خبریں
رہبر معظم انقلاب اسلامی حضرت آیت اللہ العظمی خامنہ ای ، گارڈین کونسل کے نمائندوں ، وزارت داخلہ ، احتساب ادارے کے اہلکاروں اور انتخابات کے تبلیغاتی کمیشن کے اہلکاروں کی موجودگی میں آج سہ پہر کو دسویں صدارتی انتخابات کے چارامیدواروں کے نمائندوں نےانتخابات اور اس کے متعلق مسائل کے بارے میں اپنے نظریات کو صاف و شفاف طور پربیان کیا اور متعلقہ حکام نے بھی اس سلسلے میں وضاحت پیش کی۔
رہبر معظم کی موجودگی میں حضرت فاطمہ زہرا(س) کی ولادت کی مناسبت سے محفل کا انعقاد
رہبر معظم انقلاب اسلامی حضرت آیت اللہ العظمی خامنہ ای نے آج صبح ایک ملاقات میں بی بی دو عالم حضرت صدیقہ طاہرہ فاطمہ زہرا (سلام اللہ علیہا) اور ان کے فرزند گرامی حضرت امام خمینی (رہ) کی ولادت باسعادت پر مبارک باد پیش کی اور دسویں صدارتی انتخابات کو اعجاز الہی قراردیا ، انتخابات میں ایرانی عوام کی بے مثال اور لاجواب شرکت کی طرف اشارہ کرتے ہوئے فرمایا: ایران کی بیدار ، ہوشیار اور آگاہ عوام نے اپنی عظیم شرکت کے ذریعہ ثابت کردیا ہے کہ وہ امام خمینی (رہ) کے انقلابی اور اسلامی اصولوں پر قائم ہیں اور انھیں کی راہ پر گامزن رہنے کو اپنی سعادت و پیشرفت سمجھتے ہیں۔
رہبر معظم کا دسویں صدراتی انتخابات میں عوام کی بھرپور شرکت پر اہم پیغام
صدارتی انتخابات میں 80 فیصد سے زائد ووٹروں کی شرکت اور منتخب صدر کی 24 ملین سے زائد ووٹوں سے کامیابی درحقیقت ایک حقیقی جشن کا مظہر ہے بد نیت دشمن ایرانی عوام کی اس حلاوت اور مٹھاس کو بد مزہ بنانے کی کوشش میں ہیں ایرانی عوام اور جوان ، دشمن کی اس کوشش کے مد مقابل ہوشیار اور بیداررہیں اور منتخب امیدوار ،دوسرے امیدوار اور ان کے حامی ایکدوسرے کی نسبت بدگمانی اور اشتعال انگیز اقدامات سے پرہیز کریں ۔
رہبر معظم نے دسویں صدراتی انتخابات میں اپنا ووٹ استعمال کیا
رہبر معظم انقلاب اسلامی حضرت آیت اللہ العظمی خامنہ ای نے دسویں صدارتی انتخابات اور خبرگان کونسل کے وسط مدتی انتخابات میں آج صبح انتخابات شروع ہونے کے ابتدائی دقائق میں حسینیہ امام خمینی (رہ) میں حاضر ہوکربیلٹ بکس نمبر 110 میں اپنا ووٹ استعمال کیا۔
رہبر معظم کا امام خمینی (رہ) کی بیسویں بر سی کے موقع پر امام خمینی کے حرم میں عوام سے خطاب
رہبر معظم انقلاب اسلامی حضرت آیت اللہ العظمی خامنہ ای نے آج حضرت امام خمینی (رہ) کی بیسویں برسی کے موقع پر کئی لاکھ افراد کے شاندار اجتماع سے خطاب میں امام خمینی (رہ) کی عظیم اور تاریخی تحریک میں " اسلام کے احیا" اور " ایرانی عوام کی عزت و عظمت" کے دو پرچموں کی سربلندی اور دشمنوں کی طرف سے ایرانی عوام کی ترقی و پیشرفت کو روکنے کے لئے کی جانے والی سازشوں اور کوششوں کی طرف اشارہ کرتے ہوئے فرمایا: اسلام ، ایرانی عوام اور نظام کو مضبوط و مستحکم بنانے اور ان سے محبت اور لگاؤ رکھنے والے تمام افراد کو چاہیے کہ وہ 22 خرداد مطابق 12 جون کے انتخابات میں بھر پور شرکت کریں۔
رہبر معظم سے امام خمینی (رہ)کی بیسویں برسی منعقد کرنے والے اہلکاروں کی ملاقات
رہبر معظم انقلاب اسلامی حضرت آیت اللہ العظمی خامنہ ای نے آج صبح حضرت امام خمینی( رہ)کی بیسویں برسی منعقد کرنے والے ادارے کے اہلکاروں سے ملاقات میں رہبر کبیر انقلاب اسلامی حضرت امام خمینی (رہ) کو اسلام کا مظہر اور قومی اتحاد و عزت اور استقلال کی رمز قراردیتے ہوئے فرمایا: امام(رہ) کی اس گرانقدر و گراں سنگ میراث کی تمام وجود کے ساتھ حفاظت اور ان کی یاد کوالہی عطیہ سمجھ کر ہمیشہ زندہ رکھنا چاہیے۔
رہبر معظم کا زاہدان میں بم دھماکے کے شہداء کے لواحقین کے نام تعزیتی پیغام
رہبر معظم انقلاب اسلامی حضرت آیت اللہ العظمی خامنہ ای نےزاہدان میں رونما ہونے والے دہشت گردی کے خونین حادثے پر اپنے تعزیتی پیغام میں سامراجی طاقتوں اور ان کے جاسوسی اداروں کو اس المناک واقعہ کااصلی ذمہ دار قراردیتے ہوئے حکام اور عوام پر زوردیا ہے کہ وہ اسلامی اور قومی اتحاد و یکجہتی کا مظاہرہ کرتے ہوئے دشمن کی طرف سے فرقہ وارانہ اختلافات پھیلانے کی سازشوں کو ناکام بنائیں ۔
رہبر معظم کی موجودگی میں حضرت فاطمہ زہراء(س) کی شہادت کی مناسبت سے مجالس عزا
حسینیہ امام خمینی(رہ) میں رہبر معظم انقلاب اسلامی حضرت آیت اللہ العظمی خامنہ ای کی موجودگی میں نماز مغرب و عشاء کے بعد صدیقہ طاہرہ حضرت فاطمہ زہراء سلام اللہ علیہا کی شب شہادت کی مناسبت سےمجلس عزا منعقد ہوئی۔ جس میں عوام کے مختلف طبقات کے علاوہ اعلی حکام نے شرکت کی۔
رہبر معظم کے ساتھ پاکستان اور افغانستان کے صدور کی ملاقات
رہبر معظم انقلاب اسلامی حضرت آیت اللہ العظمی خامنہ ای نے آج سہ پہر کو پاکستان اور افغانستان کے صدور سے ملاقات میں سہ فریقی اجلاس کو تینوں ہمسایہ ممالک کے لئے اہم قراردیتے ہوئے فرمایا: ہم تینوں ممالک کے باہمی تفاہم ناموں کی بھر پور حمایت کرتے ہیں اور ہمیں اطمینان ہے کہ تینوں ممالک کے صدور کی صداقت اور تلاش و کوشش کے سائے میں ان تفاہم ناموں کے ثمر بخش نتائج برآمد ہوں گے۔
رہبر معظم سے تین خرداد کی مناسبت سےشہداء کے بعض خاندانوں کی ملاقات
رہبر معظم انقلاب اسلامی حضرت آیت اللہ العظمی خامنہ ای نے آج صبح انقلاب اوراسلام کی راہ میں دو اور اس سے زیادہ شہید پیش کرنے والے بعض خاندانوں سے ملاقات کی اور اسلامی نظام کی پیشرفت و ترقی کو شہداء کی قربانیوں کا نتیجہ قراردیتے ہوئے فرمایا: ایرانی قوم ،شہداء کے خون اور ان کے اہل خانہ کی ہمیشہ احسان مند رہے گی۔
رہبر معظم نے بعض فوجیوں کی سزاؤں میں تخفیف اور عفو کی درخواست سےموافقت کی
رہبر معظم انقلاب اسلامی حضرت آیت اللہ العظمی خامنہ ای نے خرم شہر کی آزادی اور فتح کی مناسبت سے فوجی عدالتوں سے 80 سزا یافتہ افراد کی سزاؤں میں تخفیف اور بخشش کی درخواست سےموافقت کی ہے۔
رہبر معظم کی طرف سے آیت اللہ ا بہجت کے ایصال ثواب کے لئے مجلس عزا کا انعقاد
رہبر معظم انقلاب اسلامی حضرت آیت اللہ العظمی خامنہ ای کی موجودگی اور ان کی طرف سے عالم ربانی ، عارف کامل اور اسوہ زہد وتقوی حضرت آیت اللہ العظمی بہجت مرحوم کے ایصال ثواب کی مجلس حسینیہ امام خمینی (رہ) میں منعقد ہوئی ۔
رہبر معظم کے دفتر کی طرف سے کردستان کے غیور عوام کے نام شکریہ کا پیغام
بسم اللہ الرحمن الرحیم
کردستان " ایمان ، دلیری اور ہوشیاری " کی عظیم سرزمین ، " ادب و ہنر اور ثقافت" کا سرسبز و شاداب خطہ اور " وفاداری و نجابت اور الفت " کا خوش و خرم دیار ہے جس کے عوام نے حالیہ دنوں میں رہبر معظم انقلاب اسلامی کی مہمان نوازی اور ان کےوالہانہ استقبال میں شیعہ و سنی اتحاد و یکجہتی کا شاندار نمونہ پیش کیا ہے جو اس حقیقت کا مظہر ہے کہ ایرانی عوام کے عظیم پیکر کے تمام اجزاء ،" آگاہی ، اتحاد اور حضور" کے ساتھ اس سرافراز اور عظیم سرزمین کے مستقبل کودرخشاں بنانے میں برابر کے شریک و سہیم ہیں ۔
رہبر معظم کی کردستان کے آٹھ روزہ دورہ کے بعد تہران واپسی
رہبر معظم انقلاب اسلامی حضرت آیت اللہ العظمی خامنہ ای صوبہ کردستان کا 8 روزہ دورہ مکمل کرکے آج سہ پہر کو واپس تہران پہنچ گئے ہیں معظم لہ نے اس سفر میں صوبہ کردستان کے مختلف شہروں کا دورہ کیا ہے اور صوبہ کےمؤمن و شجاع عوام کے مختلف طبقات سے ملاقات اور گفتگوکی۔
رہبر معظم کا کردستان کے شہر سقز کے عوام سے خطاب
رہبر معظم انقلاب اسلامی حضرت آیت اللہ العظمی خامنہ ای آج صبح صوبہ کردستان کے آٹھویں اور آخری دن میں سقز کے شجاع ،مہربان اور غیور عوام کے شاندار اجتماع میں حاضر ہوئے جو پچھلےایک ہفتے سے رہبر معظم کا شدت کے ساتھ انتظار کررہے تھے رہبر معظم نے صوبہ کے عوام کی ہوشیاری کو تحسین آمیز قراردیتے ہوئے فرمایا: کرد عوام کی اسلام اور انقلاب اسلامی کے ساتھ والہانہ محبت ایک خوبصورت حقیقت تھی جو اس سفر کے دوران اسلامی جمہوریہ ایران کے دشمنوں ، دوستوں اور ایران کی پوری قوم کے لئے مزید آشکار ہوگئی ہے۔
رہبر معظم کاسقز کے شہداء کے مزار پر حضور
رہبر معظم انقلاب اسلامی حضرت آیت اللہ العظمی خامنہ ای نے سقز شہر کے شہداء کے مزار پر حاضر ہو کر ان کے درجات کی بلندی کے لئے سورہ فاتحہ کی تلاوت کا شرف حاصل کیا اور ان کی شجاعت اور بہادری پر انھیں خراج تحسین پیش کیا۔
رہبر معظم کا بیجار کے عوام سے شاندار خطاب
رہبر معظم انقلاب اسلامی حضرت آیت اللہ العظمی خامنہ ای نے صوبہ کردستان کے ساتویں دن کے سفر میں آج صبح بیجار کے مؤمن ، نجیب اور دلیر عوام کے شاندار اجتماع میں اتحاد ، عوامی حضور اور آگاہی کو پیشرفت ، اقتدار اور ایرانی عوام کی عظمت کے تین اہم عناصر قراردیااورصدارتی انتخابات میں عوام کی آگاہانہ شرکت پر تاکید کرتے ہوئے فرمایا: ایسے شخص کو مسند اقتدار سونپیں جو حضرت امام (رہ) کے راستے پر گامزن رہنے ، انقلاب کے اصولوں کی پاسداری کرنے اور عالمی منہ زور طاقتوں کے سامنے استقامت کی قدرت رکھتا ہو۔
رہبر معظم کی بیجار کے شہداء کے مزار پر حاضری
رہبر معظم انقلاب اسلامی حضرت آیت اللہ العظمی خامنہ ای آج بیجار کے شہداء کے مزار پر حاضر ہوئے اور اس شہر کے سرافراز شہیدوں کے درجات کی بلندی کے لئے سورہ فاتحہ کی تلاوت کا شرف حاصل کیا۔
رہبر معظم کا آیت اللہ بہجت کی رحلت پر تعزيتی پیغام
رہبر معظم انقلاب اسلامی حضرت آیت اللہ العظمی خامنہ ای نے عالم ربانی حضرت آیت اللہ آقای حاج شیخ محمد تقی بہجت کی رحلت پر اپنے تعزیتی پیغام میں اس بزرگ عارف اور فقیہ کی دردناک رحلت کو ناقابل تلافی نقصان قراردیتے ہوئے اس عظیم مصیبت پرحضرت بقیۃ اللہ ارواحنا فداہ ، علماء اعلام ، مراجع عظام اور مرحوم کے اہل خانہ اور تمام دوستداروں کو تعزیت و تسلیت پیش کی ہے۔
