خبریں
رہبر معظم انقلاب اسلامی حضرت آیت اللہ العظمی خامنہ ای نے آج فوج کے سربراہ اور بعض اعلی کمانڈروں سے ملاقات میں انقلاب اسلامی کی کامیابی کے بعد فوج کے تشخص کو دینی اور انقلابی تشخص میں تبدیلی کو ایک بہت بڑی تبدیلی قراردیتے ہوئے فرمایا: فوج میں اس دینی اور انقلابی تشخص کی حفاظت کرنے ، دینداری کے جذبے کو مضبوط بنانے، انقلابی جذبہ ، خلاقیت ، راسخ عزم ، عوامی رابطہ ، خود اعتمادی ، بڑے کارناموں کو جرات و ہمت کے ساتھ سرانجام دینے کا ولولہ اور جوانوں کی خدا داد صلاحیتوں کو شکوفہ بنانے کے لئے راہیں ہموار کرنے کا سلسلہ قوت کے ساتھ جاری رہنا چاہیے۔
رہبر معظم کی اسلامی وحدت منشور کی تدوین پر تاکید
رہبر معظم انقلاب اسلامی حضرت آیت اللہ العظمی خامنہ ای نے سترہ ربیع الاول عید میلاد النبی (ص) اور حضرت امام جعفر صادق (ع) کی ولادت باسعادت کی مناسبت سے اعلی ایرانی حکام ، ایران میں اسلامی ممالک کے سفراء اور وحدت کانفرنس میں شریک مہمانوں سے ملاقات میں اس مبارک عید کے موقع پرتمام مسلمانوںنیزایرانی عوام کو مبارک باد پیش کی اور اسلامی تشخص کے احیاء ، اسلامی بیداری کی ناقابل انکار حقیقت اور عالم اسلام میں عزت و عظمت کی سمت حرکت ، استقلال اور علمی پیشرفت کی طرف اشارہ کرتے ہوئے فرمایا: آج عالم اسلام کی سب سے اہم ضرورت اور مسلمانوں کی تمام مشکلات کا حقیقی حل اتحاد اور اسلامی انسجام میں ہے اور اسی بنیاد پر مسلم علماء و مفکرین اور روشن خیال افراد کواسلامی وحدت منشور کو ایک تاریخی ضرورت کے عنوان سے تدوین کرنا چاہیے۔
رہبر معظم کا حرم امام رضا (ع) میں لاکھوں زائرین اور مجاروین سے خطاب
رہبر معظم انقلاب اسلامی حضرت آیت اللہ العظمی خامنہ ای نے آج عصر کے وقت حضرت امام رضا (ع) کے حرم میں لاکھوں زائرین اور مجاروین کے شاندار اجتماع میں ایک آزاد ، خوشحال ، سربلند اور علمی ترقی و پیشرفت کے آئینہ دارملک کوایرانی عوام کی آرزو قراردیتے ہوئے فرمایا: ایران نے ایٹمی ٹیکنالوجی کے حصول میں بین الاقوامی اصول و قوانین کے مطابق عمل کیا ہے لیکن اگر وہ سکیورٹی کونسل کے ذریعہ بین الاقوامی قانون اور ایرانی عوام کے مسلّم حقوق کو نظر انداز کرنے کی کوشش کریں گے تو ہم بھی قانون کو نظر انداز کرسکتے ہیں اورکریں گے۔
رہبر معظم کی مجمع تشخیص مصلحت نظام کے سربراہ اور اراکین سے ملاقات
رہبر معظم انقلاب اسلامی حضرت آیت اللہ العظمی خامنہ ای نے آج مجمع تشخیص مصلحت نظام کے سربراہ اور اراکین سے ملاقات میں مجمع کی تشکیل اور بنیادی آئین میں اس کو مد نظر رکھنا امام خمینی(رہ) کا یادگار کارنامہ اور بہترین حکمت عملی قراردیتے ہوئے فرمایا: مجمع تشخیص مصلحت نظام ایک اہم ، عظیم اور فیصلہ کن ادارہ ہے جو اہم مقام کا حامل ہے جس میں مختلف رجحانات رکھنے والی زبدہ اور عظیم شخصیتیں موجود ہیں، اس کی ذمہ داری مشورت اور اسلامی اقدار اور اسلامی نظام کے دائرے میں رہ کرتشخیص مصلحت اور تینوں قوا اور حکومتی اداروں کو زیادہ سے زیادہ سرگرم اور فعال بنانا ہے۔
رہبر معظم سے خبرگان کونسل کے چوتھے دورکے منتخب نمائندوں کی ملاقات
رہبر معظم انقلاب اسلامی حضرت آیت اللہ العظمی خامنہ ای نے آج صبح خبرگان کونسل کے چوتھے دورمیں قوم کے منتخب نمائندوں سے ملاقات میں ملک اوراسلامی نظام کے موجودہ مقام و منزلت کو انقلاب اسلامی کے بعد کے تمام برسوں کی نسبت بےمثال قراردیتے ہوئے فرمایا: قوم اور حکام انقلاب کے استمرار یعنی " صبر و شکر" اور کامیابی کے اصلی عوامل پر تکیہ کرتے ہوئے کامیابی اور کامرانی کے راستے پر گامزن رہیں گے۔
رہبر معظم سے دفعہ 44 کی کلی پالیسیوں کے اجرائی اہلکاروں اور حکام کی ملاقات
رہبر معظم انقلاب اسلامی حضرت آیت اللہ العظمی خامنہ ای نے آج صبح دفعہ 44 کی کلی پالیسیوں کے اجرائی اہلکاروں اور حکام کے ساتھ ملاقات میں اپنے اہم بیان میں ان پالیسیوں کو عملی جامہ پہنانے کے سلسلے میں کوششوں کو جہاد سے تعبیر کیا اور تینوں قوا اور مختلف اداروں کی ذمہ داریوں کی وضاحت کرتے ہوئے فرمایا: اگر تمام حکام اور ادارے ہمت سے کام لیں تو آئندہ 2 یا 3 برسوں میں دفعہ 44 کے نفاذ کے اچھے نتائج سامنے آنا شروع ہوجائیں گے۔ اور ملک کے تابناک مستقبل کی امیدوں میں اضافہ ہوجائے گا۔
رہبر معظم سے شام کے صدر کی ملاقات
رہبر معظم انقلاب اسلامی حضرت آیت اللہ العظمی خامنہ ای نے آج شام کے صدر بشار اسد اور ان کے ہمراہ وفد سے ملاقات میں دونوں ممالک کو ایکدوسرے کے لئے اہم اور اسٹراٹجیک قراردیتے ہوئے فرمایا: شام کے ساتھ جمہوری اسلامی ایران کے 28 سالہ گہرے ، دیرینہ اور ممتازروابط علاقہ میں بے نظیر ہیں اور ان روابط کو زیادہ سے زیادہ مضبوط و مستحکم بنانے پرتوجہ مبذول کرنی چاہیے۔
رہبرمعظم سے مشرقی آذربائیجان کے ہزاروں افراد کی ملاقات
رہبر معظم انقلاب اسلامی حضرت آیت اللہ العظمی خامنہ ای نے آج مشرقی آذربائیجان کے ہزاروں افراد سےملاقات میں اس سال 22 بہمن کے موقع پر عوام کی عظیم حرکت اور ریلیوں میں پرجوش اور ولولہ انگیز شرکت پر تہہ دل سے شکریہ ادا کیا اورایرانی عوام کی شجاعت، غیرت ، انقلابی عزم اور دینی تشخص اور انقلاب اسلامی کے ساتھ ان کی مضبوط و مستحکم وابستگی کو انقلاب اسلامی کا سب سے قوی اورمضبوط نقطہ قراردیتے ہوئے فرمایا:
رہبر معظم سے فضائیہ کے کمانڈروں اور ہزاروں اہلکاروں کی ملاقات
رہبر معظم انقلاب اسلامی حضرت آیت اللہ العظمی خامنہ ای نے آج صبح ایرانی فضائیہ کے کمانڈروں اورفضائیہ کے ہزاروں اہلکاروں سے ملاقات میں ایرانی قوم کے جوش و جذبہ کو کمزور کرنے کے لئے نفسیاتی جنگ چھیڑنےکو دشمنوں کی کمزوری اور ضعف کا مظہر قراردیتے ہوئے فرمایا: ملک بھر میں ایران کی عظیم قوم 22 بہمن کے دن پہلے سے کہیں زیادہ جوش و ولولہ کے ساتھ میدان میں حاضر ہوگی اور دنیا پر واضح کرےگی کہ وہ طاقت و قدرت کے ساتھ اپنے قابل فخر راستے پر گامزن رہےگی۔
رہبر معظم سے فلسطینی تنظیم جہاد اسلامی کے سکریٹری کی ملاقات
رہبر معظم انقلاب اسلامی حضرت آیت اللہ العظمی خامنہ ای نے فلسطینی تنظیم جہاد اسلامی کے سکریٹری سے ملاقات میں فرمایا: عالم اسلام کو مسجد الاقصی کے بارے میں اسرائیل کی توہین آمیز حرکات پر شدید رد عمل ظاہر کرنا چاہیے۔
رہبر معظم کی پاکستان کے صدر مشرف سے ملاقات
رہبر معظم انقلاب اسلامی حضرت آیت اللہ العظمی خامنہ ای نے آج سہ پہر کو پاکستان کے صدر سے ملاقات میں ایران اور پاکستان کی دو ملتوں کے درمیان بہت سے تاریخی ، ثقافتی اور مذہبی اشتراکات کی طرف اشارہ کرتے ہوئے دونوں ممالک کے تعلقات کے فروغ میں سیاسی اور اقتصادی ظرفیتوں سے استفادہ کرنے پر تاکید کی۔
رہبر معظم سےمجلس اعلی انقلاب اسلامی عراق کے سربراہ کی ملاقات
رہبر معظم انقلاب اسلامی حضرت آیت اللہ خامنہ ای نے آج مجلس اعلی انقلاب اسلامی عراق کے سربراہ آقای سید عبدالعزیز حکیم کے ساتھ ملاقات میں ، ایرانی اور عراقی عوام کے باہمی روابط کو مستحکم قراردیتے ہوئے فرمایا: دونوں ممالک کے دیرینہ تاریخی ،ثقافتی ، دینی روابط اور طولانی سرحدیں باہمی تعلقات کے پشتپناہ ہیں اور جمہوری اسلامی ایران ہمیشہ عراق کی ارضی سالمیت ، امن و سلامتی اور اس کی تعمیر و ترقی اور پیشرفت وتوسیع کا خواہاں ہے۔
رہبر معظم سے روس کی اعلی قومی سلامتی کونسل کے سکریٹری کی ملاقات
رہبر معظم انقلاب اسلامی حضرت آیت اللہ العظمی خامنہ ای نے آج سہ پہر کو روس کی اعلی قومی سلامتی کونسل کے سکریٹری جناب ایگور ایوانف سے ملاقات میں ایران اور روس کے درمیان تعلقات کے فروغ پر تاکید اور اسے دونوں ممالک کے مفادات میں قراردیتے ہوئے فرمایا: دونوں ممالک سیاسی ، اقتصادی، علاقائی اور بین الاقوامی مسائل میں باہمی تعاون کے ساتھ اہم نقش ایفا کرسکتے ہیں۔
رہبر معظم سے حج کے انتظامی اہلکاروں کی ملاقات
رہبر معظم انقلاب اسلامی حضرت آیت اللہ العظمی خامنہ ای نے ادارہ حج کے انتظامی اہلکاروں سے ملاقات میں ان کی طرف مراسم حج کے سلسلے میں کی جانے والی کوششوں کو سراہا، اور ثقافتی فعالیت و تبلیغ کے سلسلے میں حج کو اہم اور غنیمت موقع قراردیتے ہوئے فرمایا: حجاج بیت اللہ الحرام کے درمیان آگاہی اور بیداری پیدا کرنے کے لئے نئے اور جدید طریقوں سے استفادہ کرنا چاہیے۔
رہبر معظم سے ابن میثم بحرانی کے دوسرے سمینار کے شرکاء کی ملاقات
رہبر معظم انقلاب اسلامی حضرت آیت اللہ العظمی خامنہ ای نےابن میثم بحرانی کے دوسرے سمینار کے شرکاء سے ملاقات میں شیعہ اورسنی علماء کے درمیان ہمفکری اور باہمی خیالات کے تبادلے پر تاکید کرتے ہوئے فرمایا: عالم اسلام میں اتحاد و یکجہتی کا ایک اعلی اور ممکن ہدف ہے اور علماء اسلام کو اس سلسلے میں اپنی سنگین ذمہ داریوں کو پورا کرنا چاہیے۔
رہبر معظم سے صدر احمدی نژاد کی ونزوئلا ، نیکاراگوئہ اور اکواڈور کے دورے سے قبل ملاقات
صدر احمدی نژاد نےرہبر معظم انقلاب اسلامی حضرت آیت اللہ العظمی خامنہ ای سے ونزوئلا ، نیکاراگوئہ اور اکواڈور کے ممالک کے دورے سے قبل ملاقات کی۔
رہبر معظم کی عید غدیر خم کے موقع پر قم کے عوام کے مختلف طبقات سے ملاقات
رہبر معظم انقلاب اسلامی حضرت آیت اللہ العظمی خامنہ ای نے عید اللہ الاکبر، عید سعید غدیر خم کی مناسبت سے قم کے عوام کے مختلف طبقات سے ملاقات میں اس مسرت افزا دن کے موقع پر مبارک باد پیش کی اور غدیر خم کو اسلام کی جامعیت ، ہمہ گیری ،عظمت اور مستقبل پر اسلام کی گہری نظر کی علامت قراردیتے ہوئے فرمایا: آج مسلمانوں بالخصوص علماء ، مفکرین اور بزرگوں اور سیاستدانوں کی سب سے اہم ذمہ داری یہ ہے کہ وہ مسلمانوں کے درمیان اتحاد و یکجہتی فضا قائم کرنے اور اسلامی بیداری کو فروغ دینے میں زیادہ سے زيادہ تعاون فراہم کریں اور عالم اسلام میں پھوٹ اوراختلاف ڈالنےسے پرہیز کریں۔
رہبر معظم سے عوام کے مختلف طبقات کی ملاقات
رہبر معظم انقلاب اسلامی حضرت آیت اللہ العظمی خامنہ ای نے آج صبح عوام کے مختلف طبقات سے ملاقات میں خبرگان کونسل اور اسلامی کونسلوں کے جمعہ کو ہونے والے انتخابات کو بہت ہی اہم قراردیتے ہوئے فرمایا: انشاءللہ عوام پختہ عزم ، مکمل جذبہ ، قربۃ الی اللہ اور عبادت کی نیت سے انتخابات میں شرکت کریں گے اورایرانی عوام صالح، مؤمن ، صادق ، امانتدار، آگاہ اورعوام کے دینی اصولوں اور اہداف سے والہانہ محبت رکھنے والے افراد کو انتخاب کرکے ایرانی سرافرازقوم کی یکجہتی اور اس عوامی اور انقلابی آزمائش کو دنیا کے سامنے ایک بار پھرثابت کریں گے۔
رہبر معظم کی فلسطینی وزیر اعظم اسماعیل ہنیہ سے ملاقات
رہبر معظم انقلاب اسلامی حضرت آیت اللہ العظمی خامنہ ای نے آج فلسطین کے وزیر اعظم اقای اسماعیل ہنیہ اور اس ہمراہ وفد سےملاقات میں مسئلہ فلسطین کو فراموش کرنے کے سلسلے کی جانے والی ساٹھ سالہ کوششوں اوراس اسلامی سرزمین کے نام کو مٹانے کے لئے کی جانے والی جد وجہد کی طرف اشارہ کیا اور ان کوششوں کے پورا نہ ہونے کو الہی نشانیاں قراردیتے ہوئے فرمایا: استقامت وجد جہد اور مقابلہ کے ذریعہ فلسطین کی تمام سرزمین کو واپس کیا جاسکتا ہے اورفلسطینی سرزمین پر فلسطینی حکومت کی تشکیل حتمی و یقینی ہے۔
