خبریں
رہبر معظم سے قبائلی رہنماؤں کی ملاقات
رہبر معظم انقلاب اسلامی حضرت آیت اللہ العظمی خامنہ ای نے آج سہ پہر کو صوبہ کردستان ، مغربی آذربائیجان اور کرمانشاہ کےسیکڑوں قبائلی رہنماؤں اور مؤثر شخصیات کے ساتھ صمیمی ملاقات میں قبائل کو اسلام ، انقلاب اور ایران کے سرافراز ، غیور و مؤمن و شجاع سپاہی اور پاسبان قراردیتے ہوئے فرمایا: خداوند متعال کے فضل و کرم اورعوام و حکام کی بیداری و ہوشیاری اور باہمی تلاش و کوشش کے نتیجے میں ایران کی عظیم قوم کا مستقبل امید افزا، روشن و تابناک ہے۔
رہبر معظم کے ساتھ صوبہ کردستان کی ممتاز شخصیات کی ملاقات
رہبر معظم انقلاب اسلامی حضرت آیت اللہ العظمی خامنہ ای کے ساتھ آج صبح صوبہ کردستان کی سیکڑوں سیاسی ، سماجی،ثقافتی، ادبی ،ہنری اور اقتصادی ممتاز شخصیات کی صمیمانہ نشست منعقد ہوئی جس میں ممتاز و منتخب شخصیات کے نمائندوں نے صوبہ کردستان کے مختلف مسائل کے بارے میں اپنے اپنے خیالات اور نظریات کا اظہار کیا۔یہ ملاقات تین گھنٹے تک جاری رہی جس میں حسب ذیل حضرات و خواتین نے اپنے اپنےخیالات کو پیش کیا:
رہبر معظم کی کردستان کے علاقہ میں شہید ہونے والےکمانڈروں کے اہل خانہ سے ملاقات
رہبر معظم انقلاب اسلامی حضرت آیت اللہ العظمی خامنہ ای نے آج سہ پہر کو کردستان کے علاقہ میں شہید ہونے والےکمانڈروں کے اہل خانہ سے صمیمی ملاقات کی۔
رہبر معظم کا کردستان کے علماء کے اجتماع سے خطاب
رہبر معظم انقلاب اسلامی حضرت آیت اللہ العظمی خامنہ ای نے صوبہ کردستان کے علماء و فضلا سے ملاقات میں فکر و اندیشہ کو منتقل کرنے کی پیچیدگی و پیشرفت اور ایران میں اسلامی حکومت کے قیام کو موجودہ دور کی دو خصوصیات قراردیتے ہوئے فرمایا: علماء و طلاب کو وقت کی پہچان کے ساتھ ان دو خصوصیات پر خصوصی توجہ مبذول کرنے کے ساتھ ان سے استفادہ بھی کرنا چاہیے اور حق و انصاف کے قیام اور ظلم و ستم اور فتنہ و فساد کامقابلہ کرنے کے لئے اپنی اہم و سنگین ذمہ داریوں کو پورا کرنا چاہیے۔
رہبر معظم سے صوبہ کردستان کے شہیدوں اور جانبازوں کے اہل خانہ کی ملاقات
رہبر معظم انقلاب اسلامی حضرت آیت اللہ العظمی خامنہ ای نے آج سہ پہر کو صوبہ کردستان کے سرافراز شہیدوں اور جانبازوں کے اہل خانہ سے ولولہ انگیزملاقات میں معاشرے کے ہر فرد بالخصوص جوانوں پر زوردیا کہ وہ شہیدوں کی یاد زندہ رکھنے، ہوشیار رہنے اور ثقافتی ، ایمانی اور عقیدتی سرحدوں پردشمن کے مخفیانہ حملے کے مقابلے میں آگاہ و باخبر رہیں۔
رہبر معظم کا صوبہ کردستان کے عوام سے شاندار خطاب
رہبر معظم انقلاب اسلامی حضرت آیت اللہ العظمی خامنہ ای نے صوبہ کردستان کےدارالحکومت سنندج کے آزادی اسکوائر اور اس کے اطراف کی سڑکوں پرایک عظیم اور شاندار اجتماع سے خطاب میں کردستان کے عوام کی طرف سے محبت کے بے مثال جلوے پیش کرنے پر ان کا شکریہ ادا کیا اور کردستان کے مؤمن و مجاہد اور ہوشیار عوام کی استقامت کو سراہتے ہوئے قومی عزت و وقار کی حفاظت اور صدراتی انتخابات میں سب سے نیک و صالح شخص کےانتخاب کے معیاروں پر روشنی ڈالی۔
رہبر معظم کا کردستان میں شاندار استقبال
کردستان " اسلام ،انقلاب اور ایران کا مضبوط و مستحکم قلعہ ہے کردستان کے غیور، مؤمن اور عشق و محبت سے سرشار عوام نے آج رہبر معظم انقلاب اسلامی حضرت آیت اللہ العظمی خامنہ ای کا بے مثال ، شاندار اور تاریخی استقبال کیا کردستان کے عوام نے شیعہ و سنی اتحاد اور انقلابی اور قومی اصولوں کے دفاع کے سلسلے میں بہترین اور شاندار جلوے پیش کئے ہیں ۔
رہبر معظم کی طبی امدادی اہلکاروں ، معلموں اور مزدورطبقے سے ملاقات
رہبر معظم انقلاب اسلامی حضرت آیت اللہ العظمی خامنہ ای نے آج صبح ملک بھر کے معلموں ، مزدوروں اور نرسوں کے اجتماع سے خطاب میں مذکورہ تینوں طبقات کو معاشرے کے اہم اور مؤثر طبقات قراردیا اور ملک کے مختلف میدانوں میں حکام اورمدیروں کے انتخاب میں قوم کے اہم اور فیصلہ کن کردار کی تشریح کرتے ہوئے فرمایا: اسلامی جمہوریہ ایران میں ہونے والے انتخابات میں دشمن کی طرف سے شکوک و شبہات پیدا کرنے کی کوششوں کے باوجود ایرانی عوام آئندہ صدارتی انتخابات میں جوش و خروش اور ذوق و شوق کے ساتھ شرکت کرکے ایسی تاریخ رقم کریں گے جو دشمن کے غیظ و غضب اور اس کی مایوسی کا موجب بنےگی۔
رہبر معظم سےآرمینیا کے صدر اور اس کے ہمراہ وفد کی ملاقات
رہبر معظم انقلاب اسلامی حضرت آیت اللہ العظمی خامنہ ای نے آج صبح آرمینیا کے صدر سرج سرکیسیان کے ساتھ ملاقات میں دونوں ممالک کے باہمی تعلقات کو خوب توصیف کرتے ہوئے فرمایا: تہران کے دورے کے دوران ہونے والے سمجھوتوں کو عملی جامہ پہنانے کی سنجیدہ کوشش کیجئے۔
رہبر معظم کی ونزوئلا کے صدر ہوگو شاویز اور اس کے ہمراہ وفد سے ملاقات
رہبر معظم انقلاب اسلامی حضرت آیت اللہ العظمی خامنہ ای نے آج سہ پہر کو ونزوئلا کے صدر ہوگو شاویز اور اس کے ہمراہ وفد سے ملاقات میں جناب شاویز کے شجاعانہ اور منصفانہ مؤقف اور اسی طرح ان کی عوام دوستی کی تعریف و تمجید کی اور انھیں مخاطب کرتے ہوئے فرمایا: ونزوئلا میں آپ کی حکومت کے برسراقتدار آنے سے لاطینی امریکی خطے کی تاریخ میں ایک نئے باب کا آغاز ہوا اور ونزوئلا کے عوام اور حکومت نے اس خطے کے عوام کے اندر خود اعتمادی کے جذبے کو بیدار کیا ہے۔
رہبر معظم نے نئے سال کے آغاز میں مشہد مقدس میں کئي ملین زائرین سے خطاب کیا
رہبر معظم انقلاب اسلامی حضرت آیت اللہ العظمی خامنہ ای نے نئے ہجری شمسی سال کے آغازمیں مشہد مقدس میں حضرت امام رضا(ع) کے حرم مبارک میں کئي ملین زائرین اور مشہد کے عوام سے اپنے اہم خطاب میں مختلف شعبوں میں ترقی وپیشرفت اور عدل و انصاف کے فروغ کی تشریح کی اور درست مصرف کے مختلف پہلوؤں کا جائزہ لینے کے ساتھ دسویں مرحلے کے صدارتی انتخابات اور اسی طرح ایران و امریکہ کے روابط کی طرف اشارہ کرتے ہوئے فرمایا: ایران کی عظيم قوم اپنی آمادگي اور موجودہ مثبت اقدامات کے پیش نظر انقلاب اسلامی کے چوتھے عشرے کو عدل و انصاف اور ترقی و پیشرفت کے عشرےمیں تبدیل کردےگی اور اس کے بنیادی اصولوں کو عملی جامہ پہنانے کے سلسلے میں بہت بڑے اور اہم قدم اٹھائے گي۔
رہبر معظم سے میلاد النبی (ص) کے موقع پر تینوں قوا کے سربراہوں اور اعلی حکام کی ملاقات
رہبر معظم انقلاب اسلامی حضرت آیت اللہ العظمی خامنہ ای نے عید میلادالنبی (ص) اور حضرت امام جعفر صادق (ع) کی ولادت باسعادت کی مناسبت سے آج ملک کی تینوں قوا کے سربراہان ، مجمع تشخیص مصلحت نظام کے سربراہ ،اسلامی نظام کے اعلی اہلکاروں ، بین الاقوامی اسلامی وحدت کانفرنس میں شریک مہمانوں، اسلامی ممالک کے سفراء اور عوام کے بعض طبقات سے ملاقات میں پیغمبر اسلام (ص)کی ولادت باسعادت کو بشریت کی سعادت اور پیشرفت کے لئے فیصلہ کن اور اہم واقعہ قراردیتے ہوئے فرمایا: پیغمبر اسلام (ص)کے پیروکاروں بالخصوص سیاستدانوں، علماء و مفکرین اور امت اسلامی کے مؤثر افراد کی سب سے بڑی اور اہم ذمہ داری اسلامی اتحاد کے لئے جد وجہد اور اختلاف پیدا کرنے والے عوامل کا مقابلہ اور شناخت ہے۔
رہبر معظم سے خبرگان کونسل کے سربراہ اور اراکین کی ملاقات
رہبر معظم انقلاب اسلامی حضرت آیت اللہ العظمی خامنہ ای نے آج صبح خبرگان کونسل کے سربراہ اور اراکین سے ملاقات میں گذشتہ تیس برسوں میں مختلف چیلنجوں اور گوناگوں مشکلات سے مقابلہ میں اسلامی نظام اور ایرانی قوم کے درخشاں اور مثبت نتائج کو قوم و نظام کی کامیابی و کامرانی قراردیتے ہوئے فرمایا: قوم اور حکام دونوں درخشاں مستقبل پر اعتقاد اور یقین رکھتے ہوئے دشمن کی طرف سے مایوس کرنے کی شیطانی کوششوں اور سازشوں کا مقابلہ جاری رکھیں گے اور ہمت و جد وجہد کے ساتھ ترقی و پیشرفت کے راستے پر فخر کے ساتھ گامزن رہیں گے۔
رہبر معظم کی تاجیکستان کے صدر امام علی رحمان سے ملاقات
رہبر معظم انقلاب اسلامی حضرت آیت اللہ العظمی خامنہ ای نے آج رات تاجیکستان کے صدر امام علی رحمان سے ملاقات میں اقتصادی تعاون کی تنظیم اکو کو بہت ہی اہم اوراچھی تنظیم قراردیا اور اکو رکن ممالک میں موجود مختلف وسائل ، خصوصیات اور ان کے حساس محل وقوع کی طرف اشارہ کرتے ہوئے فرمایا: اس علاقائی تنظیم کو فعال اور مضبوط بنانے کے لئے تمام ظرفیتوں سےمکمل طور پراستفادہ کرنا چاہیے ۔
رہبر معظم سے اسلامی کانفرنس تنظیم کے سکریٹری جنرل کی ملاقات
رہبر معظم انقلاب اسلامی حضرت آیت اللہ العظمی خامنہ ای نے آج سہ پہر کو اسلامی کانفرنس تنظیم کے سکریٹری جنرل جناب احسان اوغلو سے ملاقات میں عالم اسلام کے مسائل میں فعال و سرگرم کردار ایفا کرنے کو اسلامی کانفرنس کی اہم ذمہ داری قراردیتے ہوئے فرمایا: اسلامی کانفرنس تنظیم اسلامی ممالک کو قریب کرنے اور ان کے درمیان اتحاد و یکجہتی پیدا کرنے میں اہم کردار ادا کرسکتی ہے۔
رہبر معظم انقلاب اسلامی سے ترکی کے صدرعبد اللہ گل کی ملاقات
رہبر معظم انقلاب اسلامی حضرت آیت اللہ العظمی خامنہ ای نے کل رات ترکی کے صدر عبداللہ گل اور اس کے ہمراہ وفد سے ملاقات میں باہمی روابط کو فروغ دینے کے لئے دونوں ممالک کی ظرفیتوں کو بہت وسیع قراردیتے ہوئے فرمایا: اقتصادی تعاون کی تنظیم اکو، اقتصادی تعاون کو فروغ دینے کا ایک نمونہ ہے لیکن ترکی اور ایران علاقہ کے دو اہم اور مؤثرممالک ہیں اور دونوں سیاسی ، سکیورٹی اور سماجی خدمات کے شعبوں میں اپنے تعلقات کو مزید فروغ دےسکتے ہیں۔
رہبر معظم سے پاکستان کے صدر آصف علی زرداری کی ملاقات
رہبر معظم انقلاب اسلامی حضرت آیت اللہ العظمی خامنہ ای نے آج سہ پہر کو پاکستان کے صدر آصف علی زرداری سےملاقات میں پاکستان اور ایران کی دونوں قوموں کے بہت ہی گہرے ثقافتی اور تاریخی مشترکات کی طرف اشارہ کرتے ہوئے فرمایا: ایران اور پاکستان کی دو مؤمن قوموں کی آپسی محبت دونوں ممالک کے درمیان باہمی روابط کو فروغ دینے کا اصلی عامل ہے۔
رہبر معظم سے آذربائیجان کے صدر الہام علی اف کی ملاقات
رہبر معظم انقلاب اسلامی حضرت آیت اللہ العظمی نے آج سہ پہر کو آذربائیجان کے صدر الہام علی اف کے ساتھ ملاقات میں دونوں ممالک کے مشترکات اور تہران – باکو کے بےمثال روابط کی طرف اشارہ کرتے ہوئے فرمایا: مختلف میدانوں میں دونوں ممالک کے باہمی روابط سب سے قریب ، سب سےسنجیدہ اور سب سےعمیق ہوسکتے ہیں ۔
