Xəbərlər
İslam İnqilabının Rəhbəri İslam Şurası Məclisinin nümayəndələri ilə görüşdu
İslam İnqilabının Ali Rəhbəri bu gün səhər on birinci məclisin sədri və deputatlarla görüşdə bu məclisi ümumilikdə inqilabçı, gənc, dinamik, ölkədə mövcud olan problemləri ortadan qaldırmaq üçün yaxşı qərarlar qəbul etmiş bir məclis hesab etdiyini bildirərək, şəraitin və cinah mülahizələrin təsirinə düşməmək kimi qanunverici zərurətlərə aydınlıq gətirdi: “Parlamentin son ilində yeddinci inkişaf proqramının araşdırılması və təsdiqi, ilin şüarı, yəni inflyasiyanın idarə edilməsi və istehsalın artırılması məqsədinin həyata keçirilməsi üçün lazım olan qanunların qəbul edilməsi, yarımçıq qalmış layihələrin araşdırılması kimi böyük işləri dayanmadan çalışaraq sona çatdırın”.
İnqilabın Rəhbəri XİN-nin məsul şəxsləri və İİR-nın səfirləri ilə görüşdü
İslam İnqilabının Ali Rəhbəri bu gün səhər Xarici İşlər Nazirliyinin məsul şəxsləri və İran İslam Respublikasının səfirləri ilə görüşdə uğurlu xarici siyasətin prinsip və parametrlərinə aydınlıq gətirərək yalvarıcı diplomatiyadan çəkinmə mənasını ifadə edən “izzət”, hesablanmış və müdrikcəsinə əlaqələr və fəaliyyətlər məzmununu ifadə edən “hikmət”, çətin maneələri dəf etmək və yola davam etmək üçün uyğunlaşma mənasını ifadə edən “məsləhət” anlayışının dövlətin diplomatik fəaliyyətinin üç əsas açar prinsipi olduğunu dedi.
İslam İnqilabının Rəhbəri Həcc ziyarətinin təşkilatçıları və məsul şəxsləri ilə görüşdü
İslam İnqilabının Rəhbəri bu gün səhər Həcc ziyarətinin təşkilatçıları, cavabdeh şəxsləri və Allah evinin ziyarətçilərindən bir qrupu ilə görüşdə Həcc ziyarətinə düzgün baxış bucağının olmasının və bu vacib əməlin əhəmiyyətinin dərk edilməsinin çox mühüm əhəmiyyət daşıdığını vurğuladı: “Həcc – məqsədi İslam ümmətini ucaltmaq, müsəlmanların qəlblərini bir-birinə yaxınlaşdırmaq, İslam ümmətini küfr, zülm, insani və qeyri-insani bütlər qarşısında birləşdirmək olan qlobal və mədəni bir məsələdir”.
İnqilabın Rəhbəri ölkənin ayrı-ayrı yerlərindən gəlmiş müəllim və pedoqoqlarla görüşdü
Müəllimlərin cəmiyyətin ən yaxşı və şərəfli sinfi olduğunu deyən Həzrət Ayətullah Xamenei ölkənin bütün şəhər və kəndələrinin bu dözümlü, zəhmətkeş və məsuliyyətli mücahidlərinə çəkdikləri zəhmətlərə görə təşəkkür etdi: “Ölkənin gələcəyini qurmaq üçün ayıq, savadlı, düşüncəli, məntiqli, imanlı, iradəli, İslam əxlaqına malik və milli məsuliyyəti olan bir nəsil yetişdirilməsinin əhəmiyyəti heç bir işlə müqayisə edilə bilməz”.
Ali Baş Komandan Silahlı Qüvvələrin komandanları və yüksək vəzifəli şəxsləri ilə görüşdü
Ali Baş Komanda Həzrət Ayətullah Xamenei bu gün (bazar günü) günorta Silahlı Qüvvələrin yüksək vəzifəli şəxsləri və komandanları ilə görüşdə Əmirəl-mömininin (ə) kəlamına əsasən, bu qüvvələri dövlətin və xalqın möhkəm baryerləri adlandırdı: “Bu çox böyük mövqe ağır məsuliyyətlərlə müşayiət olunur. Allaha həmd olsun ki, Silahlı Qüvvələr bu fəxarətli mövqeyin qədrini bilərək öz vəzifələrinin icrası ilə məşğuldur”.
Ali Rəhbər şairlər, fars dili və ədəbiyyatı üzrə mütəxəssislərdən bir qrupu ilə görüşdü
Əhli-beytin kərim şəxsiyyəti İmam Həsən Müctəbanın (ə) mübarək mövlud gecəsi fars dili və ədəbiyyatı üzrə mütəxəssislər, gənc və öndər şairlərdən bir qrupu İslam İnqilabının Ali Rəhbəri ilə görüşdü.
İnqilabın Rəhbərinin məsul şəxslər və dövlət qulluqçuları ilə ramazan görüşü oldu
Həzrət Ayətullah Xamenei bu gün (çərşənbə axşamı) günortadan sonra ölkə rəhbərliyi və dövlət qulluqçuları ilə görüşdə məsul şəxslərin iradə və əzminin bütün il boyu inflyasiyanın idarə edilməsi və istehsalın artırılması üzərində mərkəzləşdirilməsinin zəruriliyini vurğulayaraq ilin şüarının gerçəkləşdirilməsi üçün lazım olan şərtlərə aydınlıq gətirdi və bir neçə mühüm iqtisadi tövsiyə verdi: “Əgər bu vacib şərtlərə əməl edilsə, onun inflyasiyanın azalması istiqamətindəki nəticələri və ilin sonunda xalqın nisbi asayiş hiss etməsi müşahidə ediləcək”.
İnqilabın Rəhbəri Ramazan ayının birinci günü “Quranla Ünsiyyət” məclisində iştirak etdi
İslam İnqilabının Ali Rəhbəri bu gün Mübarək Ramazan ayının ilk günü günortadan sonra bir çox tanınmış qari, Quran mütəxəssisi və Quran fəallarının iştirakı ilə təşkil edilmiş “Quranla Ünsiyyət” adlı nurani məclisdə etdiyi çıxışında Quranın məna və məzmunlarının dinləyicilərə çatıdırlması və onlara təsir göstərilməsi məqsədilə Quran tilavəti məclislərinin ayələrin tərcüməsi və təfsiri ilə müşayiət edilməsinin zəruri olduğunu dedi.
Fərvərdin ayının üçü (23 mart) cümə axşamı Ramazan ayının birinci günüdür
Ali Rəhbərlik İdarəsinin məlumatına əsasən, Ramazan ayının hilalının görünməsi İslam İnqilabının Ali Rəhbəri tərəfindən qəti təsdiqini tapdığı üçün sabah Mübarək Ramazan ayının birinci günüdür.
İslam İnqilabının Rəhbərinin Novruz mesajı
İslam İnqilabının Ali Rəhbəri Həzrət Ayətullah Xamenei 1402- ci hicri şəmsi ilinin başlanması münasibətilə ünvanladığı mesajda İran xalqını və Novruz bayramını qeyd edən bütün xalqları təbrik etdikdən sonra ölkənin keçən ilki ən mühüm məsələsinin iqtisadiyyat və xalqın məişəti məsələsi olduğunu dedi. O vurğuladı ki, bu il də iqtisadiyyat ölkənin əsas məsələsi olmalıdır. O, 1402-ci ilin şüarının “inflyasiyanın qarşısının alınması və istehsalın artırılması ili” olduğunu elan etdi.
İnqilabın Rəhbəri İmam Rzanın (ə) pak hərəminin ziyarətçilərinin önündə çıxış etdi
İslam İnqilabının Rəhbəri yeni ilin ilk günü İmam Rzanın (ə) pak hərəminin qonşuları və ziyarətçilərinin önündə çıxış edərkən güclü tərəflərin gücləndirilməsi, zəif cəhətlərin və nöqsanların ortadan qaldırılması mənasını ehtiva edən dəyişmənin ölkənin əsas ehtiyacı olduğunu dedi.
İslam İnqilabının Rəhbəri Belarusiya Respublikasının prezidenti ilə görüşdü
İslam İnqilabının Rəhbəri Həzrət Ayətullah Xamenei bu gün (bazar ertəsi) günortadan sonra Belarusiya Respublikasının prezidenti cənab Aleksandr Lukaşenko və onu müşayiət edən nümayəndə heyəti ilə görüşdə iki ölkə arasında mövcud olan əməkdaşlıq potensialının mövcud səviyyədən çox-çox yüksək olduğunu dedi: “Hər iki tərəfin əldə edilmiş razılaşmaların həyata keçirilməsi istiqamətindəki ruhiyyəsi və iradəsindən istifadə edərək əlaqələrin səviyyəsi daha da artırılmalıdır”.
İslam İnqilabının Rəhbəri “Ağac əkimi günü” üç ağac əkdi
İslam İnqilabının Rəhbəri Həzrət Ayətullah Xamenei “Ağac əkimi günü” münasibətilə bu gün səhər üç ağac əkdi.
İslam İnqilabının Rəhbəri Xubriqan Məclisinin üzvləri ilə görüşdü
İslam İnqilabının Ali Rəhbəri bu gün (cümə axşamı) səhər Xubriqan Məclisinin üzvləri ilə görüşdə bu yüksək və çox mühüm məclisin cümhuriyyətlə İslamın sintezinin təzahürü olduğunu vurğulayaraq xalqın ayrı-ayrı səhnələrdəki misilsiz, həyati və daimi iştirakından danışdı: “Dövlətin xalqa əsaslanan güclü təməli milli sərvətdir. Allah bununla dövlətin məsul şəxslərinə və alimlərinə qəti, tutarlı əsas vermişdir. Hər kəs bu böyük sərmayənin qorunması və artmasında fasilə vermədən çalışmalıdır”.
İnqilabın Rəhbəri ölkənin məsul şəxsləri və İslam ölkələrinin səfirləri ilə görüşdü
Həzrət Ayətullah Xamenei bu gün səhər “Mübarək Besət” bayarmı münasibətilə dövlətin məsul şəxsləri, İslam ölkələrinin nümayəndələri və səfirləri, Beynəlxalq Quran müsabiqələrinin qonaqları və iştirakçıları ilə görüşdə qeyd etdi ki, sonuncu peyğəmbərin (s) besətinin böyük və tükənməz xəzinələrindən istifadə bütün problemlərin əlacı, İslam ümmətini dünya və axirət səadətinə qovuşduran yodur: “Əgər İslam ölkələri Besət təlimlərinə əməl etsəydilər, xəbis və cinayətkar sionist rejimi İslam ümmətinin gözləri önündə fələstinli məzlumlara bu cür zülm edə, cinayət törədə bilməzdi.
İslam İnqilabının Rəhbəri Şərqi Azərbaycan əhalisinin minlərlə nümayəndəsi ilə görüşdü
Həzrət Ayətullah Xamenei bu gün (çərşənbə günü) səhər Şərqi Azərbaycan əhalisinin minlərlə nümayəndəsi ilə görüşdə Azərbaycan əhalisinin İranın birlik və azadlıq bayraqdarı olduğunu dedi. O, bu ilin tarixi 22 bəhmən yürüşünü yaratdığı üçün əzəmətli İran xalqına hörmət və ehtiramını bildirdi: “Bu coşqulu, məzmunlu və həqiqi qəhrəmancasına hərəkət millətin İnqilab xəttində möhkəm dayanmasının və bu xətdən sapmamasının nəticəsidir.
Dövlət başçısı Çinə səfəri ərəfəsində İslam İnqilabının Rəhbəri ilə görüşdü
Dövlətimizin başçısı Höccətül-İslam vəl-müslimin cənab Rəisi Çinə rəsmi səfəri ərəfəsində bu gün İslam İnqilabının Rəhbəri ilə görüşdü.
Ali Baş Komandan HHM və HHQ-nin yüzlərlə komandanı və şəxsi heyəti ilə görüşdü
Hava Hücumundan Müdafiə və Hərbi Hava Qüvvələrinin yüzlərlə komandanı və şəxsi heyəti 1357-ci ilin 19 bəhmən hadisəsi və Hərbi Hava Qüvvələrinin humafərlər dəstəsindən bir qrupunun İmam Xomeyni (r.ə) ilə görüşünün ildönümü münasibətilə bu gün Ali Baş Komandanla görüşdü.
