خبریں
رہبر معظم انقلاب اسلامی حضرت آیت اللہ العظمی خامنہ ای نے آج ، صدر جمہوریہ ، انکی حکومت کے اراکین، مختلف صوبوں کے گورنروں اور دیگر اعلی حکام سے ملاقات میں اپنے اہم اورقیمتی بیانات سے مستفیض کیا۔
رہبر معظم سےعدلیہ کے سربراہ اور عدلیہ سے وابستہ دیگر اعلی عہدیداروں کی ملاقات
رہبر معظم انقلاب اسلامی حضرت آیت اللہ العظمی خامنہ ای نے آج عدلیہ کے سربراہ اور عدلیہ سےوابستہ دیگر اعلی عہدیداروں ، بعض ججوں اور عدلیہ کے کارکنوں سے ملاقات میں اسلامی نظام حکومت کےکارآمد ہونے پرعدلیہ کے کردار پر روشنی ڈالتے ہوئےفرمایا: اسلامی نظام کے اہداف و مقاصد کے حصول میں عدلیہ کا کردار بڑی اہمیت کا حامل ہے اور سماجی، ثقافتی ، اخلاقی اور دیگر شعبوں میں امن و سکون کا قیام، قانون شکن افراد کے ساتھ بلاکسی امتیاز کے پیش آنا، عدلیہ کی ایک بہت اہم ذمہ داری ہے۔
رہبر معظم سے عراقی صدر جلال طالبانی اور انکے ہمراہ وفد کی ملاقات
رہبرمعظم انقلاب اسلامی حضرت آیت اللہ العظمی خامنہ ای نے آج شام عراقی صدر جلال طالبانی اور انکے ہمراہ وفد سے ملاقات کےدوران اس بات پر زور دیا کہ عراق کا سب سے بڑا مسئلہ اس ملک میں قابض افواج کی موجودگی اور سلامتی کا فقدان ہے رہبر معظم نے فرمایا: اسلامی جمہوریہ ایران عراق کی موجودہ حکومت کے تمام ارکان یعنی صدر، وزیر اعظم، کابینہ اورپارلیمنٹ کی باقاعدہ حمایت کرتا ہے۔
رہبرمعظم کی تہران کےمیئر، بلدیاتی اسلامی کونسل کے ممبران اور مختلف حلقوں کے بلدیاتی سربراہوں سے ملاقات
رہبرمعظم انقلاب اسلامی حضرت آیت اللہ العظمی خامنہ ای نے آج اسلامی بلدیاتی کونسل کے ممبران، تہران کےمئیر اور مختلف حلقوں کے بلدیاتی سربراہوں اور معاونین سے ملاقات کے دوران عوامی خدمت کے ساتھ ساتھ تہران شہرکی روح یعنی ثقافتی امور اور مذہبی اقدار پر خاص توجہ دینے پرتاکید کرتے ہوئے فرمایا: تہران کی اسلامی بلدیاتی کونسل اور بلدیہ حکام آپس میں مناسب ودوستانہ تعاون نیزحکومت اور حکومتی اداروں کے ساتھ یگانگی اور یکجہتی کے ذریعہ تہران شہر کے بڑے اور اصلی مسائل حل کرنے کی سمت قدم بڑھائیں۔
رہبر معظم سے نکارا گوا کے صدر اور اس کے ہمراہ وفد کی ملاقات
رہبر معظم انقلاب اسلامی حضرت آیت اللہ العظمی خامنہ ای نے آج شام نکارا گواے کے صدر ڈینیل اورٹگا اور انکے ہمراہ وفد سے ملاقات میں بین الاقوامی تعلقات میں غیرمنصفانہ سلسلہ کے کمزور پڑنے اور مستقبل میں بالکل متفاوت صورتحال کی طرف اشارہ کرتے ہوئے فرمایا: مستقل اور آزاد ممالک اور اقوام جوامریکی پالیسیوں کے مخالف ہیں ان کا باہمی اتحاد اور ثابت قدمی بین الاقوامی معاملات میں انصاف کے خواہاں محاذ کی مضبوطی کا سبب ہوگی نیز اس اتحاد اور ثابت قدمی کے ذریعہ منصفانہ بین الاقوامی معا ملات کے قیام میں تیزی آئیگی۔
اسلامی پارلیمنٹ کےاراکین اور اسپیکر سے ملاقات
رہبرمعظم انقلاب اسلامی حضرت آیت اللہ العظمی خامنہ ای نے آج ایرانی پارلیمنٹ کے ممبران اور اسپیکر سے ملاقات کے دوران اسلامی اقدار اور اصولوں پر کاربند رہنے کو ساتویں دور کی منتخب اسلامی پارلیمنٹ کی شناخت قرار دیا اور پارلیمنٹ کی اپنی اسی شناخت پر مبنی کارکردگی اور منصوبہ سازی کی جانب اشارہ کرتے ہوئے فرمایا:
رہبر معظم کاامام خمینی(رح) کی برسی کے منتظمین سے خطاب
رہبر انقلاب اسلامی حضرت آیت اللہ خامنہ ای نےآج صبح امام خمینی(رح) کی اٹھارہویں برسی کے منتظمین سے ملاقات کے دوران خدا وند متعال کی راستے اور صراط مستقیم پر پائداری واستقلال کے ساتھ گامزن رہنے کو حکام ،عوامِِ، ممتاز شخصیات اور تمام سیاسی جماعتوں کے لئے امام خمینی(رح) کا عظیم درس قرار دیا اور فرمایا: جس شخص کا دل انقلابی اہداف تک رسائی اور ملک و قوم کی ترقی وعزت کے لئے تڑپ رہا ہے اسے چاہئے کہ امام خمینی(رح) کی پرہیزگاری، صداقت، شجاعت، توکل اور آپ کے شریعت مقدسہ کے ساتھ تعلق کو اپنے لئے نمونہ عمل قرار دے۔
رہبر معظم نےوزارت دفاع کی طرف سے منعقدہ "خوداعتمادی اوردفاعی طاقت پرمبنی" نمائشگاہ کا دورہ کیا
رہبرمعظم انقلاب اسلامی حضرت آیت اللہ العظمی خامنہ ای نے خرم شہرکی تاریخی آزادی کے دن شہید محلاتی انڈسٹریل ایریے میں وزارت دفاع کی طرف سے منعقد ہونے والی" خوداعتمادی اوردفاعی طاقت کے جلوے" پر مبنی نمائش کاچارگھنٹے تک معائنہ کیا۔
رہبر معظم کا ملک بھر کی یونیورسٹیوں کے رضاکارطلباء سےخطاب
رہبرمعظم انقلاب اسلامی حضرت آیت اللہ العظمی خامنہ ای نے آج صبح ملک بھر کی یونیورسٹیوں سے آئے ہزاروں رضا کار طلباء سےخطاب میں رضا کاروں کے جذبہ کو استقامت اور مستقبل میں ایرانی قوم کی امید کا مظہرقرار دیتے ہوئےفرمایا: اسی رضاکارانہ جذبہ نے ایرانی قوم اور اسلامی جمہوریہ ایران کو عظیم سیاسی جنگ اور امریکی تسلط پسند نظام کے خلاف اقوام عالم کے تدبیروں ،ارادوں اور بیداری کے مرکز میں تبدیل کردیا ہے۔
رہبر معظم کی صوبہ خراسان رضوی کے شہداء و جانبازوں کے لواحقین سے ملاقات
رہبر معظم انقلاب اسلامی حضرت آیت اللہ العظمی خامنہ ای نے آج صبح صوبہ خراسان رضوی کے شہداء و جانبازوں کے لواحقین، اورعراقی قید سے رہائی پانے افراد سے ملاقات میں ایرانی عوام کی پیشرفت و ترقی اور عزت کو شہیدوں ، جانبازوں کی فدا کاری ، استقامت وشجاعت اور ان کے خاندان والوں کی بردباری اور صبرو شکیبائی کا مرہون قراردیتے ہوئے فرمایا:
ایرانی عوام کا مستقبل اور ملک کا وقار و استقلال علمی پیشرفت اور ترقی پر منحصر ہے
رہبرمعظم انقلاب اسلامی نے علمی میدان میں پیشرفت و ترقی کو ایرانی عوام اور ملک کے تشخص و استقلال اور عزت کے لئے اہم قراردیتے ہوئے فرمایا کہ ایرانی عوام کا مستقبل اور ملک کا وقار و استقلال علمی پیشرفت اور ترقی پر منحصر ہے
رہبر معظم سے صوبہ خراسان رضوی کی یونیورسٹیوں کے اساتذہ کی ملاقات
رہبر معظم انقلاب اسلامی حضرت آیت اللہ العظمی خامنہ ای نے آج صبح مشہد مقدس میں فردوسی یونیورسٹی میں یونیورسٹی کے اساتذہ سے ملاقات اور گفتگوکی۔رہبر معظم نے یونورسٹیوں کے سربراہوں ، علمی شعبوں کے ارکان اور صوبہ خراسان رضوی کی یونیورسٹیوں کے اساتید کے اجتماع میں ملک کی پیشرفت اور ترقی کے سلسلے میں یونیورسٹیوں کی ذمہ داری اور کردار کو فیصلہ کن واہم قراردیتے ہوئے فرمایا: آج ایرانی عوام کی عزت ، قومی تشخص کی حفاظت اورملکی استقلال کے لئے سب سے اہم مسئلہ یہ ہے کہ وقت ضائع کئے بغیر ملک کے علمی ارتقاء کے سلسلے میں دقیق منصوبہ بندی، پختہ عزم اور علمی ریسرچ کے میدان میں سنجیدگی کے ساتھ کام جاری رکھنا چاہیے۔
رہبر معظم کی مشہد کی فردوسی یونیورسٹی کے طلباء سے ملاقات
رہبر معظم انقلاب اسلامی حضرت آیت اللہ العظمی خامنہ ای نے مشہد کی فردوسی یونیورسٹی کے طلباء کے ولولہ انگیز اجتماع میں اپنے اہم خطاب میں انسان اور اس کی سماجی و شخصی ذمہ داریوں کے سلسلے میں اسلام اور مغرب کے نظریے میں بنیادی فرق کی وضاحت کی اور ملک کی پیشرفت کے لئے ضروری ماڈل کی شناخت پر تاکید کرتے ہوئے فرمایا: ملک کی پیشرفت و ترقی صرف اسلامی اور ایرانی نمونہ کی بنیاد پر ہی امکان پذير ہے اور یونیورسٹی و حوزہ کی متاز شخصیات کی سب سے اہم ذمہ داری یہ ہے کہ وہ اسلامی اصولوں کی بنیاد پرملک کی پیشرفت کے لئے ایک جامع نقشہ کی تدوین کریں ۔
رہبر معظم کی تاجیکستان کے صدر سے ملاقات
رہبر معظم انقلاب اسلامی حضرت آیت اللہ العظمی خامنہ ای نے آج صبح تاجیکستان کے صدر سے ملاقات میں فارسی زبان ممالک کے درمیان تعاون و ہمبستگی کو ان ممالک کی اندرونی توانائی کو مضبوط و مستحکم بنانے کا اہم عامل قراردیا۔
رہبر معظم کی ملک کے ہزاروں معلمین سے ملاقات
رہبر معظم انقلاب اسلامی حضرت آیت اللہ العظمی خامنہ ای نے آج صبح ملک کے ہزاروں معلمین سے ملاقات میں " تعلیم اور معلم" کو ایک بہت ہی با عظمت حقیقت اور خدا وند متعال اور انبیاء (ع)کے وجود مقدس اور ان کی شان کا مظہرقراردیا اور ملک و قوم کی تقدیر میں معلمین کے غیر معمولی اثرات کی طرف اشارہ کرتے ہوئے فرمایا: ہمدرد،محنتی اور ہنرمند معلمین کا معاشرے کی پیشرفت و ترقی میں مٹی کو سونے میں تبدیل کرنے سے بھی زیادہ اہم کردار ہے۔
رہبر معظم کی خارجہ رہنما پالیسی کونسل کے اراکین سے ملاقات
رہبر معظم انقلاب اسلامی حضرت آیت اللہ العظمی خامنہ ای نے آج خارجہ رہنما پالیسی کونسل کے اراکین سے ملاقات میں اس کونسل کی طرف سے بنیادی اور رہنما پالیسی تدوین کرنے کی کوششوں کو ملک کے مستقبل کے لئے مفید اور مؤثر قراردیتے ہوئے فرمایا: 20 سالہ منصوبہ کے اہداف تک پہنچنے کے معیاروں اور اصولوں کی تدوین اس کونسل کے اہم ترین وظائف میں شامل ہے۔
رہبر معظم کی ملک کے ہزاروں مزدوروں سے ملاقات
رہبر معظم انقلاب اسلامی حضرت آیت اللہ العظمی خامنہ ای نے آج ملک کے ہزاروں مزدوروں سے ملاقات میں اقتصادی پیشرفت میں مزدوروں کے کردار اور ان کےاہم نقش کی طرف اشارہ کرتے ہوئے فرمایا: حکومت کو مزدوروں اور سرمایہ گذاروں کے درمیان روابط کو منظم کرکے بالخصوص مزدوروں کے اندر پائي جانے والی تشویش کے احساس کو دور کرنا چاہیے اور سرمایہ گذاری کے ذریعہ ملک کی اقتصادی رونق کو بڑھانے کے اسباب فراہم کرنا چاہییں ۔
رہبر معظم کی فوج کے سربراہ اور بعض اعلی کمانڈروں سے ملاقات
رہبر معظم انقلاب اسلامی حضرت آیت اللہ العظمی خامنہ ای نے آج فوج کے سربراہ اور بعض اعلی کمانڈروں سے ملاقات میں انقلاب اسلامی کی کامیابی کے بعد فوج کے تشخص کو دینی اور انقلابی تشخص میں تبدیلی کو ایک بہت بڑی تبدیلی قراردیتے ہوئے فرمایا: فوج میں اس دینی اور انقلابی تشخص کی حفاظت کرنے ، دینداری کے جذبے کو مضبوط بنانے، انقلابی جذبہ ، خلاقیت ، راسخ عزم ، عوامی رابطہ ، خود اعتمادی ، بڑے کارناموں کو جرات و ہمت کے ساتھ سرانجام دینے کا ولولہ اور جوانوں کی خدا داد صلاحیتوں کو شکوفہ بنانے کے لئے راہیں ہموار کرنے کا سلسلہ قوت کے ساتھ جاری رہنا چاہیے۔
رہبر معظم کی اسلامی وحدت منشور کی تدوین پر تاکید
رہبر معظم انقلاب اسلامی حضرت آیت اللہ العظمی خامنہ ای نے سترہ ربیع الاول عید میلاد النبی (ص) اور حضرت امام جعفر صادق (ع) کی ولادت باسعادت کی مناسبت سے اعلی ایرانی حکام ، ایران میں اسلامی ممالک کے سفراء اور وحدت کانفرنس میں شریک مہمانوں سے ملاقات میں اس مبارک عید کے موقع پرتمام مسلمانوںنیزایرانی عوام کو مبارک باد پیش کی اور اسلامی تشخص کے احیاء ، اسلامی بیداری کی ناقابل انکار حقیقت اور عالم اسلام میں عزت و عظمت کی سمت حرکت ، استقلال اور علمی پیشرفت کی طرف اشارہ کرتے ہوئے فرمایا: آج عالم اسلام کی سب سے اہم ضرورت اور مسلمانوں کی تمام مشکلات کا حقیقی حل اتحاد اور اسلامی انسجام میں ہے اور اسی بنیاد پر مسلم علماء و مفکرین اور روشن خیال افراد کواسلامی وحدت منشور کو ایک تاریخی ضرورت کے عنوان سے تدوین کرنا چاہیے۔
