Xəbərlər
Ali Məqamlı Rəhbər Həzrət Əba Əbdillah Hüseynin (ə) şəhadətinə həsr olunmuş ikinci matəm gecəsində iştirak etdi
Bu gecə (çərşənbə axşamı) – tasua gecəsi İmam Xomeyni (r.ə) adına hüseyniyədə Həzrət Seyyidüş-şühəda Hüseynə (ə) həsr olunmuş ikinci matəm gecəsi təşkil olundu.
Ali Məqamlı Rəhbər Həzrət Əba Əbdillah Hüseynin şəhadətinə (ə) həsr olunmuş ilk matəm gecəsində iştirak etdi
İmam Xomeyni adına hüseyniyədə İslam İnqilabının Ali Məqamlı Rəhbəri Həzrət Ayətullah Xameneinin iştirakı ilə şəhidlər ağası Həzrət Əba Əbdillah Hüseynə və o həzrətin sadiq silahdaşlarına həsr olunmuş ilk matəm mərasimi keçirildi.
Ali Məqamlı Rəhbər ölkə üzrə həcc ziyarətinin təşkilinə məsul olan rəsmilərlə görüşdü
İslam İnqilabının Ali Məqamlı Rəhbəri Həzrət Ayətullah Xamenei builki həcc ziyarətinin ölkə üzrə təşkilinə cavabdeh olan rəsmilərlə bu gün (bazar ertəsi günü) səhər keçirdiyi görüşdə həcci ilahi hədiyyə, İslam dünyasının ortaq ehtiyacları ilə bağlı qarşılıqlı anlaşmanın yaradılması üçün tükənməz bir potensial adlandırdı. O dedi: “Bu gün İslam dünyasının ən böyük problemi məzhəblərarası konflikt alovunun körüklənməsidir ki, bu da ümmətə kənardan, qəsdən və xəbis niyyətlərlə yüklənmiş bir problemdir”.
Uşu üzrə dünya çempionatının qalibi olmuş kirmanşahlı qadın idmançı Ali Məqamlı Rəhbərlə görüşdü
Uşu idman növü üzrə Malayziyada keçirilən dünya çempionatının qalibi olmuş kirmanşahlı qadın idmançı Məryəm Haşimi bu gün (bazar ertəsi) günortadan öncə İslam İnqilabının Ali Məqamlı Rəhbəri Həzrət Ayətullah Xamenei ilə görüşərək qazandığı qızıl medalı ona təqdim etdi.
Ali Məqamlı Rəhbər cənab Həbibullah Əsgərövladının vəfatı ilə əlaqədar başsağlığı müraciəti etdi
İslam İnqilabının Ali Məqamlı Rəhbəri Həzrət Ayətullah Xamenei sadiq mücahid, İmam Xomeyninin (r.ə) vəfalı və etibarlı silahdaşı cənab Həbibullah Əsgərövladının vəfatı ilə əlaqədar olaraq başsağlığı müraciəti etdi.
Ali Məqamlı Rəhbər Dünya İmperializminə Qarşı Milli Mübarizə Günündə tələbə və şagirdlərlə görüşdü
İslam İnqilabının Ali Məqamlı Rəhbəri Həzrət Ayətullah Xamenei Dünya İmperializminə Qarşı Milli Mübarizə Günü ərəfəsində bu gün (bazar günü) səhər minlərlə tələbə və şagirdlə coşqulu bir atmosferdə görüşdü. Görüş zamanı çıxış edən Ali Məqamlı Rəhbər imperializmin İran xalqına qarşı bəslədiyi düşmənçiliyin köklərini təhlil edərək hazırda Amerika ilə danışıqlar aparan ölkə rəsmilərini ciddi surətdə dəstəklədiyini bildirdi.
Ali Məqamlı Rəhbər demoqrafik dəyişikliklər mövzusuna həsr olunmuş milli foruma müraciət etdi
İslam İnqilabının Ali Məqamlı Rəhbəri Həzrət Ayətullah Xamenei “Demoqrafik dəyişikliklər və cəmiyyətdə gedən müxtəlif proseslərdə onların rolu” mövzusuna həsr edilmiş milli foruma ünvanladığı müraciətdə əhalinin sayı məsələsinin əhəmiyyətinə, eləcə də intellektual elitanın ölkədə demoqrafik artıma ehtiyac olması fikrini qəbul etməsi üçün mədəni iş aparmağın vacibliyinə toxunaraq deyir: “Əhalinin gənc simasının qorunması məsələsi bir ölkə üçün mühüm, başlıca və həlledici bir məsələdir. Dünyada əhalinin qocalması ilə üzləşmiş ölkələr bundan irəli gələn problemlərdən çox çətinliklə çıxış yolu tapıblar. Ölkəmizdə bu problemin öz həllini tapması üçün dərin və əsaslı elmi iş aparılmalıdır”.
Ali Məqamlı Rəhbər Ayətullah Hairi Şirazinin həyat yoldaşının vəfatı ilə əlaqədar başsağlığı verdi
İslam İnqilabının Ali Məqamlı Rəhbəri Həzrət Ayətullah Xamenei Ayətullah Hairi Şirazinin həyat yoldaşının vəfatı ilə əlaqədar başsağlığı müraciəti etdi.
Ali Məqamlı Rəhbər müqəddəs Qurban və Qədir-Xum bayramları münasibətilə əfv fərmanı imzaladı
İslam İnqilabının Ali Məqamlı Rəhbəri Həzrət Ayətullah Xamenei müqəddəs Qurban və Qədir-Xum bayramlarının qeyd olunması ilə əlaqədar olaraq, Ümumi, İnqilab və İqtisad Məhkəmələri, eləcə də Hərbi Tribunal tərəfindən mühakimə edilmiş 1241 məhkumun cəzasının əfvi, yüngülləşdirilməsi və əvəzlənməsinə razılıq verdi.
Ali Məqamlı Rəhbər cənab Rəcəbəli Tahirinin vəfatı ilə əlaqədar başsağlığı verdi
İslam İnqilabının Ali Məqamlı Rəhbəri Həzrət Ayətullah Xamenei ixtisasca mühəndis olmuş cənab Rəcəbəli Tahirinin vəfatı ilə əlaqədar rəsmi başsağlığı müraciəti etdi.
Ali Məqamlı Rəhbər möhtəşəm həcc toplumuna müraciət etdi
İslam İnqilabının Ali Məqamlı Rəhbəri Həzrət Ayətullah Xamenei möhtəşəm həcc toplumuna ünvanladığı müraciətdə qeyd edir ki, həcc mövsümünün yetişməsi İslam ümməti üçün böyük bir bayram, İslam dünyasının zəif cəhətlərinə əlac etmək üçün möcüzəvi bir fürsətdir.
Ali Məqamlı Rəhbər ölkənin gənc elm xadimləri ilə görüşdü
Bu gün səhər ölkənin mindən çox gənc elm xadimi İslam İnqilabının Ali Məqamlı Rəhbəri Həzrət Ayətullah Xamenei ilə görüşərək 2 saata yaxın müddət ərzində öz rəy və görüşlərini, müxtəlif problemlərlə bağlı narahatlıqlarını bölüşdülər. Onlar həmçinin Ali Məqamlı Rəhbərin İranın inkişaf, tərəqqi və quruculuğa nail olmasında əsas rola malik faktor kimi, ölkə elminin daxildən qaynaqlanan, sürətli inkişafının zəruri aspektləri və incəlikləri barədə dəyərli fikirləri ilə tanış oldular.
Ali Məqamlı Rəhbər Asiya Çempionatında qazandığı qələbəyə görə İranın voleybol üzrə milli yığmasına təşəkkürünü bildirdi
İslam İnqilabının Ali Məqamlı Rəhbəri Həzrət Ayətullah Xamenei İranın voleybol üzrə milli yığmasına Asiya Çempionatında qazandığı qələbəyə görə təşəkkür müraciəti etdi.
Ali Məqamlı Rəhbər hərbi akademiyaların buraxılış mərasimində iştirak etdi
Bu gün (şənbə günü) səhər Şəhid Setari adına Aviasiya Akademiyasında Ali Baş Komandan Həzrət Ayətullah Xameneinin iştirakı ilə İran İslam Respublikası Ordusunun hərbi akademiyalarının birgə buraxılış mərasimi keçirildi.
Ali Məqamlı Rəhbər Höccətül-İslam Şeyx Mustafa Rəhnümanın vəfatı ilə əlaqədar başsağlığı verdi
İslam İnqilabının Ali Məqamlı Rəhbəri Həzrət Ayətullah Xamenei mücahid ruhani Höccətül-İslam Şeyx Mustafa Rəhnümanın vəfatı ilə əlaqədar başsağlığı müraciəti etdi.
Ali Məqamlı Rəhbər yeni təyinat haqqında sərəncam imzaladı
İslam İnqilabının Ali Məqamlı Rəhbəri Həzrət Ayətullah Xamenei Höccətül-İslam vəl-muslimin Hacı Seyid Məhəmmədmehdi Hüseyni Həmədaninin vəli-fəqihin Əlborz ostanındakı nümayəndəsi və Kərəc şəhərinin imam-cüməsi təyin olunması haqqında sərəncam imzaladı.
Ali Məqamlı Rəhbər yoxsul şagirdlərə 250 milyon rial hədiyyə etdi
Nəcib İran xalqının orta məktəblərdə təhsil alan yoxsul şagirdlərə yardımlar toplamaqla ölkədə Sevgi və mərhəmət bayramını qeyd etdiyi bu günlərdə İslam İnqilabının Ali Məqamlı Rəhbəri Həzrət Ayətullah Xamenei də 250 milyon rial məbləğində pul yardımı ilə bu xeyir işə qatıldı.
Ali Məqamlı Rəhbər Şəhid və Veteranlar Günü münasibətilə şəhid ailələrinə və veteranlara müraciət etdi
İslam İnqilabının Ali Məqamlı Rəhbəri Həzrət Ayətullah Xamenei ölkədə qeyd olunan Müqəddəs Müdafiə həftəsi, habelə Şəhid və Veteranlar Günü münasibətilə şəhid ailələrinə və müharibə veteranlarına bu gün (cümə axşamı) günortadan sonra ünvanladığı müraciətdə aşağıdakıları vurğulayır: “İran xalqı şəhidlərinin fədakarlığı, veteranlarının səbri və mətinliyi, habelə onların ailə üzvlərinin böyüklüyü və dözümlülüyü sayəsində izzət və qürurun zirvəsinə yetişməyə müvəffəq olmuşdur”.
