خبریں
رہبر معظم کی آیت اللہ خرازی نے عیادت کی
رہبر معظم انقلاب اسلامی حضرت آیت اللہ العظمی خامنہ ای کے آپریشن کے دوسرے دن خبرگان کونسل کے رکن آیت اللہ سید محسن خرازی نے ان کی عیادت کی۔
رہبر معظم کی بعض اعلی حکام اور اہلکاروں نے عیادت کی
رہبر معظم انقلاب اسلامی حضرت آیت اللہ العظمی خامنہ ای کا تہران کے ایک اسپتال میں آپریشن کے بعد منگل کے دن اسلامی نظام کے بعض حکام اور اعلی اہلکاروں نے ان کی عیادت کی۔
رہبر معظم کی سید عمار حکیم نے عیادت کی
تہران کے ایک اسپتال میں رہبر معظم انقلاب اسلامی حضرت آیت اللہ العظمی خامنہ ای کے آپریشن کے بعد اعلی شخصیات اور حکام کی جانب سے عیادت کا سلسلہ جاری ہے۔ آج (بروز منگل) سہ پہر کو عراق کی اعلی انقلابی کونسل کے سربراہ حجۃ الاسلام سید عمار حکیم نے رہبر معظم انقلاب اسلامی کی عیادت کی۔
رہبر معظم کی آیت اللہ جوادی آملی نے عیادت کی
رہبر معظم انقلاب اسلامی حضرت آیت اللہ العظمی خامنہ ای کے آپریشن کے بعد اعلی شخصیات اور حکام کی جانب سے عیادت کا سلسلہ جاری ہے۔ آج (بروز منگل) سہ پہر کو آیت اللہ جوادی آملی نے رہبر معظم انقلاب اسلامی کی عیادت کی۔
رہبر معظم کی پارلیمنٹ کے اسپیکر،آیت اللہ شاہرودی، نائب صدر اور اعلی فوجی کمانڈروں نے کی عیادت کی
رہبر معظم انقلاب اسلامی حضرت آیت اللہ العظمی خامنہ ای کےآج صبح آپریشن کے بعد اعلی حکام کی جانب سے عیادت کا سلسلہ جاری ہے، پارلیمنٹ کے اسپیکر علی لاریجانی، قوا کے اختلاف حل کرنے کی اعلی کونسل کے سربراہ آیت اللہ شاہرودی، نائب صدر جناب جہانگيری ، سابق صدر احمدی نژاد ،اعلی قومی سلامتی کونسل کے سکریٹری جناب شمخانی اور اعلی فوجی و انتظامی کمانڈروں اور بعض دیگر حکام نے تہران کے ایک اسپتال میں رہبر معظم انقلاب اسلامی حضرت آیت اللہ العظمی خامنہ ای کی عیادت کی۔
رہبر معظم کے کامیاب آپریشن پر سید حسن نصر اللہ نے خوشی کا اظہار کیا
حزب اللہ لبنان کے سربراہ سید حسن نصر اللہ نے رہبر معظم انقلاب اسلامی حضرت آیت اللہ العظمی خامنہ ای کے کامیاب آپریشن پر خوشی کا اظہار کرتے ہوئے اللہ تعالی کی بارگاہ میں ان کی جلد از جلد صحت و سلامتی کے لئے دعا کی۔
رہبر معظم کی عدلیہ ، مجمع تشخيص مصلحت نظام کے سربراہان ،گارڈین کونسل کے سکریٹری اور حجۃ الاسلام سید حسن خمینی نے عیادت کی
آج بروز (پیر ) سہ پہر کو عدلیہ کے سربراہ آیت اللہ آملی لاریجانی،مجمع تشخیص مصلحت نظام کے سربراہ آیت اللہ ہاشمی رفسنجانی ، گارڈین کونسل کے سکریٹری آیت اللہ جنتی اور حجۃ الاسلام والمسلمین سید حسن خمینی نے تہران کے ایک اسپتال میں حاضر ہو کر رہبر معظم انقلاب اسلامی آیت اللہ العظمی امام خامنہ ای کی عیادت کی اور رہبر معظم انقلاب اسلامی کے کامیاب آپریشن اور ان کی صحت و سلامتی پر مسرت اور خوشحالی کا اظہار کرتے ہوئے اللہ تعالی کی بارگاہ میں ان کی طول عمر کے لئے دعا کی۔
رہبر معظم کے آپریشن کے بعد صدر حسن روحانی نے ان کی عیادت کی
تہران کے ایک اسپتال میں رہبر معظم انقلاب اسلامی حضرت آیت اللہ العظمی خامنہ ی کے آپریشن کے بعد اسلامی جمہوریہ ایران کے صدر حسن روحانی نے انکی عیادت کی۔ صدر حسن روحانی نے اس موقع پررہبر معظم انقلاب اسلامی کی صحت و سلامتی اور عافیت کے لئے اللہ تعالی کی بارگاہ میں دعا کرتے ہوئے کہا : آپریشن کامیاب رہا اور رہبر معظم کی حالت بالکل ٹھیک ہے۔ صدر نے عوام سے درخواست کی کہ وہ رہبر معظم کی صحت و سلامتی اور اسلام و مسلمین کی خدمات کے سلسلے میں ان کی روز افزوں توفیقات کے لئے دعا کریں۔
رہبر معظم کی ادارہ حج و زیارت کے حکام و اہلکاروں سے ملاقات
رہبر معظم انقلاب اسلامی حضرت آیت اللہ العظمی خامنہ ای نے آج صبح ( بروزاتوار) ادارہ حج و زیارت کے اعلی حکام اور اہلکاروں کے ساتھ ملاقات میں حج کو مسلمانوں کی مشکلات دور کرنے ، مسلمانوں کے باہمی خیالات اور اظہارات کے تبادلے ، اللہ تعالی کے ساتھ رابطہ کو مضبوط و مستحکم بنانے اور سرزمین وحی کے فیوض و برکات سے مسلمانوں کے بھر پور استفادہ اٹھانے کے لئے بہترین موقع قراردیتے ہوئے فرمایا: امت اسلامی کے درمیان اختلاف ایجاد کرنے کے لئے تسلط پسند طاقتوں اور ان کے عوامل کی جانب سے پیہم کوششیں عالم اسلام کے لئے ایک اہم مسئلہ اور اہم چيلنج ہے اور اتحاد ، افہام و تفہیم اور اختلاف اور بدگمانی کے عوامل کو دور کرنے کے سلسلے میں حج کے بےنظیر موقع سے بھر پور استفادہ کرنا چاہیے۔
رہبر معظم کی خبرگان کونسل کے اراکین کے ساتھ ملاقات
رہبر معظم انقلاب اسلامی حضرت آیت اللہ العظمی خامنہ ای نے اج صبح(بروز جمعرات) خبرگان کونسل کے نمائندوں کے ساتھ ملاقات میں دنیا میں نئے نظم کی تشکیل کے علائم ، ملکی ، علاقائي اور عالمی حالات پر جامع تحلیل اور تجزيہ پیش کیا اور دنیا کے موجودہ نظم اور مغربی ممالک کے تسلط کے فکری اور عملی ستونوں کے متزلزل اور کمزور ہونے کے علل و اسباب کی طرف اشارہ کرتے ہوئے فرمایا: اس حساس موقع پر سب سے اہم ذمہ داری ،دنیا کے نئے نظم کی تشکیل میں نقش آفرینی ، اثر انداز ہونے اور کردار ادا کرنے کے لئے ملک کے اقتدار میں اضافہ ہے اور ملکی اقتدار میں اضافہ علم و ٹیکنالوجی، اقتصاد اور ثقافت کے تین اہم ستونوں پر استوار ہے۔
رہبر معظم سے صدر جمہوریہ اور کابینہ کے ارکان کی ملاقات
رہبر معظم انقلاب اسلامی حضرت آیت اللہ العظمی امام خامنہ ای نے آج صبح (بروزبدھ) صدر جمہوریہ اورکابینہ کے اراکین کے ساتھ ملاقات میں معاشرے میں نفسیاتی اور روحی آرام و سکون کے قیام ، مہنگائی پر کنٹرول، غیر ملکی کرنسی کی قیمت میں ثبات اور حفظان صحت کے منصوبے کے نفاذ کو گذشتہ ایک سال میں حکومت کے اچھےاور گرانقدر اقدامات میں قراردیا اور حکومت کے تمام اہلکاروں کو انقلابی جذبہ اور سمت و سو کی تقویت اور حفاظت ، اندرونی ظرفیتوں اور پیداوار پر تکیہ، مزاحمتی اقتصاد کی پالیسیوں کے دقیق نفاذ، زراعت کے شعبہ پر خصوصی توجہ، دیہاتوں میں تبدیلی صنائع ، علمی رشد و ترقی جاری رکھنے پر سنجیدہ توجہ، دانش محور کمپنیوں کی تقویت، عالمی اور علاقائی مسائل بالخصوص امریکہ کی مداخلت کے بارے میں صریح اور روشن مؤقف، حکومت کے اندرونی انسجام کی تقویت،ریڈ لائنوں بالخصوص سن 1388 ہجری شمسی کے فتنہ سے فاصلہ کی رعایت اور منصفانہ تنقید کے مقابلے میں آرام و سکون اور بردباری کی سفارش کی۔
رہبر معظم کا بازار اور اصناف کی قومی کمیٹی کے ارکان سے خطاب
رہبر معظم انقلاب اسلامی حضرت آیت اللہ العظمی خامنہ ای کی ملک کے اصناف اور بازار کے دس ہزار شہیدوں کی قومی گانکریس کمیٹی کے ارکان کے ساتھ بتاریخ 26 خرداد 1393 ہجری شمسی کو ملاقات ہوئی تھی اس ملاقات میں رہبر معظم انقلاب اسلامی کے بیانات کو آج صبح آئی آر آئی بی کے سمینار ہال میں اسی سلسلے میں منعقد اجلاس میں پیش کیا گيا۔
رہبر معظم سے ملک کے اعلی سول اور فوجی حکام کی ملاقات
رہبر معظم انقلاب اسلامی حضرت آیت اللہ العظمی خامنہ ای نے آج ( بروز پیر ) سہ پہر کو ملک کے مختلف اداروں سے تعلق رکھنے والے اعلی سول اور فوجی حکام اور بعض اعلی ڈائریکٹروں کے ساتھ ملاقات میں داخلی اور خارجی مسائل کے سلسلے میں اہم نکات پیش کئے اور اسلامی جمہوریہ ایران کے حکام اور اداروں میں چند جانبہ خلل ایجاد کرنے اور پیچیدہ کوشش کو سامراجی طاقتوں بالخصوص امریکہ کا موجودہ اہم ہدف قراردیا اور عالمی اور علاقائی حساس حالات و شرائط اور تاریخ کے ایک حقیقی اور اہم موڑ پر پہنچنے کی طرف اشارہ کرتے ہوئے فرمایا: اسلامی جمہوریہ ایران اپنے عقلانی محاسبات یعنی اللہ تعالی کی ذات اور خلقت کے سنن پر اعتماد نیز دشمن کی شناخت اور اس پر عدم اعتماد کے اصلی عناصر کے پیش نظر ، عوام پر تکیہ ،تجربات، مجاہدت اور تلاش و کوشش کی روشنی میں اپنے اعلی اہداف تک پہنچنے اور اپنے اصولوں کو عملی جامہ پہنانے کے لئے جد وجہد جاری رکھےگی۔
رہبر معظم سے یونیورسٹیوں کے سیکڑوں اساتید کی ملاقات
آج بروز (بدھ) سہ پہر کو یونیورسٹیوں کے سیکڑوں اساتید نے رہبر معظم انقلاب اسلامی حضرت آیت اللہ العظمی امام خامنہ ای کے ساتھ ملاقات میں ، علمی ، یونیورسٹی، ثقافتی، سماجی، اقتصادی اور سیاسی موضوعات کے بارے میں بحث اور تبادلہ خیال کیا۔
رہبر معظم کی موجودگی میں رمضان المبارک کے پہلے دن محفل انس با قرآن کا انعقاد
رمضان المبارک اللہ تعالی کی رحمت اور ضیافت اور قرآن مجید کی بہار کا مہینہ ہے رمضان المبارک کے پہلے دن حسینیہ امام خمینی (رہ) میں رہبر معظم انقلاب اسلامی حضرت آیت اللہ العظمی خامنہ ای کی موجودگی میں محفل انس باقرآن منعقد ہوئی ، جس میں قرآن مجید کے ممتاز قاریوں اور حافظوں نے قرآن مجید کی نورانی آیات کی تلاوت کا شرف حاصل کیا اورقرآنی مجموعہ نے گروہی طور پر بھی قرآن مجید کی آیات کی تلاوت کو پیش کیا اور اللہ تعالی کی حمد و ثنا بجا لائے۔
رہبر معظم سے شہدائے ہفتم تیر اور بعض دیگر شہداء اور جانبازوں کے خاندانوں کی ملاقات
رہبر معظم انقلاب اسلامی حضرت آیت اللہ العظمی امام خامنہ ای نے آج صبح (بروزسنیچر) ہفتم تیر کے محترم شہیدوں کے اہل خانہ اور تہران کےبعض دیگر شہیدوں اور جانبازوں کے خاندانوں کے ساتھ ملاقات میں شہیدوں کے پیغام کے ادراک کے سلسلے میں ملک اور معاشرے کی ضرورت پر تاکید کی اور شہیدوں کے نورانی اور شاداب راستے پر قوم کی وفاداری کو تسلط پسند طاقتوں کی سازشوں کی مسلسل شکست کا مظہر قراردیا اور علاقائي واقعات منجملہ عراق کے حالات کی طرف اشارہ کرتے ہوئے فرمایا: عراق میں جاری جنگ در حقیقت مغربی ممالک طرفداروں ، دہشت گردوں کے حامیوں اور قوموں کے استقلال کے طرفداروں و دہشت گردوں کے مخالفین کے درمیان ہے۔
رہبر معظم سے عدلیہ کے سربراہ ،اعلی ججوں اور اہلکاروں کی ملاقات
رہبر معظم انقلاب اسلامی حضرت آیت اللہ العظمی خامنہ ای نے آج صبح (بروزاتوار) عدلیہ کے سربراہ ، اعلی صوبائی ججوں ، سرکاری وکلاء اور اعلی حکام کے ساتھ ملاقات میں عدلیہ میں آیت اللہ لاریجانی کے نئے پانچ سالہ دور کے لئے چھ اصلی ترجیحات بیان کرنے کے ضمن میں ملک کے عام مفادات اور بڑے مسائل میں تینوں قوا کے سربراہان کے درمیان باہمی تعاون، اتحاد اور یکجہتی کو بہت ہی ضروری اور اہم قراردیا اور امریکہ اور مغربی تسلط پسند طاقتوں کے فتنہ پرور اور شرانگيز ہاتھوں کو عراق کے حالیہ واقعات کے پس پردہ قراردیا اور اسلامی جمہوریہ ایران کی طرف سے عراق میں ہر قسم کی امریکی مداخلت کی شدید مخالفت کرتے ہوئے کہا کہ ایران کا اس بات پر اعتقاد ہے کہ عراقی عوام ، عراقی حکومت اور عراق کے دینی مراجع عراق کے موجودہ فتنہ اور بحران کو ختم کرنے کی بھر پور صلاحیت رکھتے ہیں۔
رہبر معظم کی یونیورسٹی جہاد ادارے کے سربراہ اور محققین کے ساتھ ملاقات
رہبر معظم انقلاب اسلامی حضرت آیت اللہ العظمی خامنہ ای نے آج صبح (بروز پیر) یونیورسٹی جہاد کے سربراہ ، مدیروں، ریسرچ اسکالروں اور محققین کے ساتھ ملاقات میں ملک کی برق رفتار پیشرفت اور صحیح حرکت کو جاری رکھنے کے لئے ، "جہادی مدیریت اور کام" نیز " ہم کرسکتے ہیں" کے جذبے کی تقویت کو لازمی قراردیا اور انقلابی و اسلامی رجحان کے تحفظ اور جامع علمی نقشہ راہ کی روشنی میں وظائف اور ذمہ داریوں پر عمل کو ضروری قراردیتے ہوئے فرمایا: ملک کی علمی اور سائنسی پیشرفت و حرکت کا مقصد انسانی اقدار کے دائرے میں ناشناختہ علوم اور جدید علوم کا حصول عالمی سطح پر علم و دانش میں اضافہ کا موجب بننا چاہیے۔
