خبریں
رہبر معظم سے عمان کے بادشاہ سلطان قابوس کی ملاقات
رہبر معظم انقلاب اسلامی حضرت آیت اللہ العظمی خامنہ ای نے آج سہ پہر کو عمان کے بادشاہ سلطان قابوس اور اس کے ہمراہ وفد سے ملاقات میں گذشتہ تیس برسوں میں ایران اور عمان کے باہمی روابط کو اچھا اور برادرانہ قراردیتے ہوئے فرمایا: دونوں ممالک کے درمیان تاریخی ، جغرافیائی اورگہرے دینی اشتراکات کے پیش نظر باہمی روابط کو فروغ دینے کے لئے وسیع امکانات موجود ہیں۔
رہبر معظم سے قرآن کریم کے چھبیسویں مقابلوں کے شرکاء کی ملاقات
رہبر معظم انقلاب اسلامی حضرت آیت اللہ العظمی خامنہ ای نے قرآن کریم کے چھبیسویں بین الاقوامی مقابلوں میں شرکت کرنے والے مہمانوں سے ملاقات میں قرآن مجید پر عمل کو مسلمانوں کے اتحاد ، عظمت ، عزت اور پیشرفت کا موجب قراردیا اور ملک کے اندر اتحاد کی حفاظت کی ضرورت پر تاکید کرتے ہوئے فرمایا: حالیہ دنوں میں رونما ہونے والے واقعات کو اختلاف اور خلیج پیدا کرنے کا وسیلہ نہیں بنانا چاہیےاور سب کو برادرانہ طور پر باہمی تعاون کو فروغ اور ملک کی پیشرفت کے لئے تلاش و کوشش کرنی چاہیے۔
رہبر معظم کی عید بعثت پیغمبر اسلام (ص)کے موقع پر عوام کے مختلف طبقات اور اسلامی نظام کے حکام سے ملاقات
رہبر معظم انقلاب اسلامی حضرت آیت اللہ العظمی خامنہ ای نے آج بعثت پیغمبر اسلام کی مناسبت سے عوام کے مختلف طبقات اور اسلامی نظام کے حکام سے ملاقات فرمایا: اسلامی معاشرے کی سب سے اہم اور اصلی ضرورت بعثت کے پیغام پر عملدرآمد، عقل و خرد کو معیار قرار دینا، اخلاقی اقدار کی بالادستی اور قانونی نظم و ضبط کا بنیاد قرار پانا ہے اور اس سلسلے میں اہم شخصیات اور بزرگوں کی ذمہ داریاں سب سے اہم ہیں۔
رہبر معظم سے تیرہ رجب کی مناسبت سے عوام کے مختلف طبقات کی ملاقات
آج حسینیہ امام خمینی (رہ)میں مولود کعبہ مولی الموحدین حضرت علی بن ابی طالب (ع) کی مسعود و مبارک ولادت باسعادت کی مناسبت سے ملک بھر سےمختلف طبقات کے ہزاروں افراد نےعشق و ایمان سے سرشارخوبصورت جلوؤں کو پیش کیا اور یا علی (ع) کے ذکر کے ساتھ ولایت کے مقام و منزلت کے بارے میں اپنے احساسات و جذبات کا اظہار کیا ۔
رہبر معظم کے ساتھ عدلیہ کے سربراہ اور اعلی اہلکاروں کی ملاقات
رہبر معظم انقلاب اسلامی حضرت آیت اللہ العظمی خامنہ ای نے آج عدلیہ کے سربراہ اور اہلکاروں سے ملاقات میں ، معاشرے میں عدل و انصاف قائم کرنے کو عدلیہ کی اصلی اور اہم ذمہ داری قراردیا اورعدل و انصاف کو عملی جامہ پہنانے کے لئے قانون پر عمل کو لازمی قراردیتے ہوئےملک کے حالیہ مسائل کی جانب اشارہ کرتے ہوئے فرمایا: قانونی معیاروں کےذریعہ مسائل کا حل امکان پذیر ہے اور دونوں گروہوں ، تمام ممتاز شخصیات ، سیاسی احزاب ، فعال اور سرگرم افراد کو قوم کے اتحاد و یکجہتی میں خلل ایجاد کرنے اور ان کے احساسات کو بھڑکانے سے پرہیز کرنا چاہیے۔
رہبر معظم سے پارلیمنٹ کے سربراہ اور نمائندوں کی ملاقات
رہبر معظم انقلاب اسلامی حضرت آیت اللہ العظمی خامنہ ای نے پارلیمنٹ کے سربراہ ، پارلیمنٹ کی سربراہ کمیٹی اور پارلیمنٹ کے نمائندوں سے ملاقات میں قوانین کومعاشرے کی اصلی ضرورت اوراسلامی اصولوں اور معیاروں کے مطابق منظور کرنے پر تاکیدکرتے ہوئے فرمایا: قوانین منظور کرنے میں ان کے تربیتی اور ثقافتی اثرات پر سنجیدہ طورتوجہ رکھنی چاہیے۔
رہبر معظم سےگارڈین کونسل ،وزارت داخلہ اور چاروں انتخاباتی امیدواروں کے نمائندوں کی ملاقات
رہبر معظم انقلاب اسلامی حضرت آیت اللہ العظمی خامنہ ای ، گارڈین کونسل کے نمائندوں ، وزارت داخلہ ، احتساب ادارے کے اہلکاروں اور انتخابات کے تبلیغاتی کمیشن کے اہلکاروں کی موجودگی میں آج سہ پہر کو دسویں صدارتی انتخابات کے چارامیدواروں کے نمائندوں نےانتخابات اور اس کے متعلق مسائل کے بارے میں اپنے نظریات کو صاف و شفاف طور پربیان کیا اور متعلقہ حکام نے بھی اس سلسلے میں وضاحت پیش کی۔
رہبر معظم کی موجودگی میں حضرت فاطمہ زہرا(س) کی ولادت کی مناسبت سے محفل کا انعقاد
رہبر معظم انقلاب اسلامی حضرت آیت اللہ العظمی خامنہ ای نے آج صبح ایک ملاقات میں بی بی دو عالم حضرت صدیقہ طاہرہ فاطمہ زہرا (سلام اللہ علیہا) اور ان کے فرزند گرامی حضرت امام خمینی (رہ) کی ولادت باسعادت پر مبارک باد پیش کی اور دسویں صدارتی انتخابات کو اعجاز الہی قراردیا ، انتخابات میں ایرانی عوام کی بے مثال اور لاجواب شرکت کی طرف اشارہ کرتے ہوئے فرمایا: ایران کی بیدار ، ہوشیار اور آگاہ عوام نے اپنی عظیم شرکت کے ذریعہ ثابت کردیا ہے کہ وہ امام خمینی (رہ) کے انقلابی اور اسلامی اصولوں پر قائم ہیں اور انھیں کی راہ پر گامزن رہنے کو اپنی سعادت و پیشرفت سمجھتے ہیں۔
رہبر معظم سے امام خمینی (رہ)کی بیسویں برسی منعقد کرنے والے اہلکاروں کی ملاقات
رہبر معظم انقلاب اسلامی حضرت آیت اللہ العظمی خامنہ ای نے آج صبح حضرت امام خمینی( رہ)کی بیسویں برسی منعقد کرنے والے ادارے کے اہلکاروں سے ملاقات میں رہبر کبیر انقلاب اسلامی حضرت امام خمینی (رہ) کو اسلام کا مظہر اور قومی اتحاد و عزت اور استقلال کی رمز قراردیتے ہوئے فرمایا: امام(رہ) کی اس گرانقدر و گراں سنگ میراث کی تمام وجود کے ساتھ حفاظت اور ان کی یاد کوالہی عطیہ سمجھ کر ہمیشہ زندہ رکھنا چاہیے۔
رہبر معظم کے ساتھ پاکستان اور افغانستان کے صدور کی ملاقات
رہبر معظم انقلاب اسلامی حضرت آیت اللہ العظمی خامنہ ای نے آج سہ پہر کو پاکستان اور افغانستان کے صدور سے ملاقات میں سہ فریقی اجلاس کو تینوں ہمسایہ ممالک کے لئے اہم قراردیتے ہوئے فرمایا: ہم تینوں ممالک کے باہمی تفاہم ناموں کی بھر پور حمایت کرتے ہیں اور ہمیں اطمینان ہے کہ تینوں ممالک کے صدور کی صداقت اور تلاش و کوشش کے سائے میں ان تفاہم ناموں کے ثمر بخش نتائج برآمد ہوں گے۔
رہبر معظم سے تین خرداد کی مناسبت سےشہداء کے بعض خاندانوں کی ملاقات
رہبر معظم انقلاب اسلامی حضرت آیت اللہ العظمی خامنہ ای نے آج صبح انقلاب اوراسلام کی راہ میں دو اور اس سے زیادہ شہید پیش کرنے والے بعض خاندانوں سے ملاقات کی اور اسلامی نظام کی پیشرفت و ترقی کو شہداء کی قربانیوں کا نتیجہ قراردیتے ہوئے فرمایا: ایرانی قوم ،شہداء کے خون اور ان کے اہل خانہ کی ہمیشہ احسان مند رہے گی۔
رہبر معظم کے دفتر کی طرف سے کردستان کے غیور عوام کے نام شکریہ کا پیغام
بسم اللہ الرحمن الرحیم
کردستان " ایمان ، دلیری اور ہوشیاری " کی عظیم سرزمین ، " ادب و ہنر اور ثقافت" کا سرسبز و شاداب خطہ اور " وفاداری و نجابت اور الفت " کا خوش و خرم دیار ہے جس کے عوام نے حالیہ دنوں میں رہبر معظم انقلاب اسلامی کی مہمان نوازی اور ان کےوالہانہ استقبال میں شیعہ و سنی اتحاد و یکجہتی کا شاندار نمونہ پیش کیا ہے جو اس حقیقت کا مظہر ہے کہ ایرانی عوام کے عظیم پیکر کے تمام اجزاء ،" آگاہی ، اتحاد اور حضور" کے ساتھ اس سرافراز اور عظیم سرزمین کے مستقبل کودرخشاں بنانے میں برابر کے شریک و سہیم ہیں ۔
رہبر معظم کی کردستان کے آٹھ روزہ دورہ کے بعد تہران واپسی
رہبر معظم انقلاب اسلامی حضرت آیت اللہ العظمی خامنہ ای صوبہ کردستان کا 8 روزہ دورہ مکمل کرکے آج سہ پہر کو واپس تہران پہنچ گئے ہیں معظم لہ نے اس سفر میں صوبہ کردستان کے مختلف شہروں کا دورہ کیا ہے اور صوبہ کےمؤمن و شجاع عوام کے مختلف طبقات سے ملاقات اور گفتگوکی۔
رہبر معظم کا کردستان کے شہر سقز کے عوام سے خطاب
رہبر معظم انقلاب اسلامی حضرت آیت اللہ العظمی خامنہ ای آج صبح صوبہ کردستان کے آٹھویں اور آخری دن میں سقز کے شجاع ،مہربان اور غیور عوام کے شاندار اجتماع میں حاضر ہوئے جو پچھلےایک ہفتے سے رہبر معظم کا شدت کے ساتھ انتظار کررہے تھے رہبر معظم نے صوبہ کے عوام کی ہوشیاری کو تحسین آمیز قراردیتے ہوئے فرمایا: کرد عوام کی اسلام اور انقلاب اسلامی کے ساتھ والہانہ محبت ایک خوبصورت حقیقت تھی جو اس سفر کے دوران اسلامی جمہوریہ ایران کے دشمنوں ، دوستوں اور ایران کی پوری قوم کے لئے مزید آشکار ہوگئی ہے۔
رہبر معظم کا بیجار کے عوام سے شاندار خطاب
رہبر معظم انقلاب اسلامی حضرت آیت اللہ العظمی خامنہ ای نے صوبہ کردستان کے ساتویں دن کے سفر میں آج صبح بیجار کے مؤمن ، نجیب اور دلیر عوام کے شاندار اجتماع میں اتحاد ، عوامی حضور اور آگاہی کو پیشرفت ، اقتدار اور ایرانی عوام کی عظمت کے تین اہم عناصر قراردیااورصدارتی انتخابات میں عوام کی آگاہانہ شرکت پر تاکید کرتے ہوئے فرمایا: ایسے شخص کو مسند اقتدار سونپیں جو حضرت امام (رہ) کے راستے پر گامزن رہنے ، انقلاب کے اصولوں کی پاسداری کرنے اور عالمی منہ زور طاقتوں کے سامنے استقامت کی قدرت رکھتا ہو۔
رہبر معظم کی صوبہ کردستان کے اعلی حکام سے ملاقات
رہبر معظم انقلاب اسلامی حضرت آیت اللہ العظمی خامنہ ای نے صوبہ کردستان کی انتظامیہ کے اعلی عہدیداروں سے ملاقات میں عوام کی خدمت کواسلامی منطق اور نقطہ نظر سے نیکی ، اچھااور بہترین انسانی عمل قراردیا اور ایران کے قدر شناس و فعال عوام کی خدمت کو تمام اعلی انتظامی اہلکاروں اور حکام کی سنگین ذمہ داری قراردیا۔
رہبر معظم کی کردستان کی یونیورسٹیوں کے اساتذہ اور طلباء سے ملاقات
رہبر معظم انقلاب اسلامی حضرت آیت اللہ العظمی خامنہ ای نے صوبہ کردستان کی یونیورسٹیوں کے فہیم و آگاہ اساتید اور طلباء کے عظیم اجتماع سے خطاب میں پیشرفت و ترقی کے حقیقی مفہوم ، شرائط اور خصوصیات کی تشریح اور پیشرفت کو مقامی اور قومی سطح پر فروغ دینے کی ضرورت پر زور دیتے ہوئے فرمایا: انقلاب اسلامی کے چوتھے عشرے میں پیشرفت و عدالت کو قومی ضرورت اوربحث و گفتگومیں تبدیل کرنا چاہیے تاکہ اس عشرے کے اختتام پر منصوبہ سازی اور قومی ہدف تک پہنچنے کے لئے ایران کی عظیم و بزرگ قوم فیصلہ کن اقدامات کا مشاہدہ کرے ۔
رہبر معظم کا صوبہ کردستان میں مریوان کے عوام سے خطاب
رہبر معظم انقلاب اسلامی حضرت آیت اللہ العظمی خامنہ ای نے صوبہ کردستان کے دورے کے پانچویں دن مریوان کے شجاع، بہادر ، مؤمن اور پرنشاط عوام کے اجتماع سے خطاب میں قومی عزت و وقار کو ایرانی عوام کے تابناک و درخشاں مستقبل میں بہت اہم اور مؤثر عامل قراردیتے ہوئے فرمایا: یہ تابناک مستقبل جوانوں سے متعلق ہے اور اجانب کے نسخوں سے پرہیز کرتے ہوئے اسلامی ، قومی اور مقامی نسخوں کی بدولت یہ امرمحقق ہوجائے گا۔
