Xəbərlər
Ali Məqamlı Rəhbər Höccətül-İslam vəl-muslimin Seyid Müctəba Musəvi Larinin vəfatı ilə əlaqədar başsağlığı verdi
İslam İnqilabının Ali Məqamlı Rəhbəri Həzrət Ayətullah Xamenei bu gün (şənbə günü) günortadan sonra görkəmli din alimi, mücahid qələm sahibi, vəli-fəqihin Laristan ostanı üzrə nümayəndəsi Höccətül-İslam vəl-muslimin Hacı Seyid Müctəba Musəvi Larinin vəfatı ilə əlaqədar rəsmi başsağlığı müraciəti etdi.
Ali Məqamlı Rəhbər Xubriqan Məclisinin sədri və məclis üzvləri ilə görüşdü
İslam İnqilabının Ali Məqamlı Rəhbəri Həzrət Ayətullah Xamenei Xubriqan Məclisinin sədri və məclis üzvləri ilə bu gün (cümə axşamı) səhər baş tutan görüşündə mühüm məqamlara toxundu. İnqilabın qələbəsindən 34 il ötməsinə, qarşısında yaranan çoxsaylı maneələrə baxmayaraq, İran xalqının irəliyə doğru hərəkət etməsini, əldə etdiyi heyrətamiz nailiyyətləri kompleks şəkildə təhlil edən Ali Məqamlı Rəhbər İslam dövlətinin hədəf və amallarına aparan yolda uzunmüddətli perspektivləri nəzərdə tutmanın son dərəcə vacib olduğunu qeyd etdi.
Ali Məqamlı Rəhbər “Ölkənin yeddi min şəhid qadını” adı ilə keçirilən konfransa müraciət ünvanladı
İslam İnqilabının Ali Məqamlı Rəhbəri Həzrət Ayətullah Xamenei “Ölkənin yeddi min şəhid qadını” adı altında keçirilən konfransa ünvanladığı müraciətdə qeyd edir ki, müsəlman İran qadını dünyaya yeni qadın nümunəsi təqdim etməkdə tarixi rola malikdir.
Ali Məqamlı Rəhbər özünün Kohgiluyə və Boyer-Əhməd ostanı üzrə nümayəndəsini təyin etdi
İslam İnqilabının Ali Məqamlı Rəhbəri Həzrət Ayətullah Xamenei Höccətül-İslam Hacı Seyid Şərəfəddin Məlikhüseyninin vəli-fəqihin Kohgiluyə və Boyer-Əhməd ostanı üzrə nümayəndəsi təyin olunması barədə sərəncam imzaladı.
Ali Məqamlı Rəhbər Ağacəkmə günü münasibəti ilə iki ting əkdi
İslam İnqilabının Ali Məqamlı Rəhbəri Həzrət Ayətullah Xamenei ölkədə qeyd olunan Təbii resurslar həftəsi və Ağacəkmə günü ilə əlaqədar olaraq, bu gün (çərşənbə axşamı) günorta iki ting əkdi.
Ali Məqamlı Rəhbər Tərəqqinin İran-İslam Modelinin Layihələndirilməsi Mərkəzinin Ali Şurasının üzvləri ilə görüşdü
Tərəqqinin İran-İslam Modelinin Layihələndirilməsi Mərkəzinin Ali Şurasının və əlaqədar intellektual mərkəzlərin üzvləri bu gün (bazar ertəsi) səhər İslam İnqilabının Ali Məqamlı Rəhbəri Həzrət Ayətullah Xamenei ilə görüşdülər.
Ali Məqamlı Rəhbər Əllamə Seyid Nemətullah Cəzayirinin xatirəsinə həsr olunmuş konfransa müraciət etdi
İslam İnqilabının Ali Məqamlı Rəhbəri Həzrət Ayətullah Xamenei Əllamə Seyid Nemətullah Cəzayirinin xatirəsinə həsr olunmuş konfransa ünvanladığı müraciətdə bu böyük alimin elmi və ədəbi məqamını yüksək dəyərləndirir, onun şiə hədisləri sahəsində dəqiq fiqhi yanaşma əsasında dərin biliklərə malik olduğunu qeyd edərək vurğulayır: “Mərhum Seyid Nemətullah Cəzayirini yüksək dəyərləndirmək, əslində, dini elm və bilgiləri yüksək dəyərləndirmək deməkdir”.
Pakistan Respublikasının prezidenti ilə görüş
İslam İnqilabının Ali Məqamlı Rəhbəri Həzrət Ayətullah Xamenei Pakistan Respublikasının prezidenti ilə bu gün (çərşənbə) günortadan sonra baş tutan görüşündə qeyd etdi ki, İslam ümmətinin əksər problemləri süni, ümmətin düşmənlərinin əli ilə yaradılmış problemlərdir. O vurğuladı: “İslam dünyasının insan, təbii və coğrafi resurslarının, potensialının dirçəldilməsi bu problemlərin həllinə effektiv təsir göstərə bilər”.
Ali Məqamlı Rəhbər Ayətullah Xoşvəxtin xatirəsinə matəm mərasimi təşkil etdi
İslam İnqilabının Ali Məqamlı Rəhbəri Həzrət Ayətullah Xameneinin təşəbbüsü ilə bu gün (bazar günü) günortadan sonra İmam Xomeyni (r.ə) adına hüseyniyədə Tanrı arifi, əxlaq ustadı Ayətullah Hacı Şeyx Əzizullah Xoşvəxtin xatirəsinə həsr olunan matəm və anım mərasimi keçirildi.
Ali Məqamlı Rəhbər Ayətullah Xoşvəxtə cənazə namazı qıldı
İslam İnqilabının Ali Məqamlı Rəhbəri Həzrət Ayətullah Xamenei bu gün (şənbə günü) səhər Tehran Universitetində rəbbani alim, Allaha doğru mənəvi yüksəliş yolunun yolçusu Ayətullah Hacı Şeyx Əzizullah Xoşvəxtin (Allah ona Behişti nəsib etsin!) cənazə mərasimində iştirak etdi.
Ali Məqamlı Rəhbər iranlı güləşçiləri dünya kubokunda qazandıqları qələbə münasibəti ilə təbrik etdi
İslam İnqilabının Ali Məqamlı Rəhbəri Həzrət Ayətullah Xamenei Tehranda keçirilən dünya kubokunda İranı təmsil etmiş qəhrəman güləşçilərə, onların məşqçilərinə, komandaların rəsmilərinə bu axşam (cümə günü) ünvanladığı müraciətdə ölkənin sərbəst güləş üzrə milli yığmasını kubokda qazandığı birincilik, Yunan-Roma güləşi üzrə milli yığmanı isə vitse-çempion adı qazanması münasibəti ilə təbrik edir.
Ali Məqamlı Rəhbər Ayətullah Xoşvəxtin vəfatı ilə əlaqədar başsağlığı verdi
İslam İnqilabının Ali Məqamlı Rəhbəri Həzrət Ayətullah Xamenei Ayətullah Hacı Şeyx Əzizullah Xoşvəxtin vəfatı ilə əlaqədar ünvanladığı başsağlığı müraciətində qeyd edir ki, bu rəbbani alimin, Allaha doğru mənəvi yüksəliş yolunun yolçusunun vəfatı o dahi insanın mənəvi məqamına bələd olan şəxslər üçün kədər dolu bir müsibət, bu Tanrı arifinin şagirdləri, onun feyz dolu şəxsiyyətinə mənən bağlı olanlar üçün böyük bir itkidir.
Ali Məqamlı Rəhbər “Əmmar” Xalq Kinofestivalının təşkilatçı rəsmiləri ilə görüşdü
İslam İnqilabının Ali Məqamlı Rəhbəri Həzrət Ayətullah Xamenei “Əmmar” Xalq Kinofestivalının təşkilatçı rəsmiləri ilə bu gün (çərşənbə axşamı) baş tutan görüşündə qeyd etdi ki, kinofestivalda din və dini bilgilər mövzusuna, həmçinin İslam İnqilabına və inqilabi dəyərlərə diqqət yetirilməsi mübarək bir addımdır. O vurğuladı: “İslami mövzulu incəsənətə və dini kinematoqrafiya yanaşmada uzunmüddətli hədəflər nəzərdə tutulmalı, dəqiq planlama həyata keçirilməli, gələcəyə ümidlə baxılmalı, maksimum effekt əldə etmək üçün incəsənətin imkanlarından münasib şəkildə istifadə olunmalıdır”.
Ali Məqamlı Rəhbər minlərlə azərbaycanlı ilə görüşdü
Bu gün (şənbə günü) səhər minlərlə Təbriz sakini ilə coşğulu bir atmosferdə görüşən İslam İnqilabının Ali Məqamlı Rəhbəri Həzrət Ayətullah Xamenei çıxışında olduqca mühüm məqamları qeyd etdi. O, Amerika rəsmilərinin müzakirələrlə bağlı məntiqsiz davranış və fikirlərinə toxunaraq İran xalqının və İslam dövlətinin bu sferada tam məntiqli davrandıqlarını izah etdi.
Ali Məqamlı Rəhbər Qum Teoloji Mərkəzinin Müdərrislər Cəmiyyətinə həsr olunmuş konfransa müraciət ünvanladı
İslam İnqilabının Ali Məqamlı Rəhbəri Həzrət Ayətullah Xamenei Qum Teoloji Mərkəzinin Müdərrislər Cəmiyyətinin 50 illik elmi, mədəni və siyasi fəaliyyətini təqdir etmək məqsədilə “Yarım əsrlik iştirak” adı altında keçirilən konfransa ünvanladığı müraciətdə bu mübarək teoloji qurumun 50 il ərzində ixlasla göstərdiyi səyləri layiqincə dəyərləndirməyin vacibliyini vurğuladı.
Ali Məqamlı Rəhbər milli istehsal, İran insanının əməyinin və sərmayəsinin himayəsi ilə bağlı ümumi siyasətləri elan etdi
İslam İnqilabının Ali Məqamlı Rəhbər Həzrət Ayətullah Xamenei Konstitusiyanın 110-cu maddəsinin 1-ci bəndinin icrasına müvafiq olaraq, Qurumun Mənafeyini Müəyyənləşdirən Şura ilə məsləhətləşmələrdən sonra milli istehsal, İran insanının əməyinin və sərmayəsinin himayəsi ilə bağlı müəyyən olunmuş başlıca siyasətləri elan edərək bildirdi ki, hökumət kabineti bu siyasətlərin mümkün olan tez bir zamanda reallaşmasını sürətləndirməli, bu sahədə əsas təlimatları verməli və tələb olunan hüquqi proseduraların həyata keçirilməsini təmin etməlidir.
Ali Məqamlı Rəhbər İran xalqını təqdir etdi
İslam İnqilabının Ali Məqamlı Rəhbəri Həzrət Ayətullah Xamenei bu gün (bazar ertəsi) səhər fakültativ fiqh mühazirəsində 22 bəhmən günü möhtəşəm və əzəmətli bir milli qəhrəmanlığa imza atmış İran xalqının gözüaçıqlığını, qəhrəmanlığını, həssas anları dəyərləndirmə bacarığını təqdir edərək xalqın ictimai-siyasi proseslərdə bu cür izdihamlı iştirakını böyük bir hadisə adlandırdı.
Ali Məqamlı Rəhbər Hərbi Hava Qüvvələrinin rəsmiləri ilə görüşdü
İslam İnqilabının Ali Məqamlı Rəhbəri Həzrət Ayətullah Xamenei Ordunun Hava Qüvvələrinin yüksək rütbəli zabitləri, rəsmiləri və digər heyəti ilə bu gün (cümə axşamı) səhər baş tutan görüşündə qeyd etdi ki, Amerikanın İrana qarşı cürbəcür təzyiq və təhdidləri 34 ildir davam etdirməsi və paralel olaraq, bu dövlətin rəsmilərinin İslam Respublikası ilə danışıqlara hazır olduqlarını bəyan etmələri Amerikanın heç də xoşniyyətli olmadığını göstərir.