Xəbərlər
Ali Məqamlı Rəhbər Şərqi Azərbaycan əhalisi ilə görüşdü
İslam İnqilabının Ali Məqamlı Rəhbəri Həzrət Ayətullah Xamenei Şərqi Azərbaycan ostanının Təbriz və digər şəhərlərinin minlərlə sakini ilə bu gün (bazar ertəsi) səhər keçirdiyi izdihamlı görüşdə 22 bəhmən yürüşündə və İslam İnqilabının 35-ci ildönümü ilə əlaqədar keçirilən irimiqyaslı tədbirlərdə öz milli iqtidarını möhtəşəm və əzəmətli şəkildə nümayiş etdirdiyinə görə böyük İran xalqına sonsuz təşəkkürünü bildirərək qeyd etdi ki, builki yürüşün verdiyi iki önəmli mesaj mübarizlik və vəhdət mesajlarıdır.
Ali Məqamlı Rəhbərin inqilabi ruhlu tələbə təşkilatlarına şifahi müraciəti
İslam İnqilabının Ali Məqamlı Rəhbəri Həzrət Ayətullah Xamenei inqilabi əhval-ruhiyyəli tələbə təşkilatlarına ünvanladığı şifahi müraciətdə qeyd edir ki, soyuq müharibə arenası Əmmarsayağı gözüaçıqlıq və Malik Əştərsayağı mətinlik tələb edir. O həmçinin soyuq müharibənin gənc zabitlərinə xitabən aşağıdakıları vurğulayır: “İmperializm sistemi ilə mübarizə aparmaq üçün bütün güc və imkanlarınızı səfərbər edin və bu yolda Uca Yaradanın vədlərinə əmin olun”.
Ali Baş Komandan Hərbi Hava Qüvvələrinin komandanları, rəsmiləri və şəxsi heyətdən olan bir qrup hərbçi ilə görüşdü
İslam İnqilabının ALi Məqamlı Rəhbəri Həzrət Ayətullah Xamenei İran İslam Respublikası Hərbi Hava Qüvvələrinin yüksək rütbəli zabitlərindən və sıravi heyətindən bir qrupu ilə bu gün (şənbə günü) səhər keçirdiyi görüşdə qeyd etdi ki, müstəqillik, işğalçı və müdaxiləçi dövlətlərə qarşı mübarizə kimi prinsiplər İslam İnqilabının əsas dayaqlarından biridir. O dedi: "Amerika rəsmilərinin qeyri-etik bəyanatları hər kəs üçün ibrətverici olmalıdır. İran xalqı son müzakirələri və həmin müzakirələr zamanı amerikalıların səsləndirdiyi fikirləri diqqətlə nəzərdən keçirməlidir".
Ali Məqamlı Rəhbər görkəmli din alimi Ayətullah Seyid Məhəmmədbaqir Müvəhhid Əbtəhinin vəfatı ilə əlaqədar başsağlığı verdi
İslam İnqilabının Ali Məqamlı Rəhbəri Həzrət Ayətullah Xamenei görkəmli din alimi Seyid Məhəmmədbaqir Müvəhhid Əbtəhinin vəfatı ilə əlaqdar olaraq rəsmi başsağlığı müracəti etdi.
Ali Məqamlı Rəhbər Fəcr dekadasının ilk günü İmam Xomeyni (r.ə) hərəmini və "Beheşte-Zəhra" şəhid məzarlığını ziyarət etdi
"Əyyamullah"ın (İslam İnqilabının Fəcr dekadasının) ilk günü - İmam Xomeyninin (r.ə) öz islami vətəninə qayıdışının ildönümündə, bu gün (şənbə günü) səhər mərhum İmam Xomeyninin (r.ə) qəbrini ziyarət edən Ali Məqamlı Rəhbər Həzrət Ayətullah Xamenei "Fatihə" oxuyaraq İran islam Respublikasının banisinin xatirəsini ehtiramla yad etdi.
Ali Məqamlı Rəhbər Türkiyənin baş naziri ilə görüşdü
İslam İnqilabının Ali Məqamlı Rəhbəri Həzrət Ayətullah Xamenei Türkiyənin baş naziri cənab Rəcəb Teyyib Ərdoğanla bu gün (çərşənbə günü) günortadan sonra baş tutan görüşündə iki ölkə arasında hazırda mövcud olan qardaşlıq, sevgi və dostluğun son bir neçə əsr ərzində misilsiz olduğunu qeyd edərək vurğuladı: “Hər iki tərəfin sahib olduğu geniş imkan və potensial ikitərəfli əlaqələrin mümkün qədər çox genişləndirilməsi və dərinləşdirilməsi üçün münbit zəmindir”.
Ali Məqamlı Rəhbər hökumət rəsmiləri, İslami Vəhdət Konfransının iştirakçıları və xalqın müxtəlif təbəqələrini təmsil edən insanlarla görüşdü
İslam İnqilabının Ali Məqamlı Rəhbəri Həzrət Ayətullah Xamenei Böyük İslam Peyğəmbəri Həzrət Mustafanın (s) tarixin axarını dəyişmiş mübarək mövludu, həmçinin İmam Cəfər Sadiqin (ə) bərəkət dolu mövludu ilə əlaqədar olaraq, hökumət rəsmilərindən bir qrupu, İslami Vəhdət Konfransının qonaqları və xalqın müxtəlif təbəqələrini təmsil edən insanlarla görüşdü. Görüş zamanı çıxış edən Ali Məqamlı Rəhbər İslam dünyasını sonuncu peyğəmbərin (s) gözləntilərini reallaşdırmağa çağıraraq aşağıdakıları vurğuladı: “Bu gün İslam dünyası üçün ən mühüm məsələ vəhdətdir. Bütün məkrli planlara baxmayaraq, vəhdət, gözüaçıqlıq və islami oyanış sayəsində İslam ümmətinin gələcəyi parlaq və ümidverici olacaq”.
Ali Məqamlı Rəhbər Həzrət Peyğəmbər (s) və İmam Cəfər Sadiqin (ə) mövludları münasibətilə əfv fərmanı imzaladı
Sonuncu peyğəmbər Məhəmməd Mustafanın (s) və İmam Cəfər Sadiqin (ə) mübarək mövludları münasibətilə Ali Məqamlı Rəhbər Ümumi və İnqilab Məhkəmələri, Hərbi Tribunal və İqtisadi Cinayətlər Məhkəməsi tərəfindən mühakimə edilmiş 878 məhkumun cəzasının əfvi, yaxud yüngülləşdirilməsi təklifini müsbət cavablandırdı.
Ali Məqamlı Rəhbər Avropadakı İslami Tələbə Təşkilatları Aliansına müraciət etdi
İslam İnqilabının Ali Məqamlı Rəhbəri Həzrət Ayətullah Xamenei Avropadakı İslami Tələbə Təşkilatları Aliansının 48-ci illik qurultayına ünvanladığı müraciətdə aşağıdakıları vurğulayır: “İran xalqının dünyanın müxtəlif universitetlərində təhsil alan övladları dəyərli fidanlar kimidir. Kökü vüqarlı ölkəsinin torpağına dayanan bu fidanlar vətəni və xalqı üçün gözəl bəhər yetirəcək”.
Ali Məqamlı Rəhbər yeni təyinatla bağlı sərəncam imzaladı
İslam İnqilabının Ali Məqamlı Rəhbəri Həzrət Ayətullah Xamenei imzaladığı yeni sərəncamda Höccətül-İslam Seyid Mehdi Qüreyşinin Urmiya şəhərinin imam-cüməsi və vəli-fəqihin Qərbi Azərbaycan ostanındakı nümayəndəsi təyin olunması barədə göstəriş verir, daha öncə həmin vəzifə postunu tutmuş Höccətül-İslam Həsəninin layiqli və inqilabi xidmətlərini, çəkdiyi zəhmətləri təqdir edir.
Ali Məqamlı Rəhbər Tehran Şəhər Şurasının üzvləri, şəhərin bələdiyyə başçısı və bələdiyyə rəsmiləri ilə görüşdü
İslam İnqilabının Ali Məqamlı Rəhbəri Həzrət Ayətullah Xamenei Tehran İslami Şurasının sədri və şura üzvləri, şəhər bələdiyyə başçısı, onun müavinləri və paytaxt Tehranın müxtəlif məntəqələrinin bələdiyyə üzvləri ilə bu gün (bazar ertəsi) günortadan əvvəl keçirdiyi görüşdə qeyd etdi ki, islami həyat tərzi atmosferinin yaradılması üçün paytaxt Tehranda tikilən binaların memarlıq üslubuna xüsusi diqqət yetirmək lazımdır. O vurğuladı: “Tehran meqapolisinin, həmçinin bütövlükdə ölkənin idarəçiliyinə ilahi niyyətlə, elm və müdrikliyə əsaslanaraq xalqa xidmət etmək psixologiyası, başqa sözlə desək, cihad əzmli idarəçilik ruhiyyəsi hakim olmalıdır ki, problemləri geridə qoyaraq irəli getmək mümkün olsun”.
Ali Məqamlı Rəhbər Qum əhalisi ilə izdihamlı görüş keçirdi
İslam İnqilabının Ali Məqamlı Rəhbəri Həzrət Ayətullah Xamenei bu gün (cümə axşamı) səhər Qumda din alimlərini, ruhaniləri və xalqın müxtəlif təbəqələrini təmsil edən minlərlə insanla görüşdü. Ali Məqamlı Rəhbər Qum əhalisi qarşısında etdiyi çıxışda vurğuladı ki, 1356-cı ilin 19 dey günü baş vermiş hadisənin mühüm aspektlərindən biri də ən çətin şəraitdə böyük iman və uzaqgörənlik əsasında təşəbbüs göstərmək, addım atmaq, hərəkət etməkdir. O həmçinin dedi: “Həmin gün Qumda baş vermiş hadisədən alınan ən böyük dərs budur ki, çətinlikləri uğurla geridə qoymaq üçün böyük imanla, düşmənə qarşı gözüaçıq olub onun düşmənçiliyini unutmayaraq xalqın daxili güc və təşəbbüsünə, gənclərin istedadına arxalanmaq, gözünü kənara dikməmək lazımdır”.
Ali Məqamlı Rəhbər Mazandaran ostanının 10 min şəhidinə həsr olunmuş konqresin təşkilatçıları ilə görüşdü
İslam İnqilabının Ali Məqamlı Rəhbəri Həzrət Ayətullah Xameneinin Mazandaran ostanının 10 min şəhidinə həsr olunmuş və 25.09.1392-ci il (16.12.2013) tarixində baş tutmuş konqresin təşkilatçıları ilə görüşü zamanı etdiyi çıxışın mətni bu gün (cümə axşamı) səhər Sari şəhristanının namaz salonunda oxundu.
Ali Məqamlı Rəhbər İslam İnqilabının sadiq dostu Seyid Əliəkbər Pərvərişin vəfatı ilə əlaqədar başsağlığı verdi
İslam İnqilabının Ali Məqamlı Rəhbəri Həzrət Ayətullah Xamenei İslam İnqilabının sadiq dostu Seyid Əliəkbər Pərvərişin vəfatı ilə əlaqədar olaraq, rəsmi başsağlığı müraciəti etdi.
Ali Məqamlı Rəhbər tələbə kollektivlərinin iştirak etdiyi ərbəin mərasiminə qatıldı
Ölkənin dörd bir yanından gəlmiş tələbə kollektivlərinin və İslam İnqilabının Ali Məqamlı Rəhbəri Həzrət Ayətullah Xameneinin iştirakı ilə Şəhidlər ağası Həzrət Əba Əbdillah Hüseynin (ə), habelə onun sadiq dost və silahdaşlarının şəhadətinin ərbəin (qırx) günü ilə əlaqədar təşkil olunmuş mərasim İmam Xomeyni (r.ə) adına hüseyniyəni başdan-başa Həzrət Hüseynə (ə) aid hiss və emosiyalarla doldurdu.
Ali Məqamlı Rəhbər Mədəni İnqilab Ali Şurasının sədri və şura üzvləri ilə görüşdü
İslam İnqilabının Ali Məqamlı Rəhbəri Həzrət Ayətullah Xamenei Mədəni İnqilab Ali Şurasının sədri və şura üzvləri ilə bu gün (çərşənbə axşamı) səhər keçirdiyi görüşdə mədəniyyət mövzusunun və Mədəni İnqilab Ali Şurasının mövqeyinin həyat əhəmiyyətli olduğunu açıqlayaraq şuranın qəbul etdiyi qərarların icrasının qarant altına alınması, mədəniyyət sahəsi ilə bağlı hökumət strukturlarının öhdəsinə düşən nəzarət və istiqamətləndirmə vəzifələri, mədəni təzahürlərə qarşı müdrik mövqeyin seçilməsi, universitetlərdə ardıcıl elmi inkişafın aparılması, humanitar elmlər sahəsində həyata keçiriləcək dəyişikliklərin əsaslarının işlənib hazırlanması, gözəl bir dil olan fars dilinin kənar təsirlərdən qorunması ilə bağlı mühüm məqamlara toxundu.
Ali Məqamlı Rəhbər İraqın baş naziri ilə görüşdü
İslam İnqilabının Ali Məqamlı Rəhbəri Həzrət Ayətullah Xamenei İraqın baş naziri cənab Nuri Maliki ilə bu gün günortadan əvvəl keçirdiyi görüşdə iki ölkə arasında siyasi və iqtisadi əlaqələrin gücləndirilməsinin əhəmiyyətini vurğulayaraq dedi: “Müxtəlif sahələrdə əməkdaşlığın günü-gündən artırılması üçün olduqca geniş zəmin mövcuddur və İraqla əlaqələrin inkişaf etdirilməsi, regional əməkdaşlığın genişləndirilməsi üçün heç bir maneə yoxdur”.
Ali Baş Komandan Ordunun Hərbi Donanmasının komandanları və rəsmiləri ilə görüşdü
Ali Baş Komandan Həzrət Ayətullah Xamenei İran İslam Respublikası Ordusunun Hərbi Donanmasının komandanları və rəsmiləri ilə bu gün (bazar günü) günorta keçirdiyi görüşdə İslam dövlətinin, İran xalqının və İran ordusunun tutduğu yüksək mövqeyə toxunaraq qeyd etdi ki, həqiqi tərəqqi və iqtidarın nişanəsi ağıllı, əzmkar və lazımi qədər şücaətli kadrların varlığıdır. O dedi: “Ordunun Hərbi Donanmasının başlıca hədəfi İran xalqına layiq, İslam dövlətinin ideallarına uyğun bir hərbi qüvvə formalaşdırmaq olmalıdır”.
