Xəbərlər
Ali Məqamlı Rəhbər “Təbii sərvətlər” həftəsi çərçivəsində ən böyük şəhər botanika bağının əsasının qoyulması mərasimində iştirak etdi
Bu gün “Təbii sərvətlər” həftəsi çərçivəsində İslam İnqilabının Ali Məqamlı Rəhbəri Həzrət Ayətullah Xameneinin iştirakı ilə Tehran şəhərinin cənubunda – Hava Qüvvələri qarnizonunun əvvəlki yerində – ölkədə ən böyük botanika bağının əsasının qoyulmasına rəsmi surətdə start verildi.
Ali Məqamlı Rəhbər Kəşfiyyat Nazirliyində oldu, İmam Zamanın (ə.f) məxfi əsgərlərinin fəaliyyəti və nailiyyətləri ilə tanış oldu
Bu gün səhər Kəşfiyyat Nazirliyində olan İslam İnqilabının Ali Məqamlı Rəhbəri Həzrət Ayətullah Xamenei İmam Zamanın (ə.f) məxfi əsgərlərinin fəaliyyətini və nailiyyətlərini əks etdirən sərgiyə baxış keçirməklə yanaşı, nazirliyin rəhbər işçiləri, ekspertləri və kadrları ilə də görüşdü. Nazirliyin yerləşdiyi məkana daxil olan zaman əvvəlcə şəhid olmuş üç məxfi əsgərin məzarını ziyarət edən Ali Məqamlı Rəhbər “Fatihə” oxuyaraq Müqəddəs Müdafiədə şəhid olan insanların xatirəsini ehtiramla yad etdi.
Hökumət adamları, müsəlman ölkələrinin səfirləri və xalqın müxtəlif təbəqələrinin nümayəndələri ilə görüş
: İslam İnqilabının Ali Məqamlı Rəhbəri Həzrət Ayətullah Xamenei hökumət adamları, müsəlman ölkələrinin səfirləri və xalqın müxtəlif təbəqələrinin nümayəndələri ilə bu gün səhər baş tutan görüşündə iştirakçıları İslamın əzəmətli peyğəmbərinin (s) və İmam Sadiqin (ə) mübarək doğum günləri münasibətilə təbrik edərək qeyd etdi ki, regiondakı bəzi xalqların oyanışı bəşərin “İslam dini və əziz İslam peyğəmbəri” kimi həyatverici bir günəşdən bəhrələnmə qabiliyyətinin artmasının əlamətidir.
Ali Məqamlı Rəhbər ölkədə baş tutan 24-cü İslami Vəhdət Konfransının iştirakçıları ilə görüşdü
İslam İnqilabının Ali Məqamlı Rəhbəri Həzrət Ayətullah Xamenei ölkədə baş tutan 24-cü İslami Vəhdət Konfransında iştirak etmək üçün gəlmiş qonaqlar və İslam mütəfəkkirləri ilə bugünkü görüşündə İslam dünyasında mövcud olan hazırkı şəraiti “olduqca həssas və tarixi bir period” adlandıraraq vurğuladı: “Bu həssas periodu düzgün dərk etmək, camaatın dinə imanını möhkəmləndirmək, vəhdəti qorumaq, Amerikanın ehtişamından qorxmamaq, Allahın möminlərə verdiyi qələbə vədinə optimist yanaşmaq bu gün İslam dünyasında milyonların həyata keçirdiyi misilsiz hərəkatın uğuru və qələbəsi üçün zəmin yarada bilər”.
Ali Məqamlı Rəhbərin Türkiyə Respublikasının prezidenti ilə görüşü
İslam İnqilabının Ali Məqamlı Rəhbəri Həzrət Ayətullah Xamenei bu gün Türkiyə Respublikasının dövlət başçısı cənab Abdullah Gül və onu müşayiət edən nümayəndə heyəti ilə görüşündə İran İslam Respublikası və Türkiyəni “iki müsəlman, dost və qardaş ölkə” adlandıraraq vurğuladı: “Ötən uzun illərlə müqayisədə hal-hazırda İran və Türkiyə arasında iqtisadi və siyasi baxımdan yüksək səviyyəli əlaqələr mövcuddur. Bu tarixi şansdan hər iki ölkənin malik olduğu bütün geniş imkanların reallaşdırılması istiqamətində istifadə olunmalıdır”.
Ali Məqamlı Rəhbər Hərbi Hava Qüvvələrində xidmət edən komandir, zabit, pilot və digər kadrlardan bir qrupu ilə görüşdü
İslam İnqilabının Ali Məqamlı Rəhbəri Həzrət Ayətullah Xamenei Ordunun Hava Qüvvələrində və Hava Hücumundan Müdafiə Qərargahında xidmət edən komandir, zabit, pilot və digər kadrlardan böyük bir qrupu ilə bu gün baş tutan görüşündə qeyd etdi ki, İslam Respublikasının sarsılmazlığının, bu dövlətin başqa xalqlar üçün nümunəyə çevrilməsinin başlıca amili İran xalqının öz prinsip və dəyərləri, xüsusilə də İslam dini üzərində mətinliklə durması, mübarizə aparmasıdır.
Ali Məqamlı Rəhbərin imamətliyi ilə Tehran şəhərində cümə namazı qılındı
İslam İnqilabının Ali Məqamlı Rəhbəri Həzrət Ayətullah Xamenei Tehran şəhərində qılınan cümə namazında, şəhərin imanlı və inqilabçı əhalisinin möhtəşəm izdihamı qarşısında qeyd etdi ki, bu ilin “Fəcr dekadası” və 22 Bəhmən Günü fərqli həyəcan və emosiya ilə yaşanır.
Ali Məqamlı Rəhbər şəhid professorlar Məcid Şəhriyari və Məsud Əliməhəmmədinin evlərində oldu
İslam İnqilabının Ali Məqamlı Rəhbəri Həzrət Ayətullah Xamenei cümə axşamı gecəsi şəhid professorlar Məcid Şəhriyari və Məsud Əliməhəmmədinin evlərində oldu. Şəhidlərin ailə üzvləri ilə səmimi və mehriban bir atmosferdə görüşüb söhbətləşən Ali Məqamlı Rəhbər “elm və din şəhidlərinin” yaxınları və övladlarının böyük səbir və dözüm nümayiş etdirməsini yüksək qiymətləndirdiyini dedi.
Ali Məqamlı Rəhbər Xatəmül-Ənbiya (s.ə.a.s) adına Hava Hücumundan Müdafiə Qərargahının komandirini təyin etdi
İslam İnqilabının Ali Məqamlı Rəhbəri və Silahlı Qüvvələrin Ali Baş Komandanı Həzrət Ayətullah Xamenei verdiyi fərmanla general Fərzad İsmailini Xatəmül-Ənbiya (s.ə.a.s) adına Hava Hücumundan Müdafiə Qərargahının komandiri vəzifəsinə təyin etdi.
Ali Məqamlı Rəhbər minlərlə Qum sakini ilə görüşdü
İslam İnqilabının Ali Məqamlı Rəhbəri Həzrət Ayətullah Xamenei minlərlə Qum sakini ilə bugünkü görüşündə qeyd etdi ki, uzaqgörənlik və şəraiti düzgün qiymətləndirmək bacarığı, məsuliyyət hissi və zəruri anda meydanda var olmaq ilahi sınaqlardan müvəffəqiyyətlə çıxmağa imkan verən, habelə maddi və mənəvi tərəqqi üçün zəmin yaradan üç başlıca amildir. O vurğuladı: “Ötən 30 il ərzində cürbəcür ilahi sınaqlardan müvəffəqiyyətlə keçmiş İran xalqı bu gün özünün səadət və mükəmməlliyin zirvələrinə, gözəl dünya və axirət həyatına aparan yoluna hər zaman olduğundan daha qüdrətli şəkildə, güclü əzm və iradə ilə, ayıq-sayıqlıqla, bir yumruqda birləşərək davam edəcək”.
Ali Məqamlı Rəhbər Gilan vilayətində əhalinin müxtəlif təbəqələrilə görüşdü
İslam İnqilabının Ali Məqamlı Rəhbəri Həzrət Ayətullah Xamenei bu gün səhər xalqın müxtəlif təbəqələrini təmsil edən minlərlə gilanlı ilə görüşündə qeyd etdi ki, daimi əzmkarlıq, gözüaçıqlıq, dərin düşüncə və ayıq-sayıqlıq İran xalqını yüksəliş və tərəqqinin zirvələrinə doğru aparan başlıca amillərdir.
Ali Məqamlı Rəhbər Qətərin əmiri və onu müşayiət edən nümayəndə heyəti ilə görüşdü
İslam İnqilabının Ali Məqamlı Rəhbəri Həzrət Ayətullah Xamenei bu gün səhər Qətər dövlətinin əmiri Şeyx Həməd İbn Xəlifə Ali-Sani və onu müşayiət edən nümayəndə heyəti ilə görüşündə regionda, xüsusilə də Fars körfəzi regionunda təhlükəsizliyin əhəmiyyətinə toxunaraq vurğuladı: “Fars körfəzi regionunda təhlükəsizliyin əhəmiyyətini təkcə bu və ya digər dövlətə aid etmək olmaz, çünki regionda təhlükəsizliyin bərqərar edilməsi oradakı bütün ölkələrin xeyrinə, pozulması isə hamısının zərərinə olacaq”.
Həcc ziyarətinin təşkilatçıları və məsul rəsmiləri ilə görüş
İslam İnqilabının Ali Məqamlı Rəhbəri Həzrət Ayətullah Xamenei İran İslam Respublikasında həcc ziyarətinin təşkilatçıları və məsul rəsmiləri ilə görüşdə cari ildə mərasimin yaxşı təşkil olunduğunu qeyd edərək dedi: “Keçmişdəki səy və zəhmətlərlə yanaşı, builki həcdə görülən müsbət və faydalı tədbirləri də diqqətə alaraq hər il tətbiq etməyə çalışın”.
Ali Məqamlı Rəhbər “İran-İslam modelli tərəqqi” mövzusunda ilk strateji ideyalar konfransında iştirak etdi
Həftənin çərşənbə günü, axşam çağı təşkil olunmuş İran İslam Respublikasında ilk strateji ideyalar konfransında İslam İnqilabının Ali Məqamlı Rəhbəri və universitetlərdə, elmi-teoloji mərkəzlərdə fəaliyyət göstərən onlarla mütəfəkkir, professor və mütəxəssis “İran-İslam modelli tərəqqinin əsasları, özəllikləri və müxtəlif aspektləri”ni müzakirə etməyə və araşdırmağa başladılar.
Livanın baş naziri Səd Həriri və onu müşayiət edən nümayəndə heyəti ilə görüş
İslam İnqilabının Ali Məqamlı Rəhbəri Həzrət Ayətullah Xamenei bu gün səhər Livanın baş naziri Səd Həriri və onu müşayiət edən nümayəndə heyəti ilə görüşdə Livanı “əhəmiyyətli və qəsbkar sionist rejiminə qarşı mübarizədə ön cəbhədə duran ölkə” adlandıraraq bunları vurğuladı: “İran İslam Respublikası Livanı abad, xoşbəxt, nüfuzlu və inkişaf etmiş bir ölkə kimi görmək istəyir”.
İİR Ordusunun Hərbi Dəniz Donanmasının komandanı və komandanlığın müavinləri ilə görüş
İslam İnqilabının Ali Məqamlı Rəhbəri və Silahlı Qüvvələrin Ali Baş Komandanı Həzrət Ayətullah Xamenei bu gün İran İslam Respublikası Ordusunun Hərbi Dəniz Donanmasının komandanı və komandanlığın müavinləri ilə görüşdə bildirdi ki, kadr potensialının gücləndirilməsi, donanmanın şəxsi heyətinə istedadlı kadrların cəlb edilməsi əhval-ruhiyyəsi və irəli sürülən təşəbbüslərin araya-ərsəyə gətirilməsi Hərbi Dəniz Donanmasının gələcəyi üçün vacibdir. O dedi: “Bu mühüm iş güclü iradə, müsbət planlaşdırma, daimi və yeni metodlu idarəçilik sayəsində reallaşa bilər”.
Ali Məqamlı Rəhbər 110 min nəfərə yaxın bəsici ilə görüşdü
İslam İnqilabının Ali Məqamlı Rəhbəri Həzrət Ayətullah Xamenei imamət və dini rəhbərlik bayramı olan mübarək Qədir-Xum bayramında və 5 Azər – İran İslam Respublikasında bəsic qüvvələrinin formalaşdırılmasının ildönümü ərəfəsində 110 min nəfərə yaxın bəsici ilə görüşdü. Ali Məqamlı Rəhbər qeyd etdi ki, əzəmətli bir hadisə olan Qədir-Xum hadisəsinin gerçək mahiyyəti tarixdə imamətin, ədalətli və bütün bəşər cəmiyyətinə səadət bəxş edəcək hökumətin təcəssüm etməsidir. O, bəsicin misilsiz dərəcədə parlaq mahiyyətinə də toxunaraq dedi: “Bəsicilərin varlığını davam etdirməsi, ixlasını, uzaqgörənliyini və mətinliyini gücləndirməsi mömin İran xalqının sonda qəti qələbə qazanacağı barədə verilmiş sadiq ilahi vədin gerçəkləşməsinin simvoludur”.
Ali Məqamlı Rəhbər minlərlə İsfahan sakini ilə görüşdü
İslam İnqilabının Ali Məqamlı Rəhbəri Həzrət Ayətullah Xamenei minlərlə İsfahan sakini ilə emosional bir atmosferdə baş tutan izdihamlı görüşdə qeyd etdi ki, İran xalqının müvəffəqiyyətlərinin sirri onun imanında və dini dəyərlərə sadiqliyindədir. Ali Məqamlı Rəhbər həmçinin vurğuladı: “İran xalqı bu bərəkətli sədaqətini daha da möhkəmləndirmək sayəsində bütün sferalarda avanqard və qalib olacaqdır. Düşmənin isə həmişə olduğu kimi, arzuları puç olacaq, məyus və ümidsiz bir vəziyyətdə qalacaq!”
