Xəbərlər
Ali Məqamlı rəhbər Ordu və Keşikçi Korpusun Bəndər-Abbasda yerləşən dəniz qüvvələrində xidmət edən hərbçilər və onların ailələri ilə görüşdü
İslam İnqilabının Ali Məqamlı Rəhbəri Həzrət Ayətullah Xamenei dünən axşam Ordu və Keşikçi Korpusun Bəndər-Abbasdakı dəniz qüvvələrində xidmət edən minlərlə hərbçisi və onların ailə üzvləri ilə izdihamlı bir şəraitdə görüşdü. Görüş əsnasında çıxış edən Həzrət Ayətullah Xamenei bildirdi ki, İİR Dəniz Qüvvələrinin Fars körfəzi və Oman dənizi sahillərində səriştəli iştirakı, həmçinin bu qüvvələrin beynəlxalq sulardakı strateji fəaliyyəti İran xalqının milli qürurunun, İslam Respublikasının qüdrətinin göstəricisi olmaqla yanaşı, xalqların qürur və heysiyyətinin müjdəçisidir. Düşmənin İran xalqının milli iqtidarını zəiflətmək cəhdləri qarşısında ayıq-sayıq olmağın vacibliyini vurğulayan Ali Məqamlı Rəhbər xalqın bütün nümayəndələrini, xüsusilə də rəsmiləri, siyasi partiya və cərəyanları, cürbəcür etnik qrup və məzhəbləri birlik və həmrəyliyi qoruyub saxlamağa, hər cür ixtilaf və parçalanmadan çəkinməyə çağırdı.
Ölkənin böyük və ümumi kitabxanalarının rəhbər işçiləri və sıravi kitabxanaçılarla görüş
İslam İnqilabının Ali Məqamlı Rəhbəri Həzrət Ayətullah Xamenei ölkənin böyük və ümumi kitabxanalarının rəhbər işçiləri və sıravi kitabxanaçılardan bir qrupu ilə bugünkü görüşü zamanı müsəlman İran xalqının kitab istehsalı və kitab mütaliəsində qədim tarixi keçmişə malik olduğuna toxunaraq qeyd etdi ki, kitab istehsalı və nəşri sahəsində ölkədə mövcud olan hazırkı şərait və kitab mütaliəsi ilə bağlı statistika qaneedici deyil.
Pakistan Respublikasının prezidenti cənab Asəf Əli Zərdari və onu müşayiət edən nümayəndə heyəti ilə görüş
İslam İnqilabının Ali Məqamlı Rəhbəri Həzrət Ayətullah Xamenei Pakistan Respublikasının prezidenti cənab Asəf Əli Zərdari və onu müşayiət edən nümayəndə heyəti ilə şənbə günü günortadan sonra baş tutan görüşü zamanı iki ölə arasında dini, tarixi və mədəni baxımdan mövcud olan müştərək cəhətlərə toxunaraq Pakistan xalqını “çoxillik və dərin məzmunlu mübarizə keçmişinə malik olan böyük bir xalq” adlandırdı. O vurğuladı: “Pakistan xalqı İslam dininə etiqad edən bir xalqdır. Pakistanın istənilən irəliləyiş və uğuru İran İslam Respublikasını sevindirir”.
İran və Tehran Ticarət Palatalarının sədrləri və idarə heyəti üzvləri ilə görüş
İslam İnqilabının Ali Məqamlı Rəhbəri Həzrət Ayətullah Xamenei bu gün səhər İran və Tehran Ticarət Palatalarının sədrləri və idarə heyəti üzvləri ilə görüşü zamanı cari ilin “İqtisadi cihad ili” adlandırılmasına toxunaraq qeyd etdi ki, bu böyük cihadda müvəffəqiyyət qazanmağın ilkin şərti ölkədəki şəraiti düzgün və optimist qiymətləndirmək və bunu ictimaiyyətin diqqətinə çatdırmaqdır.
Mehdiçilik üzrə ixtisaslaşmış ustadlar, mütəxəssislər, müəlliflər və məzunlarla görüş
İslam İnqilabının Ali Məqamlı Rəhbəri Ayətullah Xamenei mehdiçilik üzrə ixtisaslaşmış ustadlar, mütəxəssislər, müəlliflər və məzunlarla bugünkü görüşü zamanı tarix boyu peyğəmbərlərin fəaliyyətinin və qatlaşdıqları əziyyətlərin hədəfi kimi, mehdiçilik mövzusunun çox yüksək əhəmiyyət kəsb etdiyinə toxunaraq qeyd etdi ki, İmamın (ə.f) zühurunu gözləmək mehdiçilik əqidəsinin ayrılmaz hissəsidir.
28-ci Beynəlxalq Quran Müsabiqəsində iştirak etmiş ustadlar, münsiflər, Quran hafizləri və qarilərlə görüş
İslam İnqilabının Ali Məqamlı Rəhbəri Həzrət Ayətullah Xamenei bu gün səhər ölkədə keçirilmiş 28-ci Beynəlxalq Quran Müsabiqəsində iştirak etmiş ustadlar, münsiflər, Quran hafizləri və qarilərlə, habelə ölkənin Quran ictimaiyyətinin bir qrup təmsilçisi ilə görüşdü. Ali Məqamlı Rəhbər Quranı İslam ümmətinin vəhdət, izzət və iqtidarının ən mühüm amili adlandıraraq qeyd etdi ki, region xalqlarının qiyamı Quranda əksini tapmış ilahi vədlərin qəti surətdə gerçəkləşməsinin açıq-aydın nişanəsidir.
Keşikçi Korpusun komandanları və Vəli-fəqihin Korpus üzrə Nümayəndəliyinin rəsmiləri ilə görüş
İslam İnqilabının Ali Məqamlı Rəhbəri Həzrət Ayətullah Xamenei İslam İnqilabı Keşikçiləri Korpusunun komandanları və Vəli-fəqihin Korpus üzrə Nümayəndəliyinin rəsmiləri ilə bugünkü görüşündə qeyd etdi ki, İslam İnqilabının həqiqi keşikçisi olmaq İslam dövlətinin müəyyən edilmiş uca amallara doğru mütərəqqi, sürətli, optimist və inqilabi hərəkatını qorumaqdır.
Hökumət rəsmiləri və xalqın müxtəlif təbəqələrinin nümayəndələri ilə görüş
İslam İnqilabının Ali Məqamlı Rəhbəri Həzrət Ayətullah Xamenei bu gün səhər hökumət rəsmiləri və xalqın müxtəlif təbəqələrinin nümayəndələri ilə görüşdü. İran xalqını və İslam ümmətini mübarək Məbəs bayramı münasibətilə təbrik edən Ali Məqamlı Rəhbər qeyd etdi ki, besət günü – yəni İslam peyğəmbəri Həzrət Məhəmmədin (s) peyğəmbərlik missiyası üçün seçildiyi gün Allahın ən böyük neməti, ilin ən gözəl və bərəkətli günüdür.
Məhkəmə Hakimiyyətinin sədri, yüksək vəzifəli rəsmiləri, habelə ədliyyə orqanlarında çalışan bir qrup hakim və digər əməkdaşlarla görüş
İslam İnqilabının Ali Məqamlı Rəhbəri Həzrət Ayətullah Xamenei Məhkəmə Hakimiyyətinin sədri, yüksək vəzifəli rəsmiləri, habelə ədliyyə orqanlarında çalışan bir qrup hakim və digər əməkdaşlarla bu gün səhər baş tutan görüşündə qeyd etdi ki, İran xalqının ötən 33 il ərzindəki tərəqqi və irəliləyişinin başlıca amili çətinliklər qarşısında gözüaçıqlıqla göstərdiyi səbirdir.
Sudan Respublikasının prezidenti və onu müşayiət edən nümayəndə heyəti ilə görüş
İslam İnqilabının Ali Məqamlı Rəhbəri Həzrət Ayətullah Xamenei bu gün günortadan qabaq Sudan Respublikasının prezidenti Ömər Əl-Bəşir və onu müşayiət edən nümayəndə heyəti ilə görüşdü. Ali Məqamlı Rəhbər son dövrdə regionda baş qaldırmış xalq hərəkatlarının müsəlman ölkələrində və regionda əsaslı bir dəyişikliyin başlanğıcı olduğunu qeyd edərək bildirdi: “Ümidvaram ki, yaxın gələcəkdə Şimali Afrikada möhkəm bir müsəlman ittifaqının şahidi olacağıq”.
Pakistan Respublikasının prezidenti cənab Asəf Əli Zərdari ilə görüş
Həzrət Ayətullah Xamenei həmçinin Pakistan Respublikasının prezidenti cənab Asəf Əli Zərdari ilə bu gün günortadan sonra baş tutan görüşündə qeyd etdi ki, İran və Pakistan xalqlarını birləşdirən tarixi, mədəni və dini bağlar iki ölkə arasındakı münasibətlərin mümkün qədər çox genişləndirilməsi üçün zəmin yaradır. Ali Məqamlı Rəhbər Tehran-İslamabad əlaqələrinin hərtərəfli surətdə gücləndirilməli olduğunu da vurğuladı.
İraq Respublikasının prezidenti cənab Cəlal Talebani ilə görüş
İslam İnqilabının Ali Məqamlı Rəhbəri Həzrət Ayətullah Xamenei İraq Respublikasının prezidenti cənab Cəlal Talebani ilə bu gün günortadan sonra baş tutan görüşü zamanı bildirdi ki, İraq və regionun problemlərinin mənşəyi amerikalıların bu ölkəyə qəsbkar müdaxiləsidir. O dedi: “Bu müstəmləkəçi müdaxiləyə baxmayaraq, regionda gedən proseslər Amerikanın Orta Şərq siyasətinin zəifləməyə doğru getdiyini göstərir və xalqlar bu reallıqdan yararlanmalıdır”.
Əfqanıstan Respublikasının prezidenti cənab Hamid Kərzay və onu müşayiət edən nümayəndə heyəti ilə görüş
İslam İnqilabının Ali Məqamlı Rəhbəri Həzrət Ayətullah Xamenei Əfqanıstan Respublikasının prezidenti cənab Hamid Kərzay və onu müşayiət edən nümayəndə heyəti ilə bu gün günortadan əvvəl keçirdiyi görüşdə qeyd etdi ki, İran İslam Respublikası yadellilərin Əfqanıstandan çıxarılmasını, əfqan xalqının həqiqi hakimiyyət və istiqlalının bərqərar edilməsini arzulayır.
Ali Məqamlı Rəhbər dini mövzuda şerlər yazan bir qrup sənət adamı ilə görüşdü
Əmirəl-möminin Əli ibn Əbi-Talibin (ə) mübarək doğum günü ərəfəsində Ali Məqamlı Rəhbərin görüşünə gələn şer-sənət adamlarından bir qrupu əksəriyyət etibarilə din, əxlaq, habelə islami oyanış mövzularına həsr etdikləri əsərlərindən bəzilərini onun üçün oxudular.
Ali Məqamlı Rəhbər Mədəni İnqilab Ali Şurasının sədri və şura üzvləri ilə görüşdü
İslam İnqilabının Ali Məqamlı Rəhbəri Həzrət Ayətullah Xamenei Mədəni İnqilab Ali Şurasının sədri və şura üzvləri ilə bu gün günortadan sonra baş tutan görüşündə xalqın milli kimliyini, mənəvi portretini ifadə edən bir anlayış kimi mədəniyyətin olduqca yüksək rola malik olduğunu qeyd etdi. Mədəniyyətin geniş bir dairəni əhatə etdiyini, fərdi və sosial həyatın müxtəlif sferalarına dərindən təsir göstərdiyini vurğulayan Həzrət Ayətullah Xamenei Mədəni İnqilab Ali Şurasının öhdəsinə böyük və önəmli vəzifə düşdüyünü bildirərək dedi: “İmperializm cəbhəsinin mədəniyyət sahəsində İslam dövləti əleyhinə geniş əhatəli və dolaşıq hücumlar həyata keçirdiyi bir şəraitdə aidiyyəti olan mərkəz və qurumlar, habelə icraçı sektorlar üçün strateji siyasətləri müəyyən etmək, onları istiqamətləndirmək vəzifəsi bu meydanda baş qərargah sayılan Mədəni İnqilab Ali Şurasının öhdəsinə düşür”.
Ali Məqamlı Rəhbər İmam Xomeyninin (r.ə) vəfatının 21-ci ildönümü ilə əlaqədar keçirilən mərasimdə iştirak etdi
Bu gün – ümmətin İmam Xomeynidən (r.ə) ayrı düşdüyü günün 21-ci ildönümündə mömin və qədirbilən İran xalqı “Ruh-e xoda” (Allahın ruhu) adı verdiyi imamın müqəddəs hərəmini İran insanının İmam Xomeyni məktəbinə və kursuna dərin sədaqətinin təcəssüm etdiyi məkana çevirdi, ən coşqun emosiyalarını ifadə etməklə bir daha dahi Xomeyninin layiqli davamçısı Həzrət Ayətullah Xameneiyə ayıq-sayıq, gözüaçıq və mübariz olacağını söz verdi.
Ali Məqamlı Rəhbər İslami Şura Məclisinin sədri və deputatlarla görüşdü
İslam İnqilabının Ali Məqamlı Rəhbəri Həzrət Ayətullah Xamenei İslami Şura Məclisinin Sədri və deputatlarla bu gün səhər baş tutan görüşündə imperialistlərin İran iqtisadiyyatını zəiflətmək, rəsmilər arasında ixtilaf yaratmaq, dini əqidə və emosiyaları donuqlaşdırmaq üçün hazırladıqları ssenari haqda ətraflı danışaraq parlament və hökumət arasında qarşılıqlı koordinasiyanın vacibliyini, son sözün qanuna aid olduğunu vurğuladı.
Ali Məqamlı Rəhbər əsərlərini pak və məsum Əhli-Beytə (ə) həsr edən şer-sənət adamlarından bir qrupu ilə görüşdü
İki aləmin ən üstün xanımı, sonuncu peyğəmbər Məhəmmədin (s) qızı Həzrət Fatimeyi-Zəhranın (s.ə) və xanımın bərəkətli övladı İmam Xomeyninin (r.ə) mübarək doğum günündə İslam İnqilabının Ali Məqamlı Rəhbəri Həzrət Ayətullah Xameneinin iştirakı ilə bu iffətli və əsl-nəcabətli qadının fəzilətli, tərifəlayiq keyfiyyətlərinin şerin-sözün dili ilə mədh olunduğu mövlud mərasimi keçirildi.
