Xəbərlər
Bu gün axşam İİR-nın Ali Məqamlı Rəhbəri Həzrət Ayətullah Xamenei Qətərin əmiri Şeyx Həmid ibn Xəlifə Ali Sani və onu müşayiət edən nümayəndə heyəti ilə görüşündə İran İslam Respublikası ilə Qətər dövləti arasındakı əlaqələri Fars körfəzi regionunda nümunəvi həmkarlıq əlaqələri adlandıraraq təkidlə vurğuladı: “Fars körfəzi regionu buradakı ölkələrin qarşılıqlı əməkdaşlığı sayəsində təhlükəsiz, sabit və həmkarlıq üçün münasib bir regiona çevrilməlidir”.
İnqilab Rəhbərinin XVIII Namaz Konfransına ünvanladığı müraciət
İslam İnqilabının Ali Məqamlı Rəhbəri Həzrət Ayətullah Xamenei XVIII Namaz Konfransına ünvanladığı müraciətdə builki konfransın gənclərin adı ilə bağlanmasını layiqli və bəyənilən bir iş adlandıraraq bildirdi: “Gəncləri namazın insana bəxş etdiyi mənəvi saflıq və sevinclə tanış etmək, əslində, həm bu gənclərə, həm də onların güclü əzmi sayəsində quracaqları gələcəyə böyük bir xidmətdir”.
Minlərlə şagird, tələbə və şəhid ailələrinin üzvləri ilə görüş
Bu gün İİR-nın Ali Məqamlı Rəhbəri Həzrət Ayətullah Xamenei minlərlə şagird və tələbə, habelə şəhid ailələrinin üzvləri ilə görüşündə imperializmin həqiqi simasını tanımaq üçün gözüaçıq olmağın zəruriliyini xatırladaraq və ABŞ-ı dünyanın gerçək imperialist dövləti adlandıraraq təkidlə vurğuladı: “Amerika dövləti özünün imperialist əhval-ruhiyyəsindən və təhdidlərindən əl çəkməyincə İran xalqı ABŞ-ın zahirən sülhpərvər sözlərinə aldanmayacaq və heç bir vəchlə öz müstəqilliyi, azadlığı, milli mənafeyi və hüquqlarından geri durmayacaq!”
Türkiyənin Baş naziri Rəcəb Tayyib Ərdoğanla görüş
Bu gün axşam İİR-nın Ali Məqamlı Rəhbəri Həzrət Ayətullah Xamenei Türkiyə Respublikasının Baş naziri Rəcəb Tayyib Ərdoğan və onu müşayiət edən nümayəndə heyəti ilə görüşündə İran və Türkiyə xalqları arasında dərin tarixi bağlılığın mövcudluğuna toxunaraq qeyd etdi: “İki ölkə arasındakı hazırkı səmimi əlaqələrin son bir neçə yüzillikdə misli görünməmişdir və dövlətinizin ölkə daxilində, habelə beynəlxalq arenada ardıcıl surətdə əldə etdiyi müvəffəqiyyətlər bizi çox sevindirir”.
Ölkənin yüzlərlə elm-mədəniyyət xadimi ilə görüş
Bu gün səhər ölkənin elm, mədəniyyət və ədəbiyyatının təmsilçilərindən bir qrupu görkəmli elm-mədəniyyət xadimlərinin İslam İnqilabının Ali Məqamlı Rəhbəri Həzrət Ayətullah Xamenei ilə səmimi şəraitdə baş tutan görüşündə müxtəlif məsələlərlə bağlı öz rəy və təkliflərini İnqilab Rəhbərinə bildirmişlər.
Həcc ziyarətinin mədəni və təşkilati məsələlər üzrə məsul şəxslərlə görüş
İİR-nın Ali Məqamlı Rəhbəri Həzrət Ayətullah Xamenei bu gün cari ildə təşkil olunacaq həcc mərasiminin mədəni və təşkilati məsələlər üzrə məsul şəxslər ilə görüşdə hazırkı etapda İslami birlik naminə səy və təşəbbüs göstərməyi ən zəruri ehtiyaclardan biri adlandıraraq vurğuladı: “Həcc ziyarəti özündə İslam dünyasının vəhdət və tərəqqisinə müxalif olan, müsəlmanlar arasında təfriqə salmaq məqsədi güdən hər cür addımlara qarşı İslam ümmətinin güclü əzmini təzahür etdirməlidir”.
Qurani-Kərimin minlərlə fəal tədqiqatçı xanımları ilə görüş
Həzrət Məsumənin mübarək doğum gününün ildönümünə təsadüf edən bir vaxtda, bu gün müqəddəs Qurani-Kərimi tədqiq edən minlərlə fəal tədqiqatçı xanım İslam İnqilabının Ali Məqamlı Rəhbəri ilə görüşmüşlər.
Görüşün əvvəlində aşağıda adları sadalanan tədqiqatçı xanımlar çıxış edərək ölkədə Quran tədqiqatı ilə bağlı məsələlər, xüsusilə də xanım tədqiqatçıların fəaliyyəti barədə fikir bildirmişlər.
Onlarla şiə və sünni qardaşların və İnqilab Keşikçiləri Korpusunun bir neçə komandanının şəhid olması ilə əlaqədar başsağlığı müraciəti
İİR-nın Ali Məqamlı Rəhbəri Həzrət Ayətullah Xamenei etdiyi müraciətlə onlarla şiə və sünni qardaşın, o cümlədən İnqilab Keşikçiləri Korpusunun bir-neçə komandanının, xüsusilə də general Şüştəri və general Məhəmmədzadənin şəhid olması ilə əlaqədar təbrik və başsağlığı ünvanlayaraq vurğuladı: “İslam dövlətinin qüdrətli əli xalqın canına, malına və təhlükəsizliyinə təcavüz edənləri onların xəyanətkar əməllərinə layiq surətdə cəzalandıracaq!”
Seneqal prezidenti ilə görüş
İslam İnqilabının Ali Məqamlı Rəhbəri Həzrət Ayətullah Xamenei Seneqal Respublikasının prezidenti Abdullah Vadla görüşündə qeyd etdi ki, İslam ölkələri arasında yaxın münasibətlərin qurulması İİR-nın beynəlxalq miqyasda daim can atdığı məqsədlər sırasındadır. Ali Məqamlı Rəhbər iki ölkə arasında ticarət, sənaye və iqtisadi əlaqələrin genişləndirilməsindən məmnunluğunu ifadə edərək bildirdi: “İran öz təcrübəsini və əldə etdiyi nailiyyətləri İslam ölkələri ilə paylaşmağa hazırdır”.
Ali Məqamlı Rəhbərlik Nouşəhr və Çalus şəhərlərinin əhalisinə təşəkkür və minnətdarlıq bildirmişdir
Ali Məqamlı Rəhbərlik Baş İdarəsi yayımladığı məlumatda Nouşəhr və Çalus şəhərlərinin mömin, səmimi və mehriban əhalisinə öz dərin təşəkkür və qədirdanlığını ifadə edərək belə vurğulamışdır: “Bu insanların Həzrət Ayətullah Xamenei ilə görüşməkdən ötrü güclü yağışın altında coşqun, həyəcanlandırıcı və möhtəşəm bir izdihamla toplaşması “İslam İnqilabının inkişafı, yüksəlişi və əbədiyaşarlığının simvolu”dur”.
Çalus məntəqəsinə səfərini başa vuran Ali Məqamlı Rəhbər Tehran şəhərinə dönmüşdür
Bu gün səhər İslam İnqilabının Ali Məqamlı Rəhbəri Nouşəhr və Çalus şəhərlərinin əhalisi ilə görüşdükdən sonra bu bölgəyə iki günlük səfərini başa vuraraq paytaxt Tehrana dönmüşdür.
Çalus və Nouşəhr şəhərlərinin imanlı və səmimi əhalisi ilə görüş
Bu gün leysan yağan payız yağışına baxmayaraq Çalus və Nouşəhrin imanlı, səmimi əhalisi bir daha xalqla Ali Məqamlı Rəhbər arasında mövcud olan olduqca sıx və möhkəm bağlılığı nümayiş etdirdilər.
Silahlı Qüvvələrin Ali Baş Komandanı Hərbi Dəniz Donanmasının elmi nailiyyətlərinin nümayiş olunduğu sərgiyə baxış keçirmişdir
Bu gün axşam Silahlı Qüvvələrin Ali Baş Komandanı Nouşəhrdəki İmam Xomeyni adına Dənizçilik Universitetində təşkil edilmiş sərgidə hərbi dəniz donanmasının elmi nailiyyətlərindən bir qismi ilə yaxından tanış olmuşdur.
İİR Silahlı Qüvvələrinin dənizdə həyata keçirdiyi manevrlər
Bu gün səhər imam Xomeyni (r.ə) adına Nouşəhr Dənizçilik Universitetinin zabit və tələbələri Silahlı Qüvvələrin Ali Baş Komandanı Həzrət Ayətullah Xameneinin qarşısında dənizdə tələbə təlim məşqləri keçirmişlər.
İİR ordusunun hərbi akademiyalarının birgə keçirdikləri müdavimlərin buraxılış, andiçmə və poqonlarla təltifetmə mərasimi
Bu gün səhər Silahlı Qüvvələrin Ali Baş Komandanı Həzrət Ayətullah Xamenei İran İslam Respublikası ordusunun hərbi akademiyalarının birgə təşkil etdikləri müdavimlərin buraxılış, andiçmə və poqonlarla təltifetmə mərasimində gənc zabitləri, həmçinin ölkənin müxtəlif sferalarda çalışan imanlı və fəal gənclərini sülh, ədalət və dostluqla dolu bir dünyaya doğru hərəkətin avanqardları adlandıraraq bildirdi: “Dünyanın qoluzorlu istibdadçıları özlərinin “İranafobiya” planını gerçəkləşdirə bilməyəcəklər. Çünki İslam Respublikasının milli qüdrəti başqa xalqları nəinki təhdid etmir, hətta öz növbəsində milli qürur və tərəqqidə onlar üçün bir nümunədir”.
İslam İnqilabı Keşikçiləri Korpusunda vəzifə postlarına yeni təyinatlar
İslam İnqilabının Ali Məqamlı Rəhbəri və Silahlı Qüvvələrin Ali Baş Komandanı Həzrət Ayətullah Xamenei ayrı-ayrılıqda verdiyi fərmanlarla səfərbərlik işi üzrə baş komandan, briqada generalı Məhəmmədrza Nəqdini “Gücsüzlərin Səfərbərlik Komitəsinin sədri” vəzifəsinə, baş komandan, keşikçi briqada generalı Seyid Məhəmməd Hüseynzadə Hicazini “Silahlı Qüvvələrin Baş Qərargahının ordunun sənaye baxımdan hazırlığı, mühafizəsi və sənaye tədqiqatları üzrə müavini” vəzifəsinə...
Mərkəzi vilayətdə Vəliyyi-fəqihin nümayəndəsi və Ərak şəhərinin İmam-cüməsi postuna təyinat
İran İslam Respublikasının Ali Məqamlı Rəhbəri Həzrət Ayətullah Xamenei verdiyi fərmanla Hüccətul-İslam vəl-muslimin Şeyx Qurbanəli Deriyi Mərkəzi vilayətdə Vəliyyi-fəqihin nümayəndəsi və Ərak şəhərinin İmam-cüməsi vəzifəsinə təyin etmişdir.
“Şəhidlərin və haqq uğrunda canından keçmiş fədakar insanların ehtiramla yad edilməsi günü” münasibətilə İnqilab Rəhbərinin müraciəti
İİR-nın Ali Məqamlı Rəhbəri Həzrət Ayətullah Xamenei “Müqəddəs Müdafiə Hərəkatı dövründə şəhid olmuş və haqq uğrunda canından keçmiş fədakar insanların ehtiramla yad edilməsi günü” münasibətilə xalqa ünvanladığı müraciətdə şəhidləri İran tarixinə qızıl hərflərlə yazılmış bu mərhələnin simvolu adlandıraraq bildirmişdir:
Xubriqan Məclisinin sədri və məclis nümayəndələri ilə görüş
İİR-nın Ali Məqamlı Rəhbəri Həzrət Ayətullah Xamenei bu gün Xubriqan Məclisinin sədri və məclis nümayəndələri ilə görüşündə olduqca mühüm məsələlərə toxunaraq İslam dövlətinin tutduğu möhkəm pozisiyanı qeyd etmiş, həmçinin bu dövlətin güclü və ümidverici cəhətlərini sadalamışdır. Ali Məqamlı Rəhbər hazırkı şəraitdə düşmənin qarmaqarışıq və geniş əhatəli planlar hazırladığını demiş, habelə İslam Respublikasının əleyhdarlarının soyuq – psixoloji müharibə planının əsas cizgiləri və bu planın çoxcəhətliliyi barədə fikir bildirmişdir.
