلکاروں سے ملاقات
رہبر معظم انقلاب اسلامی حضرت آیت اللہ العظمی خامنہ ای نے آج وزارت انٹیلیجنس کے وزیر اور اس کے بعض اہلکاروں سے ملاقات میں اس وزارتخانہ کو انقلاب اسلامی کا سب سے اہم، بہترین اور باوفا مجموعہ قراردیتے ہوئے فرمایا: وزارت انٹیلیجنس اپنی تلاش و کوشش و زحمات اور درحقیقت اپنی خاموش جد و جہد کے ذریعہ دشمنوں کے مد مقابل اسلامی انقلاب ، اسلامی اقدار اور عوام کی اچھی طرح حفاظت کررہی ہے اور سب کو اس کی قدر کرنا چاہیے۔
رہبر معظم سے الجزائر کے صدر بوتفلیقہ کی ملاقات
رہبر معظم انقلاب اسلامی حضرت آیت اللہ العظمی خامنہ ای نے آج الجزائر کے صدر اور اس کے ہمراہ وفد سے ملاقات میں اسلامی ممالک کے باہمی تعاون اور ایکدوسرے کے تجربات ، توانائیوں اور وسائل سے استفادہ کی طرف اشارہ کرتے ہوئے فرمایا: جمہوری اسلامی ایران اور الجزائر کے پاس بہت سے شعبوں میں باہمی تعاون کو فروغ دینے کے مواقع موجود ہیں امید ہے کہ باہمی روابط کو فروغ دینے میں یہ سفر مؤثر ثابت ہوگا۔
رہبر معظم کی وزارت خارجہ کے اہلکاروں ، سفراء اور نمائندہ دفاتر کے ڈائریکٹروں سے ملاقات
رہبر معظم انقلاب اسلامی حضرت آیت اللہ العظمی خامنہ ای نے آج وزارت خارجہ کے اہلکاروں ،دوسرے ممالک میں ایرانی سفراء اور نمائندہ دفاتر کے ڈائریکٹروں اور ان کے اہل خانہ سے ملاقات میں اسلامی نظام کے مقام اور اس کی آگے کی سمت پیشرفت و حرکت ، قانون پر عمل اور اسی طرح خارجہ پالیسی میں آگاہانہ ، شجاعانہ اور ذمہ دارانہ حرکت کو ضروری قراردیتے ہوئے فرمایا: وزارت خارجہ کو اسلامی نظام کے بڑھتے ہوئے اقتدار اور اس کی عزت و عظمت کو درست منعکس کرنے کے ساتھ اس سے ملک کے مفادات کے لئے بھی استفادہ کرنا چاہیے۔
رہبر معظم سے قرآن کریم کے بین الاقوامی مقابلوں میں شرکت کرنے والے حافظوں اور قاریوں کی ملاقات
رہبر معظم انقلاب اسلامی حضرت آیت اللہ العظمی خامنہ ای نے کل رات قرآن کریم کے پچیسویں بین الاقوامی مقابلوں میں شریک حافظوں اور قاریوں سے ملاقات میں قرآن کریم سے تمسک کو امت اسلامی کی نجات کا واحد راستہ قراردیتے ہوئے فرمایا: امت اسلامی میں قرآن کریم کے ساتھ انس ، اس میں تدبر اور اس کو سمجھنےکے لئے اس قسم کے مقابلے کافی مؤثر ہیں۔
رہبر معظم سے شام کے صدر بشار اسد اور اس کے ہمراہ وفد کی ملاقات
رہبر معظم انقلاب اسلامی حضرت آیت اللہ العظمی خامنہ ای نے آج شام کے صدر بشار اسد اور اس کے ہمراہ وفد سے ملاقات میں دونوں ممالک کے باہمی روابط کو مضبوط و مستحکم قراردیتے ہوئے فرمایا: مرحوم حافظ اسد نے ایران اور شام کے روابط کو اتنی اچھی اورمضبوط بنیادوں پر استوار کیا کہ ان میں خلل پیدا کرنے کی بہت سی کوششوں کے باوجود دونوں ممالک کے اچھے روابط کا سلسلہ جاری ہے۔
