خبریں
رہبر معظم کے آپریشن کے بعد صدر حسن روحانی نے ان کی عیادت کی
تہران کے ایک اسپتال میں رہبر معظم انقلاب اسلامی حضرت آیت اللہ العظمی خامنہ ی کے آپریشن کے بعد اسلامی جمہوریہ ایران کے صدر حسن روحانی نے انکی عیادت کی۔ صدر حسن روحانی نے اس موقع پررہبر معظم انقلاب اسلامی کی صحت و سلامتی اور عافیت کے لئے اللہ تعالی کی بارگاہ میں دعا کرتے ہوئے کہا : آپریشن کامیاب رہا اور رہبر معظم کی حالت بالکل ٹھیک ہے۔ صدر نے عوام سے درخواست کی کہ وہ رہبر معظم کی صحت و سلامتی اور اسلام و مسلمین کی خدمات کے سلسلے میں ان کی روز افزوں توفیقات کے لئے دعا کریں۔
رہبر معظم کی ادارہ حج و زیارت کے حکام و اہلکاروں سے ملاقات
رہبر معظم انقلاب اسلامی حضرت آیت اللہ العظمی خامنہ ای نے آج صبح ( بروزاتوار) ادارہ حج و زیارت کے اعلی حکام اور اہلکاروں کے ساتھ ملاقات میں حج کو مسلمانوں کی مشکلات دور کرنے ، مسلمانوں کے باہمی خیالات اور اظہارات کے تبادلے ، اللہ تعالی کے ساتھ رابطہ کو مضبوط و مستحکم بنانے اور سرزمین وحی کے فیوض و برکات سے مسلمانوں کے بھر پور استفادہ اٹھانے کے لئے بہترین موقع قراردیتے ہوئے فرمایا: امت اسلامی کے درمیان اختلاف ایجاد کرنے کے لئے تسلط پسند طاقتوں اور ان کے عوامل کی جانب سے پیہم کوششیں عالم اسلام کے لئے ایک اہم مسئلہ اور اہم چيلنج ہے اور اتحاد ، افہام و تفہیم اور اختلاف اور بدگمانی کے عوامل کو دور کرنے کے سلسلے میں حج کے بےنظیر موقع سے بھر پور استفادہ کرنا چاہیے۔
رہبر معظم کی خبرگان کونسل کے اراکین کے ساتھ ملاقات
رہبر معظم انقلاب اسلامی حضرت آیت اللہ العظمی خامنہ ای نے اج صبح(بروز جمعرات) خبرگان کونسل کے نمائندوں کے ساتھ ملاقات میں دنیا میں نئے نظم کی تشکیل کے علائم ، ملکی ، علاقائي اور عالمی حالات پر جامع تحلیل اور تجزيہ پیش کیا اور دنیا کے موجودہ نظم اور مغربی ممالک کے تسلط کے فکری اور عملی ستونوں کے متزلزل اور کمزور ہونے کے علل و اسباب کی طرف اشارہ کرتے ہوئے فرمایا: اس حساس موقع پر سب سے اہم ذمہ داری ،دنیا کے نئے نظم کی تشکیل میں نقش آفرینی ، اثر انداز ہونے اور کردار ادا کرنے کے لئے ملک کے اقتدار میں اضافہ ہے اور ملکی اقتدار میں اضافہ علم و ٹیکنالوجی، اقتصاد اور ثقافت کے تین اہم ستونوں پر استوار ہے۔
رہبر معظم سے صدر جمہوریہ اور کابینہ کے ارکان کی ملاقات
رہبر معظم انقلاب اسلامی حضرت آیت اللہ العظمی امام خامنہ ای نے آج صبح (بروزبدھ) صدر جمہوریہ اورکابینہ کے اراکین کے ساتھ ملاقات میں معاشرے میں نفسیاتی اور روحی آرام و سکون کے قیام ، مہنگائی پر کنٹرول، غیر ملکی کرنسی کی قیمت میں ثبات اور حفظان صحت کے منصوبے کے نفاذ کو گذشتہ ایک سال میں حکومت کے اچھےاور گرانقدر اقدامات میں قراردیا اور حکومت کے تمام اہلکاروں کو انقلابی جذبہ اور سمت و سو کی تقویت اور حفاظت ، اندرونی ظرفیتوں اور پیداوار پر تکیہ، مزاحمتی اقتصاد کی پالیسیوں کے دقیق نفاذ، زراعت کے شعبہ پر خصوصی توجہ، دیہاتوں میں تبدیلی صنائع ، علمی رشد و ترقی جاری رکھنے پر سنجیدہ توجہ، دانش محور کمپنیوں کی تقویت، عالمی اور علاقائی مسائل بالخصوص امریکہ کی مداخلت کے بارے میں صریح اور روشن مؤقف، حکومت کے اندرونی انسجام کی تقویت،ریڈ لائنوں بالخصوص سن 1388 ہجری شمسی کے فتنہ سے فاصلہ کی رعایت اور منصفانہ تنقید کے مقابلے میں آرام و سکون اور بردباری کی سفارش کی۔
رہبر معظم کا بازار اور اصناف کی قومی کمیٹی کے ارکان سے خطاب
رہبر معظم انقلاب اسلامی حضرت آیت اللہ العظمی خامنہ ای کی ملک کے اصناف اور بازار کے دس ہزار شہیدوں کی قومی گانکریس کمیٹی کے ارکان کے ساتھ بتاریخ 26 خرداد 1393 ہجری شمسی کو ملاقات ہوئی تھی اس ملاقات میں رہبر معظم انقلاب اسلامی کے بیانات کو آج صبح آئی آر آئی بی کے سمینار ہال میں اسی سلسلے میں منعقد اجلاس میں پیش کیا گيا۔
رہبر معظم سے ملک کے اعلی سول اور فوجی حکام کی ملاقات
رہبر معظم انقلاب اسلامی حضرت آیت اللہ العظمی خامنہ ای نے آج ( بروز پیر ) سہ پہر کو ملک کے مختلف اداروں سے تعلق رکھنے والے اعلی سول اور فوجی حکام اور بعض اعلی ڈائریکٹروں کے ساتھ ملاقات میں داخلی اور خارجی مسائل کے سلسلے میں اہم نکات پیش کئے اور اسلامی جمہوریہ ایران کے حکام اور اداروں میں چند جانبہ خلل ایجاد کرنے اور پیچیدہ کوشش کو سامراجی طاقتوں بالخصوص امریکہ کا موجودہ اہم ہدف قراردیا اور عالمی اور علاقائی حساس حالات و شرائط اور تاریخ کے ایک حقیقی اور اہم موڑ پر پہنچنے کی طرف اشارہ کرتے ہوئے فرمایا: اسلامی جمہوریہ ایران اپنے عقلانی محاسبات یعنی اللہ تعالی کی ذات اور خلقت کے سنن پر اعتماد نیز دشمن کی شناخت اور اس پر عدم اعتماد کے اصلی عناصر کے پیش نظر ، عوام پر تکیہ ،تجربات، مجاہدت اور تلاش و کوشش کی روشنی میں اپنے اعلی اہداف تک پہنچنے اور اپنے اصولوں کو عملی جامہ پہنانے کے لئے جد وجہد جاری رکھےگی۔
رہبر معظم سے یونیورسٹیوں کے سیکڑوں اساتید کی ملاقات
آج بروز (بدھ) سہ پہر کو یونیورسٹیوں کے سیکڑوں اساتید نے رہبر معظم انقلاب اسلامی حضرت آیت اللہ العظمی امام خامنہ ای کے ساتھ ملاقات میں ، علمی ، یونیورسٹی، ثقافتی، سماجی، اقتصادی اور سیاسی موضوعات کے بارے میں بحث اور تبادلہ خیال کیا۔
رہبر معظم کی موجودگی میں رمضان المبارک کے پہلے دن محفل انس با قرآن کا انعقاد
رمضان المبارک اللہ تعالی کی رحمت اور ضیافت اور قرآن مجید کی بہار کا مہینہ ہے رمضان المبارک کے پہلے دن حسینیہ امام خمینی (رہ) میں رہبر معظم انقلاب اسلامی حضرت آیت اللہ العظمی خامنہ ای کی موجودگی میں محفل انس باقرآن منعقد ہوئی ، جس میں قرآن مجید کے ممتاز قاریوں اور حافظوں نے قرآن مجید کی نورانی آیات کی تلاوت کا شرف حاصل کیا اورقرآنی مجموعہ نے گروہی طور پر بھی قرآن مجید کی آیات کی تلاوت کو پیش کیا اور اللہ تعالی کی حمد و ثنا بجا لائے۔
رہبر معظم سے شہدائے ہفتم تیر اور بعض دیگر شہداء اور جانبازوں کے خاندانوں کی ملاقات
رہبر معظم انقلاب اسلامی حضرت آیت اللہ العظمی امام خامنہ ای نے آج صبح (بروزسنیچر) ہفتم تیر کے محترم شہیدوں کے اہل خانہ اور تہران کےبعض دیگر شہیدوں اور جانبازوں کے خاندانوں کے ساتھ ملاقات میں شہیدوں کے پیغام کے ادراک کے سلسلے میں ملک اور معاشرے کی ضرورت پر تاکید کی اور شہیدوں کے نورانی اور شاداب راستے پر قوم کی وفاداری کو تسلط پسند طاقتوں کی سازشوں کی مسلسل شکست کا مظہر قراردیا اور علاقائي واقعات منجملہ عراق کے حالات کی طرف اشارہ کرتے ہوئے فرمایا: عراق میں جاری جنگ در حقیقت مغربی ممالک طرفداروں ، دہشت گردوں کے حامیوں اور قوموں کے استقلال کے طرفداروں و دہشت گردوں کے مخالفین کے درمیان ہے۔
رہبر معظم سے عدلیہ کے سربراہ ،اعلی ججوں اور اہلکاروں کی ملاقات
رہبر معظم انقلاب اسلامی حضرت آیت اللہ العظمی خامنہ ای نے آج صبح (بروزاتوار) عدلیہ کے سربراہ ، اعلی صوبائی ججوں ، سرکاری وکلاء اور اعلی حکام کے ساتھ ملاقات میں عدلیہ میں آیت اللہ لاریجانی کے نئے پانچ سالہ دور کے لئے چھ اصلی ترجیحات بیان کرنے کے ضمن میں ملک کے عام مفادات اور بڑے مسائل میں تینوں قوا کے سربراہان کے درمیان باہمی تعاون، اتحاد اور یکجہتی کو بہت ہی ضروری اور اہم قراردیا اور امریکہ اور مغربی تسلط پسند طاقتوں کے فتنہ پرور اور شرانگيز ہاتھوں کو عراق کے حالیہ واقعات کے پس پردہ قراردیا اور اسلامی جمہوریہ ایران کی طرف سے عراق میں ہر قسم کی امریکی مداخلت کی شدید مخالفت کرتے ہوئے کہا کہ ایران کا اس بات پر اعتقاد ہے کہ عراقی عوام ، عراقی حکومت اور عراق کے دینی مراجع عراق کے موجودہ فتنہ اور بحران کو ختم کرنے کی بھر پور صلاحیت رکھتے ہیں۔
رہبر معظم کی یونیورسٹی جہاد ادارے کے سربراہ اور محققین کے ساتھ ملاقات
رہبر معظم انقلاب اسلامی حضرت آیت اللہ العظمی خامنہ ای نے آج صبح (بروز پیر) یونیورسٹی جہاد کے سربراہ ، مدیروں، ریسرچ اسکالروں اور محققین کے ساتھ ملاقات میں ملک کی برق رفتار پیشرفت اور صحیح حرکت کو جاری رکھنے کے لئے ، "جہادی مدیریت اور کام" نیز " ہم کرسکتے ہیں" کے جذبے کی تقویت کو لازمی قراردیا اور انقلابی و اسلامی رجحان کے تحفظ اور جامع علمی نقشہ راہ کی روشنی میں وظائف اور ذمہ داریوں پر عمل کو ضروری قراردیتے ہوئے فرمایا: ملک کی علمی اور سائنسی پیشرفت و حرکت کا مقصد انسانی اقدار کے دائرے میں ناشناختہ علوم اور جدید علوم کا حصول عالمی سطح پر علم و دانش میں اضافہ کا موجب بننا چاہیے۔
رہبر معظم کی موجودگی میں محفل انس با قرآن کا انعقاد
حسینیہ امام خمینی (رہ) کی فضا آج حضرت امام زین العابدین علیہ السلام کی ولادت باسعادت کی مناسبت سے قرآن مجید کی روح پرور اور دلنشین آیات سےمعطر ہوگئی، قرآن مجید کے اکتیسویں بین الاقوامی مقابلوں کے ممتاز حافظوں اور قاریوں نے رہبر معظم انقلاب اسلامی حضرت آیت اللہ العظمی خامنہ ای کی موجودگی میں قرآن کے ساتھ انس کی نورانی محفل کو برپا کیا ۔
رہبر معظم سے کویت کے امیر اور اس کے ہمراہ وفد نے ملاقات کی
رہبر معظم انقلاب اسلامی حضرت آیت اللہ العظمی امام خامنہ ای نے آج صبح (بروز پیر) کویت کے امیر شیخ صباح الاحمد الجابر الصباح اور اس کے ہمراہ وفد کے ساتھ ملاقات میں خلیج فارس اور اس کی سلامتی اور سکیورٹی کو بہت ہی اہم قراردیتے ہوئے فرمایا: خلیج فارس کی سلامتی اوراس کا امن علاقائی ممالک کے سالم اور اچھے روابط پر منحصرہے۔
رہبر معظم سے عید بعثت کی مناسبت سے اعلی حکام اور اسلامی ممالک کے سفیروں کی ملاقات
رہبر معظم انقلاب اسلامی حضرت آیت اللہ العظمی خامنہ ای نے پیغمبر اسلام حضرت محمد مصطفی صلی اللہ علیہ وآلہ وسلم کی بعثت کی مناسبت سے ایرانی عوام کے مختلف طبقات، اعلی حکام ، قرآن مجید کے بین الاقوامی مقابلوں میں شرکت کرنے والے مہمانوں اور اسلامی ممالک کے سفیروں کے ساتھ ملاقات میں فکر ،بصیرت،شعور، امت اسلامی کے دشمنوں کی حقیقی شناخت ، اسی طرح اتحاد اور قومی اور عقیدتی اختلافات سے پرہیز کو عالم اسلام کی اہم ضروریات قراردیتے ہوئے فرمایا: آج پرچم اسلام کی سرافرازی و سربلندی اور مسلمانوں کے درمیان اسلامی تشخص کا احساس پہلے کی نسبت بہت قوی اور مضبوط ہوگیا ہے اور ایرانی قوم بھی اللہ تعالی کی نصرت اور مدد کے وعدے پر اعتماد اور حسن ظن کے ساتھ پیشرفت اور ترقی کی جانب گامزن ہے اور مشکلات سے عبور کرنے اور ظلم و جہالت اور ناانصافی کے ساتھ مقابلہ کرنے کے سلسلے میں یکے بعد دیگرے موچوں کو فتح کررہی ہے۔
رہبر معظم کی پارلیمنٹ کے اسپیکر اور نمائندوں سے ملاقات
رہبر معظم انقلاب اسلامی حضرت آیت اللہ العظمی خامنہ ای نے آج صبح ( بروزاتوار) پارلیمنٹ کے اسپیکر اور نمائندوں کے ساتھ ملاقات میں سامراجی محاذ کے ساتھ مقابلے کی فکر کے استمرار کو صرف استقامت اور پائداری میں مضمر قراردیا اور چھٹے منصوبے کی تدوین کے سلسلے میں تین ترجیحات " مزاحمتی اقتصاد، دینی و انقلابی ثقافت، اور برق رفتار علمی پیشرفت" پر حکومت اور پارلیمنٹ کی توجہ کو لازمی قراردیتے ہوئے فرمایا: ملک کی اقتصادی اور سیاسی مشکلات کا راہ حل ملک کے باہر تلاش نہیں کرنا چاہیے بلکہ ملک کی معاشی اور سیاسی مشکلات کا راہ حل ملک کے اندر موجود ہے اور ہمیں اپنی مشکلات کو حل کرنے کے سلسلے میں اندرونی توانائیوں اور ظرفیتوں سے بھر پور استفادہ کرنا چاہیے۔
رہبر معظم کا بیان مدرسہ بنانے والے خیرین کے صوبائی سمینار میں پیش
آج سہ پہر کو صوبہ تہران میں مدرسہ بنانے والے خيرین کا صوبائی سمینار آئی آر آئی بی کے بین الاقوامی سمینار ہال منعقد ہوا جس میں 15 اردیبہشت 1393 ہجری شمسی کو مدرسہ بنانے والے خیرین کی اعلی کونسل کے اراکین کے ساتھ ملاقات میں رہبر معظم انقلاب اسلامی حضرت آیت اللہ العظمی خامنہ ای کے بیانات کو پیش کیا گيا۔
رہبر معظم سے مرحوم آیت اللہ مشکینی کا سمینار منعقد کرنے والے اہلکاروں کی ملاقات
آج صبح (بروز جمعرات) آیت اللہ مشکنی کی یاد میں 28 فروردین 1391 ہجری شمسی کو سمینار منعقد کرنے والے اہلکاروں کے ساتھ ملاقات میں رہبر معظم انقلاب اسلامی حضرت آیت اللہ العظمی خامنہ ای کے بیان کے متن کو قم میں دارالحدیث ثقافتی اور علمی ادارے میں منعقد ہونے والے سمینار میں رہبر معظم انقلاب اسلامی کے دفتر کے انچارج حجۃ الاسلام والمسلمین محمد گلپائگانی نے پیش کیا۔
رہبر معظم سے حضرت علی (ع) کی ولادت کی مناسبت سے صوبہ ایلام کے عوام کی ملاقات
تیرہ رجب مولی الموحدین ، امیر المؤمنین حضرت علی علیہ السلام کی ولادت با سعادت کی مناسبت سے عوام کے مختلف طبقات بالخصوص صوبہ ایلام کے ہزاروں افراد نے آج حسینیہ امام خمینی (رہ) میں رہبر معظم انقلاب اسلامی حضرت آیت اللہ العظمی امام خامنہ ای کے ساتھ ملاقات کی۔
