خبریں
رہبر معظم کی نائب صدر ،کابینہ کے وزراء اور کردستان کے اعلی حکام سے ملاقات
رہبر معظم انقلاب اسلامی حضرت آیت اللہ العظمی خامنہ ای نے آج رات صوبہ کردستان میں نائب صدر ،کابینہ کے اراکین ، صوبہ کردستان کے گورنر ، علاقہ میں نمائندہ ولی فقیہ ، صوبہ کے پارلیمنٹ اور خبرگان کونسل میں نمائندوں ، ملکی اور صوبائی اعلی حکام کی موجودگی میں منعقد ہونے والے اجلاس میں حکام پر زوردیتے ہوئے فرمایا: صوبہ کردستان کی فلاح و بہبود اور ترقی و پیشرفت کے لئے منظور ہونے والے منصوبوں کو سرعت کے ساتھ عملی جامہ پہنانا، صوبہ کی ترقی اور خوشحالی کے لئے بہت اہم اور ضروری ہے۔
رہبر معظم کی سنندج کے پہاڑی علاقہ آبیدر میں چہل قدمی
رہبر معظم انقلاب اسلامی حضرت آیت اللہ العظمی خامنہ ای نےصوبہ کردستان کے دورے کےچوتھے دن آج صبح سنندج کے پہاڑی علاقہ آبیدر میں چہل قدمی کی۔
رہبر معظم انقلاب اسلامی کی شہداء کے تین خاندانوں سے اچانک ملاقات
رہبر معظم انقلاب اسلامی حضرت آیت اللہ العظمی خامنہ ای نے سنندج میں شہداء کے تین خاندانوں سے اچانک ملاقات کی اور کردستان کے مظلوم و دلیر شہیدوں کے پسماندگان او ر لواحقین کے صبر و تحمل و استقامت کی تعریف و تمجید کی ۔
رہبر معظم سے قبائلی رہنماؤں کی ملاقات
رہبر معظم انقلاب اسلامی حضرت آیت اللہ العظمی خامنہ ای نے آج سہ پہر کو صوبہ کردستان ، مغربی آذربائیجان اور کرمانشاہ کےسیکڑوں قبائلی رہنماؤں اور مؤثر شخصیات کے ساتھ صمیمی ملاقات میں قبائل کو اسلام ، انقلاب اور ایران کے سرافراز ، غیور و مؤمن و شجاع سپاہی اور پاسبان قراردیتے ہوئے فرمایا: خداوند متعال کے فضل و کرم اورعوام و حکام کی بیداری و ہوشیاری اور باہمی تلاش و کوشش کے نتیجے میں ایران کی عظیم قوم کا مستقبل امید افزا، روشن و تابناک ہے۔
رہبر معظم کے ساتھ صوبہ کردستان کی ممتاز شخصیات کی ملاقات
رہبر معظم انقلاب اسلامی حضرت آیت اللہ العظمی خامنہ ای کے ساتھ آج صبح صوبہ کردستان کی سیکڑوں سیاسی ، سماجی،ثقافتی، ادبی ،ہنری اور اقتصادی ممتاز شخصیات کی صمیمانہ نشست منعقد ہوئی جس میں ممتاز و منتخب شخصیات کے نمائندوں نے صوبہ کردستان کے مختلف مسائل کے بارے میں اپنے اپنے خیالات اور نظریات کا اظہار کیا۔یہ ملاقات تین گھنٹے تک جاری رہی جس میں حسب ذیل حضرات و خواتین نے اپنے اپنےخیالات کو پیش کیا:
رہبر معظم کی کردستان کے علاقہ میں شہید ہونے والےکمانڈروں کے اہل خانہ سے ملاقات
رہبر معظم انقلاب اسلامی حضرت آیت اللہ العظمی خامنہ ای نے آج سہ پہر کو کردستان کے علاقہ میں شہید ہونے والےکمانڈروں کے اہل خانہ سے صمیمی ملاقات کی۔
رہبر معظم کا کردستان میں مسلح افواج سے خطاب
رہبر معظم انقلاب اسلامی اور مسلح افواج کے کمانڈر انچیف حضرت آیت اللہ العظمی خامنہ ای نے آج سہ پہر کو صوبہ کردستان میں مسلح افواج کی مشترکہ پریڈ سے خطاب میں عوام کے لئے امن و سلامتی اور آرام و آسائش فراہم کرنے کو اسلامی جمہوریہ ایران کی مسلح افواج کی اہم ذمہ داری قراردیا اور ایرانی عوام کی عزت و کرامت کی حفاظت کے لئے قومی آمادگی بالخصوص مسلح افواج کی آمادگي کو مضبوط و مستحکم بنانے کی ضرورت پر زوردیا۔
رہبر معظم کا کردستان کے علماء کے اجتماع سے خطاب
رہبر معظم انقلاب اسلامی حضرت آیت اللہ العظمی خامنہ ای نے صوبہ کردستان کے علماء و فضلا سے ملاقات میں فکر و اندیشہ کو منتقل کرنے کی پیچیدگی و پیشرفت اور ایران میں اسلامی حکومت کے قیام کو موجودہ دور کی دو خصوصیات قراردیتے ہوئے فرمایا: علماء و طلاب کو وقت کی پہچان کے ساتھ ان دو خصوصیات پر خصوصی توجہ مبذول کرنے کے ساتھ ان سے استفادہ بھی کرنا چاہیے اور حق و انصاف کے قیام اور ظلم و ستم اور فتنہ و فساد کامقابلہ کرنے کے لئے اپنی اہم و سنگین ذمہ داریوں کو پورا کرنا چاہیے۔
رہبر معظم سے صوبہ کردستان کے شہیدوں اور جانبازوں کے اہل خانہ کی ملاقات
رہبر معظم انقلاب اسلامی حضرت آیت اللہ العظمی خامنہ ای نے آج سہ پہر کو صوبہ کردستان کے سرافراز شہیدوں اور جانبازوں کے اہل خانہ سے ولولہ انگیزملاقات میں معاشرے کے ہر فرد بالخصوص جوانوں پر زوردیا کہ وہ شہیدوں کی یاد زندہ رکھنے، ہوشیار رہنے اور ثقافتی ، ایمانی اور عقیدتی سرحدوں پردشمن کے مخفیانہ حملے کے مقابلے میں آگاہ و باخبر رہیں۔
رہبر معظم کا سنندج کے بہشت محمدی میں حضور
رہبر معظم انقلاب اسلامی حضرت آیت اللہ العظمی خامنہ ای نے آج سہ پہر کو سنندج کے بہشت محمدی میں پہنچ کر کردستان کے غیور اور مظلوم شہداء کو خراج عقیدت پیش کیا اور ان کے درجات کی بلند کے لئے سورہ فاتحہ کی تلاوت کا شرف حاصل کیا۔
رہبر معظم کا صوبہ کردستان کے عوام سے شاندار خطاب
رہبر معظم انقلاب اسلامی حضرت آیت اللہ العظمی خامنہ ای نے صوبہ کردستان کےدارالحکومت سنندج کے آزادی اسکوائر اور اس کے اطراف کی سڑکوں پرایک عظیم اور شاندار اجتماع سے خطاب میں کردستان کے عوام کی طرف سے محبت کے بے مثال جلوے پیش کرنے پر ان کا شکریہ ادا کیا اور کردستان کے مؤمن و مجاہد اور ہوشیار عوام کی استقامت کو سراہتے ہوئے قومی عزت و وقار کی حفاظت اور صدراتی انتخابات میں سب سے نیک و صالح شخص کےانتخاب کے معیاروں پر روشنی ڈالی۔
رہبر معظم کا کردستان میں شاندار استقبال
کردستان " اسلام ،انقلاب اور ایران کا مضبوط و مستحکم قلعہ ہے کردستان کے غیور، مؤمن اور عشق و محبت سے سرشار عوام نے آج رہبر معظم انقلاب اسلامی حضرت آیت اللہ العظمی خامنہ ای کا بے مثال ، شاندار اور تاریخی استقبال کیا کردستان کے عوام نے شیعہ و سنی اتحاد اور انقلابی اور قومی اصولوں کے دفاع کے سلسلے میں بہترین اور شاندار جلوے پیش کئے ہیں ۔
رہبر معظم طلباء کی اسلامی انجمنوں کی یونین – دفتر تحکیم وحدت – کی درخواست کے جواب میں پیغام
رہبر معظم انقلاب اسلامی حضرت آیت اللہ العظمی خامنہ ای نے طلباء کی اسلامی انجمنوں کی یونین – دفتر تحکیم وحدت – کی درخواست کے جواب اور مذکورہ یونین کے چھبیسیوں سالانہ اجلاس کے موقع پر اپنے پیغام میں جوانوں کی طاقت، نشاط اور پختہ عزم کو قومی وقار، استقلال اور آزادی کے دشمنوں کے مقابلے میں اہم اور فیصلہ کن عنصر قراردیا ہے۔
رہبر معظم نے حضرت امام خمینی (رہ) کی ہمسر کے چہلم کی مجلس میں شرکت کی
رہبر معظم انقلاب اسلامی حضرت آیت اللہ العظمی خامنہ ای نے رہبر کبیر انقلاب اسلامی حضرت امام خمینی (رہ) کے حرم میں امام راحل (رہ) کی ہمسر مرحومہ ثقفی کےچہلم کی مجلس میں شرکت کی اور مرحومہ کے ایصال ثواب کے لئے سورہ حمد اور قرآن مجید کی تلاوت کا شرف حاصل کیا ۔
رہبر معظم کی طبی امدادی اہلکاروں ، معلموں اور مزدورطبقے سے ملاقات
رہبر معظم انقلاب اسلامی حضرت آیت اللہ العظمی خامنہ ای نے آج صبح ملک بھر کے معلموں ، مزدوروں اور نرسوں کے اجتماع سے خطاب میں مذکورہ تینوں طبقات کو معاشرے کے اہم اور مؤثر طبقات قراردیا اور ملک کے مختلف میدانوں میں حکام اورمدیروں کے انتخاب میں قوم کے اہم اور فیصلہ کن کردار کی تشریح کرتے ہوئے فرمایا: اسلامی جمہوریہ ایران میں ہونے والے انتخابات میں دشمن کی طرف سے شکوک و شبہات پیدا کرنے کی کوششوں کے باوجود ایرانی عوام آئندہ صدارتی انتخابات میں جوش و خروش اور ذوق و شوق کے ساتھ شرکت کرکے ایسی تاریخ رقم کریں گے جو دشمن کے غیظ و غضب اور اس کی مایوسی کا موجب بنےگی۔
رہبر معظم کا عراق میں دہشت گردانہ حملے میں حسینی زائرین کی شہادت پر تعزیتی پیغام
رہبر معظم انقلاب اسلامی حضرت آیت اللہ العظمی خامنہ ای نے عراق میں دہشت گردانہ حملے میں حسینی زائرین کی مظلومانہ شہادت پر تعزیتی پیغام ارسال کیا ہے۔
رہبر معظم کا امام حسین (ع) یونیورسٹی میں زیر تربیت سپاہیوں سے خطاب
رہبر معظم انقلاب اسلامی حضرت آیت اللہ العظمی خامنہ ای نے آج امام حسین (ع) فوجی یونیورسٹی میں زیر تربیت فوجی جوانوں کی مشترکہ پریڈ سے خطاب کرتے ہوئے فرمایا: جب علم ، جہاد، ایمان ، پختہ عزم و ارادہ باہم جمع ہو جائیں تو اس وقت ایسے انسان پیدا ہوتے ہیں جن کی برکت سے دنیا کا مستقبل درخشاں اور پر امید بن سکتا ہے۔
رہبر معظم سےآرمینیا کے صدر اور اس کے ہمراہ وفد کی ملاقات
رہبر معظم انقلاب اسلامی حضرت آیت اللہ العظمی خامنہ ای نے آج صبح آرمینیا کے صدر سرج سرکیسیان کے ساتھ ملاقات میں دونوں ممالک کے باہمی تعلقات کو خوب توصیف کرتے ہوئے فرمایا: تہران کے دورے کے دوران ہونے والے سمجھوتوں کو عملی جامہ پہنانے کی سنجیدہ کوشش کیجئے۔