Xəbərlər
Ali Məqamlı Rəhbər bir neçə şəhid ailəsinə baş çəkdi
İslam İnqilabının Ali Məqamlı Rəhbəri Həzrət Ayətullah Xamenei Kirmanşaha səfərinin üçüncü günündə şəhid Ocaqi, Əmini, Xalisi və Monkəresinin ailələrini ziyarət edərək onlarla hal-əhval tutdu, qayğı və problemləri ilə maraqlandı.
Ali Məqamlı Rəhbər Kirmanşahın Şəhidlər xiyabanını ziyarət etdi
İslam İnqilabının Ali Məqamlı Rəhbəri Həzrət Ayətullah Xamenei bu gün (cümə günü) səhər Kirmanşahın Şəhidlər xiyabanında oldu, vilayətin adlı-sanlı alimləri – mehrabda şəhid edilmiş Ayətullah Əşrəfinin və şəhid Ayətullah Nucuminin məzarlarını ziyarət edərək Tanrıdan onların ruhuna dərgahında ən ali dərəcələri nəsib etməsini dilədi.
Ali Məqamlı Rəhbər Kirmanşah vilayətinin bəsiciləri ilə görüşdü
İslam İnqilabının Ali Məqamlı Rəhbəri Həzrət Ayətullah Xamenei Kirmanşah vilayətinə səfərinin 3-cü günündə – bu gün səhər vilayətin minlərlə vüqarlı və cəsur bəsicisi ilə görüşdü. Görüş bəsicilərin İslam İnqilabına və dini rəhbərliyə sevgi və sədaqəti ilə dolu bir atmosferdə keçdi. Ali Məqamlı Rəhbər görüş zamanı bəsicin nədən doğduğu, bu qüvvələrin özünəməxsus xüsusiyyətləri haqda danışdı.
Ali Məqamlı Rəhbər Kirmanşah vilayətində yerləşən hərbi və polis birləşmələrinin birgə paradında iştirak etdi
Bu gün (cümə axşamı) günortadan sonra İslam İnqilabının Ali Məqamlı Rəhbəri Həzrət Ayətullah Xameneinin iştirakı ilə İİR Ordusunun Quru Qoşunlarının 81-ci zirehli briqadasının qarnizonunda Kirmanşah vilayətində yerləşən hərbi və polis birləşmələrinin birgə paradı keçirildi.
Ali Məqamlı Rəhbər Kirmanşahda şəhid ailələri, əlil və veteranlarla görüşdü
Bu gün (cümə axşamı) səhər – Ali Məqamlı Rəhbərin Kirmanşaha səfərinin ikinci günündə şəhid ailələri, əlil və veteranlar şəhidlərin rayihəsi, etdikləri fədakarlığın əziz xatirəsi ilə dolu bir atmosferdə Həzrət Ayətullah Xamenei ilə görüşdülər.
Ali Məqamlı Rəhbər Kirmanşahın din alimləri və ruhaniləri ilə görüşdü
İslam İnqilabının Ali Məqamlı Rəhbəri Həzrət Ayətullah Xamenei bu gecə (çərşənbə günü) Kirmanşah vilayətinin şiə və sünni təriqətli din alimləri, ruhaniləri, habelə din elmlərini öyrənən tələbələri ilə görüşdü. Ali Məqamlı Rəhbər son dövrdə regionda həyata keçirilmiş hərəkatlardan sonra İslama 3-cü meyllənmə dalğasının müşahidə olunduğuna, Qərbdə baş qaldırmış antikapitalizm hərəkatına toxunaraq qeyd etdi ki, bu şəraitdə ruhanilərin boynuna ikiqat artıq vəzifə düşür.
Ali Məqamlı Rəhbər Kirmanşah vilayətinin əhalisi ilə görüşdü
İslam İnqilabının Ali Məqamlı Rəhbəri Həzrət Ayətullah Xamenei bu gün (çərşənbə günü) səhər Kirmanşahın Azadlıq meydanında bu şəhərin minlərlə əhalisi ilə izdihamlı bir şəraitdə görüş keçirdi. Öz mühüm çıxışı əsnasında Ali Məqamlı Rəhbər İslam Respublikasında əsas meyar kimi, xalqın rolu, mövqeyi, ictimai-siyasi proseslərdə iştirakı və əzmi haqqında ətraflı danışdı. O həmçinin müxtəlif xarakterli qarşıdurmalarda xalqın böyük imkan və potensialından istifadə etmənin effektindən, elm, iqtisadiyyat, sənaye və kənd təsərrüfatı sferalarındakı yüksək templi inkişafdan da söz açdı.
Ali Məqamlı Rəhbər XX Ümummilli Namaz Konfransına müraciət ünvanladı
İslam İnqilabının Ali Məqamlı Rəhbəri Həzrət Ayətullah Xameneinin XX Ümummilli Namaz Konfransına ünvanladığı müraciətdə qeyd olunur ki, namazın gün boyunca təkrarlanması insanın qəflətə qərq olmaqdan yaxa qurtarması üçün bir şans və nemətdir. Müraciətdə aşağıdakı fikir də vurğulanır: “Namaz insanın bütün diqqətini toplayıb, səmimi-qəlbdən və agahlıqla Allah qarşısında durduğu, onun ruhuna sığal verən, mənəviyyat gövhərini cilalayaraq parladan bir andır”.
Ali Məqamlı Rəhbər ölkənin yüzlərlə gənc xadimi ilə görüşdü
“Tərəqqi, nüfuz və iftixar zirvələrinə yetişmək üçün İranın ölkəsini və xalqını sevən, xalqının milli qüruru və müqəddəratı haqqında ürək yanğısı ilə düşünən elm xadimlərinə ehtiyacı var” – Ali Məqamlı Rəhbərin bu gün səhər 2 saatdan artıq müddət ərzində görüşüb fikir mübadiləsi apardığı yüzlərlə gənc elm xadiminə verdiyi başlıca tövsiyə bu oldu.
Həcc ziyarətinini təşkilatçıları ilə görüş
İslam İnqilabının Ali Məqamlı Rəhbəri Həzrət Ayətullah Xamenei cari ilin həcc ziyarətinə ölkə üzrə təşkilatçılıq edəcək rəsmi şəxslərlə bu gün səhər baş tutan görüşü zamanı qeyd etdi ki, həcc İslam ümməti ilə ünsiyyətə girmək, mənəvi cəhətdən bəhrələnmək üçün olduqca dəyərli bir fürsətdir. Həcc ziyarəti zamanı düşmənlərin ixtilaf salmağa, islami oyanış dalğasına qarşı mübarizə aparmağa çalışacaqlarına toxunan Həzrət Ayətullah Xamenei bildirdi ki, bu kimi planlara qalib gəlməyin yeganə yolu qəlblərin bir-birinə yaxınlaşması, həmrəyliyin gücləndirilməsidir.
Ali Məqamlı Rəhbər Fələstin Müqavimət Hərəkatına Dəstək Ümumdünya Konfransında iştirak etdi
“Fələstin bütövlükdə Fələstin xalqının olmalıdır!” – bu gün səhər keçirilən sayca beşinci Fələstin Müqavimət Hərəkatına Dəstək Ümumdünya Konfransında İslam ümmətinin Fələstin problemi ilə bağlı başlıca strategiyasını şərh edən Ali Məqamlı Rəhbərin vurğuladığı əsas və prinsipial məqam bu oldu.
Ali Məqamlı Rəhbər milli voleybol komandasını təbrik etdi
Ali Məqamlı Rəhbər Asiya Voleybol Çempionatında qazandığı uğur münasibətilə İran İslam Respublikasının voleybol millisinə təbrik müraciəti etdi.
Müraciətin tam mətni:
Mərhəmətli və Bağışlayan Allahın adı ilə!
İran xalqına sevinc bəxş etdiyiniz üçün sizə təşəkkür edirəm!
Ali Məqamlı Rəhbər onurğa beyni zədələnmiş veteranlarla görüşdü
İslam İnqilabının Ali Məqamlı Rəhbəri Həzrət Ayətullah Xamenei Müqəddəs Müdafiə həftəsinin son günündə onurğa beynindən travma almış veteranlarla görüşdü. Görüşün baş tutduğu İmam Xomeyni (r.ə) adına hüseyniyə qəhrəmanlıq, dözüm və mübarizlik rayihəsi ilə doldu, vətən oğullarının İslam dininə, İmam Xomeyniyə (r.ə) və İslam İnqilabına olan sevgi və sədaqəti ilə bağlı xatirələri bir daha canlandırdı.
Ali Məqamlı Rəhbər şəhidlərin əziz xatirəsini yad etmək məqsədilə xalqa müraciət etdi
Bu gün (cümə axşamı) səhər – Müqəddəs Müdafiə şəhidlərinin, əlil və veteranlarının anım günündə İslam İnqilabının Ali Məqamlı Rəhbəri Həzrət Ayətullah Xamenei İslam İnqilabı uğrunda və Məcburi Müharibədə həyatını itirmiş əziz şəhidlərin xatirəsini böyük ehtiramla yad etmək məqsədilə xalqa müraciət etdi.
Ali Məqamlı Rəhbər Polis Akademiyasının tələbələri ilə görüşdü
Bu gün səhər İslam İnqilabının Ali Məqamlı Rəhbəri Həzrət Ayətullah Xameneinin iştirakı ilə Polis Akademiyasının tələbələrinin buraxılış mərasimi keçirildi.
Ali Məqamlı Rəhbər islami oyanış mövzusuna həsr edilmiş ilk iclasda iştirak etdi
Bu gün səhər saatlarından etibarən paytaxt Tehranda islami oyanış mövzusuna həsr edilmiş sayca birinci konfransın işinə start verildi. İslam İnqilabının Ali Məqamlı Rəhbəri Həzrət Ayətullah Xameneinin çıxışı ilə açılan konfransda dünyanın müxtəlif ölkələrindən, xüsusilə də müsəlman dövlətlərindən gəlmiş yüzlərlə ruhani alim, elm xadimi, ziyalı, mütəxəssis, sosioloq və tarixçi islami oyanışın müxtəlif aspektlərini araşdırmağa başladılar.
Ali Məqamlı Rəhbər müqəddəs İmam Rza (ə) məqbərəsinin toz alma mərasimində iştirak etdi
Bu gün (çərşənbə günü) səhər İslam İnqilabının Ali Məqamlı Rəhbəri Həzrət Ayətullah Xameneinin iştirakı ilə, mənəvi bir ab-hava içərisində Allahın səkkizinci höccəti Həzrət İmam Rzanın (ə) qəbri-şərifinin toz alma mərasimi keçirildi.
Mərasim boyunca qarilər və Əhli-Beyt (ə) məddahları nurani ayələr qiraət edib, pak və məsum Əhli-Beytin (ə) şərəfinə mədhiyyələr oxuyaraq bu təntənəli ayinə xüsusi mənəvi-ruhani atmosfer bəxş etdilər.
Ümumdünya Əhli-Beyt (ə) Cəmiyyətinin 5-ci toplantısının iştirakçıları ilə görüş
İslam İnqilabının Ali Məqamlı Rəhbəri Həzrət Ayətullah Xamenei çərşənbə axşamı gecəsi Ümumdünya Əhli-Beyt (ə) Cəmiyyətinin 5-ci toplantısında iştirak edən alimlər, görkəmli ruhani xadimlər və ziyalılarla, həmçinin İran İslam Respublikasını müxtəlif ölkələrdə mədəni cəhətdən təmsil edən nümayəndələrlə görüşdü.