İslam İnqilabının Ali Məqamlı Rəhbəri Həzrət Ayətullah Xamenei şəhid Zeynəddin qardaşlarının atası Hacı Əbdülrəzzaq Zeynəddinin vəfatı ilə əlaqədar onun ailəsinə başsağlığı verdi.
İslam İnqilabının Ali Məqamlı Rəhbəri Həzrət Ayətullah Xamenei Asiyanın Quanqcu şəhərində keçirilən paraolimpiya oyunlarında İran İslam Respublikasını təmsil etmiş əlil və veteran idmançılara ünvanladığı müraciətdə onlara özünün təqdir və minnətdarlığını ifadə etdi.
Vəhdət və qürur rəmzi, təkallahlılıq və mənəviyyat simvolu olan Kəbə həcc mövsümündə dünyanın hər yerindən cəlil Allahın çağırışına cavab verib, “Ləbbeyk!” deyə-deyə İslamın beşiyi olan bu məkana tələsən həsrətli və ümidli qəlbləri qarşılayaraq ev sahibliyi edir. Hal-hazırda İslam ümməti dünyanın dörd bir yanından göndərdiyi, bu məkana gəlib toplaşmış nümayəndələrinin gözü ilə özünün nə qədər genişmiqyaslı və müxtəlif tərkibli olduğunun, təkallahlılıq əqidəsinə əsaslanan bu dinin ardıcıllarının qəlbinə nə qədər dərin imanın hakim kəsildiyinin kiçik bir mənzərəsini müşahidə edə, bu böyük və misilsiz sərvəti lazımınca dərk edə bilər.
Həzrət Ayətullah Xameneinin müqəddəs Qum şəhərinə 10 günlük səfərinin ardınca Ali Məqamlı Rəhbərlik Baş İdarəsi rəsmi müraciətlə şəhərin imanlı, gözüaçıq, istiqanlı və cəsur əhalisinə, habelə böyük mərcə-təqlidlərə, möhtərəm din alimlərinə, dəyərli ruhanilərə, ağıllı və uzaqgörən ruhani tələbələrə dərin təşəkkür və minnətdarlıq edərək ümidvar olduğunu bildirdi ki, Ali Məqamlı Rəhbərin səfər çərçivəsində müxtəlif görüşlər zamanı verdiyi tövsiyə və istiqamətləndirmələr Qum şəhərinin başdan-başa qürur və iftixar salnaməsi olan tarixində yeni bir fəslin başlanğıcı olacaq.
İslam İnqilabının Ali Məqamlı Rəhbəri Həzrət Ayətullah Xamenei övladının ölümü ilə əlaqədar olaraq, Ayətullah Hacı Seyid Həsən Tahiri Xorrəmabadiyə müraciət edərək başsağlığı verdi.
İslam İnqilabının Ali Məqamlı Rəhbəri Həzrət Ayətullah Xamenei ölkədə keçirilən XIX Milli Namaz Konfransına ünvanladığı müraciətdə İslam məscidlərini “dünya və axirətin çulğalaşdığı, fərdlə cəmiyyətin qovuşduğu bir məkan” adlandıraraq vurğuladı: “Harada yerləşməsindən asılı olmayaraq, məscidlər xeyir-bərəkət məkanı, təfsir və hədis məktəbi, ictimai və siyasi maarifləndirmə minbəri, moizə və əxlaqi tərbiyə ocağı olmalıdırlar”.
İslam İnqilabının Ali Məqamlı Rəhbəri Həzrət Ayətullah Xamenei Qurani-Kərimin Amerikada nifrətamiz şəkildə təhqir edilməsinin ardınca İran xalqına və böyük İslam ümmətinə mühüm bir müraciət etdi. Ali Məqamlı Rəhbər öz müraciətində Amerika dövləti daxilindəki sionist dairələri “insanda ikrah doğuran bu planın əsl layihəçiləri” adlandırdı, sionistlərin İslama və Qurana qarşı yürütdüyü düşmənçiliyin gizli məqsədlərini açıqlayaraq dedi: “Amerika dövləti bu məkrli plana heç bir aidiyyəti olmadığı barədə iddiasının doğruluğunu sübuta yetirmək üçün bu böyük cinayətin həqiqi başçılarını və onu meydanda həyata keçirmiş “aktyorları” layiqli cəzalarına çatdırmalıdır!”
Ali Məqamlı Rəhbərlik Baş İdarəsi sabahkı gün – şəhrivər ayının 19-cu günündə (10 sentyabr 2010-cu il) artıq şəvval ayının ilk günü və mübarək Ramazan bayramı olduğu haqda elan verdi.
İslam İnqilabının Ali Məqamlı Rəhbəri Həzrət Ayətullah Xamenei Yer kürəsində yaşayan bütün müsəlman xalqlarına etdiyi müraciətdə Pakistanda baş vermiş ağır sel faciəsinə, faciənin törətdiyi geniş miqyaslı xəsarətlərə toxundu, milyonlarla pakistanlı müsəlmanın təcili və təxirəsalınmaz yardıma ehtiyac duyduğunu qeyd edərək vurğuladı: “Bu təhlükəli vəziyyətdə müsəlman qardaşlığını rəhbər tutaraq, öhdəmizə düşən vəzifəyə əməl etməli, müsibətə düçar olmuş qardaş-bacılarımızın köməyinə tələsməliyik”.
İslam İnqilabının Ali Məqamlı Rəhbəri Həzrət Ayətullah Xamenei mübariz ruhani Höccətül-İslam vəl-muslimin Hacı Seyidtəqi Dorçeyinin vəfatı ilə əlaqədar başsağlığı müraciəti etdi.
Tanrının rəhmət və ziyafət ayı olan mübarək Ramazan ayı boyunca hər gün (cümə günlərindən başqa) İmam Xomeyni (r.ə) adına hüseyniyyədə İslam İnqilabının Ali Məqamlı Rəhbəri Həzrət Ayətullah Xameneinin imamətliyi ilə zöhr və əsr namazları qılınacaq.
İslam İnqilabının Ali Məqamlı Rəhbəri Həzrət Ayətullah Xamenei Konstitusiyanın 91-ci maddəsinə istinadən Konstitusiyanı Mühafizə Şurasının fəqihlərindən üçünü şuranın növbəti çağırışına üzv təyin etdi.
Mehriban və bağışlayan Allahın adı ilə! Mücahid alim Ayətullah Hacı Seyid Məhəmmədhüseyn Fəzlullahın (Allah ona rəhmət etsin!) vəfatı ilə əlaqədar möhtərəm Fəzlullah ailəsinə, mərhumun Livandakı, habelə Afrika və Latın Amerikasında yaşayan Livan əsilli icmalar arasındakı sadiq dostlarına, bütün Livan şiələrinə başsağlığı verirəm. Bu böyük və işgüzar alim din və siyasət meydanında özünəməxsus təsirə malik olan bir şəxsiyyət idi.
İslam İnqilabının Ali Məqamlı Rəhbəri Həzrət Ayətullah Xamenei Həzrət İmam Xomeyninin (r.ə) əziz kürəkəni cənab Ərabinin vəfatı ilə əlaqədar başsağlığı verdi.
Həzrət Fatimeyi-Zəhranın (s.ə) mübarək doğum günü ərəfəsində Məhkəmə Hakimiyyətinin sədri Ayətullah Amoli Laricani ötən il baş tutmuş və 42 milyon seçicinin iştirakı faktı ilə xalqın qəhrəmanlıq salnaməsinə yazılmış seçkilərdən sonra baş verən iğtişaşlar zamanı həbs olunaraq ümumi və inqilabi məhkəmələrdə mühakimə edilmiş, hazırda isə əməlindən peşman olmuş və amnistiya ilə bağlı müvafiq orqanlara xahiş ərizəsi ilə müraciət etmiş 81 məhkumun əfv edilməsi, yaxud cəzasının yüngülləşdirilməsi ilə bağlı İslam İnqilabının Ali Məqamlı Rəhbəri Həzrət Ayətullah Xameneiyə müraciət etdi. İslam İnqilabının Rəhbəri Məhkəmə Hakimiyyəti sədrinin bu müraciətini müsbət cavablandırdı.
İran İslam Respublikasının Ali Məqamlı Rəhbəri Həzrət Ayətullah Xamenei sionist rejiminin humanitar yardım aparan gəmi karvanına xəyanətkar və rəhmsiz hücumu ilə bağlı müraciətində İsrailin bu addımını beynəlxalq ictimaiyyətin rəyinə və Yer üzündəki hər bir insanın vicdan azadlığına edilən təcavüz kimi qiymətləndirərək təkidlə vurğuladı: “Bu gün artıq Fələstin təkcə nə ərəb, nə də İslam dünyasının problemi deyil. Fələstin məsələsi müasir dünyada bəşər hüquqları ilə bağlı ən mühüm bir problemdir. Bu iyrənc və despot rejimin himayədarları, xüsusilə Amerika, İngiltərə və Fransa törətdikləri əməllərə görə ciddi surətdə cavab verməlidirlər”.
İslam İnqilabının Ali Məqamlı Rəhbəri, Ali Baş Komandan Həzrət Ayətullah Xamenei keşikçi briqada generalı Əhmədi Moqəddəmin İran İslam Respublikasının Polis Qüvvələrinin Komandanı səlahiyyətlərini icra etməsi ilə bağlı verdiyi əmrin daha iki il müddətinə uzadılması barədə sərəncam verdi.
İslam İnqilabının Ali Məqamlı Rəhbəri, Ali Baş Komandan Həzrət Ayətullah Xamenei keşikçi briqada generalı Əkbər İbrahimzadənin Silahlı Qüvvələrin Baş Qərargahının sədrinin Bəsic İşləri üzrə müavini vəzifəsinə təyin olunması ilə bağlı sərəncam verdi.
İran İslam Respublikasının Ali Məqamlı Rəhbəri, Ali Baş Komandan Həzrət Ayətullah Xamenei keşikçi kontr-admiral Əli Fədəvinin İslam İnqilabı Keşikçiləri Korpusunun Hərbi Dəniz Donanmasının komandiri vəzifəsinə təyin edilməsi ilə bağlı fərman verdi.
Mübarək Novruz bayramı və yeni ilin gəlişi ‒ baharın başlanğıcı və təbiətin oyanışı münasibətilə geniş və sevimli diyarımızın dörd bir yanında yaşayan əziz həmvətənlərimizi, habelə dünyanın istənilən nöqtəsində olan, arzu və həsrət gözünü doğma vətənə dikmiş iranlıları, xüsusilə də ölkəmizin və İslam İnqilabının uca amalları uğrunda böyük fədakarlıqlar etmiş, canını, gənc övladlarını bu əzəmətli inqilabın uğrunda, ölkəmizin vüqarı naminə qurban vermiş qardaş və bacılarımızı, əziz şəhidlərimizin, əlil və veteranlarımızın ailə üzvlərini, ölkəmizin və dövlətimizin başıucalığı uğrunda çalışıb zəhmət çəkən bütün fədakar insanları səmimi-qəlbdən təbrik edirəm.