خبریں
رہبر معظم کا اصفہان کے عوام سے خطاب
رہبر معظم انقلاب اسلامی حضرت آیت اللہ العظمی خامنہ ای نے اصفہان کے عوام کے مختلف طبقات کے ہزاروں پرجوش افراد سے ملاقات میں ، ایمان اور الہی قدروں اور اصولوں پر پابندی کو ایرانی عوام کی کامیابیوں کا راز قراردیتے ہوئے فرمایا: اسلامی اقدار پر پابندی اور استحکام کے سائے میں ایرانی عوام تمام میدانوں میں پیشرفت اور کامیابی حاصل کرےگی اور دشمن اسی طرح مایوس اور ناکام رہےگا۔
رہبر معظم کا حجاج بیت اللہ الحرام کے نام اہم پیغام
کعبہ، اتحاد ، عزت و عظمت کا راز اور مظہرہے کعبہ معنویت اور توحید کی علامت ہے موسم حج میں شوق و اشتیاق سے لبریز قلوب اور امیدوار دلوں کا میزبان ہے جو پوری دنیا سے اسلام کے پیدائشی مقام پر پروردگار متعال کی ندا اور اس کی دعوت پر لبیک کہتے ہوئے حاضر ہوئے ہیں، امت مسلمہ اس وقت وسعت، گونا گونی اور فروغ کی جامع اورہہترین تصویر کو مشاہدہ کرسکتی ہے جو اس وقت دین حنیف کے ماننے والوں کے دلوں پر حکمفرما ہے دنیا کے گوشہ گوشہ سے لوگ یہاں جمع ہوئے ہیں وہ اپنے بھیجے ہوئے افراد کے ذریعہ اس عظمت کا ادراک کرسکتی ہے امت مسلمہ اس عظيم ، بے مثال اور بے نظیر سرمایہ کی قدر و قیمت پہچان سکتی ہے۔
رہبر معظم کا فوجی یونیورسٹیوں سے فارغ التحصیل جوانوں سے خطاب
رہبر معظم انقلاب اسلامی حضرت آیت اللہ العظمی خامنہ ای کی موجودگی میں فوجی یونیورسٹیوں سے فارغ التحصیل ہونے والے جوانوں کی چوتھی مشترکہ حلف برداری کی تقریت شہید ستاری فضائی یونیورسٹی میں منعقد ہوئی۔ اس تقریب کے آغاز میں مسلح افواج کے کمانڈر انچیف نےشہیدوں کی یادگار پر حاضر ی دی اور انقلاب اسلامی کے گرانقدر شہیدوں کے لئے سورہ فاتحہ کی تلاوت اور اللہ تعالی کی بارگاہ میں ان کے درجات کی بلندی کے لئے دعا کی۔اس کے بعد گراؤنڈ میں موجود دستوں نےرہبر معظم انقلاب اسلامی کو سلامی پیش کی۔
رہبر معظم کے ساتھ 13 آبان کی مناسبت سے مدارس کے طلباء کی ملاقات
رہبر معظم انقلاب اسلامی حضرت آیت اللہ العظمی خامنہ ای نےآج صبح مدارس کے طلباء کے ایک عظيم اور پرجوش اجتماع سے خطاب میں 13 آبان کو امریکہ کی حرص و طمع کا مظہر، شاہ کی طاغوتی حکومت کی امریکہ کے ساتھ وابستگی، ایرانی عوام کی ایمان و بصیرت پر استوار استقامت، جوان نسل کی میدان میں ہراول دستہ کے طور پر موجودگی اور انقلابی نسل کی شجاعت و بہادری کا آئینہ قراردیتے ہوئے فرمایا: آج ایرانی قوم ہر دور کی نسبت مضبوط اور پختہ عزم و ارداہ کے ساتھ بلند و بالا اہداف اور سعادت کی عظیم چوٹیوں کو فتح کرنے کی سمت گامزن ہے اور اس عظیم حرکت کی پہلی صف میں جوان شامل ہیں۔
رہبر معظم کےدفتر کی طرف سے قم کے مؤمن ، دلیر عوام اور علماء کا شکریہ
رہبر معظم انقلاب اسلامی حضرت آیت اللہ العظمی خامنہ کے دفتر نے رہبر معظم انقلاب اسلامی کے قم کے دس روزہ سفر کے اختتام پر ایک بیان میں قم کے مؤمن ، پرجوش، انقلابی ، بصیراور ولولہ انگیز عوام کے مختلف طبقات کی گہرے اورتہہ دل سے قدردانی کی اور مراجع عظام ، ،علماء اعلام ، فضلاء گرانقدر اور فہیم و بصیر طلاب کا صمیم قلب سے شکریہ ادا کرتے ہوئے امید کا اظہار کیا ہے کہ قم کے سفر کے دوران رہبر معظم انقلاب اسلامی کی سفارشات اور ارشادات اس شہر کی قابل فخر اورمایہ ناز تاریخ میں ایک نئے باب کا آغاز قرارپائیں گے۔
رہبر معظم انقلاب اسلامی کے دفتر سے جاری ہونے والے بیان کا متن حسب ذيل ہے:
رہبر معظم نے قم کے بعض شہداء کے اہلخانہ سے ملاقات کی
رہبر معظم انقلاب اسلامی حضرت آیت اللہ العظمی خامنہ ای نے شہر مقدس قم کے سفر کی آخری شب میں شہید فاطمی، شہید عقلایی اور شہید کارکوب زادہ کے اہلخانہ کے گھروں میں حاضر ہوئے اور ان سےملاقات ، گفتگو اور ان کی دلجوئی فرمائی۔
رہبر معظم انقلاب اسلامی نے ان شہیدوں کے اہلخانہ کے مہر و محبت اور الفت سے سرشار اجتماع میں دفاع مقدس میں شہیدوں کی شجاعت ، قربانی ،ایثار اور ان کے اہلخانہ اور پسماندگان کی بصیرت اور صبر کی تعریف و تجلیل کی۔
رہبر معظم سے کابینہ کے ارکان اور صوبہ قم کے حکام کی ملاقات
رہبر معظم انقلاب اسلامی حضرت آیت اللہ العظمی خامنہ ای نے آج صبح کابینہ اور صوبہ قم کے مختلف شعبوں سے متعلق حکام کے ساتھ ملاقات میں عوام کی خدمت کو ایک توفیق اور گرانقدر عمل قراردیتے ہوئے فرمایا: قم جیسے مؤمن، مجاہد، سماجی کاموں میں اعلی احساسات و جذبات کے حامل اور امتحان میں آزمودہ عوام کی اگر خدمت کی جائےتو یقینی طور پر اس کی قدر و قیمت اور اجر و ثواب مضاعف اور دگنا ہوگا اور اسی وجہ سے قم کے حکام کو چاہیے کہ وہ قم کے عوام کو زیادہ سے زيادہ خدمت بہم پہنچانے اور صوبہ کی مشکلات کو حل کرنے کے لئے اپنی تمام کوششوں کو کام میں لائیں۔
رہبر معظم سے حوزہ علمیہ قم کی اعلی کونسل کے اراکین کی ملاقات
رہبر معظم انقلاب اسلامی حضرت آیت اللہ العظمی خامنہ ای نے کل رات حوزہ علمیہ قم کی اعلی کونسل کے اراکین سے ملاقات میں حوزہ علمیہ میں علمی ، تحقیقاتی اور تبلیغی جامع منصوبہ کی تدوین کو ضروری قراردیتے ہوئے فرمایا: جامع اور مؤثر منصوبہ کی تدوین حوزہ علمیہ قم کی ایک اہم ضرورت ہے۔
رہبر معظم کے نمائندوں کا صوبہ قم کے مختلف شہروں کا دورہ
رہبر معظم انقلاب اسلامی کے دورہ قم کے دوران رہبر معظم انقلاب اسلامی کی نمائندگي میں حجۃ الاسلام والمسلمین رسولی محلاتی نے صوبہ قم کے مختلف شہروں کا دورہ کیا اور ان شہروں کے عوام تک رہبر معظم انقلاب اسلامی کا گرم سلام پہنچایا۔
رہبر معظم سے قم کی یونیورسٹیوں کے طلباء اور اساتذہ کی ملاقات
رہبر معظم انقلاب اسلامی حضرت آیت اللہ العظمی سید علی خامنہ ای نے مقدس شہر قم میں ہزاروں نوجوانوں، یونیورسٹی طلباء اور اساتذہ کے عظیم الشان اور پر جوش اجتماع سے خطاب میں توحید پرستی اور حوادث و واقعات دونوں میں بصیرت کو قومی قوت و توانائی کے تسلسل کے لئے طویل منصوبوں کی بنیاد قرار دیا اور بصیرت کے بہت ہی اہم مفہوم کے انتہائی ظریف نکات کی تشریح کرتے ہوئے فرمایا:ایران کے بیدار، پرجوش اور بابصیرت نوجوان اسلامی جمہوریہ ایران کی سرافرازی و سربلندی کی راہ میں اپنی بابرکت کوششوں کو جاری رکھتے ہوئے دین اسلام کی عظمت و شان و شوکت، عزيز وطن اور عظیم قوم کی خدمت اور ایران کی تاریخ ساز سرزمین کے لئے عزت و افتخار کے شاندار کارنامہ رقم کریں گے۔
رہبر معظم سے امام خمینی (رہ) تحقیقاتی ادارے کے اہلکاروں کی ملاقات
امام خمینی (رہ) علمی اور تحقیقاتی ادارے کے سربراہ، اہلکاروں اور ارکان نے آج ظہر کے وقت رہبر معظم انقلاب اسلامی حضرت آیت اللہ العظمی خامنہ ای سے ملاقات کی۔
رہبر معظم کے ساتھ قم میں مقیم غیر ایرانی طلباء کی ملاقات
رہبر معظم انقلاب اسلامی حضرت آیت اللہ العظمی خامنہ ای نے مقدس شہر قم کے سفر کےساتویں دن آج صبح ہزاروں غیر ایرانی طلباء و فضلا کے اجتماع سے اسلام کے اعلی معارف کے فروغ کو اسلامی جمہوریہ ایران کے اہداف کا حصہ قرار دیتے ہوئے فرمایا: اسلام کی نجات بخش تعلیمات کے ساتھ مسلمان قوموں کی آشنائی، امت مسلمہ کے اقتدار ،آزادی، عزت و عظمت ، سربلندی اور سرافرازی کا موجب بنےگی۔
رہبر معظم سے حوزہ علمیہ قم کے ممتاز طلباء ، علماء اور فضلا کی ملاقات
رہبرِ معظّم انقلاب اسلامی حضرت آیۃ اللہ العظمی خامنہ ای نے اتوار کی شب حوزۂ عملیۂ قم کے ممتازوبرجستہ اساتذہ ، طلبہ اور فضلا کے ایک اجتماع سے خطاب کرتے ہوئے ، "علم " کو دینی درسگاہوں اور حوزات علمیہ کی حقیقی شناخت قرار دیا اورحوزۂ علمیہ کی اس شناخت کے عملی اقدامات کی طرف اشارہ کرتے ہوئے حوزہ کے اخلاق و تعلیم و تربیت کے نظام ، دشمن کی شناخت اور دیگر شعبوں میں نئے سوالات اور نئے شبہات کے استقبال ، اظہارِ خیال کی آزادی ، رجعت پسندی سے اجتناب ، علمی خود اعتمادی ، منطقی و عقلی روش سے استفادہ کرنے کے بارہ میں چند اہم نکات کی طرف اشارہ کیا ۔
رہبر معظم سے صوبہ قم کی بسیج اور رضاکار فورس کے دستوں کی ملاقات
رہبر معظم انقلاب اسلامی حضرت آیت اللہ العظمی خامنہ ای نے آج صبح حرم حضرت معصومہ (س) کے امام خمینی (رہ) شبستان میں صوبہ قم کے رضا کار فورس کے پرجوش اجتماع سے خطاب میں رضاکار فورس اور اس کی تاسیس اور تشکیل کے تمام پہلوؤں کا تفصیل سے جائزہ لیا اور بصیرت، اخلاص ، بروقت اور مناسب عمل کے تین عناصر کو رضاکار فورس (بسیج) کی حرکت کے اہم ملاک ومعیار قراردیتے ہوئے فرمایا: اسلامی جمہوریہ ایران کی شاندار اور نمایاں پیشرفت و ترقی کو دشمنوں کی جانب سے گھٹا کر پیش کرنا ایرانی عوام اور حکام کی برق رفتار پیشرفت کے سامنے ان کی درماندگی اور شکست کا مظہر ہے ایرانی عوام کی پیشرفت و ترقی کا یہ سلسلہ دشمنوں کی مرضی کے برعکس جاری رہےگا اور ایرانی عوام کا مستقبل روز بروز درخشاں ترقیات کے ہمراہ تابناک اور روشن رہےگا۔
رہبر معظم نے قم میں اسلامی مراکز کی نمائشگاہ کا مشاہدہ کیا
رہبر معظم انقلاب اسلامی حضرت آیت اللہ العظمی خامنہ ای نے آج سہ پہر کو قم کے ستر سے زیادہ اسلامی مراکز اور تحقیقاتی اداروں کے علمی اور تحقیقاتی آثار کی نمائشگاہ کا تین گھنٹے سے زیادہ عرصہ تک مشاہدہ کیا۔
مشکوۃ نامی اس نمائشگاہ میں اسلامی تحقیقاتی مراکز اور اداروں نے تحقیقاتی آثار ، مقالات ، پی ایچ ڈی سطح کے تحقیقاتی رسالوں ، حوزوی تحقیقات اور حوزہ علمیہ کے منتخب سافٹ ویئر کو 60 اطاقوں میں نمائش کے لئے پیش کیا تھا۔
رہبر معظم کی جامعہ مدرسین کے ارکان سے ملاقات
رہبر معظم انقلاب اسلامی آیت اللہ العظمی سید علی خامنہ ای نے آج صبح شہر مقدس قم میں حوزہ علمیہ کے جامعہ مدرسین کے سربراہ اور ارکان سے ملاقات میں جامعہ مدرسین کو تحریک انقلاب اسلامی کے دوران اور انقلاب اسلامی کی کامیابی کے بعد کے دور میں ہر امتحان میں کامیاب ، مضبوط و مستحکم ، امام (خمینی رحمۃ اللہ علیہ) اور انقلاب کی راہ پر ثابت قدم اور حوزہ علمیہ کا ایک بے مثال ادارہ قرار دیتے ہوئے فرمایا: جامعہ مدرسین حوزہ علمیہ قم کے ادارے کو چاہیے کہ وہ اپنے اسی مضبوط و مستحکم معیار اورتشخص کو برقرار رکھے اور اس ادارہ اور نیز ملک کے عام ماحول کے لئے خود کو ایک نمایاں اور ممتازحیثیت سے باقی رکھے۔
رہبر معظم قم نے شہداء کے مزار اور امامزادہ علی بن جعفر اور شیخان میں فاتحہ خوانی کی
رہبر معظم انقلاب اسلامی حضرت آیت اللہ العظمی خامنہ ای شہر مقدس قم کے سفر کے پانچویں دن شہداء قم ، امامزادہ علی بن جعفر کے مزار اور قبرستان شیخان میں حاضر ہوئے، رہبر معظم انقلاب اسلامی نے دفاع مقدس اور انقلاب اسلامی کے گرانقدر شہیدوں کے درجات کی بلندی کے لئے فاتحہ خوانی اور دعا فرمائی اور اس کے بعد مقبرہ امامزادہ علی بن جعفر کی زیارت کی۔
رہبر معظم سے آیت اللہ صافی گلپائگانی اور بعض اساتذہ کی ملاقات
رہبر معظم انقلاب اسلامی حضرت آیت اللہ العظمی خامنہ ای سے حضرت آیت اللہ صافی گلپائگانی اور حوزہ علمیہ قم کے بعض اساتذہ اور علماء نے قم کے سفر کی چوتھی شب میں ملاقات اور گفتگو کی ، یہ ملاقات رہبر معظم انقلاب اسلامی کے دفتر قم میں انجام پذیر ہوئی ہے ۔
