Xəbərlər
Ali Məqamlı Rəhbər 7 tir hadisəsində şəhid olmuş insanların, eləcə də Tehran şəhidlərinin ailə üzvləri ilə görüşdü
İslam İnqilabının Ali Məqamlı Rəhbəri Həzrət Ayətullah Xamenei 7 tir hadisəsi nəticəsində həlak olmuş insanların, eləcə də paytaxt Tehrandan olan şəhid və veteranların ailə üzvləri ilə bu gün (şənbə günü) səhər keçirdiyi görüşdə ölkə və cəmiyyətin şəhidlərin mesajını dərk edib daim izləməli olduqlarını vurğulayaraq bildirdi ki, xalq şəhidlərin nurlu və unudulmaz yoluna sadiq qalmaqda davam etdiyi müddətdə imperializmin məkrli planları da puç olmaqda davam edəcək.
Ali Məqamlı Rəhbər Məhkəmə Hakimiyyətinin sədri və rəsmiləri ilə görüşdü
İslam İnqilabının Ali Məqamlı Rəhbəri Həzrət Ayətullah Xamenei bu gün (bazar günü) səhər Məhkəmə Hakimiyyətinin sədri və yüksək vəzifəli rəsmiləri, habelə ostan mərkəzlərinin məhkəmə sədrləri və baş prokurorları ilə görüşdü.
Ali Məqamlı Rəhbər Xarici Əlaqələr Strateji Şurasının yeni üzvlərini təyin etdi
İslam İnqilabının Ali Məqamlı Rəhbəri Həzrət Ayətullah Xamenei Xarici Əlaqələr Strateji Şurasının yeni üzvlərinin təyin olunması barədə sərəncam imzaladı.
Ali Məqamlı Rəhbər Höccətül-İslam vəl-muslimin Fəşarəkinin vəfatı ilə əlaqədar başsağlığı müraciəti etdi
İslam İnqilabının Ali Məqamlı Rəhbəri Həzrət Ayətullah Xamenei Höccətül-İslam vəl-muslimin Fəşarəkinin vəfatı ilə əlaqədar olaraq, rəsmi başsağlığı müraciəti etdi.
Ali Məqamlı Rəhbər İmam Mehdi Sahibəzzamanın (ə.f) mübarək mövludu ərəfəsində bir qrup məhkumun cəzasını əfv etdi
İslam İnqilabının Ali Məqamlı Rəhbəri Həzrət Ayətullah Xamenei Həzrət Höccət ibn Həsən Əsgərinin (ə.f) mübarək mövludu ərəfəsində Ümumi və İnqilab Məhkəmələri, İqtisad Məhkəməsi və Hərbi Tribunal tərəfindən məhkum edilmiş 1052 nəfər məhkumun cəzasının əfvi, yaxud yüngülləşdirilməsi təklifinə razılıq verdi.
Ali Məqamlı Rəhbər “Darülhədis” müəssisəsinin elmi-tədqiqat işlərini əks etdirən sərgiyə baxış keçirdi
Bu gün (çərşənbə günü) – bəşəriyyətin xilaskarı Həzrət Sahibəzzamanın (ə.f) mübarək mövludu ərəfəsində İslam İnqilabının Ali Məqamlı Rəhbəri Həzrət Ayətullah Xamenei “Darülhədis” (Hədis evi) elmi müəssisəsində aparılan elmi-tədqiqat işlərini əks etdirən sərgiyə baxış keçirdi.
Ali Məqamlı Rəhbər Akademik Cihad Təşkilatının sədri, rəhbər işçiləri və təşkilatda təmsil olunan universitet xadimləri ilə görüşdü
İslam İnqilabının Ali Məqamlı Rəhbəri Həzrət Ayətullah Xamenei Akademik Cihad Təşkilatının sədri, rəhbər işçiləri və təşkilatda təmsil olunan universitet xadimləri ilə bu gün (bazar ertəsi) səhər baş tutan görüşündə qeyd etdi ki, ölkənin elmi hərəkatını düzgün kurs üzrə və sürətli templə davam etdirmək üçün cihad ruhlu əmək və idarəetməyə, dini-inqilabi tendensiyanın qorunması şərti ilə “Biz bacaracağıq!” ruhiyyəsinin gücləndirilməsinə, “Kompleks elmi plan” çərçivəsində mövqe və vəzifələrin dəqiqliklə müəyyən edilməsinə ehtiyac var.
Ali Məqamlı Rəhbər adsız şəhidlərin analarına müraciət etdi
İslam İnqilabının Ali Məqamlı Rəhbəri Həzrət Ayətullah Xamenei bu gün (bazar ertəsi) günortadan sonra Tehranın bütün mədəniyyət evlərində keçiriləcək “Gözü yolda qalan analar” adlı xüsusi tədbirlə əlaqədar olaraq, adsız şəhidlərin analarına sonsuz hörmət və qədirdanlıq ifadə etmək məqsədilə bu böyük ürəkli analara rəsmi müraciət etdi.
Ali Məqamlı Rəhbər xəstəxanada yatan Ayətullah Mehdəvi Kənini ziyarət etdi
İslam İnqilabının Ali Məqamlı Rəhbəri Həzrət Ayətullah Xamenei bu gün günortadan sonra Tehran xəstəxanalarından birində yatan Xubriqan Məclisinin sədri Ayətullah Mehdəvi Kəniyə baş çəkdi.
Ali Məqamlı Rəhbər İmam Xomeyninin (r.ə) vəfatının ildönümü günüdə xalqla görüşdü
İslam İnqilabının dahi memarı İmam Xomeyninin (r.ə) vəfatının 25-ci ildönümündə ölkənin dörd bir yanından axışıb gəlmiş Xomeynisevərlər o həzrətin nurlu məqbərəsi yaxınlığında misilsiz bir ehtişam, mübarizlik, qürur və İslam İnqilabının amallarına sevgi nümunəsi təcəssüm etdirdilər, İran xalqının haqq dünyasına qovuşmuş əziz liderinin ideya və amalları ilə bir daha sədaqət əhd-peymanı bağladılar.
Ali Məqamlı Rəhbər 31-ci Beynəlxalq Qurani-Kərim müsabiqəsində iştirak edən ustad, hafiz və qarilərlə görüşdü
Həzrət Zeynülabidin İmam Səccadın (ə) mübarək mövludu günündə İmam Xomeyni (r.ə) adına hüseyniyə Qurani-Kərimin ruhlandırıcı ayələrinin ürəkaçan ətri ilə doldu və 31-ci Beynəlxalq Qurani-Kərim müsabiqəsində iştirak edən yüksək səviyyəli ustad, hafiz və qarilər İslam İnqilabının Ali Məqamlı Rəhbəri Həzrət Ayətullah Xameneinin hüzurunda nurani bir Quran məclisi təşkil etdilər.
Ali Məqamlı Rəhbər müharibə əlillərini ziyarət etmək üçün nümayəndə heyətləri göndərdi
Bəni-Haşimin qəməri Həzrət Əbülfəzl Abbasın (ə) mübarək mövludu və bu münasibətlə ölkədə qeyd olunan Əlil və Veteranlar Günü ilə əlaqədar olaraq, bu gün (bazar ertəsi) səhər İslam İnqilabının Ali Məqamlı Rəhbəri Həzrət Ayətullah Xameneinin göndərdiyi 4 nümayəndə heyəti Tehranda yaşayan müharibə əlillərindən və veteranlardan bir neçəsini evlərində ziyarət edərək bu insanların səbir, rəşadət və dözümünə sonsuz sayğı ifadə etdilər.
Ali Məqamlı Rəhbər Küveyt əmiri və onu müşayiət edən nümayəndə heyəti ilə görüşdü
İslam İnqilabının Ali Məqamlı Rəhbəri Həzrət Ayətullah Xamenei Küveytin əmiri cənab Şeyx Sabah Əl-Əhməd Əl-Cabir Əs-Sabah və onu müşayiət edən nümayəndə heyəti ilə bu gün (bazar ertəsi) səhər keçirdiyi görüşdə Fars Körfəzi regionunun və bu regionun təhlükəsizliyinin son dərəcə əhəmiyyətli olduğunu qeyd edərək aşağıdakıları vurğuladı: “Regionun təhlükəsizliyi region ölkələrinin hamısı arasında müsbət və sağlam münasibətlərin təmin olunmasından asılıdır”.
Ali Məqamlı Rəhbər Höccətül-İslam vəl-muslimin Zərəndinin vəfatı ilə əlaqədar başsağlığı verdi
İslam İnqilabının Ali Məqamlı Rəhbəri Həzrət Ayətullah Xamenei mücahid alim Höccətül-İslam vəl-muslimin Hacı Şeyx Hüseyn Məsumi Zərəndinin vəfatı ilə əlaqədar rəsmi başsağlığı müraciəti etdi.
Ali Məqamlı Rəhbər dövlət rəsmiləri, müsəlman ölkələrinin səfirləri və xalqın müxtəlif təbəqələrini təmsil edən insanlarla görüşdü
Bu gün (çərşənbə axşamı) səhər – əziz İslam Peyğəmbəri Həzrət Məhəmmədin (səllallahu əleyhi və alihi və səlləm) peyğəmbərlik missiyası üçün göndərildiyi mübarək Məbəs bayramının ildönümündə İslam İnqilabının Ali Məqamlı Rəhbəri Həzrət Ayətullah Xamenei dövlət rəsmiləri, xalqın müxtəlif təbəqələrini təmsil edən insanlar, Beynəlxalq Quran Müsabiqəsində iştirak etmək üçün ölkəyə gəlmiş qonaqlar və müsəlman ölkələrinin səfirləri ilə görüş keçirdi.
Ali Məqamlı Rəhbər İslami Şura Məclisinin sədri və məclis üzvləri ilə görüşdü
İslam İnqilabının Ali Məqamlı Rəhbəri Həzrət Ayətullah Xamenei İslami Şura Məclisinin sədri və məclis üzvləri ilə bu gün (bazar günü) səhər baş tutan görüşündə qeyd etdi ki, antibəşər niyyətli imperialist cəbhəsi qarşısında duruş gətirməyin yeganə yolu bu cəbhəyə qarşı mübarizə məfkurəsini davam etdirməkdir.
Ali Məqamlı Rəhbər Məbəs günü münasibətilə əfv fərmanı imzaladı
Əziz İslam Peyğəmbərinin (səlləllahu əleyhi və alihi və səlləm) Məbəs günü, eləcə də Xürrəmşəhrin fəthi və qürurverici “Beytül-müqəddəs” əməliyyatının ildönümündə İslam İnqilabının Ali Məqamlı Rəhbəri Həzrət Ayətullah Xamenei Hərbi Tribunal tərəfindən mühakimə edilmiş 72 məhkumun cəzasının əfvi, yaxud yüngülləşdirilməsinə razılıq verdi.
Ali Məqamlı Rəhbər İmam Hüseyn (ə) adına Hərbi Akademiyanın buraxılış mərasimində iştirak etdi
Bu gün səhər – 3 xordad Xürrəmşəhrin fəthi və qürurverici “Beytül-müqəddəs” əməliyyatının ildönümü günündə İmam Hüseyn (ə) adına Hərbi Akademiyada Silahlı Qüvvələrin Ali Baş Komandanı Həzrət Ayətullah Xameneinin iştirakı ilə məzunların buraxılış mərasimi keçirildi.