Xəbərlər
Ali Məqamlı Rəhbər 1391-ci hicri-şəmsi ilinin gəlişi münasibətilə xalqa müraciət etdi
İslam İnqilabının Ali Məqamlı Rəhbəri Həzrət Ayətullah Xamenei 1391-ci hicri-şəmsi ilinin gəlişi münasibətilə xalqa ünvanladığı müraciətində qeyd edir ki, İran xalqının iqtisadiyyatın müxtəlif sferalarında cihad əzmi ilə iştirak edərək əlindən gələn səy və zəhməti əsirgəməməsi bir zərurətdir. Müraciətdə deyilir: “İqtisadi cihadın mühüm bir hissəsi də milli istehsaldır. Xalqımız əzm, təpər və uzaqgörənliklə, habelə rəsmilərin işləri düzgün planlaması sayəsində daxili istehsal problemini çözə bilsə, heç şübhəsiz, düşmənin yaratdığı maneələrə qalib gələcək”.
Ali Məqamlı Rəhbər Vəqflər və Xeyriyyə İşləri Komitəsinin rəhbər işçiləri ilə görüşdü
İslam İnqilabının Ali Məqamlı Rəhbəri Həzrət Ayətullah Xamenei Vəqflər və Xeyriyyə İşləri Komitəsinin sədri və vəli-fəqihin komitə üzrə nümayəndəsi, habelə komitənin digər məsul kadrları ilə bu gün (çərşənbə axşamı) günortadan sonra baş tutan görüşü zamanı vəqfin mühüm bir dini təsisat olduğunu qeyd edərək aşağıdakıları vurğuladı: “Camaatı vəqfə daha çox təşviq etməklə, həmçinin ianə verənin, verdiyi ianə ilə bağlı haqqını düzgün təmin etməklə vəqf ənənəsini cəmiyyətdə əvvəlkindən də geniş surətdə yaymaq lazımdır”.
Ali Məqamlı Rəhbər Xubriqan Məclisinin üzvləri ilə görüşdü
İslam İnqilabının Ali Məqamlı Rəhbəri Həzrət Ayətullah Xamenei Xubriqan Məclisinin sədri və üzvləri ilə bu gün (cümə axşamı günü) səhər baş tutan görüşündə 12 isfənd parlament seçkiləri günü xalqın tam zamanında, müdriklik və uzaqgörənliklə həyata keçirdiyi əzəmətli hərəkatı sonsuz təqdir edərək bu möhtəşəm iştirakın hansı təsir və mesajlara malik olduğunu açıqladı.
Ali Məqamlı Rəhbər xalqın müxtəlif təbəqələrinin nümayəndələri, şəhid ailələri, əlil və veteranlarla görüşdü
Xalqın müxtəlif təbəqələrinin minlərlə nümayəndəsi, şəhid ailələri, əlil və veteranlarla bu gün (çərşənbə günü) səhər keçirdiyi görüşdə İslam İnqilabının Ali Məqamlı Rəhbəri Həzrət Ayətullah Xamenei cümə günü baş tutacaq parlament seçkilərinin əvvəlki çağırışlara seçkilərlə müqayisədə daha həssas əhəmiyyət daşıdığını bildirdi. 9-cu çağırış İslami Şura Məclisinə səsvermədə xalqın genişmiqyaslı iştirakının son dərəcə əhəmiyyətli olduğunu qeyd edən Ali Məqamlı Rəhbər aşağıdakıları vurğuladı: “Allahın lütfü ilə, cümə günü baş tutacaq seçkidə İran xalqı imperializmə 22 bəhməndəkindən daha möhkəm bir sillə vuracaq, öz güclü əzmini və iradəsini düşmənə sübut edəcək ki, imperialist bloku bu xalqın əleyhinə heç nə edə bilməyəcəyini anlasın”.
Ali Məqamlı Rəhbər ölkənin nüvə alimləri ilə görüşdü
İslam İnqilabının Ali Məqamlı Rəhbəri Həzrət Ayətullah Xamenei bu gün (çərşənbə günü) səhər İranın Atom Enerjisi Təşkilatının sədri və rəhbər işçiləri, habelə ölkənin nüvə alimlərindən bir qrupu ilə görüşdü. O bildirdi ki, İranın nüvə alimlərinin nüvə elmi və texnologiyası sahəsində əldə etdiyi ən böyük uğur onların ölkədə milli qürur hissini formalaşdırmaları, dünya və region xalqları üçün bir xalqın təzyiqlər qarşısında müqavimət göstərmək, müstəqil olmaq, imperialist dövlətlərin elmi monopoliyasını qırmaq bacarığına gözəl bir nümunə nümayiş etdirmələridir.
Ali Məqamlı Rəhbərə qızılla işlənmiş nəfis bir əlyazma Quran hədiyyə olundu
Bu gün (bazar ertəsi) günorta İslam İnqilabının Ali Məqamlı Rəhbəri Həzrət Ayətullah Xameneiyə qızılla işlənmiş nəfis bir əlyazma Quran hədiyyə olundu. Həzrət Ayətullah Xamenei ona təqdim olunmuş bu dəyərli sənət əsərini müqəddəs İmam Rza (ə) məqbərəsinin fonduna bağışladı.
Ali Məqamlı Rəhbər şəhid Qaşqayinin ailə üzvləri ilə görüşdü
Şəhid Mustafa Əhmədirouşənin dostu və həmkarı olmuş şəhid Rza Qaşqayinin ailə üzvləri bu gün (bazar günü) günorta İslam İnqilabının Ali Məqamlı Rəhbəri Həzrət Ayətullah Xamenei ilə mənəvi-emosional bir atmosferdə görüşdülər.
Ali Məqamlı Rəhbər Azərbaycan əhalisi ilə görüşdü
İslam İnqilabının Ali Məqamlı Rəhbəri Həzrət Ayətullah Xamenei bu gün (çərşənbə günü) səhər Azərbaycan əhalisini təmsil edən müxtəlif təbəqələrin nümayəndələri, din alimləri və rəsmilərlə görüşdü. Builki 22 bəhmən yürüşündə xalqın 10 milyonlarla nümayəndəsinin həmişəkindən daha izdihamlı və emosional iştirak etdiyinə toxunan Ali Məqamlı Rəhbər qeyd etdi ki, dəyərli İran xalqının əzəmətinin, belə ecazkar addımlara imza atmasının səbəbi onun uzaqgörənliyi və lazımi anı dəyərləndirmə bacarığıdır.
Ali Məqamlı Rəhbər Fələstinin baş naziri İsmayıl Həniyəni qəbul etdi
Fələstinin qanuni hökumətinin baş naziri cənab İsmayıl Həniyə bu səhər (bazar günü) İslam İnqilabının Ali Məqamlı Rəhbəri Həzrət Ayətullah Xamenei ilə görüşdü.
Hökumət nümayəndələri və xarici ölkələrin səfirləri ilə görüş
Böyük İslam peyğəmbəri Məhəmməd Mustafanın (s) və Həzrət İmam Sadiqin (ə) mübarək milad günü olan rəbiüləvvəl ayının 17-si ərəfəsində – bu gün (cümə günü) hökumət rəsmiləri, xalqın müxtəlif təbəqələrinin nümayəndələri, həmçinin 25-ci İslami Vəhdət Konfransında iştirak edən qonaqlar və müsəlman ölkələrini təmsil edən səfirlər Ali Məqamlı Rəhbərlə görüşdülər.
Ali Məqamlı Rəhbər Ordunun Hava Qüvvələrinin komandanları ilə görüşdü
İslam İnqilabının Ali Məqamlı Rəhbəri Həzrət Ayətullah Xamenei bu gün (çərşənbə günü) səhər İmam Xomeyni (r.ə) adına hüseyniyədə İran İslam Respublikası Ordusunun Hava Qüvvələrinin yüksək rütbəli rəsmiləri, zabit-komandan heyəti ilə görüşdü. Görüş zamanı çıxış edən Ali Baş Komandan bildirdi ki, Ordunun Hava Qüvvələrinin 1357-ci il 19 bəhmən günü (1979-cu il 8 fevral) avanqardlıq edərək cəsarətlə atdığı addımdan alınan ən mühüm dərs təşəbbüskarlığın, vaxtında hərəkətə keçməyin, gələcəyə ümidlə baxaraq irəliyə getməyin verə biləcəyi effektin dərk olunmasıdır.
İslami oyanış mövzulu beynəlxalq poeziya festivalının iştirakçıları ilə görüş
Əziz İslam peyğəmbərinin (s) mövludunun bayram edildiyi, Vəhdət həftəsinin qeyd olunduğu bu ərəfədə islami oyanış mövzusuna həsr edilmiş beynəlxalq poeziya festivalının iştirakçıları İslam İnqilabının Ali Məqamlı Rəhbəri Həzrət Ayətullah Xamenei ilə görüşdülər.
Fələstin İslam Cihadı Təşkilatının baş katibi ilə görüş
İslam İnqilabının Ali Məqamlı Rəhbəri Həzrət Ayətullah Xamenei Fələstin İslam Cihadı Təşkilatının baş katibi cənab Ramazan Abdullah və onu müşayiət edən nümayəndə heyəti ilə bu gün (çərşənbə axşamı) günortadan sonra baş tutan görüşündə qeyd etdi ki, ötən bir il ərzində baş verən dəyişiklikləri və islami oyanışı nəzərə almaqla dünyanın hazırkı reallığını Qərbin günü-gündən artan zəifliyi, İslam dünyasının isə qüdrətlənməsi kimi dəyərləndirmək olar.
Ali Məqamlı Rəhbər dünyanın 73 ölkəsindən gəlmiş müsəlman gənclərlə görüşdü
Dünyanın 73 ölkəsini, o cümlədən Misir, Tunis, Liviya, Livan, Yəmən, Bəhreyn və Fələstini təmsil edən yüzlərlə gənc bu gün (bazar ertəsi) səhər İslam İnqilabının Ali Məqamlı Rəhbəri Həzrət Ayətullah Xamenei ilə olduqca səmimi, dini və inqilabi emosiyalarla dolu bir atmosferdə görüşdü.
Ali Məqamlı Rəhbər Qum əhalisi ilə görüşdü
İslam İnqilabının Ali Məqamlı Rəhbəri Həzrət Ayətullah Xamenei bu gün (bazar ertəsi) səhər Qum şəhərində müxtəlif təbəqələri təmsil edən minlərlə insanla, ruhani alim və tələbələrlə görüşdü. Öz mühüm çıxışında Qumun 19 dey hadisəsini dünyadakı yeni dəyişikliklərin tarixinin başlanğıcı adlandıran Ali Məqamlı Rəhbər İslam dövlətinin ardıcıl olaraq qazandığı uğurlarda səbir və bəsirətin roluna toxundu.
Ali Məqamlı Rəhbər 3-cü strateji ideyalar konfransında iştirak etdi
Bu gün (çərşənbə günü) axşam yüzlərlə müətəfəkkir, tədqiqatçı, elmi əsər müəllifi, universitet və teoloji mərkəz müəllimi İslam İnqilabının Ali Məqamlı Rəhbəri Həzrət Ayətullah Xamenei ilə birgə İslam Respublikasında keçirilən sayca 3-cü strateji ideyalar konfransında iştirak edərək “Qadın və ailə” mövzusunda fikir mübadiləsi apardılar, problemin müxtəlif aspektlərini araşdırdılar.
Ali Məqamlı Rəhbər “Qadın və ailə” mövzusuna həsr edilmiş 3-cü strateji ideyalar konfransında iştirak etdi
Bu gün (çərşənbə günü) axşam yüzlərlə alim, tədqiqatçı, elmi əsər müəllifi, universitet və teoloji mərkəz müəllimi İslam İnqilabının Ali Məqamlı Rəhbəri Həzrət Ayətullah Xamenei ilə birgə İslam Respublikasında keçirilən 3-cü strateji ideyalar konfransında bir araya gələrək “Qadın və ailə” mövzusunun müxtəlif aspektlərini araşdırdı.
Ali Məqamlı Rəhbər səfirlər və XİN-in rəsmiləri ilə görüşdü
İslam İnqilabının Ali Məqamlı Rəhbəri Həzrət Ayətullah Xamenei bu gün (çərşənbə günü) səhər Xarici İşlər Naziri, XİN-in yüksək vəzifəli rəsmiləri və İİR-in müxtəlif ölkələrdəki səfirləri ilə görüşdü. Görüş zamanı o qeyd etdi ki, regiondakı islami oyanış və Qərb ölkələrində baş verənlər daha öncə rast gəlinməmiş, olduqca mühüm proseslərdir.
